Kɨlag 21
21
Pol aw ɓebot kɨ Jerusalem
1Goot'n kɨ nya kɨbog lo ngékawna kɨ Epesɨ ye, j'un too kɨbo j'aw kɨɗingg sew kɨ tee koort kɨ tɔa i Kos. Loti got j'aw kɨ tee koort kɨ tɔa i Rod, nõbe kɨ tɔi j'aw ɓebot kɨ Patara. 2Kɨ ngah too kɨbo mad, na kɨ j'un j'awɨn dɔning Penisit. 3Lon j'aw kɨ tee koort kɨ tɔa i Sipɨr ye, kɨ nya lo kɨ ko dɔɔ, na j'aw kɨ dɔning Sirit. J'aw j'ud ɓebot kɨ Tir, kɨta nõbe la ɔrrɨn nya kɨ kam toot kɨbo kɨ ber. 4Kam ɓet kɨ Tir, kɨ ngah ngéndoog lo Jeju madg ad kɨ ɗa ndɔ tanãimɨta tit. Ndil ɔsɨ ngéndoog ad elɨn Pol anan: Ot nda njai Jerusalemt.
5Na lon kɨ ɗa ndɔ asɨ tanãimɨta woi ye, kɨ ɓai kad kɨ so ɗobo gog. Ĩn tube sed nẽdg kɨ ngandg danjɨn mbã teen sej gid ɓet. J'ɔsɨ goj'j ber ta bahbot, j'elta kɨ Luwah. 6Kamla kɨ ɗa na lapia, got kɨ j'al kam toot kɨbo, na ngéndoog lo Jeju tel awɨn ɓe gog. 7Lon kɨ tɔlkon mbah loj kɨ too kɨbo ko Tirt ye, kɨ tee ɓet kɨ Ptoleme. Nõbe kɨ ɗa lapia ngétaata lo Krist, kɨ ɗa sed ndɔ kɨɗa. 8Loti got, kɨ ɓai j'aw kam ɓet kɨ Sejaret. J'aw j'and kam kujt lo Pilip kɨ ngelamber Hoita kɨmaj, kɨ ndɨ roat. Pilip i kɨkɨɗa ku degt kɨtanãimɨta, ĩn kɔtɨnd kam ɓet kɨ Jerusalem kɨta ɗa kɨlaɓer. 9De'n non aw kɨ ngan kɨ mandg sɔɔ kɨ taan ngaw al ɓaitɔ. Ngan kɨdẽg'n non ĩn ngékelta kɨta Luwaht. 10Kɨ ndɨ nõbe kɨ ɗa ndɔg ngãibe. De mad kɨ ngekelta kɨ Luwaht tɔa i Agabus ɓai ko dɔning kɨ Judet. 11De'n non, lon ɗe rojt ye, un ngaland ndaɓoo lo Pol, dɔn jin kɨ njan tu. Kamla el an: Oon ta'n Ndil Kɨkunjɗang el laten: De'n i nge ngaland 'nten, jibel'n Juipg kɨ Jerusalemt a dɔn na ne, na a lana ji girrdegt kɨɗang.
12Lon j'oo dɔ tag 'nten ye, jĩ kɨ deg kɨ Sejaret'n kɨ ndɨ lot'n non ye, kɨ kɔ Pol kɨ rotĩj kɨ aw Jerusalemt al. 13Na Pol turj an: Ɗi kɨ be hã i ndɨ i ɗan a? Nõ losɨ tuj kam ta tuj kɨta m'ɗa rom woi kad kɨ dɔmɨn hã kɨɗabe al, na m'ɗa rom kad m'oi kam ɓet kɨ Jerusalem kɨta tɔ Bɨraɓe. 14Tit kan ibj mbĩ ye, kɨ hɔ ngang al, na kɨ j'el j'an: Kɨ Bɨraɓe Jeju ɗa nya'n kama ndig. 15Go ndɔgt'n non ye, kɨ ɗago roj kad j'aw ɓebot kɨ Jerusalem. 16Ngéndoog lo Jeju kɨ kam ɓet kɨ Sejare danjɨn awɨn sej ro ngendoot lo Jeju mad, tɔa i Nason, i de kɨ Sipɨrt.
