SUANGBAWI LAIBU 3
3
Rualrem Hibawlhnak
1Mi pakhat in rualremhnak hrang hibawl sel tuhin kawlpaw pe lekhaw kawlpawcang ihlahle kawlpawpui a hnahpha i tuh i. 2A kawlpaw ai lu vumah a kut suan tuhai Bawipa umhnak Ponhlam dawngkham hiangah a kawlpaw heh ro tuseh. Cen Aaron hin suangbawite in puleng cingkim ah kawlpaw thisan phiah tuhai, 3a dang sate tu Bawipa hnenah sel tuh i; a song ril ai kophnak a pakiarte, 4a kalte pahnih le a funhnak thaute le a thinhnun ai bekhnak sathaute i tuh i. 5Hemi hmuahhmuah heh maitai hibawlhnakte thawn suangbawite in puleng vumah tai tuh i. Hemi maitai hibawlhnak rim heh Bawipa ca rimur i.
6Rualrem hibawlhnak hrang tuu ituseh me ituseh sel fangin a nu khai i thai ai a cang khai i thai i; ikhalselai a hnahpha i tuh tengteng i. 7Mi pakhat in tuu sel lekhaw, 8a tuu lu vumah a kutsuan tuhai Ponhlam dawngkham ah ro tuh i. A tuu ai a thisan heh Aaron hin suangbawite in puleng ai cingkim ah phiah tuh i. 9Cen a hnia lamai sate tu Bawipa hnenah sel tuh i: a songai umhnak a hlap hmuahhmuah, a songril vumai a pakir hmuahhmuah, 10a kalte le a tuamhnak thaute le a thinhnun ai kophnak sathau hmuahhmuah i tuh i. 11Hemi hmuahhmuah Bawipa hnenah selhnakte heh suangbawi in puleng vumah tai tuseh. Hemi tu Bawipa hnenai Maitai hibawlhnak ah selhnak rong i.
12Mi pakhat in a me sel lekhaw, 13me lu vumah a kut suan tuhai Ponhlam hmaiah ro tuh i. Cen suangbawite in a thisan heh puleng ai cingkim ah phiah tuhai, 14a hnia lamai sate heh Bawipa hnenah sel tuh i; a songril vumai umhnak pakir hmuahhmuah, 15a kalte le a vumai umhnak thaute le a thinhnun vumai umhnak thau hmuahhmuah i tuh i. 16Hemi hmuahhmuah heh Bawipa hnenah taihnak rimur i tuhin suangbawi in puleng vumah tai tuh i. Hemi tu Bawipa hnenah maitai hibawlhnak rong i. A thau hmuahhmuah Bawipa ai i. 17A thau ituseh a thisan ituseh, Israel mite in ai tuh hrimhrim lo i si; hemi tu sankhat hnua sankhat, a konteng hmunah ning um inkhai ning hlun tuhhnak dan i.
Currently Selected:
SUANGBAWI LAIBU 3: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
