NAHUM 1
1
1Hemi tu Elkosh khuami Nahum in Nineveh khua thula ah#Isa 10:5-34; 14:24-27; Zep 2:13-15larhnak a hmuhnak i:
Nineveh Vumah Bawipa Thinrawhnak
2 Bawipa tu umhlah nai le phuzul
hmang Pathian i; Bawipa tu
phuzul hmang le thinraw thai i.
Amah ralcaitu vumah phuzul ai,
A ralte vumah thinraw in rulthun i.
3 Bawipa tu baiziap in
a thinraw lo i;
Ikhalselai a huham tu thawmlian ngaingai i.
Misualte cawh loin luatruai
tuh hrimhrim lo i.
Bawipa fehhnak cangcang ah
simpai le khuahu tho ai,
Mairo tu a ke vakhnak ai a thohnak
laikhu i.
4Tifingriat khiah thupe ai rocarruai i,
Runti hmuahhmuah khai ro ai car i.
Bashan ram le Karmel mualte khai
ro sek ai,
Lebanon mual ai papar khai vawi sek i.
5Tlang sang puipui a hmaiah hlin ai,
Mual niuniu min sek i,
A hmaiah tu laipua le a vumai
umhnakte hlawng ai hlin i.
6A thinrawhnak hmaiah aisu ding
ngam tuh i?
A thinrawhnak tu aisu in tuar ben tuh i?
A thinrawhnak tu tisa bangin burh i,
A hmaiah tu lungto rin laivut ah
cang sek i.
7 Bawipa tu pha i,
Harsahnak can ah buanhnak pha ber i.
A hnenah humhimhnak a situ heh
ninghio ai, himhnak ngah i.
8Tilian in thil a siatsuah bangin
A ralte tu siatsuah ai,
A ralcaitute khiah thihhnak
khuathim songah hla i.
9Zaimanin Bawipa khiah
engsan tum thliahthlo i si?
Ning siatsuah tuh sek i.
Aisu inkhai vel hnih tian tawng ngam
kel lo i.
10Hling le saiso a ngerh dun meng
bangin ngerh dun i;
Zu hamte bangin ri ai,
Hampa ro bangin kang tuh sek i.
11Aw Nineveh, na songin misual pakhat
Bawipa ralcaitu le midang
sualsawmtu suak zo i.
12 Bawipa in Israel mite hnenah,
“Assyria mite tam tuh ngai ai
hat ngai tuh napuikhaw,
Siatsuahhnak tuar tuhai bo tuh i.
I minungte, kaimah in ning cawh zo ai
ning cawh tuh nawn lo ing.
13Ning nettu hak heh ek tuh ing,
Ning pentu thir cikcin khiah sat tuh ing,”
ti i.
14Assyria caah Bawipa ai
thupeciahnak tu:
“Na hming sawngtu tuhin fate nai tuh
nawn lo isi; Na khuavang biakinn in
na milim le a zukte khiah
khoiruai tuh sek ing.
Na hlanmual tu tunai panin ralring tuhai,
Nung tlak nawn lo isi,” ti i.
15Tlang vumah thuthangpha a phurtu le
daphnak a hlen awngtu ai ke khiah
sik tu ih!#Isa 52:7
Aw Judah, na bawn tuhhnak puai heh bawn tu,
Na thukhamhnak khiah khimruai tu.
Mihrokhrawl pawl incen na neh tuh nawn lo i,
Anite tu siatsuahhnak tuar zo sek i.
Currently Selected:
NAHUM 1: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
