Ejai 19
19
Takel Bɨraɓe dɔ dɔning Ejipt't
1Takel Bɨraɓe dɔ dɔning Ejipt laten:
Bɨraɓe ndɨ aw dɔ kilndiit
kɨ tɔi kanangbe, ɗe Ejipt't.
Yog lo Ejiptiag ndadɨn nõat,
na kam Ejiptiag gang man.
2Bɨraɓe a sɔkɨ Ejiptiag
kad ndoorɨn na,
dekɨɗen a ɗɔɔ kɨ ngonkõn,
dekɨɗen a ɗɔɔ kɨ madɓen,
ɓebo a ɗɔɔ kɨ ɓebo,
kõɓe a ɗɔɔ kɨ kõɓe.
3Ndil Ejiptiag a tee saw rodt,
na Bɨraɓe a tuj kɔjtaɗag lod.
A sahn go yog kɨ ngéndõteg,
kɨ ngékɔrr ndil deg, kɨ ngéndo ndilg.
4A la Ejiptiag ji det mad kɨngang
kad ngar kɨ ngetɔg a õɓe dɔdt,
kel Bɨraɓe, Bɨraɓe Ngetɔg tube.
5Man kɨ bahbot a yii ndã,
bah a tut kurum,
a tel Lo kɨkari.
6Kum ɗob mang a ootɨn gã,
bahg kɨ Ejipt't a yin,
na a tutɨn kãrɨm,
wayab kɨ kadnya ndulon mbaw.
7Dɨlambo kɨ kad bahbot,
kɨ lo kɨ ta bahbot,
kɨ nyadub kɨɗen
kɨ kad bahbot a tut,
a tel bu, a goto.
8Nawg a ndɨngan rod,
ngélakuig kam bahbot tube a nõn,
na kɔrr bandbɨrag a hɔn ndo.
9Ngéɓew kɨla lẽ
kɨ ngéjo kub kɨnda, rosɔl a ɗad.
10Ngéɗa kasɨ
kɨ dɔning Ejipt't a tetɨn kɨber,
ngéɗa kasɨ tube kamd a tuj.
11Mbaiɓeg kɨ ɓebo Soan,
in ɓoodg kɨrota,
ngékɔjta kɨterg lo Paraõ
ɔjɨn ta kɨ lo ɓoodt.
Titbãi asɨ kelɨn Paraõ kan,
Mi de kɨ ngéterr,
ngendalo go ngarg maɗi.
12Ngéterr loi in ɗah a?
Ad teen kɨ
girr nya'n Bɨraɓe Ngetɔg tube,
ɔj kɨ'n ɗa Ejipt't.
13Mbaiɓeg kɨ ɓebo Soan in ɓoodg,
Mbaiɓeg kɨ ɓebo Nop.
Goolɨn kɨbog kɨ ɓebo Mempist,
ɗan ad Ejipt so, in mbalg kɨ dɔkumlot lo girrdeg kɨ Ejipt.
14Bɨraɓe ũ ndil
tel dɔ wãri kam Ejipt't,
ad Ejiptiag ndõmɨn
kam kɨlagt lod tube,
tit ngekasɨɗa
kɨ aw jibjib kɨ tom.
15Kɨla mad kɨ nãi kɨta Ejipt goto,
ke dɔ ke ɓong,
ke dɔj tumbur,
ke kadnya kɨɗa goto.
16Ndɔt'n non Ejipt a i tit
dekɨdẽ be, roa a ndad kɨ ɓool kɨta
Bɨraɓe Ngetɔg tube yee jin kɨ dɔdt.
