THUPHUAN 4
4
Vancung Ai Pathian Biahnak
1Cia hnuaah kai in sik ai larhnak dang pakhat hmu lehthio ai vancung ah dawngkham hong pakhat hmu ing.
Cen a hmasa ai i zahnak thirhlung bang ai a cawmmi aw za ai, “Heta ah hong tulai hemi ben fang a hleng tuhhnak na hmuh tuh ing,” tiin cia aw in iti i. 2Cen Rauhla in cammalak ah i zel i. Vancung ahcen bawi tohkham pakhat um ai ciami tohkham vumah mi pakhat to i.#Ezk 1:26-28; 10:1 3A mithmai tu a hingmi jasper lungmankhung le a sanmi carnelian lungmankhung bangin tleu zurhzo i; a bawi tohkham hiang tu a hingmi emerald lungmankhung bang bak in kulh liang i. 4A bawi tohkham cingkim ah a dang bawi tohkham kul hluanli um tlang ai ciami tohkham vumah pon var sil le sui lukhuk a khutu upate kul hluanli to tlang i. 5Ciami bawi tohkham in vantlingtleleuh zutzo ai khuari thawm thang dumdo i. Cen bawi tohkham hmaiah maivarhnak pasarih um ai, ciamite tu Pathian ai rauhlate pasarih i.#Luat 19:16; Thup 8:5; 11:19; 16:18; Ezk 1:13; Thup 1:4; Zec 4:2 6Bawi tohkham hmaiah tikhal bangin a tleumi hlalang tifingriat bang khai um i.
Ciami bawi tohkham cingkim ah nunghingte pali um ai hnua lam hmai lamin mit in dim sio i.#Ezk 1:5-10, 22; 10:14 7Nunghing pakhathnak tu chintit bang i; a pahnihhnak tu kawlpawcang bang i; a pathumhnak tu minung mithmai bang ai a palihnak tu mupui zuang bang i. 8Ciamite in ko paruk ṭen nai tlang ai ciami kote tu a songlam le a pualam mit in dim sio i. Sun le zan catloin la sa tlang ai,
Thianghlim, thianghlim, thianghlim,
Cungnungber Bawipa Pathian;
A um cia zomi le
tun ahkhai a ummi le
hmai lam ahkhai a um tuhlai mi i,
tiin sa tlang i.#Ezk 1:18; 10:12; Isa 6:2-3
9Thilnungte pali in bawi tohkham vumah to tlang ai kumzangza in kumzangza tian a nungmi hnenah songlawihnak le upathnak le anghnak la sa tlang i. 10Ciatih bangin la sa tlang fangin bawi tohkham vumah a totu hmaiah ut tlang ai kumzangza in kumzangza tian a nungmi bia tlang i. Amahte sui lukhuk heh bawi tohkham hmaiah hma tlang ai:
11“Kin Bawipa le kin Pathian,
Nang tu songlawihnak le upathnak le
huham co tlak isi.
Zaimantifangin nang in
zaizongza bawn ai
na thu in samhnak le
nungruaihnak tepawl i,” tiin ti tlang i.
Currently Selected:
THUPHUAN 4: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
