Kɨlag 19
19
Pol kam ɓet kɨ Epesɨ
1Lon Apolos i kam ɓet kɨ Korent ɓaitɔ ye, Pol ɓai aw lago log kɨ dɔning mbalbogt kɨ Asi, aw tee ɓebot kɨ Epesɨ. Nõ be ngah ngéndoog lo Jeju madg tit. 2Kamla ndɨjed an: Lon i telɨn ngétaata lo Krist ye, i taan Ndil Kɨkunjɗang a? Turɨna anan: J'oo dɔ nja kɨɗa kad Ndil Kɨkunjɗang i nõ al?
3Pol ndɨjed an: Baptem kɨ ɗa ɗasɨn a?
Turɨna anan: Baptem lo Jã la ɗajɨn ye.
4Kamla Pol eld tɔ an: Jã taa, ɗa deg baptem tɔrrndi dɔ majalgt lod, el deg kad taan ta lo de'n ndɨ ɗe gont ad i Jeju.
5Lon ngétaata lo Krist kam ɓet kɨ Epesɨ oon dɔ ta 'nten ye, ad ɗand baptem kam tɔ Bɨraɓe Jejut. 6Kamla Pol nda jin dɔdt ad Ndil Kɨkunjɗang ɗe dɔdt, ad elɨn ta kɨ ta ɓeg kɨ dang dang ndɔ'n ne ndil nyag kɨ Luwah tee dɔ ad'd. 7Deg'n non tube kɔrd asɨ kɨlah gidaijoo. 8Pol and kam kuj kawnat lo Juipg asɨ nah mɨta, ndɨ elta deg kɨ kam kɨmisɨmisɨ, la mber ta kɨ ɔj dɔ kõɓe lo Luwah, sah kɨ rotĩn kɨ deg oon dɔ ta lon, kɨ'n dum dɔd kɨ goosɨ ta. 9Na lon kɨmadg kamd kongkong, ad telɨn kɨ takɨmal ndoorɨn ne ɗob lo Bɨraɓe nõ koosɨdegt ye, Pol tee kudt kɔ, ɔrr ngéndoog lo Jeju nat sen, aw kam lo nyandoot lo Tiranus, ɗa ndoo deg nya tit kɨndɔgndɔg. 10Pol ɗa kɨla 'nten asɨ ɓal joo. Titbe ngendɨ dɔning Ajit tube ad i Juipg kɨ Grekg tube oon dɔ ta lo Bɨraɓe.
Ta lo ngan Seba
11Luwah ɗa kɨlag kɨ tɔg kɨ nyakɔjg kɨ bĩdang kɨ ji Pol. 12I titbe la ɔin mindilg kɨ tablieg kɨ ɔd ro Pol, awɨn ne lan dɔ ngémõig, ad yootɨn dɔ rotogt lod, ndilg kɨmajalg kaa teen kɔ tɔ. 13Juip madg ngétuɓa ndil kɨyerrg a awɨn kɨ lo lo, kɨ goɓeg, unɨn tɔ Jeju a sahn kɨ n'ɔrrɨn ne ndil kɨmajalg kam degt kɨ mõi. 14Juip mad ndɨ nõ, i bɨra ngejanyamosɨkadkari, tɔa i Seba, aw kɨ ngang kɨdɨngãg tanãimɨta'n ɗa ɗan nya 'nten. 15Na ndil kɨmajal turd an: M'ger Jeju ɓet, m'ger de'n tɔa i Pol nõ ho. Na ĩn ye, ĩn nõg a? 16Kamla de'n ndil kɨmajal i kamat ye, ɓai so kɔ ngan Sebat, ib dɔd mbĩ, ɗa sed nya kɨ to asɨ tatbe, ad teen kam kujt ãin na kɨ ro kɨ kil yolel ho, kɨ ro kɨ tɔrr doo njɔt njɔt ho. 17Deg tube, Juipg kɨ Grekg, ngendɨ ɓebot kɨ Epesɨ gerɨn nya'n ɗa nya ye kɔi kɔi, ad ɓool ɗad tube, ad elɨn anan: Tɔ Bɨraɓe Jeju i kɨbo tɔi. 18Deg ngãibe'n telɨn ngétaata lo Jeju, ɗen ɗa tɔ'n tad dɔ majalgt lod ho, dan ne nya ɗad kɨ tɨga wakɨsɨ ho. 19Kɨmadg ngãibe kudt ĩn ngeɗayog, kawɨn maktub yog lod lan horr nõ degt tube, tɨdan kɔr nar maktubg'n non asɨ nar arjã dub dɔmi. 20Titbe ta lo Bɨraɓe aw kɨ ketekete kɨtakul tɔg Bɨraɓe ho, ɔj tɔgɨn kɨ tɨga kam kɨlaɗant tɔ.