Pol ndɔd kɨbog lo ngékawna kɨ Jerusalemt
17Lon j'aw kɨ tee ɓebot kɨ Jerusalem ye, ngankõ ngétaata lo Krist hɔjɨn kɨ rodt kɨ ronel. 18Loti got, Pol tee aw sej nat ro Jakt. Nõbe la kɨbog lo ngékawnag tube kawɨn na tit ye. 19Lon Pol ɗad lapia woi ye, ɔrrd hoi nyag tube'n Luwah ɗa kɨ ɗoba ɗoba ku girrdegt kɨ dang dang kɨtakulɨn. 20Lon kɨbog lo ngékawnag oon dɔ ta 'nten ye, ndubɨn Luwah ad elɨn Pol anan: Ngonkõ, ĩ kɨɓe kɨ dɔi oo koosɨ Juipg ngãibe telɨn ngétaata lo Krist, ĩn tube hɔn go mberkɨnda lo Moij sem. 21Deg ɔrrɨnd hoi anan: I ndɨ i ndoo Juipg tube ĩgɨn ndɨn ku girrdegt kɨ dang dang, kɨ tɔrrɨn jid girr mberkɨndat lo Moij kɔ, i ndɨ eld kad jan gaj ngandg al ho, kɨ ndulon go nyabelɓeg loj al ho tɔ. 22Ka kɨ ɗa ɗi a? Kɨtɔ koosɨdeg a kawɨn na kɨ nat kɨta oon dɔ ta ɗei nẽbe. 23Kɨtɔ 'nten ye, i ɗa nya'n hã j'a kɨ j'eli: J'aw kɨ deg sɔɔ rojt ne. Deg'n non unɨn kɔd kɨ yokɨnda. 24Maj kad ɔi deg'n non, na ar roi sed nat, i ba nya kɨ dɔdt kɨtakad ngɨsen ne dɔd kɔ. Titbe la deg tube a oo gerɨn kad nyag'n ndɨ elɨn dɔit ye, i rota al, na ĩ kɨɓe kɨ dɔi i ndɨ tel roi go mberkɨndat lo Moij. 25Na kɨ ndang maktub dɔ tat lo girrdeg dang dang ĩgɨn telɨn ngétaata lo Krist ye, j'eld kad san dã kɨ ndah ta yot al, kɨ san mosɨ dã al, ke dã kɨ tur kɔ, kad kɨ ngomɨn rod dɔ kayat kɨ ɗa. 26Taa ne, Pol ɔi deg kɨsɔɔ'n non aw sed. Loti got ar ron nat sed, na and kam kuj ndub Luwaht kad ɗa kɨgo nya belɓet lo Juipg kɨ ɔj dɔ ro kɨ kar. Kamla ad deg gerɨn kaglo'n nãi kɨ nõt nõ kad lan ne kadkari kɨjakɔ adɨn Luwah kɨta dekɨɗen kudt.
Juipg hɔn Pol kam kuj ndub Luwaht
27Lon ndɔ kɨtanãimɨta kɨta kar ro i nderbe ye, Juip madg kɨ dɔning Ajit oon Pol kam kuj ndub Luwaht, na ndun koosɨdeg un dɔ Polt, ad ndan jid dɔat hɔna ne. 28Kon anan: Deg kɨ Israelt i dĩjɨn. Oon de kan a ndoo deg tube, kɨ log tube nyandoo kɨ bĩdang, kɨ ndoor girrdeg loj, kɨ mberkɨnda lo Moij, kɨ kuj ndub Luwah'n ɗan tɔ. Kɨ tɔi 'nten ɓaitɔ, ad Grekg andɨn kam kuj ndub Luwaht, ad lo kɨjaɓat 'nten tel lo kɨyerr.
29Elɨn ta titbe, kɨta oon Tropim'n i de kɨ Epesɨt nat kɨ Pol kete kamɓet. Ye oon a anan Pol ada and kam kuj ndub Luwaht.
30Deg kɨ kam ɓet ndun kusɨ kawɨn na kɨ nat tentenbe, hɔn Pol ɔrrɨna kɨ tɨga gid kuj ndub Luwaht, utɨn tabitg tajigt. 31Juipg sahn tɔl Pol. Lon taa tee ro bɨradɔ ngéɗɔɔgt lo Romag kad ɓebo kɨ Jerusalem kɨtaagbe ɓai ɓirɓir ye, 32ɔi ngéɗɔɔg lon kanangbe nat kɨ bɨradɔdg, ad ãi teen ro koosɨdegt. Lon oon bɨradɔ ngéɗɔɔg kɨ ngéɗɔɔg ye, nyanta nda Pol. 33Kamla bɨradɔ ngéɗɔɔg ndɔt kɨ ro Polt nderbe, ad hɔn Pol, na dɔnah kɨ jinjir joo na ndɨje an: De'n ɗan ye i nõ a? Ɗa ɗi a?
