Ejai 42
42
Ɓer lo Bɨraɓe
1Oon ɓer lom kɨ m'ndɨna goa,
mbed lom in rom nelɨm sia.
M'ũ ndilɨm dɔat.
A la mber ɗob ɗa nya kɨdenesew
kɨ ro girrdegt kɨ dang dang.
2A ko mbormbor al,
a un ndɨn kɨ dõ al,
a oon dɔ ndia dɔ ɗobt al tɔ.
3Kadnya kɨ tɔ a ne, a hɔ tet al,
a tɔl mesɨ lamba kɨ ndɨ õ al.
A la mber ɗob ɗa nya kɨdenesew kɨgo rotat.
4Roa a oi siw al,
a nyataa al
mbã kad nda ɗob ɗa nya kɨdenesew dɔningt,
na ngéndɨ doorgt a ndan kamd dɔ tat loa.
5Titbe kel Bɨraɓe Luwah'n ndah dɔrã,
teea ad tat pilpil:
in ad dɔning tat pilpil kɨ nyag kɨ teen kamt,
in ad kò kɨ taa ngéndɨt,
na ad kò ngéndɨ al dɔt.
6Mĩ Bɨraɓe, m'kuni denesewt,
m'a m'hɔ jii, m'a m'ngomi.
Ĩla m'a m'ndai kad ĩ kunkɔ'n
m'un mad deg ye,
na kad ĩ kunj kɨta girrdeg kɨ dang dang tɔ ho,
7kad i tee kum mundog,
kad i tee kɨ ĩgɨn hɔnd dangait,
kɨ ĩgɨn ndɨn kam tilt gɨlelot.
8Mĩ Bɨraɓe, Bɨraɓe la i tɔm ye,
m'a mad tɔko lom luwah mad kɨɗang al,
m'a mad ndub tɔ lom ɓakumta nya kɨtɔsɨ al tɔ.
9Oon, nyag kɨdasa tɔlɨn kõnd woi,
na m'ndɨ m'la mber nyag kɨkij.
Kete, lon ɗan nya al ɓaitɔ, m'elsɨ ta lod.
Pa ndub kɨta kaj kɨbobe'n Bɨraɓe ajd
10In ngékaw dɔ bahbot kɨ ngéndɨt,
doorg kɨ ngéndɨt tɔ,
ɔsɨn pa kɨkij adɨn Bɨraɓe,
i ndubɨn tɔa ko dɔngoi dɔningt.
11Kɨ ngéndɨ ɓebogt kam dɨlalot unɨn ndid kɨ dõ,
nganɓeg, kɨ deg kɨ Kedar ndɨnt.
Kɨ ngéndɨ dɔning Selat ɗan ronel,
kɨ kon kɨ ronel tasom mbalbogt.
12Kɨ ɔsɨn gon Bɨraɓe,
kɨ lan mber nduba dɔ doorgt.
13Bɨraɓe ndɨ tee tit gõɗɔɔ,
tĩ ron kat tit ngeɗɔɔ be, ɗa jang,
ndɨ ko, ɔsɨ bɨla ɗɔɔ,
ɔj tɔg lon madngétang.
14M'ndɨ gom mbo kaglo ngãi,
m'ndɨ tam mbo ho, m'ire rom ndang,
na tajigla m'a m'ko tit dekɨdẽ'n to kooj ndɨ ɗaa.
M'a m'tõ ɗusɨɗusɨ, m'a m'la ko kɨber al.
15M'a mad mbalbog kɨ doorg telɨn gootlog,
m'a mad mũ kɨmbool tube tut.
M'a mad bahg telɨn doorg,
m'a mad mankaarg yin ndã.
16M'a mad mundog ndian dɔ ɗobt'n gerɨn al,
m'a m'ɔrrd ta ɗob kɨ ngan ɗobg'n gerɨn al tɔ.
M'a mad til tel kunj nõdt,
na m'a mad log kɨ tɔrr huthut
asɨn na jerɨr.
M'a m'ɗa nya'n non
m'a m'nyad kɨnõbe al.
