Ejai 41
41
Luwah ad tɔg Israelag
1In doorg, i ndɨn tasɨ mbo
na oon dɔ ta lom.
Kɨ girrdeg kɨ dang dang ngahn tɔg kɨkij gog.
Kɨ ɗen kɨromt, na kɨ elɨn ta.
Ad kɨ ndɔt'n nat kɨ lo takɨgangt.
2Nõ ɓai kɨ de mad ko loɓakàdt,
in ndɨ ɗa denesew a?
Nõ õɓe dɔ girrdegt kɨ dang dang,
na ngarg lan dɔd girr tɔgat.
Nõ tel kiyaɗɔɔ lod tit bu be,
ad gãkɨrã lod tel tit tisa kɨ nel ndii ɔia kɔ.
3Tuɓa god, aw kanangkanang kɨ lapia,
ɗob'n njaa ɔd nja kɨɗa al ɓaitɔ.
4Nõ ɗa nyag'n non, na tɔl kond
I in kun ngaka lo mbagɨrat nu.
Mĩ Bɨraɓe la mĩ kɨdasa,
na mĩ kɨdɔboit tɔ.
5Doorg oona, na ɓoolɨn;
ngéndɨ dɔngoi dɔningt ndadɨn.
Deg ndɔt ɗen.
6Dekɨɗen ɗa kɨ madɓen,
na el ngonkõn an: Ire kami.
7Kɔd tɔsɨ nya, ad tɔg kɔd pel lɔr,
kɔd konya ad tɔg ngenda kɨ gol dɔ ɗengt.
Elta dɔ nyatɨlatanat an: Maj,
na ndah ɓakumta yon ɗan kɨ ngaw,
kɨtakad yee al.
8Na ĩ Israel, ɓer lom,
Jakob kɨ m'mbedi,
koh Abraham kɨ nam,
9in m'uni ko dɔngoi dɔningt,
m'kuni kɔ dɔkumlogt kɨsãi,
in m'eli m'an: Ĩ ɓer lom,
m'mbedi, na m'lai kɔ al.
10Ot ɓool kɨta mĩ sei nat.
Ot kad kami gang man,
kɨta mĩ Luwah loi.
M'a m'adi tɔg, m'a m'ɗa sei,
m'a m'hɔi kɨ dõ kɨ jikõm kɨ aw kɨ tetɗɔɔ.
11Oon, tube ĩngɨn ɓan wong sei,
a in kɨ dɔ kɨ la kɨber kɨ rosɔl;
ĩngɨn ndɨ gakɨn,
a telɨn nya kɨkari, a nujɨn kɔ.
12A i sah deg ngekɔl sei,
na a i ngahd al.
Ngéɗɔɔ sei a telɨn nya kɨkari,
kɨ nya kɨgoto.
13Kɨtɔ mĩ Bɨraɓe Luwah loi
Mĩ la m'ndɨ hɔ ji ye,
mĩ la m'eli m'an: Ot ɓool,
m'a m'ɗa sei.
14Ot ɓool, ĩ Jakob,
in ndeg deg ndɨ kunɨn ngonkur,
in deg kɨ Israel.
M'a m'ɗa sei,
kel Bɨraɓe,
Ngebadɔ i Ngekunjɗang kɨnge Israel.
15Oo m'a mad i tel
tit nya ndah nyako mad kɨkij,
kɨ takatag in ngãi.
A i nda mbalbog ad tɔn kɔsɨkɔsɨ,
a ad doorlog telɨn tit tisa be.
16A i siad ad nél ɔid,
na nélbarwãi a tɨnda tĩd kɔ.
Na ĩ, a i ɗa ronel kam Bɨraɓet,
a i gaburo kam Ngekunjɗang kɨnge Israel.
17Ngéndog kɨ de kɨdangtg
a sahn man na a ngahn al,
lon kɔd a tut kãrɨm,
kɨta kɨnda man a ne,
mĩ Bɨraɓe, m'a m'oo dɔ ko lod,
mĩ Luwah lo Israel,
m'a m'nyad kɨnõbe al.
18M'a mad bahg ãin
kɨdɔ doorlog kɨ mũ gotot,
kɨ mang kɨɓa kam hollogt tɔ.
M'a mad dɨlalo tel mankaar,
na lo kɨ mangah a tel lo ɓaman.
19M'a m'hɔ kag sedɨr kɨ akasia
kɨ myrrt kɨ ɓir dɨlalot.
M'a m'hɔ kag sipres kɨ kag orm,
kɨ kag buis nat kɨɗabe kam mut,
20kɨtakad deg oon na elɨn anan:
I Bɨraɓe la ɗa nyag 'nten ye,
I Luwah Ngekunjɗang lo Israel la ndahd ye.
