Kɨlag 20
20
Pol aw kam dɔning Masedɔant kɨ kam dɔning Gresɨt
1Lon ta'n non goto woi ye, Pol kaw ngéndoog lo Jeju kɨ ront kamla ɔjd kɨ hɔntɔgd bá. Kamla ɗad lapia, na ɓai aw dɔningt kɨ Masedɔan. 2Lago dɔning'n non ɔj ngétaata lo Krist kɨ kɔjg kɨ dang dang kamla tɔi aw dɔning Gresɨt ye. 3Pol ɗa nah mɨta dɔningt lo Grekg nu, na lon kaglo asɨ kad un too kɨbo kad kɨ n'aw dɔning Sirit ye, oo kad Juipg lan tad ber kad kɨ n'tɔlɨna. Kɨtɔ 'nten Pol nda kamɨnt kɨ'n tel kɨ ɗob kɨ Masedɔant gog.
4Deg'n danɨn Pol la tɔd ten: Sopater i ngon Pirus, i de kɨ ɓebot kɨ Bere: Gaius i de kɨ ɓebot kɨ Derb, kɨ Timote, kɨ Tisik, kɨ Tropim kam dɔningt kɨ Ajit. 5Deg'n non awɨn kete nõjt ndɨ ngoojɨn ɓebot kɨ Troas. 6Na jĩ taa ne, j'un too kɨbo takum kaat kɨ Pilip go ndɔ ɗa nah bɨna kɨkanj berrkasɨt. Kɨ ngahd Troast go ndɔt kɨ kõ mi. Kɨ ɗa ndɔ tanãimɨta nõbe.
Dɔboi koon Pol oo be kɨ Troas
7Ndɔ kɨ dasabang lo ndɔg kɨtanãimɨta, lon kɨ kawna kad kɨ ɗa namna dɔ bɨnat ye, Pol elta ngankõg kɨdɨngã kɨ kɨdẽg ngétaata lo Jeju. Kɨtɔ Pol ndig kɨ'n ɓai lot'n non kɨ n'aw kete ye, ndood ta kɨkanj nya tan mbã danlo tet. 8Kɨ kawna kɨ kam kujt kɨ dõ, horrdɔgg ngãibe ĩn tit. 9Basa mad, tɔa i Etikus, ndɨ ta penetɨrt, ɓi tɔla sɔkɨr. Lon Pol ɗa elta kɨ dɔt dɔt ɓaitɔ ye, ɓi taa tɔg basa'n non ad ɓai dõ dɔ kujt kɨkõmɨta tee so. Lon deg aw unɨn na ye oi.
10Pol ɗisɨ aw so kɔat una kam jint, kamla el an: Ot kudɨn wi, to kumkajir ɓaitɔ.
11Kamla Pol tel al dõ gog tet bɨna sa, got gog elta sed kɔkɨ ɓaitɔ mbã kàd ɓa. Kamla ɓai aw ye. 12Go nyagt 'nten taa, ɗen kɨ ngon kɨ basa'n non kɨ dɔa dõ, ad kam deg tube sokɨber.
Pol ɓai ɓet kɨ Troas aw ɓet kɨ Mile
13Na jĩ j'aw kete j'un too kɨbo kad j'aw ɓet kɨ Asos, nõbe la ɓet j'a kɨ j'un Pol tit nõ kɨta Pol ĩ kɨɓe kɨ dɔn la ndig kaw kɨ njan ye. 14Pol aw ndɔdj Asost. J'una kam toot kɨbo, na j'aw nat ɓet kɨ Mitilen. 15Kɨ ɓai nõbe kam toot kɨbo loti got la j'aw kɨ tee lot kɨ sumba nõ sia sew. Ndɔ kɨ got, j'aw kɨ tee Samost. Loti got tɔ kamla, kɨ tee ɓet kɨ Mile ye. 16Kɨtɔ Pol nda kamɨnt kɨ'n tɔi dõ kɨ n'aw Epesɨt, ndig kad kaglo tɔin kam dɔning Ajit al, kɨta ndɨ ɗa Kanag kad ĩla i root a ne n'tee Jerusalemt kɨ ndɔ Pentekot.
