MIPUM SIARHNAK 9
9
Kansuak Puai Velhnihhnak
1 Bawipa in Moses hnenah, Egypt ram an Israel mite a suak tlang hnua a kum hnihhnak hla hmasaber ah Sinai Nelrawn ah hetihin rel i.#Luat 12:1-13 2“Israel mite in Kansuak Puai heh a camcu khim cang fangin bawn tuseh. 3Hemi hla ni hlaili nia zan lam ni tla sawng fangin bawn tuh tihnak le hlun tuh tihnak dan hmuahhmuah bangin bawn tuh i si,” tiin ti i. 4Ciamanin Moses in Kansuak Puai bawn tuhin rel ai, 5a relhnak bangin hla hmasaber ai ni hlailihnak zan lamin Sinai nelrawn ah bawn i. Bawipa in Moses hnenah thu a pehnak bangin Israel mite in bawn sio i.
6Ikhalselai mi hrekkhat tu mithi luang dai manin cianghlimlo ai cia nia ai Kansuak Puai ah tel thil tlang lo i. Ciamanin Moses le Aaron hnenah kawi tlang ai, 7“Mithi luang dai manin kin tu mi cianghlimlo i ing. Ikhalselai Israel mite in Bawipa hnenah hibawlhnak a sel tlang fangin tel thil tuh loin zaiman kin kham i?” tiin zawt tlang i.
8Moses in, “Ning ca Bawipa ai thupeciahnak i ngah hlanlo i iang rih tu ih,” tiin ti i.
9Ciafangin Bawipa in Israel mite thuthan tuhin Moses hnenah, 10“Amahte ituseh, amahte ai tesinfate ituseh, mithi luang dai manin cianghlimlo laitak ah ituseh, khual lamhla a tlawng fangin ituseh, Kansuak Puai hmang nuam thotho lekhaw, 11hla hnihhnak ni hlaili nia zan lam fangin hmang thil tlang tu ve seh. Ciami puai heh col tello sang le ankha hnah thawn bawn tlang tuseh. 12A rohnak tuu ai a ruh heh pakhat khai ektiar mah selai rong khai a thangha tianin val tlang maseh. Kansuak puai heh hlun tuhhnak dan bangin ul tlang tuseh.#Luat 12:46; Saam 34:20; Joh 19:36 13Ikhalselai mi pakhatkhat in cianghlimlohnak zaikhai nai lo ai khual khai tlawng lo napui in Kansuak puai bawn hlah lekhaw i miphun songin siar cih tuh nawn lo i. Zaimantifangin a thiah cia can ah i hnenah hibawlhnak a sel lo manin i. A sualman heh amah in tuar tuseh.
14“Amahte lakai umtu ramdang mi in Kansuak puai bawn nuam ve lekhaw bawn tuhhnak le hlun tuhhnak dan bangin hlun tuseh. Israel mite ituseh, ramdang mi ituseh, a hlun tuhhnak dan heh a bangvek sio i,” tiin ti i.
Mairo Tleu
(Luat 40:34-38)
15 Bawipa umhnak Ponhlam sa ben nia ah mairo zam ai Ponhlam velh sio i. Zan khuavar in mairo heh mai bangin tleu i. 16Ciatih bangin um ngio i: sun ah mairo in khuk ai zan fangin mai bangin lar leh i. 17Mairo a thawn cang fangin Israel mite tu a riahbuk thawn tlang de ai mairo zam fangin a riahbuk saleh de i. 18Bawipa ai thupeciahnak bangin Israel mite tu a riahbuk thawn tlang de ai a thupeciahnak thotho in saleh de i. Ponhlam vumah mairo a zam song hmuahhmuah ah amahte riahbuk ah cam tlang de i. 19Mairo heh can raipui tian thawn loin um ngio fangin Bawipa daihhnak hlun ai thawn loin um tlang ve de i. 20Vaikhat khat Ponhlam vumah ni tlawmniu ian mairo zam de i; amahte riahbuk ah a cam fangin ituseh, riahbuk a thawn fangin ituseh, Bawipa ai daihhnak bangin hlun tlang i. 21Vaikhat khat tu zalam khuathim in zing lam khuavar tian ian mairo zam ai ciami mairo a thawn sawng fangin thawn tlang ve de i. Sun zan ti loin mairo a thawn hnua lamin amahte riahbuk thawn tlang de i. 22Ni hnih inkhai, hlakhat inkhai, kum khat inkhai, Ponhlam vumah mairo a zam song hmuahhmuah ah thawn tlang hrimhrim lo i; ikhalselai mairo a thawn sawng fangin tu thawn tlang ve de i. 23Bawipa in Moses hmangin a thupehnakte hlun tlang manin amahte riahbuk thawn in hmun thar khuar leh de i.
Currently Selected:
MIPUM SIARHNAK 9: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