21Bɨraɓe i ngar lo girrdeg lo Jakob,
in yog lo girrdeg kɨ dang dang
I ɗen elɨn ta dɔ rosɨt,
elɨn nyag kad i najɨne dɔsɨ.
22I ndɔt'n kɨ kete na elɨn ta dɔ rosɨt,
elɨn ta dɔ nyat'n a ɗa nya.
I ndɔ ndil dɔ nyat'n a ɗe.
Ɔj'j kɨtɨga ad j'oo maj,
kad kɨ ger ke nya ye, a tɔl kɔnɨn je a?
23Eljɨn nya'n a ɗa nya ndɔ madt,
kad kɨ gerɨn ke in luwahg a.
I ɗan maj ke i ɗan majal,
kad kɨ ga kamj dɔt,
kɨ nɔl j'oon nat ta kɨɗa.
24Oon ĩn nya mad a,
na kɨla losɨ kaa ne, i kɨndang pãbe,
de'n kɔtsɨ kad in tit luwahg kaa,
i de kɨyerr, na ɗan nya kɨyerr.
25M'a m'ɓai kɨ de mad ko dɔɔ kad ɗe,
ko loɓakàdt kad ko kɨdɔ tɔmt.
A ɓa dɔ ngékõɓeg kɨber tit bɔrr,
tit'n kɔd ɓah jo sɨlan hanj ye be.
26Nõ elta lo yaɓoodat nu kad kɨ gera,
a ke kaglot kɨkete
kad j'el j'an: I rota.
De mad kɨ ɔrr hoia goto,
de mad kɨ la mbera goto,
de kɨ oo dɔ ta losɨ goto.
27Mĩ la mĩ Bɨraɓe ye,
M'la mber mad ɓebo dasa.
I mĩ la m'ndɨ m'elta ye
Kɨtɔ m'la kɨ ngombãgkɨla Jerusalem
kad la mber hoita kɨmaj.
28M'nɔl lo, na m'oo de mad al.
Ku luwahgt lo girrdeg kɨ dang dang
kudt de asɨ ngah kɨɗa kɨ ngekɔjta goto,
ke kɨɗa kɨ asɨ turta kudt goto.
29Oon. Ĩn tube ĩn nya kɨpãbe,
kɨlaɗad i nya kɨgoto,
ɓakumta nyag kɨ pel lod
ĩn nel kɨ la kari.
Currently Selected:
Ejai 41: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 41
41
Luwah ad tɔg Israelag
1In doorg, i ndɨn tasɨ mbo
na oon dɔ ta lom.
Kɨ girrdeg kɨ dang dang ngahn tɔg kɨkij gog.
Kɨ ɗen kɨromt, na kɨ elɨn ta.
Ad kɨ ndɔt'n nat kɨ lo takɨgangt.
2Nõ ɓai kɨ de mad ko loɓakàdt,
in ndɨ ɗa denesew a?
Nõ õɓe dɔ girrdegt kɨ dang dang,
na ngarg lan dɔd girr tɔgat.
Nõ tel kiyaɗɔɔ lod tit bu be,
ad gãkɨrã lod tel tit tisa kɨ nel ndii ɔia kɔ.
3Tuɓa god, aw kanangkanang kɨ lapia,
ɗob'n njaa ɔd nja kɨɗa al ɓaitɔ.
4Nõ ɗa nyag'n non, na tɔl kond
I in kun ngaka lo mbagɨrat nu.
Mĩ Bɨraɓe la mĩ kɨdasa,
na mĩ kɨdɔboit tɔ.
5Doorg oona, na ɓoolɨn;
ngéndɨ dɔngoi dɔningt ndadɨn.
Deg ndɔt ɗen.
6Dekɨɗen ɗa kɨ madɓen,
na el ngonkõn an: Ire kami.
7Kɔd tɔsɨ nya, ad tɔg kɔd pel lɔr,
kɔd konya ad tɔg ngenda kɨ gol dɔ ɗengt.
Elta dɔ nyatɨlatanat an: Maj,
na ndah ɓakumta yon ɗan kɨ ngaw,
kɨtakad yee al.
8Na ĩ Israel, ɓer lom,
Jakob kɨ m'mbedi,
koh Abraham kɨ nam,
9in m'uni ko dɔngoi dɔningt,
m'kuni kɔ dɔkumlogt kɨsãi,
in m'eli m'an: Ĩ ɓer lom,
m'mbedi, na m'lai kɔ al.
10Ot ɓool kɨta mĩ sei nat.
Ot kad kami gang man,
kɨta mĩ Luwah loi.
M'a m'adi tɔg, m'a m'ɗa sei,
m'a m'hɔi kɨ dõ kɨ jikõm kɨ aw kɨ tetɗɔɔ.