17Ngéɓakul ɓakumta nyag kɨ tɔsɨ,
na ndɨ elɨn ɓakumta nyag kɨ pel,
anan: In luwahg loj,
ĩgɨn non la a telɨn kɨ gid'd ye,
rod a sɔld tɔ.
Luwah nda ɔj Israelag, na Israelag turɨn go al
18In mboog, oon dɔ ta.
Mundog i teen kumsɨ na oon.
19Nõ i mundo a? I ɓer lom ale?
Nõ i mbo a? I ngombãgkɨla kɨ m'laa ale?
Nõ i mundo tit de'n m'ɓakula a?
Ke i mbo tit ɓer lo Bɨraɓe a?
20Oo nyag ngãibe,
na i tur go al,
mbii ɗa tag,
na oo dɔ ta al tɔ.
21Bɨraɓe ɗa ronel dɔnt kɨta denesew lon,
ad mberkɨnda kɨbo, kɨ maj.
22Na girrdeg'n ɗan, deg ɓoogɨnd,
tirɨn nyag lod pur,
utɨnd tube kam bulombalgt,
yand ro kam kuj dangait.
In nyatetɗɔɔ, na de kɨ ngekajd goto,
tirɨnd pur, na de kɨ kel kan:
i tel adɨnd gog, goto.
23Nõ kusɨt ndig nél mbin kɨdɔ tagt 'nten a?
Nõ ndig kɨ n'oo go ron maj kɨ n'oo dɔ kɨta kaglo'n a ɗe?
24Nõ la Jakob ji ngétirrnyat a?
Nõ la Israel ji ngéɓooggt a?
I Bɨraɓe ale?
Jĩ la kɨ ɗa majal kɨ ndooran,
kɨ ndig ndia goɗobgt loa al,
j'oo dɔ ta loa al tɔ.
25Kɨtɔ 'nten la ɓan wong kɨtɔlsɔkɨr kɨdɔ Israelt,
ad ɗɔɔ kɨ tɨnga ngãi so dɔat.
Horr õ gug dɔa, na ger al;
õa mugɨj, na tur go al.
Currently Selected:
Ejai 42: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 42
42
Ɓer lo Bɨraɓe
1Oon ɓer lom kɨ m'ndɨna goa,
mbed lom in rom nelɨm sia.
M'ũ ndilɨm dɔat.
A la mber ɗob ɗa nya kɨdenesew
kɨ ro girrdegt kɨ dang dang.
2A ko mbormbor al,
a un ndɨn kɨ dõ al,
a oon dɔ ndia dɔ ɗobt al tɔ.
3Kadnya kɨ tɔ a ne, a hɔ tet al,
a tɔl mesɨ lamba kɨ ndɨ õ al.
A la mber ɗob ɗa nya kɨdenesew kɨgo rotat.
4Roa a oi siw al,
a nyataa al
mbã kad nda ɗob ɗa nya kɨdenesew dɔningt,
na ngéndɨ doorgt a ndan kamd dɔ tat loa.
5Titbe kel Bɨraɓe Luwah'n ndah dɔrã,
teea ad tat pilpil:
in ad dɔning tat pilpil kɨ nyag kɨ teen kamt,
in ad kò kɨ taa ngéndɨt,
na ad kò ngéndɨ al dɔt.
6Mĩ Bɨraɓe, m'kuni denesewt,
m'a m'hɔ jii, m'a m'ngomi.
Ĩla m'a m'ndai kad ĩ kunkɔ'n
m'un mad deg ye,
na kad ĩ kunj kɨta girrdeg kɨ dang dang tɔ ho,
7kad i tee kum mundog,
kad i tee kɨ ĩgɨn hɔnd dangait,
kɨ ĩgɨn ndɨn kam tilt gɨlelot.
8Mĩ Bɨraɓe, Bɨraɓe la i tɔm ye,
m'a mad tɔko lom luwah mad kɨɗang al,
m'a mad ndub tɔ lom ɓakumta nya kɨtɔsɨ al tɔ.
9Oon, nyag kɨdasa tɔlɨn kõnd woi,
na m'ndɨ m'la mber nyag kɨkij.
Kete, lon ɗan nya al ɓaitɔ, m'elsɨ ta lod.
