THUFIMTE 2
2
Fimhnak Ai Man
1I fapa, i relhnak zir tulai,
Bawn tuhin i relhnak heh na thinlung ah khum tu.
2Fimhnak heh ziang i ti khiah ngai tulai,
Lingthiam tuhin na thinlung in zuam tu.
3I, nangmah in hmuhhnak le linghnak khiah ko ai,
Lingthiamhnak khai ngen lesikhaw;
4Ngun bangin ngah na nuam ai,
Hlawnthil thuphnak bangin si ai,
5Ciatihin bawn lesikhaw
Bawipa kihzah heh ziang i ti ling tuhai,
Pathian linghnak heh hmu thil tuh isi.
6Fimhnak petu hehBawipa i ai,
Amah hnenin lingthiamhnak le fimthiamhnak anite in ngah i.
7Midikcang le mi thinlung tluangte tu bawm ai humhim i.
8Midang vumah thudik a bawntute humhim ai
Amah ah pumpe mite tu kilkhawl i.
9I thu ngai lesikhaw a dikcangmi, a phami le
I bawn tuhhnak ziang i ti khiah ling ben tuh isi.
10Fimhnak na thinlung songah lut tuhai,
Na linghnak in lung na awiruai tuh i.
11Na fimhnak le na lingthiamhnak in na humhim tuhai,
12Thil pha lo lakin na kham tuh i.
Pong pha lo a hmangtute lakin na kilhim tuh i.
13Ciamite in sualhnak lam thim ah vak tuhin lam dik heh hlum i;
14Thil pha lo bawn heh amahte hiamhnak i ai,
Thil sual bawnhnak hmunah nuampui tlang de i.
15Rinsantlak lo le sangtlak lo mite i.
16Ponkam nal sengso thawn na zawltu
nupang pha lo hnenin na osuak tuh i;
17Cia nu tu a pasal vumah dikcanghnak nai lotu le,
Pathian hnenai a thukhamhnak zaisiar lotu i.
18A inn ah feh lesikhaw thihhnak lampui ah fehtu isi.
19A hnenah a fehtu heh aisu khai let leh nawn lo i.
Nunhnak lampui tawk leh nawn lo i.
20Ciamanin mipha pawl ai lampui tu hlun tuhai
Midikcangte nun bangin nung tuh isi.
21Midikcang le mipha semkhim tepawl tu he laivum ah um tlang tuh i.
22Ikhalselai hrokhrawl mite tu cia ram songin
Pathian in hnawt tuh sek ai,
Mihrokhrawl pawl tu phaihnak tuar tuh i.
Zanniat Bible © Bible Society of Myanmar, 2018.