Pa nõ lo Jeremi 1
1
Kamkɔl lo Jerusalem
1Aa, ɓebo'n maɗi
deg ɗoosɨn kama ye,
Ɗi ɗa nya hã tel got ɓe?
Tel tit ɓe kɨ deg nyana kɔ
Tel tit ngengawkoi,
ɓebo'n kete i kɨbo
ku girrdegt.
Kete i ngar kɨdẽ
dan girrdegt
kɨ dang dang
na tajigla tel ngekɨlaɓer
kɨlo ngetɔgt.
2Nõ ngãibe ndɔ mbã man
non ɗe takumat
ku ngenõgt loa tube
kɨkete kɨ
kɨɗa kɨ sɔl kama goto,
namag tube ɗan sia nya
kɨlo ndokumt
telɨn madngétaag.
3Juda aw ɓer kɨta kamkil
kɨ kɨlaɓer kɨbobe,
ndɨ dan girrdegt tajigla
na ngah lo taakò al.
Ngetuɓa goa son dɔat
dan kamkɔlt.
4Ɗobg kɨ kaw Siõ
hɔn ndo kɨta
de kɨ kaw lo nahgt goto.
Tabitg loa tube nujɨn
ngejanyamosɨ loa ndɨ
tõn ɗusɨɗusɨ
ɔrrɨn ngamandg loa
ko kɨlo ngetɔgt,
roa ata kanrãrã.
5Ngendoora telɨn bɨradɔg,
madngétaag ngahn maj
kɨta Bɨraɓe ada daiyo
kɨta tɔidɔ tag loa kɨngãi,
ngana awɨn ɓert nõ
madngétat.
6Tɔko lo ɓebo Siõ tube goto,
mbaiɓeg loa tit'n kɨ kalg ĩgɨn
ngahn lo sanya al,
ãin na nõ ngetuɓadt
na tɔgd asɨ al.
7Kam ndɔ kamkɔlt loa
Jerusalem
ga kamɨn dɔ nyamajgt
lon kɨmaɗi.
Lon deg loa
son ji madngétadt
na ngeɗased goto
madngétaag oona
na gon dɔat lo sot loa.
8Jerusalem
ɗa majal kɨdɔtdɔt,
kɨta 'nten la
telɨn nya kɨyerr.
Deg tube'n
ɔsɨn gona maɗi ye
kidɨna lon oon roa kɨkari.
Ã, in kɨɓe kɨdɔn
tõn ɗusɨɗusɨ
na turta kumɨn kɔ.
9Nyaɗaa kɨyerr
i ta kubt loa
na ga kamɨn
dɔ dɔboint al.
Kɨtɔ 'nten soa
i nya kɨya
na ngesɔlkam a goto.
A Bɨraɓe,
oo kumtondo lom
kɨta madngéta
i kɨtɔi kɨ dõ.
10Madngéta nda jin
dɔ nyamajgt
lo Jerusalem tube.
Ã, oo girrdeg andɨn
kam lot loa kɨjaɓat
deg ĩgɨn i ɔgd
kad andɨn dan
ngékawnat loi.
11Deg loa tube
ndɨ tõn ɗusɨɗusɨ,
ndɨ sahn nyasa,
adɨn nyamajg lod
kɨ gatd i ngãi
kɨta nyasa kad
ngahn ne tɔg.
A Bɨraɓe,
i oo tit'n mĩ'n nya kɨkid.
12I nya mad al
takumsɨt a,
ĩn tube ngetoi nẽbe.
I nɔlɨn oon
ke kamkil mad
i nõ tit'n kamkil lom a?
Kɨta nya'n
Bɨraɓe ɗa sem
kam ndɔ wongt lon
kɨtɔlsɔkɨr.
13La kɨ horr ko dõ dɔrãt
ad oon kɨngam
Ya gum girr njamt
ad m'so kɨ gidm,
ad m'tel nya kɨtuj.
Rom oi yelel
kɨndɔgndɔg.
14Jia ɗa ad
ɗagootalg lom telɨn jug,
dɔd kɨnat la kõmt
ad tɔgɨm goto.
Bɨraɓe lam ji
ĩgɨtɨn hã m'asɨ
ɗa bijir nõdt al.
