Ejai 7
7
Bɨraɓe la Ejai ngekelta kɨ ta Luwaht ro ngar Akajt
1Kaglot lo Akaj ngon Jotam, ngon Ojias, ngar kɨ Juda, Resin ngar kɨ Siri, kɨ Pekah ngon Remalia ngar kɨ Israel aw ɗɔɔn kɨ Jerusalem, na asɨ teta al. 2Ɔrrɨn hoia ngékɨɓe lo Dabid anan: Siriag lan kɔd nat kɨ Epraimag. Kamla kam Akaj kɨ kam deg loa dad ta pa tit'n nel a yeen kagg kɨ kam kút be. 3Bɨraɓe el Ejai an: Aw i ndɔd Akaj, ĩ kɨ ngoni Sear Yajub ko dɔboi ɗob mankaart kɨ dõ, ta ɗob kaw lo tugo nyat. 4A ela an: Oo go roi maj, i ndɨ lom, ot ɓool. Ot kad kami gang man kɨta gind ta kir horr kɨ su sa kɨjoo nõ, ad i wong kɨtɨngabil lo Resin kɨ Siri, kɨ ngon Remalia.
5Kɨtɔ Siri kɨ Epraim
kɨ ngon Remalia
ɔjɨn na ta
kad kɨ n'ɗan sei majal anan:
6J'aw, kɨ nda Juda,
kɨ ndaa ɓoolt,
a tetɨna ɗɔɔ,
na kɨ nda ngon Tabeel ngart.
7Titbe kel Bɨraɓe Luwah:
Ta'n non a to kari,
a ɗa nya al tɔ.
8Kɨtɔ ɓebo lo Siriag
tɔa i Damasɨ,
na Resin i ngar
kɨdɔ ɓebo Damasɨt.
Nãi ɓal dɔkɨbojidet
gidaimi a ne,
a tetɨn ɗɔɔ Epraimag
kad in girrdeg gog al ta.
9Na ɓebo lo Epraimag
tɔa i Samari.
Ngar kɨ ɓebo Samarit
i ngon Remalia.
Ĩla i ɗan bijir dɔ kadkamt
losɨ al a ne,
a i ndɨn londɨsɨt al ho.
Hoita lo Emanuel
10Bɨraɓe tel el Akaj gog tɔ an: 11I ndɨje nyakɔj mad Bɨraɓe Luwah loi, i ndɨja ke kam nya kɨwo kɨɓing, ke tasom logt kɨ dõ. 12Akaj tur an: M'a m'ndɨje al, m'ndig nã Bɨraɓe al tɔ.
13Kamla Ejai el an:
Oon dɔ,
in ngékɨɓe lo Dabid.
I nya kɨ tẽbe rosɨt
kad i ndan deg kɔrt,
i ndɨ ndan Luwah lom
kɔrt tɔ a?
14Kɨtɔ 'nten Bɨraɓe kɨdɔn
a adsɨ nyakɔj oon.
Ngomand a ndan ngon,
a ooj ngon kɨdɨngã,
na i ndah tɔa Emanuel.
15Mba mang kɨ yib tej,
a in nyasaa,
mbã a ger mbet majal,
na kɔt maj.
16Kete lon ngon
ger mbet majal,
na kɔt maj al ɓaitɔ ye,
dɔning lo ngarg kɨjoo'n
ndɨ i ɓoold, a tel gootɓe.
17Bɨraɓe a ad ndɔg
kɨmajal ɗen dɔit,
kɨ dɔ degt loi,
kɨ dɔ ngékɨɓet lo bɔwi.
Maɗi nu lon Epraimag
gangɨn na kɨ Judag,
ngar kɨ Asiri.
18Ndɔt'n non Bɨraɓe
a kɔrr ngol ad kongg
ɓain lo lagɨr bahbog kɨ Ejipt,
kɨ tejg kɨ dɔning Asiri.
19A ɗen tube
kad hɔn londɨ
kam hol mbalgt kɨ to kari,
kɨ kam mbalgt kɨ riya,
kɨ dɔ kongt tube,
kɨ kam lokulnyagt tube tɔ.
20Ndɔt'n non Bɨraɓe a ngisa
kɨ yinga kɨ ndɨma ko gid baht,
kɨ ngar kɨ Asiri,
kad ngise bisɨ dɔa kɨ bĩ nja;
a ngɨse mbaita kɔ tɔ.
21Ndɔt'n non dekɨɗen a ul
kõ mang kɨɗa kɨ kõ batg joo,
22Na kɨta mba kɨ a i ngãi,
deg a ãin yiba.
Kɨtɔ ndeg deg tube'n nãin dɔningt'n nõn
a ãin yib mang ho, a ningɨn tej ho.
23Nya'n a ɗa nya ndɔt'n non la ten,
lo kɨɗen kɨ dĩndu kɨ
asɨ dub i tit maɗi
kɨ gata i nar dub a ne,
a tel lo ɓa kõng kɨ ngarg.
24A awɨnt kɨ kɨrãg kɨ gã
kɨta dɔning tube
a i kõng kɨ ngarg koon.
25Na mbalg tube'n maɗi
ndɔɔn kɨ kɔsɨ,
a teen tit al,
kɨta ɓoolɨn
kõng kɨ ngarg.
A i lo kul mangg,
batg tɔ a ndiant.