Ta ɓai kam ɓet kɨ Epesɨ
21Go nyagt'n non ye, Pol nda kamɨnt kɨ'n ndah dɔning Masedɔan kɨ Akai ngang kamla kɨ'n aw ɓebo Jerusalemt. El an: Goot'n m'a m'aw nu ye, sumba kad m'a m'aw m'oo ɓebo kɨ Rom. 22Kamla la kɨ ngéɗasen kɨlag joo dɔning Masedɔant ad i Timote kɨ Erast; na ĩ kɨɓe ndɨ kaglo asɨ tat kam dɔning Ajit ɓaitɔ. 23Kaglot'n non, ta kɨbobe ɓai ɓebot kɨ Epesɨ ndoor nyandoo kɨ ɔj dɔ ɗob lo Bɨraɓe. 24Kɨtɔ de mad, ndɨ kam ɓet kɨ Epesɨ nõ, tɔa i Demetrus, i kɔd kɨ ngepel ngan nyag ɓakumta kuj ndub yo kɨdẽ kɨ tɔa i Artemis. Demetrus ad ngéɗasia kɨla nya ngãi kɨta kɨla'n non. 25Ta ye, Demetrus kawd kɨ nat tube kɨ ĩgɨn kɨla kɔd i nya ɓet rod. Eld an: Madɨmg, i gerɨn maj kɨ ndɨ kɨ dɔj dõ kɨtakul kɨla'n ndɨ kɨ ɗa kɨ jij la ndɨ kɨ ngahn nyamajg loj ye. 26Na i ndɨ oon kɨ kumsɨ, i ndɨ oon dɔ kɨ mbisɨ tɔ, Pol kam ɓet kɨ Epesɨ hã kɨɗabe al, na kam dɔning Ajit kɨtaagbe, dum dɔ koosɨdeg ngãibe ad mbetɨn yo Artemis kɨta kel kɨ ɗa el deg an: Yog'n non deg la ɗand kɨ jid ye, na ĩn luwahg al. 27Nya 'nten ndɨ tuj kɨla jijt, ad kɨla loj a tel nya kɨ kid nõ degt'n non hã kɨɗabe al, na deg a oon kuj ndub yo kɨdẽ Artemis kɨbo'n non, ĩn ngendɨ dɔning Ajit tube ndɨ ɔsɨn dɔd ber nõat ye, a oona nyat mad al. 28Lon kɔdg oon dɔ ta 'nten ye, ɓan wong ad kumd il kirir, ɓa koon bang anan: Yo Artemis lo Epesiag i yo kɨbo. 29Ad deg kɨsen mbiting kɨ kamɓe kɨtaagbe. Deg tube ãin kɨ lo ɗewt, hɔn Gaius kɨ Aristarkɨ tujoo, ĩn ngendɨ dɔning Masedɔant, ĩng la ĩn mad Pol kɨ ngéɓaa mbaht. 30Na Pol ndig kɨ n'tee kɨ ro koosɨdegt'n non na ngéndoog lo Jeju ɔgɨna dɔ. 31Kɨmadg ku kɨbogt kɨ dɔning Ajit, ĩgɨn ĩn nam Pol ye, lan deg kɨ dɔ Polt adɨna ne ta kɔj 'nten anan: Ot kɔrrta roi balang kɔ, kaw lo ɗewt, 32kaglot'n non ku koosɨdegt, deg madg ɗa kon kɔt ko kɨɗa, kɨmadg ɗa kon ta nyad ho, kɨta deg'n kawɨn na ye, gangɨn na kɨ ɓuta ɓuta, gerɨn girr nya'n kawɨn ne na nõ al. 33Kamla Juipg ɔsɨn de mad kɨ tɔa i Alegjandɨr kete nõdt, deg madg kudt ɔrrɨna girr nya'n ɗa nya. Taa ne, Alegjandɨr mbɔjd kɨ jin, ndig kɨ nelta koosɨdeg kad oon.
