Kɨlag 6
6
Ngékawna kɔtɨn ngékɨlaɓerg tanãimɨta
1Kam ndɔgt'n non kɔr ngéndoog bɨla kɨ dɔtdɔt, ad Juipg ngékelta kɨ ta grek nyurɨn dɔ juipgt kɨ ngékelta Hebre, kɨta Juipg kɨ ngékelta grek oon kad ngéngawkoig lod ĩn kɨ nya kɨ nõbe kɨ ndɔg tube lo luɓo nyasat. 2Kɨtɔ 'nten, ngombangkɨlag kɨkɨlah gidaijoo, kunɨn ngéndoog tube kɨ rodt elɨnd anan: I goɗobat al kad kɨ nya ta ndoo deg ta lo Luwah, na kɨ tel kɨ ɗa kɨla luɓo nyasa deg.
3Kɨtɔ 'nten ngankõ, i kɔtɨn deg tanãimɨta kusɨt, deg'n oond ad ĩn deg kɨro, ɗoosɨn kɨ Ndil Kɨkunjɗang, kɨ terrkam tɔ. Jĩ tɔ j'a kɨ ndahd dɔ kɨlat 'nten. 4Na jĩ ngombangkɨlag taa ne, j'a kɨ hɔ go kelta kɨ Luwah, kɨ kɨla ndoo deg ta lo Luwah kɨndɔgndɔg.
5Ta 'nten ye, nel koosɨ ngéndoog tube, ad kɔtɨn Etien, i de kɨ adkamɨn Luwah kɨtaagbe kamla ɓakot kɨ Ndil Kɨkunjɗang, kɨ Pilip, kɨ Prokɔr, kɨ Nikanɔr, kɨ Timon, kɨ Parmenas kɨ Nikolas i de kɨ ɓebo Antiosɨ kɨ Sirit mad, tel ron go mberkɨndat lo Moij.
6Kamla ɗen sed ndahnd nõ ngombangkɨlagt, lon elɨn ta kɨ Luwah kɨtatɔd woi ye, ndahn jid dɔdt. 7Ta lo Luwah ta lo wom; kɔr ngéndoog kam ɓebot kɨ Jerusalem bɨla kɨ dɔtdɔt kɨ tɔi. Ngéjanyamosɨ kadkarig ngãibe taan ta lo Jeju.
Kɨbog lo Juipg hɔn Etien
8Luwah ad Etien ɗoosɨ kɨ tɔg kɨ majkurr lo Luwah, ad ɗa nyag kɨ yaya kɨ nyakɔjg kɨbobo ku degt. 9Na Juipg kɨ Sirent kɨ Alegjandɨr, ĩn deg kɨ a kawɨn na kɨndɔgndɔg kam kuj keltat kɨ Luwah'n a kunɨna: Kuj kelta kɨ Luwah lo deg kɨ taanyadõ, nat kɨ Juipg kɨ Silisit kɨ dɔning Ajiat majɨn na ta ngãibe kɨ Etien. 10Na asɨn dum dɔ Etien kɨ terr lod al, kɨta Ndil Kɨkunjɗang ada goosɨ kelta. 11Kamla ndugon deg madg kad elɨn anan: Etien elta kɨmal ndoorɨn Moij ho, Luwah ho ad j'oo dɔ kɨ mbij.
12Titbe la sɔkɨn ne koosɨdeg, kɨ kɨbog lo Juipg kɨ ngéndoo deg mberkɨndag, kamla son kɨ Etien, hɔna, awɨn sia nõ ngégangtagt. 13Ɗen kɨ ngémanajg kɨ ngom ad elɨn anan: De'n ɗan, nya ta kelta kɨmal dɔ lot kɨjaɓat'n ɗan al ho, dɔ mberkɨndat lo Moij al ho. 14Kɨtɔ j'oo dɔ maj el an: Jeju kɨ Najaret't a tuj kuj ndub Luwah hɔ, a mbel nya belɓeg'n Moij adj nõ ho.
15Deg tube'n ndɨn lo gangtat lo Juipg ye, ndan kumd kɨ dɔ Etient ndã kɨta takuma tel tit takum malaika be.
