Kɨlag 7
7
1Bɨra ngejanyamosɨkadkari ndɨje Etien an: Nyag'n deg elɨn kɨ dɔit ye i je e?
2Etien tura an: Ngankom kɨ bɔwɨmg, i nelɨn mbisɨ oon ne dɔ ta lom. Luwah kɨ Ngetɔko tee hɔi kɨ ro bɔwj Abrahamt lon ĩn dɔning Harãt al ɓaitɔ. 3Luwah el an: I nya ɓe kooji kɨ noojig, na aw dɔningt kɨ ɓet'n m'a m'ɔji. 4Taa ne, Abraham nya dɔning Kalde, na aw nda ɓe Harãt. Go koi Bɔw Abrahamt, Luwah ada ɓai Harãt ɗe ndɨ dɔningt kɨ i ndɨnt tajigne. 5Nõbe, Luwah ada nyanduba mad kamt al bat, ke ngon gaj lo kɨ tẽ. Na Luwah un kɔ'n kad n'a n'ad dɔning'n non nganag go koiat. Na Abraham ngah ngon al ɓaitɔ. 6Luwah el an: Ngan nganig a ndɨn ɓe mbaht, nõbe a telɨn ɓerg, deg a dan kumd ndo ɓal ɓu sɔɔ. 7Na Luwah el an: M'a m'gangta dɔ girrdegt'n ɗand ɓert nõ, kamla a teen kam ɓeɓert nõ kad aw ɔsɨn dɔd ber nõmt lot'n non. 8Goot gog Luwah un kɔn ad Abraham. Nyakɔj i gaj kɨja. Titbe Abraham ja ngonɨn kɨdɨngã Isaak gaj go ndɔt kɨ kõ jijoo. Isaak ja gaj ngonɨn kɨdɨngã Jakob tɔ ho, Jakob ooj ngang kɨlah gidaijoo, jad gaj, ĩn bɨrabɔw Israelag.
9Bɔwjg jangɨn kɨ ngonkõd Jojep, ad hɔna ɗawɨna ad tel ɓer Ejipt't. Na Luwah i nat sia, 10ug ɔrra kam nyagt kɨ toto 'nten dɔat tube, ada ngah majkurr takum Paraõt kɨ ngar kɨ dɔning Ejipt't, ad Paraõ ada i kɨbo dɔ nyagt lo kɨ ngékɨɓe lon. 11Kamla ɓo so dɔning Ejipt't kɨtaagbe, kɨ kam dɔning Kanat tɔ. Deg ngãibe ngahn kõ ngãi, ad bɔwjg tɔ ngahn nya sa al. 12Na lon Jakob oo hoi nyako kɨ to mbuj dɔning Ejipt't ye, la bɔwjg kad awɨn kaw kɨdasa. 13Na lon tel awɨn kɨkõjoo ye, Jojep ad ngankõag gerɨna. Ad Paraõ ger noojag tɔ. 14Goot gog Jojep lago bɔwɨnt kɨ ngékɨɓe lo bɔwɨn. Deg tube'n ɗen dɔning Ejipt't asɨn dɔ tanãimɨta gidaimi. 15Jakob aw dɔning Ejipt't, oit nõbe, bɔwjg kaa ne oint nõbe. 16Ad unɨn nind awɨn ne Sikemt duwɨn kam ɓe nint'n Abraham ndugo kɨ nar ji ngan Hamɔrt kɨ Sikem.
17Lon kaglo kad Luwah tɔlkon kunkɔ'n un ad Abraham ɗe nderbe ye, girrdeg loj bɨlan kɨ dɔtdɔt kam dɔning Ejipt't. 18Kamla ngar mad mba girr kõɓe dɔning Ejipt't. Ngar'n non ger Jojep al. 19Ngar'n non gool deg loj, ɗa nyakɨto kɨ bɔwjg ad lan ngandg kɔ kad oin. 20Kaglot'n non oojɨn Moij, i ngon kɨdɨngã kɨ basa ngãi. Tona nah mɨta kam kujt lo bɔwa. 21Kamla ngéag lana kɔ, ad ngon Paraõ kɨdẽ una toa tit ngon kamɨn be. 22Moij ndoo goosɨ ger nya lo deg kɨ Ejipt't, i de kɨ aw kɨ tɔg ngãi kam takelɨnt ho, kam nyaɗant ho.