15Bɨraɓe ad gõɗɔɔg lom
tube son kammt,
kaw ngéɗɔɔ tube kɨnat
ndoorɨm kad nujɨn
basag lom.
Bɨraɓe ɓa ngomand
kɨ Juda mbujmbuj
tit'n de a ɓan
kand nduu lo baat.
16Kɨtɔ nyag 'nten la
m'ndɨ m'non
ad man non ɗe kummt,
kɨta ngesɔlkam
i sãi sem,
ngekadɨm kumkajir.
Nganɨm son ndot
kɨta madngéta dum dɔd.
17Siõ la jin
na ngesɔlkam a goto,
Bɨraɓe ɓai
kɨ madngéta Jakob
tube'n gugɨn dɔa
ad ndoorɨna.
Jerusalem tel
nya kɨyerr dandt.
18Bɨraɓe
i ngeɗadenesew
kɨta m'taa ɗɔɔ
mberkɨnda loa.
Oon dɔ,
m'ndɨ m'kɔsɨ
ĩn deg tube,
oon kamkil lom.
Ngamandg lom
kɨ basag lom awɨn ɓert.
19M'kun namg
na goolmin ta gool
ngejanyamosɨ lom
kɨ kɨbog lom oin kam ɓebot
lon ndɨ sahn nyasa
kad ndin ne kɨ dɔd dõ.
20A Bɨraɓe,
oo kamkɔl lom,
rom ndad yatata
kamm gang man
kɨta m'ta ro ngãibe.
Ko tɨga nyakat tɔl deg
na koi i kam kujt.
21Deg oon dɔ
tõn ɗusɨɗusɨ lom
na ngesɔlkam goto,
madngétam tube oon hoi
nyakɨto in tee dɔmt
na ɗan ronel
kɨta i ɗa sem titbe.
I ɗe kɨ ndɔ in
i nda mbera kɨtakad
ĩn tit mĩ be.
22Ad majalkɨɗa lod
tube ɗe nõit,
i ɗa sed tit'n
i ɗan sem kɨta
tɔidɔtag lom.
Tõ ɗusɨɗusɨ lom
i ngãi ad mĩ kɨ kamkil.
Currently Selected:
Pa nõ lo Jeremi 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Pa nõ lo Jeremi 1
1
Kamkɔl lo Jerusalem
1Aa, ɓebo'n maɗi
deg ɗoosɨn kama ye,
Ɗi ɗa nya hã tel got ɓe?
Tel tit ɓe kɨ deg nyana kɔ
Tel tit ngengawkoi,
ɓebo'n kete i kɨbo
ku girrdegt.
Kete i ngar kɨdẽ
dan girrdegt
kɨ dang dang
na tajigla tel ngekɨlaɓer
kɨlo ngetɔgt.
2Nõ ngãibe ndɔ mbã man
non ɗe takumat
ku ngenõgt loa tube
kɨkete kɨ
kɨɗa kɨ sɔl kama goto,
namag tube ɗan sia nya
kɨlo ndokumt
telɨn madngétaag.
3Juda aw ɓer kɨta kamkil
kɨ kɨlaɓer kɨbobe,
ndɨ dan girrdegt tajigla
na ngah lo taakò al.
Ngetuɓa goa son dɔat
dan kamkɔlt.
4Ɗobg kɨ kaw Siõ
hɔn ndo kɨta
de kɨ kaw lo nahgt goto.
Tabitg loa tube nujɨn
ngejanyamosɨ loa ndɨ
tõn ɗusɨɗusɨ
ɔrrɨn ngamandg loa
ko kɨlo ngetɔgt,
roa ata kanrãrã.
5Ngendoora telɨn bɨradɔg,
madngétaag ngahn maj
kɨta Bɨraɓe ada daiyo
kɨta tɔidɔ tag loa kɨngãi,
ngana awɨn ɓert nõ
madngétat.
6Tɔko lo ɓebo Siõ tube goto,
mbaiɓeg loa tit'n kɨ kalg ĩgɨn
ngahn lo sanya al,
ãin na nõ ngetuɓadt
na tɔgd asɨ al.
7Kam ndɔ kamkɔlt loa
Jerusalem
ga kamɨn dɔ nyamajgt
lon kɨmaɗi.
Lon deg loa
son ji madngétadt
na ngeɗased goto
madngétaag oona
na gon dɔat lo sot loa.
