SUANGBAWI LAIBU 11
11
Ai Thil Ramsate
(Danp 14:3-21)
1 Bawipa in Israel miphun ca a hnia lamai dante heh, 2Moses le Aaron hnenah pe i. Laivum ramsa, 3ketin kak nai le sialsiah nai hmuahhmuah ai tu ih. 4-6Ikhalselai kalaukte, vawrvokte, savekte tu ai tuh lo i si. Hemi ramsate tu ramsa cianghlimlo i; zaimantifangin sialsiah nai napui a ketin kak nai lo i. 7Voksa ai mah ih; a ketin kak nai napui sialsiah nai lo i. 8Hemi ramsate tu ai tuh lo i si; a thi ruang khai dai tuh lo i si. Ramsa cianghlimlo i.
9A kep nai nga hmuahhmuah ai tuh i si. 10Ikhalselai ti songai um a kep nai lo ai tuh lo i si. 11Sa cianghlimlo in siar tuh i si. Hemite tu ai mah ih, a thi ruang khai dai mah ih. 12Ti songai um a kep nai lo hmuahhmuah khiah ai tuh lo i si.
13A hnia lamai va hmuahhmuah ai tuh lo i si; zaimantifangin a ningdulkul i. Muvanlai, langtar, mudokka; 14hlomu, muthi, 15langak, 16kalauk va, simbu, simbu hmulcom, simbu hmulsau, 17simbu fer, vapui hmurbol, simbu ngo, 18sam ar, ngathur, paipi, 19vaca, tifingriat ar, valang le palakte pawl i.
20A dawk tuhhnak ai ke nai siarlo, 21a ko nai ai ke li nai nunghing hmuahhmuah ai tuh lo i si. 22khokhuak, zuzit, khuangcong tu ai thil tuh i si. 23Ikhalselai a dang nunghing a ko nai ai a bok vak thai hmuahhmuah aih cianghlimlo i.
24Aisu khai ituseh a hnia lamai ramsate a thi ruang a daitu heh zan lam tianin cianghlimlo i. 25Aisu khai ituseh hemite a ruang a langtu heh a hnikpon sawp tuhai zan lam tianin cianghlimlo i.
26-28Ketin kak nai ai sialsiah nai ramsa siarlo, ketin kak lo ramsa hmuahhmuah le ke li nai ai ketin zum ramsa hmuahhmuah ramsa cianghlimlo i. Aisu khai hemi ramsate a thi ruang a daitu heh a dai nia zan lam tianin mi cianghlimlo ah cang tuh i; aisu khai he ramsate ai a thi ruang a phurtu heh a phur lai ai a silhnak hnikponte sawpciang tusek seh. Cia hnua ahkhai zan lam tianin mi cianghlimlo tuh thotho i.
29-30Zubui fer, hampalak buthi, inn buthi, tangkawng, okaw a phunphun le, hawngkite tu cianghlimlo i. 31Aisu khai a vumai a daitu le a thi ruang a khingtute tu ciami nia zan lam tianin cianghlimlo i. 32A thi ruang heh thil pakhatkhat vumah tlok lekhaw ciami thil heh a cianghlimlo ah siar tuh i. Zanthing ituseh hnikpon ituseh, savun ituseh, dip ituseh, zaibang ai hmanghnak ita inkhai a cianghlimlo ah siar tuh i. Hemi thilte tu ti songah nim tuh i; ikhalselai zan lam tianin thilri cianghlimlo i tuh thotho i. 33Cen a thi ruang heh bel songah tlok lekhaw ciami bel songai a umhnak hmuahhmuah a cianghlimlo i tuhai ciami bel khiah seu tuh sek i si. 34Ciami bel song ti ai burhhnak rong hmuahhmuah heh rong cianghlimlo i tuh i; ciabang bel songai a ding pha hmuahhmuah heh ding pha lo ah cang tuh i. 35Hemi saruangte ai tlakhnak hmuahhmuah a cianghlimlo i; laisawr ai bawnhnak lungthu ilekhaw bal tusek ih. 36Hemi saruangte ai khinghnak hmuahhmuah a cianghlimlo i; ikhalselai tihnar le tikuang tu a cianghlim ah siar tuh i si. 37Hemi saruang pakhatkhat tu cing tuhhnak hlaici vumah tlok lekhaw ciami hlaici tu cianghlim thotho lo i. 38Ikhalselai ti songai ciahhnak hlaici vumah tlok pang lekhaw ciami hlaici tu cianghlimlo i.
39Ai thil ramsa pakhatkhat thi ai ciami a thi ruang a daitu heh zan lam tianin cianghlimlo i. 40Aisu khai he sa ai lekhaw a hnikpon sawp tusek seh; ikhalselai cia zan lam tianin cianghlimlo thotho i. Aisu khai he saruang a phurtu in a hnikpon sawp tusek seh; ikhalselai cia zan lam tianin cianghlimlo i tuh thotho i.
41Laivum ah a vak murhmo ramsa, 42a pum in laipua rawt ai a vakmi ituseh, ke keli ai vakmi le ke tampui a naimi ituseh, ai tuh hrimhrim lo i si. 43Hemite heh ai in ningmah le ningmah mi cianghlimlo ah cangruai mah ih. 44Kai tu Bawipa ning Pathian ing ai kaimah i thianghlim bangin ningmah khai thianghlim tu ve ih.#Sua 19:2; 1Pet 1:16 45Kai tu ning Pathian ing ai Egypt ram an ning suahtu Bawipa ing. Kaimah i thianghlim bangin ningmah khai thianghlim tu ve ih.
46Ramsa, vaniu le ti songai a ummi zongzong le laivum ai a vakmi ramsa hmuahhmuah thawn peh dun in dan tu hetihin i. 47A zarh le zarh lo ituseh, ramsa aih thiang le cianghlimlo ituseh thia thiam tuhin ralring tu ih.
Currently Selected:
SUANGBAWI LAIBU 11: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