34Na lon oon ta kad Alegjandɨr i Juip ye, ĩn tube ndan tad nat gan kɔl mbã asɨ kàd joo anan: Yo Artemis lo Epesiag i yo kɨbo.
35Ngekõɓe ɗa ad wong lo deg tet kɨber woi kamla, el an: Ĩn deg kɨ Epesɨt, dekɨɗen kaa ne, ger kad ɓe kɨ Epesɨ la i ngengom kuj ndub yo kɨɗẽ Artemis kɨbo'n non nat kɨ ɓakumtaa'n so ko kɨ dɔrãt dõ. 36De kɨ asɨ maj nya 'nten goto, ot ɗan nya mad, na adɨn kamsɨ so kɨ ber, na i gaan ta maj oon kamtã la i ɗan nya ye. 37I ɗen kɨ deg'n ɗan nẽbe, ɗan nya mad kɨmajal ndoorɨn ne kuj ndub yo al, ke elɨn takɨmal dɔ yot loj kɨdẽ al tɔ ho. 38Kɨtɔ 'nten ĩla Demetrus kɨ kɔdg lon awɨn kɨ ta kad'n lan dɔ det mad a ne; lo gangta ɗa nõ, ngégangtag kaa ne ndɨn nõ tɔ ho, ye awɨn nõ ngégangtagt i sekɨn. 39Na ĩla awɨn kɨ ta kɨ ndɨje dɔ nyat mad kɨɗang a ne, j'a kɨ gangta dɔ nyat'n non nõ ngékawnat kɨgo mberkɨndat lo Moij. 40Kɨtɔ ĩla j'oo go roj maj al a ne, ta a so dɔjt kad jĩ ngétaaɗɔɔ ngékõɓeg kɨta kawna loj kɨ ɓone. J'a j'oo ta mad kɨ kara tot kad j'ɔrrɨn ta dɔjt al. 41Lon ngekõɓe eltag'n non tɨga woi ye, ad koosɨdeg'n kawɨn na ye, tĩn na.
Currently Selected:
Kɨlag 19: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 19
19
Pol kam ɓet kɨ Epesɨ
1Lon Apolos i kam ɓet kɨ Korent ɓaitɔ ye, Pol ɓai aw lago log kɨ dɔning mbalbogt kɨ Asi, aw tee ɓebot kɨ Epesɨ. Nõ be ngah ngéndoog lo Jeju madg tit. 2Kamla ndɨjed an: Lon i telɨn ngétaata lo Krist ye, i taan Ndil Kɨkunjɗang a? Turɨna anan: J'oo dɔ nja kɨɗa kad Ndil Kɨkunjɗang i nõ al?
3Pol ndɨjed an: Baptem kɨ ɗa ɗasɨn a?
Turɨna anan: Baptem lo Jã la ɗajɨn ye.
4Kamla Pol eld tɔ an: Jã taa, ɗa deg baptem tɔrrndi dɔ majalgt lod, el deg kad taan ta lo de'n ndɨ ɗe gont ad i Jeju.
5Lon ngétaata lo Krist kam ɓet kɨ Epesɨ oon dɔ ta 'nten ye, ad ɗand baptem kam tɔ Bɨraɓe Jejut. 6Kamla Pol nda jin dɔdt ad Ndil Kɨkunjɗang ɗe dɔdt, ad elɨn ta kɨ ta ɓeg kɨ dang dang ndɔ'n ne ndil nyag kɨ Luwah tee dɔ ad'd. 7Deg'n non tube kɔrd asɨ kɨlah gidaijoo. 8Pol and kam kuj kawnat lo Juipg asɨ nah mɨta, ndɨ elta deg kɨ kam kɨmisɨmisɨ, la mber ta kɨ ɔj dɔ kõɓe lo Luwah, sah kɨ rotĩn kɨ deg oon dɔ ta lon, kɨ'n dum dɔd kɨ goosɨ ta. 9Na lon kɨmadg kamd kongkong, ad telɨn kɨ takɨmal ndoorɨn ne ɗob lo Bɨraɓe nõ koosɨdegt ye, Pol tee kudt kɔ, ɔrr ngéndoog lo Jeju nat sen, aw kam lo nyandoot lo Tiranus, ɗa ndoo deg nya tit kɨndɔgndɔg. 10Pol ɗa kɨla 'nten asɨ ɓal joo. Titbe ngendɨ dɔning Ajit tube ad i Juipg kɨ Grekg tube oon dɔ ta lo Bɨraɓe.
