Pa nõ lo Jeremi 2
2
Bɨraɓe gangta do Jerusalemt
1Oo tit'n Bɨraɓe
ut dɔ ɓebo
Siõ kɨ wong lon
kɨ kilndii
ɔsɨ tɔko lo Israel
ko dõ laa ningt,
ga do kombert lon
kam ndo wongt lon al.
2Bɨraɓe nuj londɨ
Jakob tube
kanj kookumtondo,
kam wongt loa
kɨtɔlsɔkɨr
tet lo yaro kɨngang
lo ngon kɨdẽ kɨ Juda,
tɔsɨ tɨlad ningt
kɨ rosɔl do kõɓet
kɨ mbaiɓeg loa.
3Kam wongt loa
kɨtɨngabil
tet tɔg lo Israel tube,
ɔr jikõn rodt
ko nõ madngétat,
tuj Jakob tit horr
in oon nyag tube
gug dɔ gej.
4Nda jin do gant
tit madngéta be.
Un jikõn kɨ dõ
tit ngendoor be.
Tɔl ĩgɨn majɨn kɔ
takumjt tube kɔ,
ad wong lon
kɨtɨngabil õ kujkub
lo ngon kɨdẽ kɨ Siõ.
5Bɨraɓe tel ron
tit madngéta,
tuj Israel kɔ,
nuj kujkõɓeg loa tube,
tuj kujg loa kɨngang
ad i ndɔ kɨ hɔ
kɨ non kɨtõ ɗusɨɗusɨ
bɨlan kɨdɔtdɔt
kam ngon kɨdẽt kɨ Juda.
6Nuj londɨn kɔ
tit kɨnga be,
tuj lo ɗa nahg lon,
Bɨraɓe ad kam ngendɨ Siõ
woi do nahg
kɨ ndɔ taakòg.
Kam wongt lon
kɨtɨngabil mbet
ngar kɨ ngejanyamosɨ.
7Bɨraɓe nya dɨngɨr lon kɔ,
mbet lo kɨjaɓat lon tɔ,
ad ndogbɔrr
kɨ kujkõɓet kɨ Siõ
ji madngétat.
Kon ngãibe
kam kujt lo Bɨraɓe
tit kam ndɔ naht be.
8Bɨraɓe ɔj ta
tuj ndogbɔrr
lo ɓe kɨ Siõ,
mbɔja kɨ kɨla,
ɔrr jin kɨgog dɔ
nujkɔt loa al
ad ndogbɔrr kɨ
kujngomdlog kɨdɔ
a hɔn ndo,
ĩn tujoo rod oi siw.
9Tabitag tetɨn kɨningt,
Bɨraɓe tet handag,
nujd Ngar
kɨ mbaiɓeg loa ĩn kɨtɨnda
tĩ ku girrdegt,
mberkɨnda goto.
Ngekelta kɨta Luwaht
oon nya kam
ndilt kokɨro Bɨraɓet al.
10Kumkɔg lo ɓebo Siõ
ndɨn dɔningt tad mbo
oin bu dɔdt, lan kub hɔndo,
ngamandg kɨ Jerusalem
lan dɔd kɨningt.
11Kumm mẽ
kɨta man nõ,
rom ndad,
kamm gang man
kɨta nujkɔ lo ngon
kɨdẽ lo deg lom,
kɨta ɗɔɔ ngan kɨdug
kɨ ngan kɨ kasɨg
ndɨ oi yelel
dɔ ɗobgt lo ɓebo.
12Ndɨ kon kɨdɔ
kõdgt anan:
nya sa kɨ nyakãi
ĩn ɗah a?
Lon ndɨ tuson tit deg
kɨ ngahn do be
dɔ ɗobgt,
tamd ndɨ tĩ,
ko kad kõdgt.
13Ka m'el m'an ɗi a?
Kɨ nya kɨ ɗi m'a m'ɔjɨn
Jerusalem a?
Ɗi m'a m'ɔjɨn
kad sɔlɨn kami a,
i ngomand, ɓebo Siõ.
Kɨtɔ tuj kɔ loi i kɨbo
tit bahbo be.
Nõ asɨ yooti a?
14Ngekelta kɨta Luwaht loi
oon nyag kɨpãbe
kɨ kɨngom kam ndilt,
elɨn ta do ɗagootalt loi
kɨtɨga wang al kad
kɨ n'ɔgɨn kaw ɓert,
elɨn ta kɨpãbe
kɨ kɨlo goolt.
15Deg tube ngetɔi dɔ ɗobt
ndan jid, kɔrrɨn ngol,
gan dɔd misɨmisɨ
kɨdɔ Jerusalemt, anan:
In ɗan i ɓebo'n
deg a kunɨna
Majkoo kɨkasɨnatap
ronel lo dɔning
kɨtaagbe ale?
