MIPUM SIARHNAK 17
17
Aaron Ai Faikiang
1 Bawipa in Moses hnenah, 2“Israel mite rel tulai hin khat in faikiang pakhat ṭen faikiangte hlaihnih na pe tlang tuseh. Amahte faikiang vumah amahte hming ṭen ngan tulai, 3Levi hin faikiang vumah Aaron hming ngan tu. Amahte hin hotu pakhat ca faikiang pakhat ṭen tuh i. 4Cia faikiangte tu kaimah umhnak Ponhlam song, kin tawk dun de hmun Thutiam Kuang hmaiah dah tu. 5Cen i rilmi pa ai faikiang heh mem tuh i. Ciatihin Israel mite ai phuncamhnak heh kham thil tuh ing,” tiin ti i.
6Ciamanin Moses in Israel mite hnenah rel ai amahte hotu ṭen in faikiang pakhat ṭen, hin hlaihnih ca faikiangte hlaihnih, Moses hnenah pe tlang i. Aaron ai faikiang khai tel ve i. 7Moses in faikiangte heh Ponhlam song, Bawipa ai Thutiam Kuang hmaiah dah i.
8A thangha fangin Ponhlam songah Moses lut ai Levi hin aiawhtu Aaron ai faikiang a mem khiah hmu i. A mem lek zo loin a mum hnuaah par ai almon#17:8Almon tihnak tu Mete thai thawn bang dun i. thaihmin thai i.#Heb 9:4 9Ciafangin Moses in faikiang a veksen in lang ai Israel mite hnenah hmuh i. Ciatihin thil canghnak a hmu fangin hotute in amahte ai ṭen lang leh i. 10Bawipa in Moses hnenah, “Aaron ai faikiang tu Thutiam Kuang hmaiah dah leh tu. Amahte phuncamhnak com hlah lekhaw mi ralcaitu Israel mite khiah thi tuh i, tiin ralringhnak ah dah tuh ngiohnak i,” tiin ti i. 11Bawipa ai thupehnak bangin Moses in bawn sio i.
12Cen Israel mite in Moses hnenah, “Kin bo ihang, kin thi tuh sek ai kin bo tuh ihang. 13Ponhlam hiangah a kawitu menma a thi fangin tu kin bo ihang. Pakhatniu tal tang loin maw ci kin hmit tuh ihang! ti tlang i.
Currently Selected:
MIPUM SIARHNAK 17: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
