Jonas 2
2
Jonas elta kɨ Luwah kam ɓɔlɓoo kanjt, ad Luwah ug ɔrra
1Bɨraɓe ad kanj kɨbo ɗe ur Jonas yalɨm, na Jonas to kam ɓɔlɓoo
kanjt ndɔ mɨta kɨkàd mɨta,
2Kamla Jonas elta kɨ Bɨraɓe Luwah, lon ton kam ɓɔlɓoo kanjt,
3an: M'ko kɨdɔ Bɨraɓet dan kamkɔlt lom,
na oo dɔ kɔ lom;
m'ko kam lot kɨ koo, na oo dɔ ndim,
4Kɨtɔ i lam kam ɓul bahbot ngawden bahbot,
man tiw dɔm purum,
tɔg nũ mang loi tube kɨ ɔsɨmɨn pɨkapɨka utɨn dɔm.
5Kamla m'el m'an:
Mĩ kɨ la kɔ sãi takumit,
na m'a m'oo kuj loi kɨjaɓat gog ɓaitɔ.
6Man ut dɔm,
ɓul man tib dɔm purum,
mũg kɨ bah ɓindɨn kɨ dɔmt
7m'ɗisɨ mbã kɨ girr mbalbogt,
dɔning ut tan dɔmt mbãkɨnõt,
na adɨm m'ɓai ko kam holɓe
koit kɨ dɔm dõ, Bɨraɓe Luwah lom,
8Lon rom kɨkeme oi yelel ye,
m'ga dɔ Bɨraɓet,
ta'n m'el sei tee aw roit
mbã kam kujt loi kɨjaɓat.
9Ngéhɔ go yog kɨpãbe
nyan go Ngekɔjd kamkẽ
10Na mĩ, m'a m'la kadkarig kɨjakɔ m'adi nat ndɨ ndub;
m'a m'ba nya'n m'un kɔm kɨ m'adi nõ nat kɨ yokɨnda,
kaj a ɗe kokɨro Bɨraɓet.
11Na Bɨraɓe elta kɨkanj ad tɔm Jonas kɔ dɔningt kɨtut.
Currently Selected:
Jonas 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