Pol elta sed kɨbog kɨ ɓebot kɨ Epesɨ
17Ko Milet la Pol la Epesɨt ad kunɨn kɨbog lo ngékawna ye. 18Lon ɗe teen roat ye, Pol eld an: I gerɨn nyaɗam, titbãi dãsɨt kɨ kaglo tube'n mĩn nat sesɨ, ɓai ndɔt kɨdasabang lon m'ndan njam kam dɔning Ajit mbã ɓone. 19M'ɗa kɨlaɓer lo Bɨraɓe kɨ hal kɨ sɔlom, kɨ man nõ, kamkõt kɨdangdang'n tee dɔmt kɨgo tat kɨ laber lo Juipg kad ɗan sem majal. 20I gerɨn ɓet, m'yasɨ dɔ nya mad kɨ kara tot kɨtatɔsɨ al. M'lasɨ mber ta lo Luwah kɨkanj ɓool, m'ndoosɨ kɨ tɨga wakɨsɨ nõ degt, kɨ kam kujg. 21M'el Juipg kɨ Grekg kad kɨ tɔrrɨn ndid dɔ majalgt lod, kɨ telɨn kɨ ro Luwaht, kɨ adɨn kamd Bɨraɓe loj Jeju. 22Na tajigla, oon maj. M'ndɨ m'aw Jerusalemt, m'ndɨ m'tel rom go tat lo Ndil, ad m'ger nya kɨ a tee dɔmt nu al. 23Nya'n m'ger la ten: Ndil Kɨkunjɗang ug elɨm kad dangai kɨ ɗa kɨ kamkɔlg to ngoomɨn kam ɓet kɨɗen. 24Mĩ taa ne, ndim kɨ dɔm dõ ye, m'oo tit i nya mad kɨ gata i ngãi romt al, na nya'n ndaa i tit takumt i kad m'ɗa kɨlaɓer lom m'tɔl kona, m'ɗa nya'n hã Bɨraɓe ndɨjem ad i manaj dɔ Hoitat kɨmaj lo tar lo Luwah. 25Ĩn tube, lon m'ndia m'tee kusɨt ye, m'la mber kõɓe lo Luwah, na tajigla taa, m'ger kad a oon takum'm gog al ta. 26Kɨtɔ 'nten m'elsɨ ɓone kɨ tɨga wakɨsɨ. Luwah i ngémam naj, ĩla de mad nuj kɔ a ne, mosa i dɔmt al, ta goto dɔmt. 27Kɨtɔ m'lasɨ mber takɔj lo Luwah kɨtaagbe, nya mad kɨ m'yasɨ dɔ be goto.
28Kɨtɔ 'nten oon go rosɨ maj. Oon go ɓut batg lo Luwah'n hã Ndil Kɨkunjɗang ndasɨ dɔt kad ĩn ngékoogod, kad ulɨn ngékawna lo Luwah'n ndugo kɨ mosɨn kɨ kɔsɨdɔn. 29M'ger maj, go kawɨnt deg madg tit bisɨkolog kɨ ngétɔkoh nya a udɨn kusɨt yereng, a nyan ɓut batg dõ al. 30Deg madg a ɓain dãsɨt, a elɨn tag kɨ bal, kad ɔrrɨn ne ngéndoog lo Jeju godt. 31Kɨtɔ 'nten i ndɨn dɔgt, adɨn kamsɨ oi dɔ al, ɓal mɨta ndɔ ho kàda ho m'nya ta kɔjsɨ al, m'ɔjsɨ kɨkanj nyata kɨ man nõ kumt. 32Tajigla m'lasɨ ji Luwaht ho, ta kamkẽt loa ho. Ta'n non asɨ ɗa sesɨ kɨ dõ kam kadkamt losɨ, kɨtakula tɔ la Luwah asɨ kadsɨn nyanduba nat kɨ deg tube'n hã ĩn deg loa. 33M'ɗa kumndà nar, ke lɔr, ke kub lo de mad al. 34Ĩn kɨɓe kɨ dɔsɨ i gerɨn maj, m'ɗa kɨla kɨ jim la kad m'ngan nyasa kɨ tamt m'sa, na kɨ m'ɗan kɨ deg'n ĩn nat sem ho ye. 35Kɨ ndɔg m'ɔjsɨ kad i ɗan kɨla kɨ jisɨ kad i ɗan ne kɨ deg'n hã ĩn kɨ tõ. Adɨn kamsɨ gah dɔ tat'n Bɨraɓe Jeju el an: Kad nya i kɨ ronel maj ngãi tɔi taa nya.
36Lon Pol eltag 'nten tɨga woi ye, ɔsɨ gojɨn ber kamla elta kɨ Luwah nat sed tube. 37Taa ne, deg tube'n non, son kɔ Polt ɗana lapia njuta. 38Ɗan kamkil ngãi kɨta Pol eld an: A oon takum'm gog al ta. Danɨna mbã teen sia ta toot kɨbo.