34Na kɨmadg ku koosɨgt koon kɨta nya mad, kɨmadg kɨɗang koon kɨta nya mad kɨɗang tɔ. Tit'n bɨradɔ ngéɗɔɔg asɨ ger girr ta'n ɓai ku degt nõ jeje al ye, ndamber kad awɨn kɨ Pol kam kuj ngomdɔɓet lo ngéɗɔɔg.
35Lon Pol ɗe tee nderbe kɨ ɗigkujt ye, ngéɗɔɔg tona dɔdt kɨta koosɨg awɨn sia katang katang. 36Deg tube'n a ndulon god ye, a koon kɨ ndid kɨbobe, anan: Sumba koi.
Pol el rota ɔrrɨn ta dɔnt
37Lon ngéɗɔɔg ndɨ andɨn kɨ Pol kam kuj ngomdɔɓet lo ngéɗɔɔg ye, Pol el bɨradɔ ngéɗɔɔg an: A i nyam ad m'elta mad ale?
Bɨradɔ ngéɗɔɔg ndɨjea an: A elta grek ho oo? 38Ye, ĩ de kɨ Ejipt'n sila deg ad ndun ɗɔɔ, na ɔi deg dub sɔɔ aw sed kam mut ye ale?
39Pol el an: Mĩ ye, mĩ Juip, ɓekoojɨm i Tarsɨ kam dɔning Silisit. Mĩ ngon kɨɓe kam ɓebot kɨ tɔa ko dɔningt'n non, ye m'kɔi kɨ i nyam ad m'elta deg. 40Bɨradɔ ngéɗɔɔg nya ta ɗob ada, Pol ɗa dõ dɔ ɗigkuj ngomdɔɓet, mbɔj deg kɨ jin, ad lo to king, kamla Pol eld ta kɨ ta hebre an:
Currently Selected:
Kɨlag 21: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 21
21
Pol aw ɓebot kɨ Jerusalem
1Goot'n kɨ nya kɨbog lo ngékawna kɨ Epesɨ ye, j'un too kɨbo j'aw kɨɗingg sew kɨ tee koort kɨ tɔa i Kos. Loti got j'aw kɨ tee koort kɨ tɔa i Rod, nõbe kɨ tɔi j'aw ɓebot kɨ Patara. 2Kɨ ngah too kɨbo mad, na kɨ j'un j'awɨn dɔning Penisit. 3Lon j'aw kɨ tee koort kɨ tɔa i Sipɨr ye, kɨ nya lo kɨ ko dɔɔ, na j'aw kɨ dɔning Sirit. J'aw j'ud ɓebot kɨ Tir, kɨta nõbe la ɔrrɨn nya kɨ kam toot kɨbo kɨ ber. 4Kam ɓet kɨ Tir, kɨ ngah ngéndoog lo Jeju madg ad kɨ ɗa ndɔ tanãimɨta tit. Ndil ɔsɨ ngéndoog ad elɨn Pol anan: Ot nda njai Jerusalemt.
5Na lon kɨ ɗa ndɔ asɨ tanãimɨta woi ye, kɨ ɓai kad kɨ so ɗobo gog. Ĩn tube sed nẽdg kɨ ngandg danjɨn mbã teen sej gid ɓet. J'ɔsɨ goj'j ber ta bahbot, j'elta kɨ Luwah. 6Kamla kɨ ɗa na lapia, got kɨ j'al kam toot kɨbo, na ngéndoog lo Jeju tel awɨn ɓe gog. 7Lon kɨ tɔlkon mbah loj kɨ too kɨbo ko Tirt ye, kɨ tee ɓet kɨ Ptoleme. Nõbe kɨ ɗa lapia ngétaata lo Krist, kɨ ɗa sed ndɔ kɨɗa. 8Loti got, kɨ ɓai j'aw kam ɓet kɨ Sejaret. J'aw j'and kam kujt lo Pilip kɨ ngelamber Hoita kɨmaj, kɨ ndɨ roat. Pilip i kɨkɨɗa ku degt kɨtanãimɨta, ĩn kɔtɨnd kam ɓet kɨ Jerusalem kɨta ɗa kɨlaɓer. 9De'n non aw kɨ ngan kɨ mandg sɔɔ kɨ taan ngaw al ɓaitɔ. Ngan kɨdẽg'n non ĩn ngékelta kɨta Luwaht. 10Kɨ ndɨ nõbe kɨ ɗa ndɔg ngãibe. De mad kɨ ngekelta kɨ Luwaht tɔa i Agabus ɓai ko dɔning kɨ Judet. 11De'n non, lon ɗe rojt ye, un ngaland ndaɓoo lo Pol, dɔn jin kɨ njan tu. Kamla el an: Oon ta'n Ndil Kɨkunjɗang el laten: De'n i nge ngaland 'nten, jibel'n Juipg kɨ Jerusalemt a dɔn na ne, na a lana ji girrdegt kɨɗang.
