SUANGBAWI LAIBU 20
20
Thurelh Ngai Lo Cawhhnak 1
1Israel mite hnenah thuthan tuhin, 2Bawipa in Moses hnenah hetihin rel i. “Ningmah lakin ituseh, ning lakai a umtu ramdang mite lakin ituseh, Molech khuasia#20:2Molech khuasia tihnak tu Canaan ram a khur hmasatute ai biahnak khuasia hming i ai kumpibawi tica i. Naupangniu maitai hibawlhnak pe in a biahnak i. biahnak ah a songsuak fa a petu heh lungto in sep ai thi tuseh. 3Molech khuasia hnenah a fa pe ai i Ponhlam ningrimtiar ai i hming thianghlim thangsiatiar manin ani tu hnawl tuhai i minung ah siar tuh nawn lo ing. 4Ikhalselai Israel miphun pumpui in ciami pa bawnhnak heh um san menma ai rek loin zuah lekhaw, 5ciami pa le a songkhat hmuahhmuah heh hnawl tuh ing. Ciahlaiah Molech khuavang biahnak ah ciami pa hnenah a teltu hlotlau phun pawl hmuahhmuah heh kaimah hrimhrim in hnawl tuh ing. Ciamite tu i minung in ruat tuh nawn lo ing.
6“Mithi rauhla a kothiamtu mipol le tlahsanthiam a lengtu heh hnawl tuhai i miphun in siarcih tuh nawn lo ing. 7Thianghlim tu ih; zaimantifangin kai tu Bawipa ning Pathian ing. 8I dan hlun tu ih, zaimantifangin Bawipa ing ai na thianghlimruaitu heh kaimah ing,” ti i.
9Ciahlaiah a hnia lamai dante tu Bawipa in amahte hnenah pe i. A nu ituseh, a pa ituseh a cukcamtu heh rekhnak tuar tuh i; a nu le a pa a cukcam manin a sualhnak thisan heh amah lu vumah hleng i.#Luat 21:17; Mat 15:4; Mar 7:10
10Mi pakhat in midang nupui sualpui lekhaw kangkawm sualhnak a bawntu cianu le ciami pa, amahte pahnih in rekhnak tuar tuseh.#Luat 20:14; Sua 18:20; Danp 5:18 11A pa ai nupui pakhatkhat a sualpuitu heh a pa mualphotiar imanin amahte pahnih in rekhnak tuar kawm tuh i. Amahte sualhnak man a thihnak i.#Sua 18:8; Danp 22:30; 27:20 12A fapa nupui a sualpuitu pa heh a sualpuihnak nu thawn rekhnak tuar kawm tuseh. Songkhat sualpui ai thil ningrim a bawn manin amahte thihnak heh amahte sualman i.#Sua 18:15 13Pasal pakhat heh a dang pasal pakhat thawn pawl dun lekhaw ningdulkul a bawn kawn imanin amahte pahnih in rekhnak tuar kawm tuseh. Amahte sualhnak manin a thi kawmhnak i.#Sua 18:22 14Mi pakhat in nupui hoi ai a nu khai hoi lekhaw sualhnak bawn imanin ciamite pathum heh mai in tai tuh i si. Ciabang heh ning lakah umruai mah ih.#Sua 18:17; Danp 27:23 15Mi pakhat in ramsa thawn pawl dun lekhaw ani tu rek tuhai ciami ramsa khiah ro tuh i si.#Luat 22:19; Sua 18:23; Danp 27:21 16Nupang pakhat in ramsa thawn pawl dun tuhin zuam ai pawl dun lekhaw cia nupang heh rek tuhai ramsa khiah ro tuh i si. Amahte ai sualhnak manin a thikawmhnak i.
17Mi pakhat in a farnu, ihlahle a farnu khatta hoi lekhaw mizapui hmaiah zakthikul le mualpho in bawnhnak a tuar kawm hnuaah Israel mizapui hnenin hnawt tu ih. A farnu sualpui manin cawhhnak tuar kul i.#Sua 18:9; Danp 27:22 18Nupang pakhat nupangdan a nai laitak ah pasal pakhat in pawl lekhaw, thil cianghlim le cianghlimlo hrang dan bal imanin Israel mizapui songin hnawt tu ih.#Sua 18:19
19Mi pakhat in a ni sualpui lekhaw ningdulkul thil bawn imanin amahte pahnih in cawhhnak tuar tuh i.#Sua 18:12-14 20Mi pakhat in a pakhatta ai nupui sualpui lekhaw a pakhatta hmingsiatiar imanin amahte pahnih in cawhhnak tuar kawm tuh i; fa nai loin thi kawm tuh i. 21Mi pakhat in a unau ai nupui hoi lekhaw rocotu fa nai loin thi kawm tuh i. A cianghlimlomi thil bawn imanin a unau hmingsiatiar i.#Sua 18:16
22 Bawipa in, “Kaimah lingpuihnak he ram an ning hnawl lohnak tuhin i dan le i thupeciahnak hmuahhmuah hlun tu ih. 23Hemi ram ning khur thilhnak tuhin he ram an i hnawthnak sakhua mite cin le dan hlun ve mah ih. Amahte hlunhnak thil sual bawnhnak tepawl in i ning ze zo i. 24Ikhalselai he ram, hnawiti le khoitizu luanghnak ram khur tuhin thu ning kham zo bangin ning hnenah ning pe tuh ing. Kai tu Bawipa ning Pathian ing ai miphun dang tepawl thawn rawi loin um tuhin ningmah heh a dangniu in ning dahhnak ing. 25Ciamanin vaniu ituseh, ramsa ituseh a cianghlim le cianghlimlomi heh fel ngai in thiathiam tu ih. A cianghlimlomi vaniu tu ai tuh lo i si. Sa cianghlimlo i, iti zohnak ai le i sikhaw mi cianghlimlo ah ning cang tuh i. 26Mi thianghlim cang tek tu ilai kaimah minung lek cang tu ih; zaimantifangin kai tu Bawipa ing ai a thianghlimmi ing. Kaimah lek ai minung ning cangthilhnak tuhin ramdang mite thawn rawi loin a dangniu in ning dah ing.
27“Pasal ituseh, nupang ituseh, mithi rauhla a kotu mipol le dawithiam mite tu lungto in sep ai thi tuh i; Ciabang a bawntu heh amah ai sualhnak manin thi tuh i,” tiin ti i.
Currently Selected:
SUANGBAWI LAIBU 20: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