23Na lon ɓala asɨ dɔsɔɔ ye, ɗe dɔat kad aw oo ngankõn Israelag. 24Taa ne, oo de mad kɨ Ejipt't ɗa ɗa nyakɨto kɨ de kɨ Israelt. Moij ɗe ganga dɔat, na nda ngɨra dɔ det'n ɗa ɗa sia nya kɨta nõ, tɔl Ejiptia'n non. 25Moij oo an: ngankõn a gerɨn kad i Luwah la ndɨ ajd kɨtakulɨn ye, na Israelag gerɨn nya 'nten al. 26Loti got, Moij ndɔd Israelag joo ɗa ɗɔɔn na, Moij gɔrd kɨ awɨn kɨ na kɨ ta al, na kɨ lan nooj nat. Eld an: Namg, ĩn ngankõnag, kɨtɔɗi i ɗa i ɗan ne nyakɨto kɨ na a?
27Na ĩn hã ɗa ɓa tɔg dɔ ngonkõt ye, ɔsɨ Moij kɨ gog, kamla ela an: Nõ ndai dɔjt kad ĩ ngegangta kuujt a? 28I ndig kɨ i tɔlɨm tit'n i tɔlɨn de kɨ Ejipt't taagbe yo?
29Lon Moij oo dɔ tag'n non ye, ãi aw ndɨ ɓe mbaht kam dɔning Madiat. Nõ be, ooj ngan kɨ dɨngãg joo.
30Lon ɓal dɔsɔɔ asɨ woi ye, malaika lo Bɨraɓe tee hɔi kɨ roat kam ndõ horrt kɨ õ du ngart kam dɨlalot kɨ dɔ mbalt kɨ Horeb. 31Lon Moij oo nya 'nten ye, ta yaa biw, ad ndɔt kɨ ro ngart kad'n nɔla kɔri kɔri kɨ n'oo. Taa ne, ndi Bɨraɓe ela an: 32Mĩ Bɨraɓe Luwah lo Bɔwig, Luwah lo Abraham, Isaak, kɨ Jakob. Ɓool ɗa Moij ngãi ad ndad yatɨt, asɨ kɨre kamɨn koon lo ye gog al.
33Bɨraɓe ela an: Ɔrr sa loi njait kɔ. Kɨtɔ lon i ɗat i dɔning kɨjaɓat. 34Kɨtɔ m'oo daiyog lo girrdeg lom kam dɔning Ejipt't, m'oo dɔ tõ ɗusɨ ɗusɨ loa. M'ɗisɨ kad m'tee sed kɔ kam ɓeɓert, na tajigla m'ndɨ m'lai, aw kam dɔning Ejipt't.
35Moij kɨkɨɗa kan deg mbetɨna anan: Nõ ndai ngekõɓe kɨ ngegangta kuujt a? Ye Moij kɨ kɨɗa'n non la Luwah tel laa kad ɔrr nõ deg lon tee sed kam ɓe ɓert. 36I Moij la ɔrr nõ ngan Israelg tee sed kam dɔning Ejipt't kɨ tɨga. Ɗa nyag kɨ yaya kɨ nyakɔjg dɔning Ejipt't, kam bahbot kɨ kɨrre, kɨ kam dɨlalot ɓal dɔsɔɔ. 37I Moij tɔ la el Israelag an: Luwah a la kɨ ngekelta kɨ tant, a ɓai ku ngankõt tit mĩ be.
38Lon ngan Israel kawɨn na dɨlalot ye, Moij i dandt, ɗa mbɨna malaikat'n ɗa elta dɔ mbalbot.
39Na bɔwjg mbetɨn tel rod go Moijt, ɔsɨna kɨ gog, adɨn ngarkamd i kɨ Ejipt't gog. 40Elɨn Aarõ anan: I ɗa luwahg mad adj kad ndian nõjt, kɨta kɨ ger nya'n ɗa Moij'n tee sej kɔ kam Ejipt't nõ al. 41Taa ne ɗan ngon mang mad, na ɗe lan kadkari adɨn yon non, na ɗan ronel dɔ kɨlaɗa jidt. 42Na Luwah tur gidɨn ad'd, nyad ad ɔsɨn dɔd ber hile ne yo kɨmẽ koosɨg kɨ dɔrãt tit'n ndangɨn ne maktubt lo ngékelta kɨ ta Luwaht anan: Ĩ deg kɨ Israelt, asɨ ɓal dɔsɔɔ kam dɨlalot ye, i mĩ la i lan dãg kɨjakɔ kɨ kadkarig admɨn yo?