12Lon j'oo dɔ tag 'nten ye, jĩ kɨ deg kɨ Sejaret'n kɨ ndɨ lot'n non ye, kɨ kɔ Pol kɨ rotĩj kɨ aw Jerusalemt al. 13Na Pol turj an: Ɗi kɨ be hã i ndɨ i ɗan a? Nõ losɨ tuj kam ta tuj kɨta m'ɗa rom woi kad kɨ dɔmɨn hã kɨɗabe al, na m'ɗa rom kad m'oi kam ɓet kɨ Jerusalem kɨta tɔ Bɨraɓe. 14Tit kan ibj mbĩ ye, kɨ hɔ ngang al, na kɨ j'el j'an: Kɨ Bɨraɓe Jeju ɗa nya'n kama ndig. 15Go ndɔgt'n non ye, kɨ ɗago roj kad j'aw ɓebot kɨ Jerusalem. 16Ngéndoog lo Jeju kɨ kam ɓet kɨ Sejare danjɨn awɨn sej ro ngendoot lo Jeju mad, tɔa i Nason, i de kɨ Sipɨrt.
Pol ndɔd kɨbog lo ngékawna kɨ Jerusalemt
17Lon j'aw kɨ tee ɓebot kɨ Jerusalem ye, ngankõ ngétaata lo Krist hɔjɨn kɨ rodt kɨ ronel. 18Loti got, Pol tee aw sej nat ro Jakt. Nõbe la kɨbog lo ngékawnag tube kawɨn na tit ye. 19Lon Pol ɗad lapia woi ye, ɔrrd hoi nyag tube'n Luwah ɗa kɨ ɗoba ɗoba ku girrdegt kɨ dang dang kɨtakulɨn. 20Lon kɨbog lo ngékawnag oon dɔ ta 'nten ye, ndubɨn Luwah ad elɨn Pol anan: Ngonkõ, ĩ kɨɓe kɨ dɔi oo koosɨ Juipg ngãibe telɨn ngétaata lo Krist, ĩn tube hɔn go mberkɨnda lo Moij sem. 21Deg ɔrrɨnd hoi anan: I ndɨ i ndoo Juipg tube ĩgɨn ndɨn ku girrdegt kɨ dang dang, kɨ tɔrrɨn jid girr mberkɨndat lo Moij kɔ, i ndɨ eld kad jan gaj ngandg al ho, kɨ ndulon go nyabelɓeg loj al ho tɔ. 22Ka kɨ ɗa ɗi a? Kɨtɔ koosɨdeg a kawɨn na kɨ nat kɨta oon dɔ ta ɗei nẽbe. 23Kɨtɔ 'nten ye, i ɗa nya'n hã j'a kɨ j'eli: J'aw kɨ deg sɔɔ rojt ne. Deg'n non unɨn kɔd kɨ yokɨnda. 24Maj kad ɔi deg'n non, na ar roi sed nat, i ba nya kɨ dɔdt kɨtakad ngɨsen ne dɔd kɔ. Titbe la deg tube a oo gerɨn kad nyag'n ndɨ elɨn dɔit ye, i rota al, na ĩ kɨɓe kɨ dɔi i ndɨ tel roi go mberkɨndat lo Moij. 25Na kɨ ndang maktub dɔ tat lo girrdeg dang dang ĩgɨn telɨn ngétaata lo Krist ye, j'eld kad san dã kɨ ndah ta yot al, kɨ san mosɨ dã al, ke dã kɨ tur kɔ, kad kɨ ngomɨn rod dɔ kayat kɨ ɗa. 26Taa ne, Pol ɔi deg kɨsɔɔ'n non aw sed. Loti got ar ron nat sed, na and kam kuj ndub Luwaht kad ɗa kɨgo nya belɓet lo Juipg kɨ ɔj dɔ ro kɨ kar. Kamla ad deg gerɨn kaglo'n nãi kɨ nõt nõ kad lan ne kadkari kɨjakɔ adɨn Luwah kɨta dekɨɗen kudt.