17Dɔning Juda a i nya kɨkootɓool kɨ ro Ejiptiagt. Dekɨɗen kɨ Ejipt, lon a kunɨn tɔ Juda roat a ne, kɨngasa a gaa kɨta kɔjta lo Bɨraɓe Ngetɔ kɨ tɔitɔi in ɔj kete kɨdɔdt. 18Ndɔt'n non ɓebog mi a ĩn dɔning Ejipt't, a elɨn ta kɨ ta ɓe lo deg kɨ Kana, a ndan yo kam tɔ Bɨraɓe Ngetɔg tube. Kɨkɨɗa kudt a kunɨna ɓebo nujkɔ. 19Ndɔt'n non dɨngɨr mad a i ngaw dan dɔning Ejipt't kɨta Bɨraɓe, na ɗobnin dɔning'n non pilie mad a i tit kɨta Bɨraɓe tɔ. 20A i nyakɔj kɨ nyamanaj kɨta Bɨraɓe Ngetɔg tube kam dɔning Ejipt't. Lon a kon kɨdɔ Bɨraɓet kɨta ngéɗa kumd ndo, na a la kɨ ngekaj kɨ ngeɗa sed kad ug ɔrrd. 21Bɨraɓe a ad Ejiptiag gernɨn, na Ejiptiag a gerɨn Bɨraɓe ndɔt'n non, a ɔsɨn dɔd ber kɨ kadkari kɨjakɔ, kɨ kadkari kɨlahorrt, a unɨn kɔd adɨn Bɨraɓe kɨ yokɨnda, a tɔlɨn kõna tɔ. 22Bɨraɓe a nda Ejiptiag, a ndad, na a yootd. Kamla Ejiptiag a telɨn kɨ ro Bɨraɓet, na a oo dɔ ko lod, a yootd. 23Ndɔt'n non ɗob kɨbo a tee kad deg ɓain Ejipt awɨn Asiri. Asiriag a awɨn Ejipt, na Ejiptiag a awɨm Asiri. Ejiptiag a ɔsɨn dɔd ber nõ Bɨraɓet nat kɨ Asiriag. 24Ndɔt'n non Israel a i kɨkõmɨta nat kɨ Ejipt kɨ Asiri, a in nya majkurr kam dɔningt. 25Bɨraɓe Ngekoosɨg a njang dɔd an: Majkurr kɨ dɔ Ejipt't kɨta ngéndɨt in deg lom; kɨ Asiri kɨta i kɨlaɗa jim, kɨ Israel kɨta i nyakagɓe lom.
Currently Selected:
Ejai 19: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 19
19
Takel Bɨraɓe dɔ dɔning Ejipt't
1Takel Bɨraɓe dɔ dɔning Ejipt laten:
Bɨraɓe ndɨ aw dɔ kilndiit
kɨ tɔi kanangbe, ɗe Ejipt't.
Yog lo Ejiptiag ndadɨn nõat,
na kam Ejiptiag gang man.
2Bɨraɓe a sɔkɨ Ejiptiag
kad ndoorɨn na,
dekɨɗen a ɗɔɔ kɨ ngonkõn,
dekɨɗen a ɗɔɔ kɨ madɓen,
ɓebo a ɗɔɔ kɨ ɓebo,
kõɓe a ɗɔɔ kɨ kõɓe.
3Ndil Ejiptiag a tee saw rodt,
na Bɨraɓe a tuj kɔjtaɗag lod.
A sahn go yog kɨ ngéndõteg,
kɨ ngékɔrr ndil deg, kɨ ngéndo ndilg.
4A la Ejiptiag ji det mad kɨngang
kad ngar kɨ ngetɔg a õɓe dɔdt,
kel Bɨraɓe, Bɨraɓe Ngetɔg tube.
5Man kɨ bahbot a yii ndã,
bah a tut kurum,
a tel Lo kɨkari.
6Kum ɗob mang a ootɨn gã,
bahg kɨ Ejipt't a yin,
na a tutɨn kãrɨm,
wayab kɨ kadnya ndulon mbaw.
7Dɨlambo kɨ kad bahbot,
kɨ lo kɨ ta bahbot,
kɨ nyadub kɨɗen
kɨ kad bahbot a tut,
a tel bu, a goto.
8Nawg a ndɨngan rod,
ngélakuig kam bahbot tube a nõn,
na kɔrr bandbɨrag a hɔn ndo.
9Ngéɓew kɨla lẽ
kɨ ngéjo kub kɨnda, rosɔl a ɗad.
10Ngéɗa kasɨ
kɨ dɔning Ejipt't a tetɨn kɨber,
ngéɗa kasɨ tube kamd a tuj.