Ta lo ngan Seba
11Luwah ɗa kɨlag kɨ tɔg kɨ nyakɔjg kɨ bĩdang kɨ ji Pol. 12I titbe la ɔin mindilg kɨ tablieg kɨ ɔd ro Pol, awɨn ne lan dɔ ngémõig, ad yootɨn dɔ rotogt lod, ndilg kɨmajalg kaa teen kɔ tɔ. 13Juip madg ngétuɓa ndil kɨyerrg a awɨn kɨ lo lo, kɨ goɓeg, unɨn tɔ Jeju a sahn kɨ n'ɔrrɨn ne ndil kɨmajalg kam degt kɨ mõi. 14Juip mad ndɨ nõ, i bɨra ngejanyamosɨkadkari, tɔa i Seba, aw kɨ ngang kɨdɨngãg tanãimɨta'n ɗa ɗan nya 'nten. 15Na ndil kɨmajal turd an: M'ger Jeju ɓet, m'ger de'n tɔa i Pol nõ ho. Na ĩn ye, ĩn nõg a? 16Kamla de'n ndil kɨmajal i kamat ye, ɓai so kɔ ngan Sebat, ib dɔd mbĩ, ɗa sed nya kɨ to asɨ tatbe, ad teen kam kujt ãin na kɨ ro kɨ kil yolel ho, kɨ ro kɨ tɔrr doo njɔt njɔt ho. 17Deg tube, Juipg kɨ Grekg, ngendɨ ɓebot kɨ Epesɨ gerɨn nya'n ɗa nya ye kɔi kɔi, ad ɓool ɗad tube, ad elɨn anan: Tɔ Bɨraɓe Jeju i kɨbo tɔi. 18Deg ngãibe'n telɨn ngétaata lo Jeju, ɗen ɗa tɔ'n tad dɔ majalgt lod ho, dan ne nya ɗad kɨ tɨga wakɨsɨ ho. 19Kɨmadg ngãibe kudt ĩn ngeɗayog, kawɨn maktub yog lod lan horr nõ degt tube, tɨdan kɔr nar maktubg'n non asɨ nar arjã dub dɔmi. 20Titbe ta lo Bɨraɓe aw kɨ ketekete kɨtakul tɔg Bɨraɓe ho, ɔj tɔgɨn kɨ tɨga kam kɨlaɗant tɔ.
Ta ɓai kam ɓet kɨ Epesɨ
21Go nyagt'n non ye, Pol nda kamɨnt kɨ'n ndah dɔning Masedɔan kɨ Akai ngang kamla kɨ'n aw ɓebo Jerusalemt. El an: Goot'n m'a m'aw nu ye, sumba kad m'a m'aw m'oo ɓebo kɨ Rom. 22Kamla la kɨ ngéɗasen kɨlag joo dɔning Masedɔant ad i Timote kɨ Erast; na ĩ kɨɓe ndɨ kaglo asɨ tat kam dɔning Ajit ɓaitɔ. 23Kaglot'n non, ta kɨbobe ɓai ɓebot kɨ Epesɨ ndoor nyandoo kɨ ɔj dɔ ɗob lo Bɨraɓe. 24Kɨtɔ de mad, ndɨ kam ɓet kɨ Epesɨ nõ, tɔa i Demetrus, i kɔd kɨ ngepel ngan nyag ɓakumta kuj ndub yo kɨdẽ kɨ tɔa i Artemis. Demetrus ad ngéɗasia kɨla nya ngãi kɨta kɨla'n non. 25Ta ye, Demetrus kawd kɨ nat tube kɨ ĩgɨn kɨla kɔd i nya ɓet rod. Eld an: Madɨmg, i gerɨn maj kɨ ndɨ kɨ dɔj dõ kɨtakul kɨla'n ndɨ kɨ ɗa kɨ jij la ndɨ kɨ ngahn nyamajg loj ye. 26Na i ndɨ oon kɨ kumsɨ, i ndɨ oon dɔ kɨ mbisɨ tɔ, Pol kam ɓet kɨ Epesɨ hã kɨɗabe al, na kam dɔning Ajit kɨtaagbe, dum dɔ koosɨdeg ngãibe ad mbetɨn yo Artemis kɨta kel kɨ ɗa el deg an: Yog'n non deg la ɗand kɨ jid ye, na