ISAIAH 61
61
Luathnak Thuthangpha
1 Bawipa ai rauhla tu i hnenah um ai hathnak in i dimruai i.
Bawipa in i ril ai mifarah hnenah thuthangpha rel tuhin,
Thinlung a khoimi cakruai tuhin
Ral pom mite hnenah luathnak thu reltu tuhin le
thawngto mite hnenah luathnak thuthan tuhin i hlat i.#Mat 11:5; Luk 7:22
2 Bawipa in a minungte o tuhai
a ralte nehhnak can hleng zo i,
tiin thuthantu tuhin i hlat i. #Mat 5:4; Luk 4:18-19Lungsia mite hnem tuhin le
3Zion ai lungsia in a um mite hnenah
thinhnawmhnak tumrul in lungawi thinnuamhnak,
thasiahnak hrang thangphathnak la hlenpuitu tuhin i hlat i.
Bawipa amah in a birhnak thingkung bang i tuh i.
Amahte veksen in a hmanmi bawn tlang tuhai
Pathian tu a thil bawnhnak manin thangphathnak ngah tuh i.
4Kum raipui hnawmborh pumhnak ai
a cang zo khuapuite khiah saleh tuh i.
5I minungte ramdang mi in na ning ruaih tuh i.
Ning tuurualte kilkhawl tuh i;
Ning lo ning vai sah tuhai ning cabit vuan sel tuh i.
6Cen ning tu Bawipa ai suangbawi tihnak i tuh i si;
Miphundangte ai lianhnak khiah ai tlang tuhai ning in zarto tuh i si.
7Ning zakthihnak le ning mualphohnak tu bo tuh i.
Ningmah ram songah um tuhai ning lianhnak tu
a let hnih in khang tuh i.
A kumzangza in ning ang tuh i.
8 Bawipa in,
“Dikcanghnak tu i daih ai
puarthauhnak le thisan luanghnak tu i hua i.
I minungte tu fel ngai in a perman pe tuhai
amahte thawn kumzangza in a khomi thukhamhnak bawn tuh ing.
9Miphun hmuahhmuah lakah a hmingthang tuh i;
A hmutu hmuahhmuah in Kaimah ai hmuifu i pehnak
miphun i tiin ling tuh i,” tiin ti i.
10 Bawipa ai thil bawnhnak manin Jerusalem tu a lungawi i.
Hoidunhnak puai hrang a thuamduntu mo bang i.
Pathian in ohnak le nehhnak thawn thuam zo i.#Thup 21:2
11A hnawmhnak um loin a pomi le a khangmi hlaici bangin,
Bawipa in a minungte tu o tuh i.
Ciatihin Bawipa khiah miphun hmuahhmuah in
thangphat tlang tuh i.
Currently Selected:
ISAIAH 61: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
