JEREMIAH 2
2
Pathian in Israel Kilkhawl I
1 Bawipa awka tu i hnenah hleng ai, 2Jerusalem khua songai a ummi zongzong hnenah a hnia lamai bangin rel tu, i ti i.
“Na dawn laiah rinsan tlak na
i zia le kin hoi dun sawng ai
na i ithnak khiah hih ngiode ing.
Nelrawn lakah i hlun ai
aisu inkhai vai awng lohnak
ram ahkhai i hlun isi.
3Aw Israel, nang tu kaimah ai
lek isi;
I naihnak mi thianghlim isi.
Nangmah na tuahmawhtu vumah,
harsahnak le siatsuahhnak
hlengruai ing;
Kaimah Bawipa in rel zo ing,”
tiin ti i.
Israel Ai Pupate Sualhnak
4Jacob ai tesinfate, Israel ai
sen mite,
Bawipa ai thurelhnak
ngai tu ih.
5 Bawipa in, “Ning pu le
ning pate in i vumah
ziang mawhhluk tuh nai i?
Zaimanin i zangtak tlang i?
Santlai lomi milim bia ai
amahte khai mi zai lo ah
cang zo i.
6Ziang khai i siar tlang lo i,
‘Kin suahtu Pathian’
ti awng lo i;
Egypt ram songin suakruai ing,
Hampalak ramkhing in fehpui ing;
Nelrawn ram le runsiat
khur thuk ngai,
Ram car le khuathim sah ngai
ram le ram kihkul,
Aisu khai um le feh awng lohnak
ram songin fehpui napui
zaikhai i siar sah lo i.
7“Ram pha bik songah ram song
suakhnak thilpha le a thaite ai
tuhin hlengpui ing.
Ikhalselai i ram siatsuah
tlang lehlam i.
I pehnak ram ningrimtiar i.
8Suangbawite in,
“Bawipa a konteng ah
um i?” ti tlang lo i.
Dan a awhtu le i suangbawite inrin
i ling nawn lo i.
A hotute in ral i cai ai,
A prophette inkhai
Baal khuavang hming in thurel tlang ai
zaikhai ilomi milim bia tlang i.
Pathian In A Minungte Mawhhluk I
9Ciamanin Kaimah Bawipa in,
I minungte vumah mawhhluk
thu rel tuh ing;
A tesinfate vum ahkhai thu
nai tuh ing.
10Nitlak lamah Cyprus tikulh
tian feh tu ih;
Nisuah lamah Kedar ram tian
mi hlat tu ih!
Hetih ai thil a canghnak
thil bangtluk thil canghnak
akonah khai hmu tuh lo i si.
11Miphun dang aisu inkhai,
a Pathian thleng awng
kel lo i,
pathian ngaingai ilo ita inkhai!
Ikhalselai i minungte incen
a Pathian thleng i;
Amahte vumah songlawihnak
a hlengruaitu Pathian tu,
amahte caah zaikhai hnempui lo,
khuavang in i thleng i.
12Ciamanin maw vante khai,
ngaihsunur in hlin tu dek ih;
Lungsia in hlawng tu ih.
13Zaimantifangin i minungte
in thilsual pahnih bawn i:
Nunhnak cirhti kaimah i hnawl ai
ti zaikhai tling thil lo i,
tikhur khing co tlang i.
Israel Sualhnak Ai A Thai
14“Israel tu sal ilo i;
Tualsong suak sal i awng lo i.
Ikhalselai zaimanin a ralte in
suk le so ah fehpui dekdo i?
15A ralte in chintit bangin
auh tlang dekdo i;
A ram tu nelrawn ah cangruai i.
A khuapuite tu khuarop ah can ai
hlum sio i.
16I, Memphis mite le Tahpanhes mite in,
amahte luruh seu ai khoi i.
17Aw Israel, lampui in na hoi
lai rori ah,
Bawipa ning Pathian
Kai i hlum manin,
Hemi thil poimawh heh na vumah
nangmah in hlengruai isi.
18Egypt ramah feh in Nile Runpui ai
ti dinghnak in ziang ngah tuh
ing tiin ruat isi?
Assyria ramah feh in ziang hlawh tum isi?
Euphrates runpui ti dinghnak in
ziang ngah tuh ing tiin ruat isi?
19Nangmah ai sual bawnhnak
lala in na cawh tuhai,
Lamkhelh na hlunhnak in mawh
na hluk tuh i.
Kaimah Bawipa na Pathian
i zam ai,
I vumah kihzahhnak zaikhai na
nai nawn lo manin,
Nangmah ca thil sual le thil poimawh
khiah ling tuh bet bo isi.
