Ejai 56
56
Nyabaji ngengom go kunkɔ lo Luwah
1Titbe kel Bɨraɓe
Kɨ i hɔ ɗan nya kɨgoɗobat kɨdenesew,
kɨta kaj lom a ndɨ kɔkɨ dɔ ɗent al,
denesew lom a tee kɨdɔn dõ tɔ.
2Ngeronel la i ngeɗa nya 'nten
kɨ de kɨ ngehɔ ɗaa,
ndɨ ngomgo ndɔ taakò kad tela kɨyerrt al,
na oo go jin maj kad n'ɗan majal al.
3Ot kad mbah kɨ hɔ go ta lo Bɨraɓe sem ye,
kɨ ga kamɨnt kɨ tagah kɨ titbe al kad el an:
Rota Bɨraɓe a ɔrrd kɔ ku degt lon.
Ot kad dekɨdɨngã kɨ kuj el an:
Mĩ kag kɨtut kurum.
4Kɨtɔ titbe kel Bɨraɓe
kɨ ro kùj dekɨdɨngãgt mad,
kɨ ngéngom go ndɔ taakòg lom,
kɨ ngékɔt nya kɨ nelɨm,
kɨ ngéhɔ go kunkɔ lom sem.
5M'a m'ad'd lo kam kujt lom,
kam ndogt lom,
nyatɔko, kɨ tɔ mad kɨmaj
tɔi ngan kɨdɨngãg kɨ kɨdẽg.
M'a m'ad'd tɔ mad kɨ a tokɨnõt
kɨ a tuj al.
6Na ingɨn i mbahg kɨ ngéhɔgo Bɨraɓe sem
kɨta ɗa kɨlaɓer kada,
kɨta tar tɔ Bɨraɓe tɔ,
kɨtakad in ngékɨlaɓerg loa,
dekɨɗen kɨ ngengom go ndɔ taakò
kad tela kɨyerrt al,
kɨ ngehɔ go kunkɔ lom sem;
7m'a m'ɗe kɨ deg'n non
dɔ mbalbot lom kɨjaɓat,
m'a m'ad'd ronel
kam kuj keltat kɨ Luwah.
Kadkarig lod kɨlahorrt kɨ kadkarig
lod kɨjakɔ,
a i nya kɨ m'ndig dɔt sed
dɔ dɨngɨrt lom,
kɨta a kunɨn kuj lom kuj kelta kɨ
Luwah
kɨta girrdeg kɨ dang dang tube.
8Titbe kel Bɨraɓe Luwah
ngekaw Israelag kɨ tĩn na kɔ:
M'a m'kaw kɨmadg kɨ ro Israelt
nat kɨ deg loa kɨ m'kawd kete nõ.
Takɨgang dɔ yot kɨ ɗa
9Ĩn dãg kɨmut tube,
i ɗen i san.
In dãg tube kɨ kam kut.
10Ngéngomlog lo Israel tube in mundog,
tube gerɨn nya al.
Tube in bisɨg kɨmbo, kɨ ɗɔɔn al.
In nge to ningt, kɨta nii,
in ngékoo mɨrã ɓi ngãi.
11In bisɨg kɨ kumd ndan al,
nyasa asɨd al.
Ĩn ngéngom nyakulg kɨ gerɨn
nya mad al.
Dekɨɗen tɔ kɨ ɗob lon kɨ kɔsɨ dɔn,
ndɨ sahn nyangah lod kɨ kɔsɨ dɔd,
de kɨɗa kɨ nya ta ɗaa goto.
12I ɗen, m'ndɨ m'ãi
kasɨnduu.
J'a j'ãi kasɨ kɨngang.
Loti a i tit ɓone kɨ tɔi ɓaitɔ.
Currently Selected:
Ejai 56: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