43Jag. Kɨtɔ i ton kuj kub lo yo Molok, kɨ kɨmẽ yo Ropã, ĩn yog'n i ɗand kɨ jisɨ kad i ɔsɨn dɔsɨ ber nõdt.
Kɨtɔ 'nten m'a m'aw sesɨ ɓert sãi gid ɓe Babilont nu.
44Maɗi kam dɨlalot, bɔwjg awɨn kɨ kujkub ndɔdna kɨ Luwah, kuj'n maktub kunkɔ lo Luwah i kamt, Moij ngekelta kɨ ta Luwaht ɗa tit'n Luwah daan kad ɗa kɨgo kɔjt'n Luwah ɔja. 45Goot gog, bɔwjg ngahn kuj kub ndɨ Luwah'n non kokɨro bɔwdgt, andɨn ne nat kɨ Jojue, kaglot'n taan ne dɔning ji girrdegt kɨdangdang'n Luwah tuɓad nõdt. Kujkub ndɨ Luwah'n non to nõ mbã kaglot lo Dabid. 46Dabid ngah maj takum Luwaht lo Jakob, kɔa kad'n ɗa kuj kɨtakad Luwah lo Jakob ndɨt. 47Na i Salomõ la ɗa kuj'n non ad Luwah ye 48Na Luwah kɨ ngetɔi tɔi taa ne, kɨ ger ndɨ kam kujgt kɨ ɗa kɨ ji de al, tit'n ngekelta kɨ ta Luwaht elɨn an:
49Dɔrã i pong kõɓe lom,
dɔning i komber nda njam.
Kuj ɗi a i ɗa admɨn a? Kel Bɨraɓe;
ke lo kɨ ɗen tɔ hã m'am ndɨt a?
50Nyag'n non tube m'ɗad kɨ jim ale?
51Etien el ngégangta lo Juipg an: Ĩn deg kɨ ngéngɨra kɨ gosɨ, ngarkamsɨ kɨ mbisɨ ĩn kɨ kut mbukɨ dɔ tat lo Luwah, i ndɨ i taanɗɔɔ Ndil Kɨkunjɗang kɨndɔgndɔg tit'n ɓɔwsɨg ɗa ne maɗi ye, ĩn tɔ i ɗan titbe ho. 52Ngekelta kɨ ta Luwaht kɨɗen hã bɔwsɨg dan kuma ndo al a? Tɔlɨn ĩgɨn lan mber hoi ɗe lo de kɨdenesew. Na tajigla ĩng tɔ la i lana ji degt ho i tɔlɨna ho ye. 53I taan mberkɨnda lo Luwah kɨtakul malaikag, na i telɨn rosɨ got al.
Koi Etien
54Lon deg kɨ ngégangta ku juipgt oon dɔ tag 'nten ye, ɓan wong ngãi, ad dõn ngangd kɨta kumd il kirir dɔ Etient. 55Na Etien ɓakot kɨ Ndil Kɨkunjɗang, ad nda kumɨn ɗa oo lo kɨ dɔrãt ye, oo kunj Luwah kɨɗa ngereng ho, oo Jeju ɗa dõ dɔ jikõ Luwaht ho. 56Etien el an: M'oo dɔrã tee tan, ad Ngon de ɗa dõ dɔ jikõ Luwaht.
57Taa ne, deg oon dɔ ta 'nten, ɓa kon bang, udɨn wi kɨ ndid kɨbobe, kamla utɨn mbid. Goot hurɨn rukɨ, son dɔat ta kɨɗabe. 58Ɔrrɨn Etien ten sia gid ɓet, tɨlana kɨ mbal. Ngémanajg nyan kubg lod ji basat mad kɨ tɔa i Sool. 59Lon ɗa tɨlan Etien kɨ mbal ye, Etien ɗa elta kɨ Luwah an: Bɨraɓe Jeju i taa ndilɨm.
60Kamla ɔsɨ gojɨn ber, na ko kɨ ndin kɨbo an: Bɨraɓe i nyàgo majalg lod kɔ.
Go tat 'nten ye Etien oi.