Juipg hɔn Pol kam kuj ndub Luwaht
27Lon ndɔ kɨtanãimɨta kɨta kar ro i nderbe ye, Juip madg kɨ dɔning Ajit oon Pol kam kuj ndub Luwaht, na ndun koosɨdeg un dɔ Polt, ad ndan jid dɔat hɔna ne. 28Kon anan: Deg kɨ Israelt i dĩjɨn. Oon de kan a ndoo deg tube, kɨ log tube nyandoo kɨ bĩdang, kɨ ndoor girrdeg loj, kɨ mberkɨnda lo Moij, kɨ kuj ndub Luwah'n ɗan tɔ. Kɨ tɔi 'nten ɓaitɔ, ad Grekg andɨn kam kuj ndub Luwaht, ad lo kɨjaɓat 'nten tel lo kɨyerr.
29Elɨn ta titbe, kɨta oon Tropim'n i de kɨ Epesɨt nat kɨ Pol kete kamɓet. Ye oon a anan Pol ada and kam kuj ndub Luwaht.
30Deg kɨ kam ɓet ndun kusɨ kawɨn na kɨ nat tentenbe, hɔn Pol ɔrrɨna kɨ tɨga gid kuj ndub Luwaht, utɨn tabitg tajigt. 31Juipg sahn tɔl Pol. Lon taa tee ro bɨradɔ ngéɗɔɔgt lo Romag kad ɓebo kɨ Jerusalem kɨtaagbe ɓai ɓirɓir ye, 32ɔi ngéɗɔɔg lon kanangbe nat kɨ bɨradɔdg, ad ãi teen ro koosɨdegt. Lon oon bɨradɔ ngéɗɔɔg kɨ ngéɗɔɔg ye, nyanta nda Pol. 33Kamla bɨradɔ ngéɗɔɔg ndɔt kɨ ro Polt nderbe, ad hɔn Pol, na dɔnah kɨ jinjir joo na ndɨje an: De'n ɗan ye i nõ a? Ɗa ɗi a?
34Na kɨmadg ku koosɨgt koon kɨta nya mad, kɨmadg kɨɗang koon kɨta nya mad kɨɗang tɔ. Tit'n bɨradɔ ngéɗɔɔg asɨ ger girr ta'n ɓai ku degt nõ jeje al ye, ndamber kad awɨn kɨ Pol kam kuj ngomdɔɓet lo ngéɗɔɔg.
35Lon Pol ɗe tee nderbe kɨ ɗigkujt ye, ngéɗɔɔg tona dɔdt kɨta koosɨg awɨn sia katang katang. 36Deg tube'n a ndulon god ye, a koon kɨ ndid kɨbobe, anan: Sumba koi.
Pol el rota ɔrrɨn ta dɔnt
37Lon ngéɗɔɔg ndɨ andɨn kɨ Pol kam kuj ngomdɔɓet lo ngéɗɔɔg ye, Pol el bɨradɔ ngéɗɔɔg an: A i nyam ad m'elta mad ale?
Bɨradɔ ngéɗɔɔg ndɨjea an: A elta grek ho oo? 38Ye, ĩ de kɨ Ejipt'n sila deg ad ndun ɗɔɔ, na ɔi deg dub sɔɔ aw sed kam mut ye ale?
39Pol el an: Mĩ ye, mĩ Juip, ɓekoojɨm i Tarsɨ kam dɔning Silisit. Mĩ ngon kɨɓe kam ɓebot kɨ tɔa ko dɔningt'n non, ye m'kɔi kɨ i nyam ad m'elta deg. 40Bɨradɔ ngéɗɔɔg nya ta ɗob ada, Pol ɗa dõ dɔ ɗigkuj ngomdɔɓet, mbɔj deg kɨ jin, ad lo to king, kamla Pol eld ta kɨ ta hebre an:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.