11Mbaiɓeg kɨ ɓebo Soan,
in ɓoodg kɨrota,
ngékɔjta kɨterg lo Paraõ
ɔjɨn ta kɨ lo ɓoodt.
Titbãi asɨ kelɨn Paraõ kan,
Mi de kɨ ngéterr,
ngendalo go ngarg maɗi.
12Ngéterr loi in ɗah a?
Ad teen kɨ
girr nya'n Bɨraɓe Ngetɔg tube,
ɔj kɨ'n ɗa Ejipt't.
13Mbaiɓeg kɨ ɓebo Soan in ɓoodg,
Mbaiɓeg kɨ ɓebo Nop.
Goolɨn kɨbog kɨ ɓebo Mempist,
ɗan ad Ejipt so, in mbalg kɨ dɔkumlot lo girrdeg kɨ Ejipt.
14Bɨraɓe ũ ndil
tel dɔ wãri kam Ejipt't,
ad Ejiptiag ndõmɨn
kam kɨlagt lod tube,
tit ngekasɨɗa
kɨ aw jibjib kɨ tom.
15Kɨla mad kɨ nãi kɨta Ejipt goto,
ke dɔ ke ɓong,
ke dɔj tumbur,
ke kadnya kɨɗa goto.
16Ndɔt'n non Ejipt a i tit
dekɨdẽ be, roa a ndad kɨ ɓool kɨta
Bɨraɓe Ngetɔg tube yee jin kɨ dɔdt.
17Dɔning Juda a i nya kɨkootɓool kɨ ro Ejiptiagt. Dekɨɗen kɨ Ejipt, lon a kunɨn tɔ Juda roat a ne, kɨngasa a gaa kɨta kɔjta lo Bɨraɓe Ngetɔ kɨ tɔitɔi in ɔj kete kɨdɔdt. 18Ndɔt'n non ɓebog mi a ĩn dɔning Ejipt't, a elɨn ta kɨ ta ɓe lo deg kɨ Kana, a ndan yo kam tɔ Bɨraɓe Ngetɔg tube. Kɨkɨɗa kudt a kunɨna ɓebo nujkɔ. 19Ndɔt'n non dɨngɨr mad a i ngaw dan dɔning Ejipt't kɨta Bɨraɓe, na ɗobnin dɔning'n non pilie mad a i tit kɨta Bɨraɓe tɔ. 20A i nyakɔj kɨ nyamanaj kɨta Bɨraɓe Ngetɔg tube kam dɔning Ejipt't. Lon a kon kɨdɔ Bɨraɓet kɨta ngéɗa kumd ndo, na a la kɨ ngekaj kɨ ngeɗa sed kad ug ɔrrd. 21Bɨraɓe a ad Ejiptiag gernɨn, na Ejiptiag a gerɨn Bɨraɓe ndɔt'n non, a ɔsɨn dɔd ber kɨ kadkari kɨjakɔ, kɨ kadkari kɨlahorrt, a unɨn kɔd adɨn Bɨraɓe kɨ yokɨnda, a tɔlɨn kõna tɔ. 22Bɨraɓe a nda Ejiptiag, a ndad, na a yootd. Kamla Ejiptiag a telɨn kɨ ro Bɨraɓet, na a oo dɔ ko lod, a yootd. 23Ndɔt'n non ɗob kɨbo a tee kad deg ɓain Ejipt awɨn Asiri. Asiriag a awɨn Ejipt, na Ejiptiag a awɨm Asiri. Ejiptiag a ɔsɨn dɔd ber nõ Bɨraɓet nat kɨ Asiriag. 24Ndɔt'n non Israel a i kɨkõmɨta nat kɨ Ejipt kɨ Asiri, a in nya majkurr kam dɔningt. 25Bɨraɓe Ngekoosɨg a njang dɔd an: Majkurr kɨ dɔ Ejipt't kɨta ngéndɨt in deg lom; kɨ Asiri kɨta i kɨlaɗa jim, kɨ Israel kɨta i nyakagɓe lom.
Mbai Bible Revision © Bible Society of Chad, 2015.