Currently Selected:
Kɨlag 7: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 7
7
1Bɨra ngejanyamosɨkadkari ndɨje Etien an: Nyag'n deg elɨn kɨ dɔit ye i je e?
2Etien tura an: Ngankom kɨ bɔwɨmg, i nelɨn mbisɨ oon ne dɔ ta lom. Luwah kɨ Ngetɔko tee hɔi kɨ ro bɔwj Abrahamt lon ĩn dɔning Harãt al ɓaitɔ. 3Luwah el an: I nya ɓe kooji kɨ noojig, na aw dɔningt kɨ ɓet'n m'a m'ɔji. 4Taa ne, Abraham nya dɔning Kalde, na aw nda ɓe Harãt. Go koi Bɔw Abrahamt, Luwah ada ɓai Harãt ɗe ndɨ dɔningt kɨ i ndɨnt tajigne. 5Nõbe, Luwah ada nyanduba mad kamt al bat, ke ngon gaj lo kɨ tẽ. Na Luwah un kɔ'n kad n'a n'ad dɔning'n non nganag go koiat. Na Abraham ngah ngon al ɓaitɔ. 6Luwah el an: Ngan nganig a ndɨn ɓe mbaht, nõbe a telɨn ɓerg, deg a dan kumd ndo ɓal ɓu sɔɔ. 7Na Luwah el an: M'a m'gangta dɔ girrdegt'n ɗand ɓert nõ, kamla a teen kam ɓeɓert nõ kad aw ɔsɨn dɔd ber nõmt lot'n non. 8Goot gog Luwah un kɔn ad Abraham. Nyakɔj i gaj kɨja. Titbe Abraham ja ngonɨn kɨdɨngã Isaak gaj go ndɔt kɨ kõ jijoo. Isaak ja gaj ngonɨn kɨdɨngã Jakob tɔ ho, Jakob ooj ngang kɨlah gidaijoo, jad gaj, ĩn bɨrabɔw Israelag.
9Bɔwjg jangɨn kɨ ngonkõd Jojep, ad hɔna ɗawɨna ad tel ɓer Ejipt't. Na Luwah i nat sia, 10ug ɔrra kam nyagt kɨ toto 'nten dɔat tube, ada ngah majkurr takum Paraõt kɨ ngar kɨ dɔning Ejipt't, ad Paraõ ada i kɨbo dɔ nyagt lo kɨ ngékɨɓe lon. 11Kamla ɓo so dɔning Ejipt't kɨtaagbe, kɨ kam dɔning Kanat tɔ. Deg ngãibe ngahn kõ ngãi, ad bɔwjg tɔ ngahn nya sa al. 12Na lon Jakob oo hoi nyako kɨ to mbuj dɔning Ejipt't ye, la bɔwjg kad awɨn kaw kɨdasa. 13Na lon tel awɨn kɨkõjoo ye, Jojep ad ngankõag gerɨna. Ad Paraõ ger noojag tɔ. 14Goot gog Jojep lago bɔwɨnt kɨ ngékɨɓe lo bɔwɨn. Deg tube'n ɗen dɔning Ejipt't asɨn dɔ tanãimɨta gidaimi. 15Jakob aw dɔning Ejipt't, oit nõbe, bɔwjg kaa ne oint nõbe. 16Ad unɨn nind awɨn ne Sikemt duwɨn kam ɓe nint'n Abraham ndugo kɨ nar ji ngan Hamɔrt kɨ Sikem.
17Lon kaglo kad Luwah tɔlkon kunkɔ'n un ad Abraham ɗe nderbe ye, girrdeg loj bɨlan kɨ dɔtdɔt kam dɔning Ejipt't. 18Kamla ngar mad mba girr kõɓe dɔning Ejipt't. Ngar'n non ger Jojep al. 19Ngar'n non gool deg loj, ɗa nyakɨto kɨ bɔwjg ad lan ngandg kɔ kad oin. 20Kaglot'n non oojɨn Moij, i ngon kɨdɨngã kɨ basa ngãi. Tona nah mɨta kam kujt lo bɔwa. 21Kamla ngéag lana kɔ, ad ngon Paraõ kɨdẽ una toa tit ngon kamɨn be. 22Moij ndoo goosɨ ger nya lo deg kɨ Ejipt't, i de kɨ aw kɨ tɔg ngãi kam takelɨnt ho, kam nyaɗant ho.