Currently Selected:
Kɨlag 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 6
6
Ngékawna kɔtɨn ngékɨlaɓerg tanãimɨta
1Kam ndɔgt'n non kɔr ngéndoog bɨla kɨ dɔtdɔt, ad Juipg ngékelta kɨ ta grek nyurɨn dɔ juipgt kɨ ngékelta Hebre, kɨta Juipg kɨ ngékelta grek oon kad ngéngawkoig lod ĩn kɨ nya kɨ nõbe kɨ ndɔg tube lo luɓo nyasat. 2Kɨtɔ 'nten, ngombangkɨlag kɨkɨlah gidaijoo, kunɨn ngéndoog tube kɨ rodt elɨnd anan: I goɗobat al kad kɨ nya ta ndoo deg ta lo Luwah, na kɨ tel kɨ ɗa kɨla luɓo nyasa deg.
3Kɨtɔ 'nten ngankõ, i kɔtɨn deg tanãimɨta kusɨt, deg'n oond ad ĩn deg kɨro, ɗoosɨn kɨ Ndil Kɨkunjɗang, kɨ terrkam tɔ. Jĩ tɔ j'a kɨ ndahd dɔ kɨlat 'nten. 4Na jĩ ngombangkɨlag taa ne, j'a kɨ hɔ go kelta kɨ Luwah, kɨ kɨla ndoo deg ta lo Luwah kɨndɔgndɔg.
5Ta 'nten ye, nel koosɨ ngéndoog tube, ad kɔtɨn Etien, i de kɨ adkamɨn Luwah kɨtaagbe kamla ɓakot kɨ Ndil Kɨkunjɗang, kɨ Pilip, kɨ Prokɔr, kɨ Nikanɔr, kɨ Timon, kɨ Parmenas kɨ Nikolas i de kɨ ɓebo Antiosɨ kɨ Sirit mad, tel ron go mberkɨndat lo Moij.
6Kamla ɗen sed ndahnd nõ ngombangkɨlagt, lon elɨn ta kɨ Luwah kɨtatɔd woi ye, ndahn jid dɔdt. 7Ta lo Luwah ta lo wom; kɔr ngéndoog kam ɓebot kɨ Jerusalem bɨla kɨ dɔtdɔt kɨ tɔi. Ngéjanyamosɨ kadkarig ngãibe taan ta lo Jeju.
Kɨbog lo Juipg hɔn Etien
8Luwah ad Etien ɗoosɨ kɨ tɔg kɨ majkurr lo Luwah, ad ɗa nyag kɨ yaya kɨ nyakɔjg kɨbobo ku degt. 9Na Juipg kɨ Sirent kɨ Alegjandɨr, ĩn deg kɨ a kawɨn na kɨndɔgndɔg kam kuj keltat kɨ Luwah'n a kunɨna: Kuj kelta kɨ Luwah lo deg kɨ taanyadõ, nat kɨ Juipg kɨ Silisit kɨ dɔning Ajiat majɨn na ta ngãibe kɨ Etien. 10Na asɨn dum dɔ Etien kɨ terr lod al, kɨta Ndil Kɨkunjɗang ada goosɨ kelta. 11Kamla ndugon deg madg kad elɨn anan: Etien elta kɨmal ndoorɨn Moij ho, Luwah ho ad j'oo dɔ kɨ mbij.
12Titbe la sɔkɨn ne koosɨdeg, kɨ kɨbog lo Juipg kɨ ngéndoo deg mberkɨndag, kamla son kɨ Etien, hɔna, awɨn sia nõ ngégangtagt. 13Ɗen kɨ ngémanajg kɨ ngom ad elɨn anan: De'n ɗan, nya ta kelta kɨmal dɔ lot kɨjaɓat'n ɗan al ho, dɔ mberkɨndat lo Moij al ho. 14Kɨtɔ j'oo dɔ maj el an: Jeju kɨ Najaret't a tuj kuj ndub Luwah hɔ, a mbel nya belɓeg'n Moij adj nõ ho.
15Deg tube'n ndɨn lo gangtat lo Juipg ye, ndan kumd kɨ dɔ Etient ndã kɨta takuma tel tit takum malaika be.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.