HEBRU 1
1
Fapa Songin Pathian Ai Pongkam
1Hlanlai ah Pathian in kin pupate hnenah vel tampui a phunphun in prophette hmangin thu rel awng i. 2Ikhalselai he ni hnuataber lam ahcen kin hnenah a Fapa songin rel i. Ciami a Fapa hmangin Pathian in lai le van semsuah ai a tawphnak ah zaizongza naitu sio tuhin Amah heh ril i. 3Ani tu Pathian songlawihnak larruaitu i ai Pathian ihnak semkhim nai i. Huham a naimi a thu in lailung le vancung khiah cawm ai kilkhawl i. Minungte ai sualngaithiamhnak le sual ṭawlcianghnak a bawn ben sek hnuaah vancung ah Cungnungber Pathian ai kiahhan lamah to i.
Pathian Fapa Ai Thawmlian Zia
4Pathian in a Fapa hnenah a pehnak hming tu vancungmite ai hming tahin a cungnung sawn bangin a Fapa tu vancungmite tahin cungnung sawn in dah i. 5Zaimantifangin Pathian in zaibang vancungmi khai:
“Nang tu i Fapa isi;
Tunnia ah na Pa ah
i cang zo i,” #Saam 2:7ti awng lo i.
Ciahlaiah zaibang vancungmi
thu ahkhai,
“Kai tu na Pa i tuhai,
ani tu i Fa i tuh i,” #Saam 7:14
ti awng lo i.
6Ikhalselai Pathian in a Fa upa ber
lailung ah a hlat fangin,
“Pathian ai vancungmi
hmuahhmuah in amah bia
tlang tuh i,” tiin ti i.
7Ikhalselai vancungmite thu ah,
“Pathian in vancungmite tu
hlivua ah bawn ai,
A cengfate tu mai ah
bawn i,” #Saam 104:4ti i.
8Cen a Fapa thu ah Pathian in,
“Nang tu Pathian isi ai,
na bawi tohkham heh
kumzangza in kho tuh i;
Na minungte dikcanghnak in
uk tuh isi.
9Dikcanghnak na daih ai
sualhnak na hua i.
Ciamanin Pathian, Na Pathian in
na ril ai, Na ruapuite hnenah
pehnak tahin a lian cuang
upat songlawihnak na pe i,” #Saam 45:6-7ti i.
10“Cen Bawipa nangmah in
a hampan ah laipua heh
semsuah ai, Na kut rori in
vante khai bawn isi.
11Ciamite tu pairal tuh i,
ikhalselai nang tu
na kho tuh i. Anite tu hnikpon
bangin her tuh i.
12Angki bangin nang in
hlep tuhai hnikpon bangin
thleng tuh sek isi.
Ikhalselai nang tu
nangmah kel tuh ngio ai
na nunhnak tu bo nia
rel tuh lo i,” #Saam 102:25-27ti i.
13Pathian in vancungmi
hnenah, “Na ralte tu
na kephah ah i dah hlanlo,
i kiahhan lamah to tu,” #Saam 110:1
ti awng lo i.
14Ciatih ilekhaw vancungmite tu aisute ini? Anite tu Pathian naruaihtu rauhlate i ai nunohnak a ngahtu tuh pawl bawm tuhin Pathian in a hlathnak mite i.
Currently Selected:
HEBRU 1: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