Currently Selected:
Kɨlag 20: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 20
20
Pol aw kam dɔning Masedɔant kɨ kam dɔning Gresɨt
1Lon ta'n non goto woi ye, Pol kaw ngéndoog lo Jeju kɨ ront kamla ɔjd kɨ hɔntɔgd bá. Kamla ɗad lapia, na ɓai aw dɔningt kɨ Masedɔan. 2Lago dɔning'n non ɔj ngétaata lo Krist kɨ kɔjg kɨ dang dang kamla tɔi aw dɔning Gresɨt ye. 3Pol ɗa nah mɨta dɔningt lo Grekg nu, na lon kaglo asɨ kad un too kɨbo kad kɨ n'aw dɔning Sirit ye, oo kad Juipg lan tad ber kad kɨ n'tɔlɨna. Kɨtɔ 'nten Pol nda kamɨnt kɨ'n tel kɨ ɗob kɨ Masedɔant gog.
4Deg'n danɨn Pol la tɔd ten: Sopater i ngon Pirus, i de kɨ ɓebot kɨ Bere: Gaius i de kɨ ɓebot kɨ Derb, kɨ Timote, kɨ Tisik, kɨ Tropim kam dɔningt kɨ Ajit. 5Deg'n non awɨn kete nõjt ndɨ ngoojɨn ɓebot kɨ Troas. 6Na jĩ taa ne, j'un too kɨbo takum kaat kɨ Pilip go ndɔ ɗa nah bɨna kɨkanj berrkasɨt. Kɨ ngahd Troast go ndɔt kɨ kõ mi. Kɨ ɗa ndɔ tanãimɨta nõbe.
Dɔboi koon Pol oo be kɨ Troas
7Ndɔ kɨ dasabang lo ndɔg kɨtanãimɨta, lon kɨ kawna kad kɨ ɗa namna dɔ bɨnat ye, Pol elta ngankõg kɨdɨngã kɨ kɨdẽg ngétaata lo Jeju. Kɨtɔ Pol ndig kɨ'n ɓai lot'n non kɨ n'aw kete ye, ndood ta kɨkanj nya tan mbã danlo tet. 8Kɨ kawna kɨ kam kujt kɨ dõ, horrdɔgg ngãibe ĩn tit. 9Basa mad, tɔa i Etikus, ndɨ ta penetɨrt, ɓi tɔla sɔkɨr. Lon Pol ɗa elta kɨ dɔt dɔt ɓaitɔ ye, ɓi taa tɔg basa'n non ad ɓai dõ dɔ kujt kɨkõmɨta tee so. Lon deg aw unɨn na ye oi.
10Pol ɗisɨ aw so kɔat una kam jint, kamla el an: Ot kudɨn wi, to kumkajir ɓaitɔ.
11Kamla Pol tel al dõ gog tet bɨna sa, got gog elta sed kɔkɨ ɓaitɔ mbã kàd ɓa. Kamla ɓai aw ye. 12Go nyagt 'nten taa, ɗen kɨ ngon kɨ basa'n non kɨ dɔa dõ, ad kam deg tube sokɨber.
Pol ɓai ɓet kɨ Troas aw ɓet kɨ Mile
13Na jĩ j'aw kete j'un too kɨbo kad j'aw ɓet kɨ Asos, nõbe la ɓet j'a kɨ j'un Pol tit nõ kɨta Pol ĩ kɨɓe kɨ dɔn la ndig kaw kɨ njan ye. 14Pol aw ndɔdj Asost. J'una kam toot kɨbo, na j'aw nat ɓet kɨ Mitilen. 15Kɨ ɓai nõbe kam toot kɨbo loti got la j'aw kɨ tee lot kɨ sumba nõ sia sew. Ndɔ kɨ got, j'aw kɨ tee Samost. Loti got tɔ kamla, kɨ tee ɓet kɨ Mile ye. 16Kɨtɔ Pol nda kamɨnt kɨ'n tɔi dõ kɨ n'aw Epesɨt, ndig kad kaglo tɔin kam dɔning Ajit al, kɨta ndɨ ɗa Kanag kad ĩla i root a ne n'tee Jerusalemt kɨ ndɔ Pentekot.