Currently Selected:
Ejai 7: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 7
7
Bɨraɓe la Ejai ngekelta kɨ ta Luwaht ro ngar Akajt
1Kaglot lo Akaj ngon Jotam, ngon Ojias, ngar kɨ Juda, Resin ngar kɨ Siri, kɨ Pekah ngon Remalia ngar kɨ Israel aw ɗɔɔn kɨ Jerusalem, na asɨ teta al. 2Ɔrrɨn hoia ngékɨɓe lo Dabid anan: Siriag lan kɔd nat kɨ Epraimag. Kamla kam Akaj kɨ kam deg loa dad ta pa tit'n nel a yeen kagg kɨ kam kút be. 3Bɨraɓe el Ejai an: Aw i ndɔd Akaj, ĩ kɨ ngoni Sear Yajub ko dɔboi ɗob mankaart kɨ dõ, ta ɗob kaw lo tugo nyat. 4A ela an: Oo go roi maj, i ndɨ lom, ot ɓool. Ot kad kami gang man kɨta gind ta kir horr kɨ su sa kɨjoo nõ, ad i wong kɨtɨngabil lo Resin kɨ Siri, kɨ ngon Remalia.
5Kɨtɔ Siri kɨ Epraim
kɨ ngon Remalia
ɔjɨn na ta
kad kɨ n'ɗan sei majal anan:
6J'aw, kɨ nda Juda,
kɨ ndaa ɓoolt,
a tetɨna ɗɔɔ,
na kɨ nda ngon Tabeel ngart.
7Titbe kel Bɨraɓe Luwah:
Ta'n non a to kari,
a ɗa nya al tɔ.
8Kɨtɔ ɓebo lo Siriag
tɔa i Damasɨ,
na Resin i ngar
kɨdɔ ɓebo Damasɨt.
Nãi ɓal dɔkɨbojidet
gidaimi a ne,
a tetɨn ɗɔɔ Epraimag
kad in girrdeg gog al ta.
9Na ɓebo lo Epraimag
tɔa i Samari.
Ngar kɨ ɓebo Samarit
i ngon Remalia.
Ĩla i ɗan bijir dɔ kadkamt
losɨ al a ne,
a i ndɨn londɨsɨt al ho.
Hoita lo Emanuel
10Bɨraɓe tel el Akaj gog tɔ an: 11I ndɨje nyakɔj mad Bɨraɓe Luwah loi, i ndɨja ke kam nya kɨwo kɨɓing, ke tasom logt kɨ dõ. 12Akaj tur an: M'a m'ndɨje al, m'ndig nã Bɨraɓe al tɔ.
13Kamla Ejai el an:
Oon dɔ,
in ngékɨɓe lo Dabid.
I nya kɨ tẽbe rosɨt
kad i ndan deg kɔrt,
i ndɨ ndan Luwah lom
kɔrt tɔ a?
14Kɨtɔ 'nten Bɨraɓe kɨdɔn
a adsɨ nyakɔj oon.
Ngomand a ndan ngon,
a ooj ngon kɨdɨngã,
na i ndah tɔa Emanuel.
15Mba mang kɨ yib tej,
a in nyasaa,
mbã a ger mbet majal,
na kɔt maj.
16Kete lon ngon
ger mbet majal,
na kɔt maj al ɓaitɔ ye,
dɔning lo ngarg kɨjoo'n
ndɨ i ɓoold, a tel gootɓe.
17Bɨraɓe a ad ndɔg
kɨmajal ɗen dɔit,
kɨ dɔ degt loi,
kɨ dɔ ngékɨɓet lo bɔwi.
Maɗi nu lon Epraimag
gangɨn na kɨ Judag,
ngar kɨ Asiri.
18Ndɔt'n non Bɨraɓe
a kɔrr ngol ad kongg
ɓain lo lagɨr bahbog kɨ Ejipt,
kɨ tejg kɨ dɔning Asiri.
19A ɗen tube
kad hɔn londɨ
kam hol mbalgt kɨ to kari,
kɨ kam mbalgt kɨ riya,
kɨ dɔ kongt tube,
kɨ kam lokulnyagt tube tɔ.
20Ndɔt'n non Bɨraɓe a ngisa
kɨ yinga kɨ ndɨma ko gid baht,
kɨ ngar kɨ Asiri,
kad ngise bisɨ dɔa kɨ bĩ nja;
a ngɨse mbaita kɔ tɔ.
21Ndɔt'n non dekɨɗen a ul
kõ mang kɨɗa kɨ kõ batg joo,
22Na kɨta mba kɨ a i ngãi,
deg a ãin yiba.
Kɨtɔ ndeg deg tube'n nãin dɔningt'n nõn
a ãin yib mang ho, a ningɨn tej ho.
23Nya'n a ɗa nya ndɔt'n non la ten,
lo kɨɗen kɨ dĩndu kɨ
asɨ dub i tit maɗi
kɨ gata i nar dub a ne,
a tel lo ɓa kõng kɨ ngarg.
24A awɨnt kɨ kɨrãg kɨ gã
kɨta dɔning tube
a i kõng kɨ ngarg koon.
25Na mbalg tube'n maɗi
ndɔɔn kɨ kɔsɨ,
a teen tit al,
kɨta ɓoolɨn
kõng kɨ ngarg.
A i lo kul mangg,
batg tɔ a ndiant.
Mbai Bible Revision © Bible Society of Chad, 2015.