Pa nõ lo Jeremi Takɨdɔt
Takɨdɔt
Pa nõ lo Jeremi, i pa kamkɔl kaglo'n de oin. Kam ɓalt kɨ 587 kete nõ kooj Jeju Krist ngar kɨ Babilon, Nebukadnesar ɗe taa Jerusalem. Ndah horr ɓe ho, tuj kuj ndub Luwah, hɔ ngar dangait kɨ gaj deg kɨ kam ɓet na aw sed ɓe ɓert. Lot'n non la kõɓe kɨ Juda goton ho ye.
Kam maktub Pa nõt, de madɨn, de gera jeje al, ɔrr pa nõn ɓebo Jerusalem in tuj. Kɨ kõɓe kɨ Juda'n goto tɔ. Ndɨnga ron kɨ tuj kɨbobe'n so dɔ girrdegt lon kamt, mbagɨrɨn kɨ letɨrg kɨ kam Alpabet kɨ ta hebre i titbe ɗob nina kɨ 1, 2 kɨ 4 awɨn kɨ njɔra 22. Kɨtɔ kɔr Alpabe kɨ ta hebre i letɨr 22 ho. Kam ɗob nina 3.
Kam maktub pa nõt. Jerusalem a kunɨna ɓebo Siõ. Siõ i tɔn Juipg a ndun ne ɓebo Jerusalem ad i ɓebo lo Luwah.
Kam maktub pa nõt, de'n ndang maktub 'nten el an i Bɨraɓe la ɗe nda ɔj deg lon kɨ ji madngétag Juda ye (oo ɗob niina 2 ho lo mbagɨr ɗob ninat kɨ 3). Deg lo Luwah kon kɨ dɔat ndɨjen na ta ngãi elɨn an i titbãi kam Luwah oi dɔd ad mbetd na nyad kɨ ji degt kɨ gerɨna ad ɗan sed ta kõ (Pnl 5:20-22). Tag kɨ ndɨje titbe ye j'a kɨ ngah kam maktubt lo Job kɨ Paag kam tagt kɨ kel kɨ Luwah.
Nõ ɗa nya ad tuj kɨbobe son dɔ degt lo Luwah a? Ngan Israel ĩn kɨɓe la ɗan nya ad tuj 'nten teen dɔdt ye. Majal'n ɗan ye Luwah tɔrrjin girrdt par kɨnõt e? Ngan Israel ndahn kamd dɔ Luwaht ke neni ɗa majal kɨ tit bãi kaa ne, tar lo Luwah i kɨbo tɔi wong kɨ tɔlsɔkɨr loa. Kɨtɔ 'nten nyan takel sia ta al kad ɗe Kanag ug ɔrrd kam kamkɔlt.
Currently Selected:
Pa nõ lo Jeremi Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.