Pa ndub kɨta kaj kɨbobe'n Bɨraɓe ajd
10In ngékaw dɔ bahbot kɨ ngéndɨt,
doorg kɨ ngéndɨt tɔ,
ɔsɨn pa kɨkij adɨn Bɨraɓe,
i ndubɨn tɔa ko dɔngoi dɔningt.
11Kɨ ngéndɨ ɓebogt kam dɨlalot unɨn ndid kɨ dõ,
nganɓeg, kɨ deg kɨ Kedar ndɨnt.
Kɨ ngéndɨ dɔning Selat ɗan ronel,
kɨ kon kɨ ronel tasom mbalbogt.
12Kɨ ɔsɨn gon Bɨraɓe,
kɨ lan mber nduba dɔ doorgt.
13Bɨraɓe ndɨ tee tit gõɗɔɔ,
tĩ ron kat tit ngeɗɔɔ be, ɗa jang,
ndɨ ko, ɔsɨ bɨla ɗɔɔ,
ɔj tɔg lon madngétang.
14M'ndɨ gom mbo kaglo ngãi,
m'ndɨ tam mbo ho, m'ire rom ndang,
na tajigla m'a m'ko tit dekɨdẽ'n to kooj ndɨ ɗaa.
M'a m'tõ ɗusɨɗusɨ, m'a m'la ko kɨber al.
15M'a mad mbalbog kɨ doorg telɨn gootlog,
m'a mad mũ kɨmbool tube tut.
M'a mad bahg telɨn doorg,
m'a mad mankaarg yin ndã.
16M'a mad mundog ndian dɔ ɗobt'n gerɨn al,
m'a m'ɔrrd ta ɗob kɨ ngan ɗobg'n gerɨn al tɔ.
M'a mad til tel kunj nõdt,
na m'a mad log kɨ tɔrr huthut
asɨn na jerɨr.
M'a m'ɗa nya'n non
m'a m'nyad kɨnõbe al.
17Ngéɓakul ɓakumta nyag kɨ tɔsɨ,
na ndɨ elɨn ɓakumta nyag kɨ pel,
anan: In luwahg loj,
ĩgɨn non la a telɨn kɨ gid'd ye,
rod a sɔld tɔ.
Luwah nda ɔj Israelag, na Israelag turɨn go al
18In mboog, oon dɔ ta.
Mundog i teen kumsɨ na oon.
19Nõ i mundo a? I ɓer lom ale?
Nõ i mbo a? I ngombãgkɨla kɨ m'laa ale?
Nõ i mundo tit de'n m'ɓakula a?
Ke i mbo tit ɓer lo Bɨraɓe a?
20Oo nyag ngãibe,
na i tur go al,
mbii ɗa tag,
na oo dɔ ta al tɔ.
21Bɨraɓe ɗa ronel dɔnt kɨta denesew lon,
ad mberkɨnda kɨbo, kɨ maj.
22Na girrdeg'n ɗan, deg ɓoogɨnd,
tirɨn nyag lod pur,
utɨnd tube kam bulombalgt,
yand ro kam kuj dangait.
In nyatetɗɔɔ, na de kɨ ngekajd goto,
tirɨnd pur, na de kɨ kel kan:
i tel adɨnd gog, goto.
23Nõ kusɨt ndig nél mbin kɨdɔ tagt 'nten a?
Nõ ndig kɨ n'oo go ron maj kɨ n'oo dɔ kɨta kaglo'n a ɗe?
24Nõ la Jakob ji ngétirrnyat a?
Nõ la Israel ji ngéɓooggt a?
I Bɨraɓe ale?
Jĩ la kɨ ɗa majal kɨ ndooran,
kɨ ndig ndia goɗobgt loa al,
j'oo dɔ ta loa al tɔ.
25Kɨtɔ 'nten la ɓan wong kɨtɔlsɔkɨr kɨdɔ Israelt,
ad ɗɔɔ kɨ tɨnga ngãi so dɔat.
Horr õ gug dɔa, na ger al;
õa mugɨj, na tur go al.
Mbai Bible Revision © Bible Society of Chad, 2015.