8Jerusalem
ɗa majal kɨdɔtdɔt,
kɨta 'nten la
telɨn nya kɨyerr.
Deg tube'n
ɔsɨn gona maɗi ye
kidɨna lon oon roa kɨkari.
Ã, in kɨɓe kɨdɔn
tõn ɗusɨɗusɨ
na turta kumɨn kɔ.
9Nyaɗaa kɨyerr
i ta kubt loa
na ga kamɨn
dɔ dɔboint al.
Kɨtɔ 'nten soa
i nya kɨya
na ngesɔlkam a goto.
A Bɨraɓe,
oo kumtondo lom
kɨta madngéta
i kɨtɔi kɨ dõ.
10Madngéta nda jin
dɔ nyamajgt
lo Jerusalem tube.
Ã, oo girrdeg andɨn
kam lot loa kɨjaɓat
deg ĩgɨn i ɔgd
kad andɨn dan
ngékawnat loi.
11Deg loa tube
ndɨ tõn ɗusɨɗusɨ,
ndɨ sahn nyasa,
adɨn nyamajg lod
kɨ gatd i ngãi
kɨta nyasa kad
ngahn ne tɔg.
A Bɨraɓe,
i oo tit'n mĩ'n nya kɨkid.
12I nya mad al
takumsɨt a,
ĩn tube ngetoi nẽbe.
I nɔlɨn oon
ke kamkil mad
i nõ tit'n kamkil lom a?
Kɨta nya'n
Bɨraɓe ɗa sem
kam ndɔ wongt lon
kɨtɔlsɔkɨr.
13La kɨ horr ko dõ dɔrãt
ad oon kɨngam
Ya gum girr njamt
ad m'so kɨ gidm,
ad m'tel nya kɨtuj.
Rom oi yelel
kɨndɔgndɔg.
14Jia ɗa ad
ɗagootalg lom telɨn jug,
dɔd kɨnat la kõmt
ad tɔgɨm goto.
Bɨraɓe lam ji
ĩgɨtɨn hã m'asɨ
ɗa bijir nõdt al.
15Bɨraɓe ad gõɗɔɔg lom
tube son kammt,
kaw ngéɗɔɔ tube kɨnat
ndoorɨm kad nujɨn
basag lom.
Bɨraɓe ɓa ngomand
kɨ Juda mbujmbuj
tit'n de a ɓan
kand nduu lo baat.
16Kɨtɔ nyag 'nten la
m'ndɨ m'non
ad man non ɗe kummt,
kɨta ngesɔlkam
i sãi sem,
ngekadɨm kumkajir.
Nganɨm son ndot
kɨta madngéta dum dɔd.
17Siõ la jin
na ngesɔlkam a goto,
Bɨraɓe ɓai
kɨ madngéta Jakob
tube'n gugɨn dɔa
ad ndoorɨna.
Jerusalem tel
nya kɨyerr dandt.
18Bɨraɓe
i ngeɗadenesew
kɨta m'taa ɗɔɔ
mberkɨnda loa.
Oon dɔ,
m'ndɨ m'kɔsɨ
ĩn deg tube,
oon kamkil lom.
Ngamandg lom
kɨ basag lom awɨn ɓert.
19M'kun namg
na goolmin ta gool
ngejanyamosɨ lom
kɨ kɨbog lom oin kam ɓebot
lon ndɨ sahn nyasa
kad ndin ne kɨ dɔd dõ.
20A Bɨraɓe,
oo kamkɔl lom,
rom ndad yatata
kamm gang man
kɨta m'ta ro ngãibe.
Ko tɨga nyakat tɔl deg
na koi i kam kujt.
21Deg oon dɔ
tõn ɗusɨɗusɨ lom
na ngesɔlkam goto,
madngétam tube oon hoi
nyakɨto in tee dɔmt
na ɗan ronel
kɨta i ɗa sem titbe.
I ɗe kɨ ndɔ in
i nda mbera kɨtakad
ĩn tit mĩ be.
22Ad majalkɨɗa lod
tube ɗe nõit,
i ɗa sed tit'n
i ɗan sem kɨta
tɔidɔtag lom.
Tõ ɗusɨɗusɨ lom
i ngãi ad mĩ kɨ kamkil.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.