23Na lon ɓala asɨ dɔsɔɔ ye, ɗe dɔat kad aw oo ngankõn Israelag. 24Taa ne, oo de mad kɨ Ejipt't ɗa ɗa nyakɨto kɨ de kɨ Israelt. Moij ɗe ganga dɔat, na nda ngɨra dɔ det'n ɗa ɗa sia nya kɨta nõ, tɔl Ejiptia'n non. 25Moij oo an: ngankõn a gerɨn kad i Luwah la ndɨ ajd kɨtakulɨn ye, na Israelag gerɨn nya 'nten al. 26Loti got, Moij ndɔd Israelag joo ɗa ɗɔɔn na, Moij gɔrd kɨ awɨn kɨ na kɨ ta al, na kɨ lan nooj nat. Eld an: Namg, ĩn ngankõnag, kɨtɔɗi i ɗa i ɗan ne nyakɨto kɨ na a?
27Na ĩn hã ɗa ɓa tɔg dɔ ngonkõt ye, ɔsɨ Moij kɨ gog, kamla ela an: Nõ ndai dɔjt kad ĩ ngegangta kuujt a? 28I ndig kɨ i tɔlɨm tit'n i tɔlɨn de kɨ Ejipt't taagbe yo?
29Lon Moij oo dɔ tag'n non ye, ãi aw ndɨ ɓe mbaht kam dɔning Madiat. Nõ be, ooj ngan kɨ dɨngãg joo.
30Lon ɓal dɔsɔɔ asɨ woi ye, malaika lo Bɨraɓe tee hɔi kɨ roat kam ndõ horrt kɨ õ du ngart kam dɨlalot kɨ dɔ mbalt kɨ Horeb. 31Lon Moij oo nya 'nten ye, ta yaa biw, ad ndɔt kɨ ro ngart kad'n nɔla kɔri kɔri kɨ n'oo. Taa ne, ndi Bɨraɓe ela an: 32Mĩ Bɨraɓe Luwah lo Bɔwig, Luwah lo Abraham, Isaak, kɨ Jakob. Ɓool ɗa Moij ngãi ad ndad yatɨt, asɨ kɨre kamɨn koon lo ye gog al.
33Bɨraɓe ela an: Ɔrr sa loi njait kɔ. Kɨtɔ lon i ɗat i dɔning kɨjaɓat. 34Kɨtɔ m'oo daiyog lo girrdeg lom kam dɔning Ejipt't, m'oo dɔ tõ ɗusɨ ɗusɨ loa. M'ɗisɨ kad m'tee sed kɔ kam ɓeɓert, na tajigla m'ndɨ m'lai, aw kam dɔning Ejipt't.
35Moij kɨkɨɗa kan deg mbetɨna anan: Nõ ndai ngekõɓe kɨ ngegangta kuujt a? Ye Moij kɨ kɨɗa'n non la Luwah tel laa kad ɔrr nõ deg lon tee sed kam ɓe ɓert. 36I Moij la ɔrr nõ ngan Israelg tee sed kam dɔning Ejipt't kɨ tɨga. Ɗa nyag kɨ yaya kɨ nyakɔjg dɔning Ejipt't, kam bahbot kɨ kɨrre, kɨ kam dɨlalot ɓal dɔsɔɔ. 37I Moij tɔ la el Israelag an: Luwah a la kɨ ngekelta kɨ tant, a ɓai ku ngankõt tit mĩ be.
38Lon ngan Israel kawɨn na dɨlalot ye, Moij i dandt, ɗa mbɨna malaikat'n ɗa elta dɔ mbalbot.
39Na bɔwjg mbetɨn tel rod go Moijt, ɔsɨna kɨ gog, adɨn ngarkamd i kɨ Ejipt't gog. 40Elɨn Aarõ anan: I ɗa luwahg mad adj kad ndian nõjt, kɨta kɨ ger nya'n ɗa Moij'n tee sej kɔ kam Ejipt't nõ al. 41Taa ne ɗan ngon mang mad, na ɗe lan kadkari adɨn yon non, na ɗan ronel dɔ kɨlaɗa jidt. 42Na Luwah tur gidɨn ad'd, nyad ad ɔsɨn dɔd ber hile ne yo kɨmẽ koosɨg kɨ dɔrãt tit'n ndangɨn ne maktubt lo ngékelta kɨ ta Luwaht anan: Ĩ deg kɨ Israelt, asɨ ɓal dɔsɔɔ kam dɨlalot ye, i mĩ la i lan dãg kɨjakɔ kɨ kadkarig admɨn yo?