Pol elta sed kɨbog kɨ ɓebot kɨ Epesɨ
17Ko Milet la Pol la Epesɨt ad kunɨn kɨbog lo ngékawna ye. 18Lon ɗe teen roat ye, Pol eld an: I gerɨn nyaɗam, titbãi dãsɨt kɨ kaglo tube'n mĩn nat sesɨ, ɓai ndɔt kɨdasabang lon m'ndan njam kam dɔning Ajit mbã ɓone. 19M'ɗa kɨlaɓer lo Bɨraɓe kɨ hal kɨ sɔlom, kɨ man nõ, kamkõt kɨdangdang'n tee dɔmt kɨgo tat kɨ laber lo Juipg kad ɗan sem majal. 20I gerɨn ɓet, m'yasɨ dɔ nya mad kɨ kara tot kɨtatɔsɨ al. M'lasɨ mber ta lo Luwah kɨkanj ɓool, m'ndoosɨ kɨ tɨga wakɨsɨ nõ degt, kɨ kam kujg. 21M'el Juipg kɨ Grekg kad kɨ tɔrrɨn ndid dɔ majalgt lod, kɨ telɨn kɨ ro Luwaht, kɨ adɨn kamd Bɨraɓe loj Jeju. 22Na tajigla, oon maj. M'ndɨ m'aw Jerusalemt, m'ndɨ m'tel rom go tat lo Ndil, ad m'ger nya kɨ a tee dɔmt nu al. 23Nya'n m'ger la ten: Ndil Kɨkunjɗang ug elɨm kad dangai kɨ ɗa kɨ kamkɔlg to ngoomɨn kam ɓet kɨɗen. 24Mĩ taa ne, ndim kɨ dɔm dõ ye, m'oo tit i nya mad kɨ gata i ngãi romt al, na nya'n ndaa i tit takumt i kad m'ɗa kɨlaɓer lom m'tɔl kona, m'ɗa nya'n hã Bɨraɓe ndɨjem ad i manaj dɔ Hoitat kɨmaj lo tar lo Luwah. 25Ĩn tube, lon m'ndia m'tee kusɨt ye, m'la mber kõɓe lo Luwah, na tajigla taa, m'ger kad a oon takum'm gog al ta. 26Kɨtɔ 'nten m'elsɨ ɓone kɨ tɨga wakɨsɨ. Luwah i ngémam naj, ĩla de mad nuj kɔ a ne, mosa i dɔmt al, ta goto dɔmt. 27Kɨtɔ m'lasɨ mber takɔj lo Luwah kɨtaagbe, nya mad kɨ m'yasɨ dɔ be goto.
28Kɨtɔ 'nten oon go rosɨ maj. Oon go ɓut batg lo Luwah'n hã Ndil Kɨkunjɗang ndasɨ dɔt kad ĩn ngékoogod, kad ulɨn ngékawna lo Luwah'n ndugo kɨ mosɨn kɨ kɔsɨdɔn. 29M'ger maj, go kawɨnt deg madg tit bisɨkolog kɨ ngétɔkoh nya a udɨn kusɨt yereng, a nyan ɓut batg dõ al. 30Deg madg a ɓain dãsɨt, a elɨn tag kɨ bal, kad ɔrrɨn ne ngéndoog lo Jeju godt. 31Kɨtɔ 'nten i ndɨn dɔgt, adɨn kamsɨ oi dɔ al, ɓal mɨta ndɔ ho kàda ho m'nya ta kɔjsɨ al, m'ɔjsɨ kɨkanj nyata kɨ man nõ kumt. 32Tajigla m'lasɨ ji Luwaht ho, ta kamkẽt loa ho. Ta'n non asɨ ɗa sesɨ kɨ dõ kam kadkamt losɨ, kɨtakula tɔ la Luwah asɨ kadsɨn nyanduba nat kɨ deg tube'n hã ĩn deg loa. 33M'ɗa kumndà nar, ke lɔr, ke kub lo de mad al. 34Ĩn kɨɓe kɨ dɔsɨ i gerɨn maj, m'ɗa kɨla kɨ jim la kad m'ngan nyasa kɨ tamt m'sa, na kɨ m'ɗan kɨ deg'n ĩn nat sem ho ye. 35Kɨ ndɔg m'ɔjsɨ kad i ɗan kɨla kɨ jisɨ kad i ɗan ne kɨ deg'n hã ĩn kɨ tõ. Adɨn kamsɨ gah dɔ tat'n Bɨraɓe Jeju el an: Kad nya i kɨ ronel maj ngãi tɔi taa nya.
36Lon Pol eltag 'nten tɨga woi ye, ɔsɨ gojɨn ber kamla elta kɨ Luwah nat sed tube. 37Taa ne, deg tube'n non, son kɔ Polt ɗana lapia njuta. 38Ɗan kamkil ngãi kɨta Pol eld an: A oon takum'm gog al ta. Danɨna mbã teen sia ta toot kɨbo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.