Cungnungber Bawipa,
Pathian Kaimah in rel zo ing,”
tiin ti i.
Israel In Bawipa Bia Tuh Hnong I
20Cungnungber Bawipa in,
“Aw Israel, hlanlai in i thu el zo isi;
I thu hlun awng lo ai i bia na nuam lo i.
Tlang sang cangah le thingnim hniaah
milim bia ai hlotlau isi.
21Cabit kuang songin a pha ce
bangin na bir ing,
Ci pha songin a rilhnak isi.
Ikhalselai ziang cang isi ti sik tucuk!
A hmon a uih le santlai lo cabit
kuang na cang zo i!
22Satpia a pha ber in takhlu khal sikhaw,
na sualhnak niah hmu thotho ing.
23Akontih in miningrim ilo ing,
Baal bia awng lo ing ti thil isi?
Horkuam songai na sualdan heh
sik tucuk!
Thilsual na bawndan heh
phatak niu in sik tucuk!
Hrem thilh lo kalauk nu bangin;
A hur laiah amah nuamnuam in
a tlantu.
24Runsiat lakah a dawktu dekdo
kalauk nu bang isi;
A hur laitak ah kalauk tu aisu in uk thil tuh i?
Kalauk cang hrangah a si hnelhno kul lo i;
A hur laitak ahcen bai niu in ngah thil i.
25“Aw Israel, khuavang dangdang
na hnawhhnak ah na ke cawlruai mah,
Na dang khai carruai mah.
Ikhalselai nang in, ‘Let thil nawn lo ing,
Ramdang khuavang i ngai ze hang ai,
hnawh tuh betbo ing ti isi,” tiin ti i.
Israel Tu Cawh Tlak I
26 Bawipa in, “Ruko pom ai zak a thi bangin Israel mite tu zak ning thi tuh i: ning kumpibawi, ning hotu bawite, ning suangbawi le ning prophette tianin zakthihnak lianpui tuar tuh i si. 27Thingkung heh kin pa i ai lungto heh kin nu a titu ningte tu zak ning thi tuh i. I hnenah let sawn loin i hnenin ning tlan manin hebang zakthi le mualpho in um tuh i si. Cen ngaihsunur le vansang in ning um fangin, ‘Kawi tulai kin o tu,’ i ti i si.
28Ningmah ca ning bawnhnak ning biahnak khuavangte tu akonah um i? Ning harsa fangin ning bawm tuseh, ning bawm ben lekhaw! Aw Judah, khuapui na nai zah in khuavang khai tampui nai isi. 29I vumah na phuncamhnak ziang i? Zaiman i tawngcai isi? 30Na cawh napui na caah zaikhai hnempui lo i. Nunthutiam pha khai ilo i si. A hrang bik chintit bangin nangmah ai ralvang lala in na prophette rek isi. 31Aw Israel mite, i relhnak heh ngai tu ih! Ning caah nelrawn ro bangin maw, ramthim le ram kihkul bang ing im? Zaimanin, ‘Kin luat ai kin daihhnak bangin nung tuh i ing, na hnen ahcen let tuh lo i ing,’ i ti i si. 32Fenu in a hlawnthil hai thil awng awm? Mothar in hoidunhnak hnikpon hai thil awng awm? Ikhalselai i minungte in i hai ai a ni le a hla rin siar cawk nawn lo ing. 33Ning daihtute daihdan in umdan tu thiam tlang ngai i si. Nupang pha lober hnenah rin zirhthaihnak nai lai i si. 34Ning hnikpon tu thisan in mat i; ciami thisan tu ruko misualralte ai thisan ilo in mawh nai lo farahte ai thisan i.
“Ciacingin ning tu, 35‘Mawhhnak nai lo i ing, Pathian tu kin vumah a thinraw tuh lo i,’ ti lai i si. Ikhalselai ning sualhnak ning pheh manin Kaimah Bawipa rori in ning cawh tuh ing. 36Miphun dang khuavang hnenah ning tlan manin ningmah hlanlam man nai lo ah bawn dun i si. Assyria vumah ning vansang zo bangin Egypt inkhai thinpit vansang in ning bawn tuh i. 37Egypt lam hoi nuam nawn loin ning lu ah ning kutsih tuhai zakthi in laipua sik tlang tuh i si. Ning rinsanhnak mite tu kaimah Bawipa in i hnawlciahnak mite imanin anite hnenin zaikhai ngah tuh lo i si,” tiin ti i.
Currently Selected:
JEREMIAH 2: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
