Ejai 6
6
Ejai oo kunj Bɨraɓe kɨɗangeɗeng, kamla Bɨraɓe kuna
1Ɓal koi ngar Ojias ye, m'oo Bɨraɓe ndɨ dõ dɔ pong ngar kɨ ngal kɨ dõ, ta kub loa ɗoosɨ kuj ndub Luwah. 2Serapẽg ɗan dõ dɔat, kɨɗen aw kɨ bɔgɨn kɨbojidet: Bɔga kɨjoo utɨn takumɨn, bɔga kɨjoo utɨn njan, bɔga kɨjoo ndɨ ɓain. 3Serapẽ kɨɗen ko kɨdɔ madɨnt an: Ngekunjɗang, Ngekunjɗang, Ngekunjɗang la i Bɨraɓe Ngetɔg tube. Kunja kɨɗangeɗeng ɗoosɨ dɔning kɨtaagbe. 4Girr tabitg yeen kɨtakul ndi ta kɨ ko nõ, na kuj ndub Luwah ɗoosɨ kɨ sahorr.
5M'el m'an:
Beto lom. M'asɨ kelta mad al,
kɨta mĩ de'n tam i kɨyerr,
m'ndɨ dan degt'n tad i kɨyerr tɔ,
na kumm oo Ngar,
Bɨraɓe kɨ Ngetɔg tube.
6Kɨkɨɗa ku Serapẽgt ɓai kɨ bɔgɨn ɗe kɨ dɔmt, kɨ yalhorr kɨ un dɔ dɨngɨrt kɨ saw jint. 7Ɔdɨn tam, na el an:
Lon nya 'nten ɔd tai,
bɔrr majalg loi kɔ,
ɗagootal loi tɔ
i kɨ nyàgo kɔ.
8Kamla m'oo
dɔ ndi Bɨraɓe an:
Nõ m'a m'laa a?
Nõ a aw kɨtɔj a?
M'tur m'an:
Mĩ ne, i lam.
9Elɨm an:
Aw el deg'n ɗan an:
Koo dɔ taa, a oon dɔ,
na i gerɨn girra al.
Koo kɨ kum taa a oon,
na a oon jeje al.
10Ad ngarkamd
nder kongkong,
ad mbid ɔi dɨrɨr,
ut kumd mbukɨ tɔ,
na ɓeta a oon kɨ kumd,
na oon dɔ kɨ mbid,
kad gerɨn girra
kɨ ngarkamd,
kad tɔrrɨn ndid al,
kad yootd al.
11Kamla m'el m'an:
Mbã ndɔ ɗit nya 'nten
a ɗa nya a Bɨraɓe?
Na tur an:
Mbã kad ɓebog
telɨn gootɓeg,
kɨ de gotot,
dɔning tel gootɓe
de gotot.
12Bɨraɓe a la deg
ko sãi ad deg a nya'n,
gootɓe dɔning kɔ dan ɓogt.
13Na ĩla gaj deg,
kɨkɨɗa ku kɨkɨlaht'n nãi
kamt ɓet a ne,
a nujɨna kɨ horr,
Tit kag dilg kɨ kagg
kɨ ngang ngangg kɨ gangɨnd.
Na ginda kɨ nai ɓa gog.
Dɔgɨnda'n non la i
koh deg kɨjaɓat'n a ɓa ye.
Currently Selected:
Ejai 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
