Oje 8
8
Bɨraɓe ndang Israelag kɨta yo kɨ ɗa
1I kunɨn tow, na i kɔrɨn nya
elɨn ne deg,
tit'n yel kuro ndɨ ɗisɨn ye
titbe la tuj ndɨ son dɔ girrdegt lo Bɨraɓe.
2Ndɨ kon kɨdɔmt, anan:
Ĩ Luwah loj, jĩ Israelag kɨ geri.
3Israelag mbetɨn nya kɨmaj ye,
madngétadg tuɓan god.
4Ndan ngarg dɔdt kɨkanj mberkɨnda lom,
kɔtɨn kɨbog kɨkanj kad m'gerd.
Ɗan yog kɨ larjã kɨ lɔr lod,
kɨta 'nten a nujɨn kɔ.
5Ĩn deg kɨ Samari, m'mbet yo ngon mang lɔr losɨ;
m'ɓa sesɨ wong kɨtɨngabil; a i teen kɨkar nyangt ndɔ ɗit a?
6Yo ngon mang lɔr lo Samarig ye,
i luwah al, na i kɔd mad ku Israelagt la ɗaa ye,
Kɨtɔ 'nten ɓet a tɔɔna kɔsɨkɔsɨ.
7Kɨtɔ Israelag duwɨn nél,
a tetɨn nélbarwãi.
A ngahn dɔ nyako al,
nduj a goto, na ĩla and a ne,
mbahg la a san mugɨj ye
8Tajigla girrdeg kɨ dang dang
lan Israelag yalɨm,
i tit joo kɨ ndaa goto be.
9Lon Epraim aw Asirit tit korro kɨ mut,
kɨ aw kɨ kɨɗanbe,
ad kadkari ndugon ngéɗan ngaw.
10Ke neni adɨn kadkarig girrdeg madg
kad ɗan ne sed kaa ne,
m'a m'kawd kɨnat tajigla,
kamla a nyan ta nda ngarg kɨ mbaiɓeg
tit'n ndan ne kaglot 'nten.
11Kɨtɔ Epraim ɗa dɨngɨr kadkarig kɨjakɔ
ad bɨlan kɨdɔtdɔt kɨta ɗa majal,
na dɨngɨrg'n non telɨn lo ɗa majal loa.
12Ke neni m'ndang mberkɨndag lom asɨ dub kɨlah kaa ne,
Epraim a ood tit ta kɨmbah be.
13Neld ngãi kad lan horr kadkarig kɨjakɔ admɨn,
kɨta a san dã,
na Bɨraɓe ngah ronel kam nyagt'n non al.
Tajigla Bɨraɓe a gah dɔ majalt lod,
a nda ɔjd kɨta ɗagootalg lod,
a telɨn kɨ dɔning Ejipt't gog.
14Kam Israel oi dɔ Ngeɗan, na ɗa kuj kõɓeg kɨtan.
Juda kaa ne, ɗa ɓebog kɨngang kɨdɔtdɔt,
na m'a m'lahorr dɔ ɓebogt loa,
a õ kuj kõɓeg loa mugɨj.
Currently Selected:
Oje 8: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
