3 JOHAN 1
1
1Pawlpui upa kaimah in i ithnak mi Gaius#Nal 19:29; Rom 16:23; 1Cor 1:14na hnenah he lai na kuat ing.
2I ithnak i rual, rauhla lamah cak niu in um isi ti i ling bangin zaizongza nuncak le remcang in um tuhin nangmah caah saw na nget ing; 3Nang tu thutak songah a umtu ngio na imanin thutak ah zuam ngai in um lai i ti thu Khristian unaute in i rel tlang ai i ang ze i. 4I fate thutak songah nung tlang i ti i ling tahin i angruaitu thu dang um nawn lo i.
Gaius Lawm I
5I ithnak i rual, na Khristian unau ca na naper fangin, na ling awng lohnak tepawl ita inkhai rinsantlak in per isi. 6Ithnak na nai zia heh heta pawlpui hnenah rel tlang zo i. Hmai lam amahte feh tuhlai lampui ahkhai Pathian thinkhing zawng in bawm rih tu. 7Zaimantifangin Khrih naper tuhin khualsi a pan awng fangin sang lotute hnenin bawmhnak zaikhai lang loin Khrih naper pan i. 8Ciamanin thutak songai naperhnak songah kin khai tel tlang tuh ve in kin Khristiante in rohpui in bawm tlang ngasing.
Diotrefes Le Demetrius
9Pawlpui hnenah lai comniu ngan ing, ikhalselai amahte hotu tuh a hiamtu Diotrefes in i relhnak zaikhai siar tuh lo i. 10Ciamanin i hleng fangin a bawnhnak hmuahhmuah phuang tuh sek ing; kin thula sia ze ai a relhnak le thudon a relhnak tepawl larruai tuh sek ing. Cialek ilo i. Khristian unute tlawng fangin tlun inn hon nuam tlang lo ai tlun inn hon a nuamtute rin kham ai ciamite heh pawlpui songin suah tuhin zuam dekdo i.
11I ithnak i rual, a pha lomi heh cung mah; a phami cung tu sawn. A phami a bawntu heh Pathian ai i, a pha lomi a bawntu in Pathian hmu lo i.
12Aisusu inkhai Demetrius lawm tlang i; thutak hrimhrim inkhai lawm i. Kinmah inkhai ciami tu lingpui ve i ing ai kin relhnak tu a dikmi i ti ling isi.
Tawphnak Hnuksathnak
13Thu na rel tuh pha tampui nai ing, inapui cafung le laiti thawn ngan i nuam lo i. 14Ning tawk tuh zual tum ai ciata ah hmaiton rori in na rel leh tuh ing.
15Daphnak na vumah um tuseh.
Na rualpuite in hnuk na sat tlang i. Kin rualpuite khiah pumpak ṭen in hnuk kin sat sah tu.
Currently Selected:
3 JOHAN 1: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.