ĩn luwahg al. 27Nya 'nten ndɨ tuj kɨla jijt, ad kɨla loj a tel nya kɨ kid nõ degt'n non hã kɨɗabe al, na deg a oon kuj ndub yo kɨdẽ Artemis kɨbo'n non, ĩn ngendɨ dɔning Ajit tube ndɨ ɔsɨn dɔd ber nõat ye, a oona nyat mad al. 28Lon kɔdg oon dɔ ta 'nten ye, ɓan wong ad kumd il kirir, ɓa koon bang anan: Yo Artemis lo Epesiag i yo kɨbo. 29Ad deg kɨsen mbiting kɨ kamɓe kɨtaagbe. Deg tube ãin kɨ lo ɗewt, hɔn Gaius kɨ Aristarkɨ tujoo, ĩn ngendɨ dɔning Masedɔant, ĩng la ĩn mad Pol kɨ ngéɓaa mbaht. 30Na Pol ndig kɨ n'tee kɨ ro koosɨdegt'n non na ngéndoog lo Jeju ɔgɨna dɔ. 31Kɨmadg ku kɨbogt kɨ dɔning Ajit, ĩgɨn ĩn nam Pol ye, lan deg kɨ dɔ Polt adɨna ne ta kɔj 'nten anan: Ot kɔrrta roi balang kɔ, kaw lo ɗewt, 32kaglot'n non ku koosɨdegt, deg madg ɗa kon kɔt ko kɨɗa, kɨmadg ɗa kon ta nyad ho, kɨta deg'n kawɨn na ye, gangɨn na kɨ ɓuta ɓuta, gerɨn girr nya'n kawɨn ne na nõ al. 33Kamla Juipg ɔsɨn de mad kɨ tɔa i Alegjandɨr kete nõdt, deg madg kudt ɔrrɨna girr nya'n ɗa nya. Taa ne, Alegjandɨr mbɔjd kɨ jin, ndig kɨ nelta koosɨdeg kad oon.
34Na lon oon ta kad Alegjandɨr i Juip ye, ĩn tube ndan tad nat gan kɔl mbã asɨ kàd joo anan: Yo Artemis lo Epesiag i yo kɨbo.
35Ngekõɓe ɗa ad wong lo deg tet kɨber woi kamla, el an: Ĩn deg kɨ Epesɨt, dekɨɗen kaa ne, ger kad ɓe kɨ Epesɨ la i ngengom kuj ndub yo kɨɗẽ Artemis kɨbo'n non nat kɨ ɓakumtaa'n so ko kɨ dɔrãt dõ. 36De kɨ asɨ maj nya 'nten goto, ot ɗan nya mad, na adɨn kamsɨ so kɨ ber, na i gaan ta maj oon kamtã la i ɗan nya ye. 37I ɗen kɨ deg'n ɗan nẽbe, ɗan nya mad kɨmajal ndoorɨn ne kuj ndub yo al, ke elɨn takɨmal dɔ yot loj kɨdẽ al tɔ ho. 38Kɨtɔ 'nten ĩla Demetrus kɨ kɔdg lon awɨn kɨ ta kad'n lan dɔ det mad a ne; lo gangta ɗa nõ, ngégangtag kaa ne ndɨn nõ tɔ ho, ye awɨn nõ ngégangtagt i sekɨn. 39Na ĩla awɨn kɨ ta kɨ ndɨje dɔ nyat mad kɨɗang a ne, j'a kɨ gangta dɔ nyat'n non nõ ngékawnat kɨgo mberkɨndat lo Moij. 40Kɨtɔ ĩla j'oo go roj maj al a ne, ta a so dɔjt kad jĩ ngétaaɗɔɔ ngékõɓeg kɨta kawna loj kɨ ɓone. J'a j'oo ta mad kɨ kara tot kad j'ɔrrɨn ta dɔjt al. 41Lon ngekõɓe eltag'n non tɨga woi ye, ad koosɨdeg'n kawɨn na ye, tĩn na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.