16Madngétaig tube
teen gã tad kɨ dɔit,
kɔrri ngol,
dõn ngangd,
kon anan:
Jĩ kɨ tuja ko ã,
'nten i ndɔ ĩn
kɨ ndah kamj dɔat,
kɨ ngaah na kɨ ndɨ kɨ j'ooa.
17Bɨraɓe tɔlkon
kɔjtaɗa lon,
tɔlkon ta'n
nda mbera maɗi nu.
Nuj kɨkanj
kookumtondo ad
madngéta ɗa ronel dɔit,
tɔi tɔg madngétai kɨ dõ.
18Kon kɨ ngarkamd
dɔ Bɨraɓet,
i ndogbɔrr lo Siõ,
ad man nõ ɗe
kumit ndɔ ho,
kàda ho
tit man kɨ nun be,
ad roi ta ko al,
ad kumi nya ta nõ al tɔ.
19I ɓai dõ,
i ko kam kondot
dɔkàd ngomlo
kɨdasa kɨ ndɔ.
Ad kami gang man
nõ Bɨraɓet,
i la jii kɨ dõ kɨroat
kɨta kumkajir lo ngani
ĩgɨn ɓoo ndɨ tɔld
dɔ ɗobgt.
20A Bɨraɓe, i nɔl oo,
nõ i ɗa sia nya
kɨ titbe a?
Sumba kad dekɨdẽg
san ngandg a?
Ngang ĩn ndin sed jidt.
Sumba kad tɔlɨn
ngejanyamosɨ
kɨ ngekelta kɨta Luwaht
kam lot lo Bɨraɓe
kɨjaɓat a?
21Ngon kɨ bɨga
de ton ningt do ɗobgt,
ngamandg lom
kɨ basag lom son
ta nyakat't.
I tɔld kam
ndɔ wongt loi
i tɔld kɨkanj
kookumtondo.
22I kun nyag
kɨkootɓool
kɨ lo kɨɗen
kɨdɔmt tit ndɔ nah be.
Ndo wongt lo Bɨraɓe,
de kɨ tee ãi
ke ndɨ kɨ dɔa dõ goto.
Ĩgɨn m'ngomd
na m'tɔd ye,
madngétam tɔld kɔ.
Currently Selected:
Pa nõ lo Jeremi 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Pa nõ lo Jeremi 2
2
Bɨraɓe gangta do Jerusalemt
1Oo tit'n Bɨraɓe
ut dɔ ɓebo
Siõ kɨ wong lon
kɨ kilndii
ɔsɨ tɔko lo Israel
ko dõ laa ningt,
ga do kombert lon
kam ndo wongt lon al.
2Bɨraɓe nuj londɨ
Jakob tube
kanj kookumtondo,
kam wongt loa
kɨtɔlsɔkɨr
tet lo yaro kɨngang
lo ngon kɨdẽ kɨ Juda,
tɔsɨ tɨlad ningt
kɨ rosɔl do kõɓet
kɨ mbaiɓeg loa.
3Kam wongt loa
kɨtɨngabil
tet tɔg lo Israel tube,
ɔr jikõn rodt
ko nõ madngétat,
tuj Jakob tit horr
in oon nyag tube
gug dɔ gej.
4Nda jin do gant
tit madngéta be.
Un jikõn kɨ dõ
tit ngendoor be.
Tɔl ĩgɨn majɨn kɔ
takumjt tube kɔ,
ad wong lon
kɨtɨngabil õ kujkub
lo ngon kɨdẽ kɨ Siõ.
5Bɨraɓe tel ron
tit madngéta,
tuj Israel kɔ,
nuj kujkõɓeg loa tube,
tuj kujg loa kɨngang
ad i ndɔ kɨ hɔ
kɨ non kɨtõ ɗusɨɗusɨ
bɨlan kɨdɔtdɔt
kam ngon kɨdẽt kɨ Juda.
6Nuj londɨn kɔ
tit kɨnga be,
tuj lo ɗa nahg lon,
Bɨraɓe ad kam ngendɨ Siõ
woi do nahg
kɨ ndɔ taakòg.
Kam wongt lon
kɨtɨngabil mbet
ngar kɨ ngejanyamosɨ.
7Bɨraɓe nya dɨngɨr lon kɔ,
mbet lo kɨjaɓat lon tɔ,
ad ndogbɔrr
kɨ kujkõɓet kɨ Siõ
ji madngétat.
Kon ngãibe
kam kujt lo Bɨraɓe
tit kam ndɔ naht be.