11Oon, tube ĩngɨn ɓan wong sei,
a in kɨ dɔ kɨ la kɨber kɨ rosɔl;
ĩngɨn ndɨ gakɨn,
a telɨn nya kɨkari, a nujɨn kɔ.
12A i sah deg ngekɔl sei,
na a i ngahd al.
Ngéɗɔɔ sei a telɨn nya kɨkari,
kɨ nya kɨgoto.
13Kɨtɔ mĩ Bɨraɓe Luwah loi
Mĩ la m'ndɨ hɔ ji ye,
mĩ la m'eli m'an: Ot ɓool,
m'a m'ɗa sei.
14Ot ɓool, ĩ Jakob,
in ndeg deg ndɨ kunɨn ngonkur,
in deg kɨ Israel.
M'a m'ɗa sei,
kel Bɨraɓe,
Ngebadɔ i Ngekunjɗang kɨnge Israel.
15Oo m'a mad i tel
tit nya ndah nyako mad kɨkij,
kɨ takatag in ngãi.
A i nda mbalbog ad tɔn kɔsɨkɔsɨ,
a ad doorlog telɨn tit tisa be.
16A i siad ad nél ɔid,
na nélbarwãi a tɨnda tĩd kɔ.
Na ĩ, a i ɗa ronel kam Bɨraɓet,
a i gaburo kam Ngekunjɗang kɨnge Israel.
17Ngéndog kɨ de kɨdangtg
a sahn man na a ngahn al,
lon kɔd a tut kãrɨm,
kɨta kɨnda man a ne,
mĩ Bɨraɓe, m'a m'oo dɔ ko lod,
mĩ Luwah lo Israel,
m'a m'nyad kɨnõbe al.
18M'a mad bahg ãin
kɨdɔ doorlog kɨ mũ gotot,
kɨ mang kɨɓa kam hollogt tɔ.
M'a mad dɨlalo tel mankaar,
na lo kɨ mangah a tel lo ɓaman.
19M'a m'hɔ kag sedɨr kɨ akasia
kɨ myrrt kɨ ɓir dɨlalot.
M'a m'hɔ kag sipres kɨ kag orm,
kɨ kag buis nat kɨɗabe kam mut,
20kɨtakad deg oon na elɨn anan:
I Bɨraɓe la ɗa nyag 'nten ye,
I Luwah Ngekunjɗang lo Israel la ndahd ye.
21Bɨraɓe i ngar lo girrdeg lo Jakob,
in yog lo girrdeg kɨ dang dang
I ɗen elɨn ta dɔ rosɨt,
elɨn nyag kad i najɨne dɔsɨ.
22I ndɔt'n kɨ kete na elɨn ta dɔ rosɨt,
elɨn ta dɔ nyat'n a ɗa nya.
I ndɔ ndil dɔ nyat'n a ɗe.
Ɔj'j kɨtɨga ad j'oo maj,
kad kɨ ger ke nya ye, a tɔl kɔnɨn je a?
23Eljɨn nya'n a ɗa nya ndɔ madt,
kad kɨ gerɨn ke in luwahg a.
I ɗan maj ke i ɗan majal,
kad kɨ ga kamj dɔt,
kɨ nɔl j'oon nat ta kɨɗa.
24Oon ĩn nya mad a,
na kɨla losɨ kaa ne, i kɨndang pãbe,
de'n kɔtsɨ kad in tit luwahg kaa,
i de kɨyerr, na ɗan nya kɨyerr.
25M'a m'ɓai kɨ de mad ko dɔɔ kad ɗe,
ko loɓakàdt kad ko kɨdɔ tɔmt.
A ɓa dɔ ngékõɓeg kɨber tit bɔrr,
tit'n kɔd ɓah jo sɨlan hanj ye be.
26Nõ elta lo yaɓoodat nu kad kɨ gera,
a ke kaglot kɨkete
kad j'el j'an: I rota.
De mad kɨ ɔrr hoia goto,
de mad kɨ la mbera goto,
de kɨ oo dɔ ta losɨ goto.
27Mĩ la mĩ Bɨraɓe ye,
M'la mber mad ɓebo dasa.
I mĩ la m'ndɨ m'elta ye
Kɨtɔ m'la kɨ ngombãgkɨla Jerusalem
kad la mber hoita kɨmaj.
28M'nɔl lo, na m'oo de mad al.
Ku luwahgt lo girrdeg kɨ dang dang
kudt de asɨ ngah kɨɗa kɨ ngekɔjta goto,
ke kɨɗa kɨ asɨ turta kudt goto.
29Oon. Ĩn tube ĩn nya kɨpãbe,
kɨlaɗad i nya kɨgoto,
ɓakumta nyag kɨ pel lod
ĩn nel kɨ la kari.
Mbai Bible Revision © Bible Society of Chad, 2015.