Kɨlag Takɨdɔt
Takɨdɔt
Maktub Kɨlag lo Ngombangkɨlag tɔlta tag'n Luk ndang kam maktubt lon nõ. Luk ɔrr hoi nyag'n ngombangkɨlag ɗan kad lan ne mber hoita kɨmaj lo Krist kɨ log tube. Ngombangkɨlag mbã girr kɨla lod kam ɓebot kɨ Jerusalemt, kamla awɨn kam dɔninggt kɨ gugɨn dɔ Jerusalem, got awɨn kam dɔninggt kɨ gugɨn dɔ bahbokat Mediterane. Kɨla'n Jeju kund lad kɨta ye ngombangkɨlag tɔlɨnta kɨlaa (Luk 24:47-48; Knk 1:8).
Kam ɗob ninat kɨdasa lot Kɨlag lo Ngombangkɨlag ye, Jeju ɓai lo koit tɔi aw dõ dɔ jikõ Luwaht (Knk 1:9). Tajigla, i nat kɨ ngéndoog lon tit kɨ kete al, na la kɨ Ndil Kɨkunjɗang kad ad'd ta ɗob ad lan mber nyag kɨbobo'n Luwah ɗa kɨta deg tube. Kam maktubt 'nten lo yaɓoodat mbã teen dɔboiat, Ndil Kɨkunjɗang la ɔrr ta ɗob deg'n taan ta lo Krist ad telɨn girrdeg lo Jeju ye.
Ɗob ninat kɨdasa teen ɗob ninat kɨ 12, ngombangkɨla Pierr la un dɔ ngombangkɨlag tube kam kɨlaɓert ye.
Ngéndoog lo Jeju ĩn Juipg. Ad nyan ta kawna kam kuj kawnat lo Juipg al ho, ndɨ telɨn rod go tat lo ngendood Bɨraɓe Jeju. Juipg adɨnd kõ tit'n Jeju ngahn kõ kɨ ndoor kokɨrodt be (Knk 3:8).
Ad ngétaata lo Krist tĩn na kɨ log, kam dɔning Judet, kɨ dɔning Samari kɨ Jude, mbã kɨ dɔngoi dɔning, lan mber Hoita kɨmaj 'nten kɨ ro girrdegt'n ĩn Juipg al (Knk 8:1—12:25). I nya kɨ kij kɨbo kɨta dɔ kaglot'n non, Juipg koon la gerɨn Luwah kɨ kɨɗabedo ye. Oon a anan girrdeg kɨɗang asɨn ger Luwah kɨ kɨɗabedo al. Na Jeju Krist tee ta ɗob, ad deg tube gerɨn Luwah ho ɗan sia namna ho. Ngombangkɨlag ndahn girr kawnag kɨ log log. Deg'n ĩn kamt ĩn Juipg kɨ deg'n ĩn Juipg al.
Ɓai dɔ Knk 13, Ngombangkɨla Pol la un ta kɨla lo ngombangkɨla Pierr ye. Jeju Krist kun Pol dɔ ɗobt kɨ Damasɨ (Knk 9) Ngékawnag kɨ dɔning Antiosɨ kɨ Sirit kɔtɨna ndahna kɔt ko kɨɗa nat kɨ madkɨlaag kad la mber hoita lo Krist girrdeg kɨ dang dang. Knk 13:1—28:35 elta dɔ mbahgt kɨ Pol aw. Dajin go ɗob kɨ titbãi hoita kɨmaj i kɨ tɨnda tĩ kɨ log kɨ gugɨn dɔ bahbokat Mediterane, mbã teen ɓebot kɨ Rom.
Hoita kɨmaj lo Jeju Krist'n Luk ndang elta dɔkaglot lo Jeju, na maktub lo kɨlag lo ngombangkɨlag elta dɔ kaglot'n ngétaata lo Krist mbã ne girr lo kawnag. I kaglo'n ngétaata lo Krist lan mber Hoita kɨmaj lo Krist kɨ kaglo tube ho, kɨ log tube.
Ngombangkɨlag lan mber girrdeg kɨ dang dang, kɨ nya belɓe lod i dang, na a ɔsɨn gojd nõ yogt tɔ. Lan mber hoita kɨmaj kɨ ro degt kɨbo kɨ kɨdug, kɨ ngényag kɨ ngéndoog.
Currently Selected:
Kɨlag Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.