TITAS 2
2
A Dikmi Thupom
1Ikhalselai nang in a dikmi thupom thawn a kaih dun zirh tuh i si. 2Patar deuh pawl tu zu ri mah ih, thinlung felfai nai in um tu ih, ning thinlung uk ben tu ih; sanghnak dik, ithnak le harsa tuar benhnak nai tu ih, tiin zirh tu. 3Ciabang thotho in nutar deuh pawl in nupang i tuh dan bangin nun thianghlim nai tuhin zirh tu. Mi relsia hmang i tuh lo ai zu ai sal ah tlok maseh. A phami zirh tu selai, 4nutar deuh pawl in kum dawn deuh pawl heh amahte pasal le fate it tuh deuh in, 5mah le mah uk dun bentu cang tuhin, mi thiang cang tuhin le a pasalte thu ngai in thinniam thiammi nupui pha cang tuhin zirh tuhin rel tu. Ciatihin Pathian hnenin a hlenghnak thuthang heh aisu inkhai relsia tuh lo i.
6Ciatih bang thotho in tlangvalte khai mah veve uk dun bentu cang thil tuhin forh tu. 7Zaizongza ah nangmah rori santeh tlak in um tu. Rintlak mifel cang tulai thu na zirh fangin thinlung taktak in zirh tu. 8Aisu inkhai sawi thil tuh loin ponkam pha hmang tulai kin ralte in sawi tuh kin ling tuh lo ai zakthi tlang tuh leh sawn i.
9Salte tu ning bawite hniaah thinniam tu ilai zaihinkhim ah lungawiruai tu ih, tiin rel tu. Amahte thu sawn cohco maseh. 10Cen amahte thil khai ru maseh. Amahte tu mipha ihnak le rinsantlak ihnak larruai tu sawn selai ciatihin amahte bawnhnak cangcang ah otu kin Pathian ai thu kin zirhhnak vumah thangphathnak hlengruai tuseh.
11Zaimantifangin Pathian in a ninghiohnak heh mi zongzong nun o tuhin larruai zo i. 12Cia ninghiohnak in Pathian ai ziaza thawn a bang dun thil lohnak nundan le laivum taksa hiamhnakte com tuhin kin zirh i. Cen mah veve suphnak le dikcanghnak le he laivum ah Pathian ai daihzawng thawn a bangdunhnak ziaza thawn nung thil tuhin kin zirh fawn i. 13Ciatihin a thawmlian mi kin Pathian le kin otu Jesuh Khrih ai songlawihnak lar tuh i tiin kin umlamhnak Nia songlawi khiah iang tlang ising. 14Amah ai nunhnak rori heh kin phatlohnak in o tuhin le thilpha bawn hiamtu i tuhin le amah bul ai mi thiang kin cangruai tuhin kin caah pe zo i.#Saam 130:8; Luat 19:5; Danp 4:20; 7:6; 14:2; 1Pet 2:9
15Hemi thilte zirh tulai na thurelhnak a ngaitute thazang na pe fangin ituseh, nun thu na tiam fangin ituseh, na thunaihnak heh semkhim liang in hmang tu. Aisu inkhai zoh na suam maseh.
Currently Selected:
TITAS 2: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