43Jag. Kɨtɔ i ton kuj kub lo yo Molok, kɨ kɨmẽ yo Ropã, ĩn yog'n i ɗand kɨ jisɨ kad i ɔsɨn dɔsɨ ber nõdt.
Kɨtɔ 'nten m'a m'aw sesɨ ɓert sãi gid ɓe Babilont nu.
44Maɗi kam dɨlalot, bɔwjg awɨn kɨ kujkub ndɔdna kɨ Luwah, kuj'n maktub kunkɔ lo Luwah i kamt, Moij ngekelta kɨ ta Luwaht ɗa tit'n Luwah daan kad ɗa kɨgo kɔjt'n Luwah ɔja. 45Goot gog, bɔwjg ngahn kuj kub ndɨ Luwah'n non kokɨro bɔwdgt, andɨn ne nat kɨ Jojue, kaglot'n taan ne dɔning ji girrdegt kɨdangdang'n Luwah tuɓad nõdt. Kujkub ndɨ Luwah'n non to nõ mbã kaglot lo Dabid. 46Dabid ngah maj takum Luwaht lo Jakob, kɔa kad'n ɗa kuj kɨtakad Luwah lo Jakob ndɨt. 47Na i Salomõ la ɗa kuj'n non ad Luwah ye 48Na Luwah kɨ ngetɔi tɔi taa ne, kɨ ger ndɨ kam kujgt kɨ ɗa kɨ ji de al, tit'n ngekelta kɨ ta Luwaht elɨn an:
49Dɔrã i pong kõɓe lom,
dɔning i komber nda njam.
Kuj ɗi a i ɗa admɨn a? Kel Bɨraɓe;
ke lo kɨ ɗen tɔ hã m'am ndɨt a?
50Nyag'n non tube m'ɗad kɨ jim ale?
51Etien el ngégangta lo Juipg an: Ĩn deg kɨ ngéngɨra kɨ gosɨ, ngarkamsɨ kɨ mbisɨ ĩn kɨ kut mbukɨ dɔ tat lo Luwah, i ndɨ i taanɗɔɔ Ndil Kɨkunjɗang kɨndɔgndɔg tit'n ɓɔwsɨg ɗa ne maɗi ye, ĩn tɔ i ɗan titbe ho. 52Ngekelta kɨ ta Luwaht kɨɗen hã bɔwsɨg dan kuma ndo al a? Tɔlɨn ĩgɨn lan mber hoi ɗe lo de kɨdenesew. Na tajigla ĩng tɔ la i lana ji degt ho i tɔlɨna ho ye. 53I taan mberkɨnda lo Luwah kɨtakul malaikag, na i telɨn rosɨ got al.
Koi Etien
54Lon deg kɨ ngégangta ku juipgt oon dɔ tag 'nten ye, ɓan wong ngãi, ad dõn ngangd kɨta kumd il kirir dɔ Etient. 55Na Etien ɓakot kɨ Ndil Kɨkunjɗang, ad nda kumɨn ɗa oo lo kɨ dɔrãt ye, oo kunj Luwah kɨɗa ngereng ho, oo Jeju ɗa dõ dɔ jikõ Luwaht ho. 56Etien el an: M'oo dɔrã tee tan, ad Ngon de ɗa dõ dɔ jikõ Luwaht.
57Taa ne, deg oon dɔ ta 'nten, ɓa kon bang, udɨn wi kɨ ndid kɨbobe, kamla utɨn mbid. Goot hurɨn rukɨ, son dɔat ta kɨɗabe. 58Ɔrrɨn Etien ten sia gid ɓet, tɨlana kɨ mbal. Ngémanajg nyan kubg lod ji basat mad kɨ tɔa i Sool. 59Lon ɗa tɨlan Etien kɨ mbal ye, Etien ɗa elta kɨ Luwah an: Bɨraɓe Jeju i taa ndilɨm.
60Kamla ɔsɨ gojɨn ber, na ko kɨ ndin kɨbo an: Bɨraɓe i nyàgo majalg lod kɔ.
Go tat 'nten ye Etien oi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.