8Bɨraɓe ɔj ta
tuj ndogbɔrr
lo ɓe kɨ Siõ,
mbɔja kɨ kɨla,
ɔrr jin kɨgog dɔ
nujkɔt loa al
ad ndogbɔrr kɨ
kujngomdlog kɨdɔ
a hɔn ndo,
ĩn tujoo rod oi siw.
9Tabitag tetɨn kɨningt,
Bɨraɓe tet handag,
nujd Ngar
kɨ mbaiɓeg loa ĩn kɨtɨnda
tĩ ku girrdegt,
mberkɨnda goto.
Ngekelta kɨta Luwaht
oon nya kam
ndilt kokɨro Bɨraɓet al.
10Kumkɔg lo ɓebo Siõ
ndɨn dɔningt tad mbo
oin bu dɔdt, lan kub hɔndo,
ngamandg kɨ Jerusalem
lan dɔd kɨningt.
11Kumm mẽ
kɨta man nõ,
rom ndad,
kamm gang man
kɨta nujkɔ lo ngon
kɨdẽ lo deg lom,
kɨta ɗɔɔ ngan kɨdug
kɨ ngan kɨ kasɨg
ndɨ oi yelel
dɔ ɗobgt lo ɓebo.
12Ndɨ kon kɨdɔ
kõdgt anan:
nya sa kɨ nyakãi
ĩn ɗah a?
Lon ndɨ tuson tit deg
kɨ ngahn do be
dɔ ɗobgt,
tamd ndɨ tĩ,
ko kad kõdgt.
13Ka m'el m'an ɗi a?
Kɨ nya kɨ ɗi m'a m'ɔjɨn
Jerusalem a?
Ɗi m'a m'ɔjɨn
kad sɔlɨn kami a,
i ngomand, ɓebo Siõ.
Kɨtɔ tuj kɔ loi i kɨbo
tit bahbo be.
Nõ asɨ yooti a?
14Ngekelta kɨta Luwaht loi
oon nyag kɨpãbe
kɨ kɨngom kam ndilt,
elɨn ta do ɗagootalt loi
kɨtɨga wang al kad
kɨ n'ɔgɨn kaw ɓert,
elɨn ta kɨpãbe
kɨ kɨlo goolt.
15Deg tube ngetɔi dɔ ɗobt
ndan jid, kɔrrɨn ngol,
gan dɔd misɨmisɨ
kɨdɔ Jerusalemt, anan:
In ɗan i ɓebo'n
deg a kunɨna
Majkoo kɨkasɨnatap
ronel lo dɔning
kɨtaagbe ale?
16Madngétaig tube
teen gã tad kɨ dɔit,
kɔrri ngol,
dõn ngangd,
kon anan:
Jĩ kɨ tuja ko ã,
'nten i ndɔ ĩn
kɨ ndah kamj dɔat,
kɨ ngaah na kɨ ndɨ kɨ j'ooa.
17Bɨraɓe tɔlkon
kɔjtaɗa lon,
tɔlkon ta'n
nda mbera maɗi nu.
Nuj kɨkanj
kookumtondo ad
madngéta ɗa ronel dɔit,
tɔi tɔg madngétai kɨ dõ.
18Kon kɨ ngarkamd
dɔ Bɨraɓet,
i ndogbɔrr lo Siõ,
ad man nõ ɗe
kumit ndɔ ho,
kàda ho
tit man kɨ nun be,
ad roi ta ko al,
ad kumi nya ta nõ al tɔ.
19I ɓai dõ,
i ko kam kondot
dɔkàd ngomlo
kɨdasa kɨ ndɔ.
Ad kami gang man
nõ Bɨraɓet,
i la jii kɨ dõ kɨroat
kɨta kumkajir lo ngani
ĩgɨn ɓoo ndɨ tɔld
dɔ ɗobgt.
20A Bɨraɓe, i nɔl oo,
nõ i ɗa sia nya
kɨ titbe a?
Sumba kad dekɨdẽg
san ngandg a?
Ngang ĩn ndin sed jidt.
Sumba kad tɔlɨn
ngejanyamosɨ
kɨ ngekelta kɨta Luwaht
kam lot lo Bɨraɓe
kɨjaɓat a?
21Ngon kɨ bɨga
de ton ningt do ɗobgt,
ngamandg lom
kɨ basag lom son
ta nyakat't.
I tɔld kam
ndɔ wongt loi
i tɔld kɨkanj
kookumtondo.
22I kun nyag
kɨkootɓool
kɨ lo kɨɗen
kɨdɔmt tit ndɔ nah be.
Ndo wongt lo Bɨraɓe,
de kɨ tee ãi
ke ndɨ kɨ dɔa dõ goto.
Ĩgɨn m'ngomd
na m'tɔd ye,
madngétam tɔld kɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.