1 JOHAN Thuhmaihoi
Thuhmaihoi
John laikuat pakhathnak in hmuisunghnak pahnih nai i. Pakhathnak tu laisiartute heh Pathian le a Fapa Jesuh Khrih thawn pawlkomhnak nai ai nung tlang tuhin forh i. A pahnihhnak tu ciami pawlkomhnak a hnawmruaithaitu zirhhnak dik lo pawl um manin ralringhnak rel i.
Ciami zirhhnak dik lo pawl heh zai i ti fangin: he laivum ai phatlohnak heh laivum thawn pehdunhnak manin a hlenghnak i; ciamanin Pathian ai Fapa Jesuh Khrih tu laivum thawn pehdunhnak ngaingai nai lo i, minung bangin taksa ngaingai nai lo i, tiin zirh i. Nunohnak tihnak tu he laivum nunhnak thula thinkarh kin naihnak in luathnak i, ti tlang i. Nunohnak tihnak tu pha le pha lo manin ilo i; midang it le it lo manin khai i cuanglo i, ti tlang i.
Hebang thuzirhhnak kalh in laingantu pa in Jesuh Khrih tu minung taktak i ai Jesuh a sangtu le Pathian a ittu in pakhat le pakhat it dun tuhhnak i, ti thupui ngai in rel i.
Thutlangpui
Thu hampanhnak (1:1-4)
Tleuhnak le thimhnak (1:5-2:29)
Pathian fa le Satan fa (3:1-24)
Thutak le khelhhnak (4:1-6)
Ithnak ai ṭuanvo (4:7-21)
Nehtu te sanghnak (5:1-21)
Currently Selected:
1 JOHAN Thuhmaihoi: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.