1 KORIN 13
13
Ithnak
1Minung pong a phunphun le vancungmi pong khai thiam khal ingkhaw ithnak nai hlah lengkhaw i ponghnak heh a pau menma darkhuang le a pau lianglo darbu bang i. 2Prophet thurel thiamhnak lehsawng ituseh, fimthiamhnak a phunphun le thuthuk a phunphun lingthiamhnak khai ituseh, mual thawn thai sanghnak tian khai nai khal ingkhaw ithnak nai hlah lengkhaw a lovang i.#Mat 17:20; 21:21; Mar 11:23 3I naih hmuahhmuah mi pe sek in i ruangpui heh mai ah tai tuhin pe khal ingkhaw ithnak nai hlah lengkhaw kaimah caah zaikhai hnempui lo a lovang i.
4Ithnak tu a thinsau ai mi ninghio thiam i; ithnak tu mi iksik lo i, tluangkhawng lo ai hngal fawn lo i. 5Ithnak tu puar lo i, mah ca lek ruat lo i, a thin com lo i, cen thil tisualhnak vumah hih meng lo i. 6Ithnak tu thilpha lo vumah a ang lo i, ikhalselai thutak vumah ang i. 7Ithnak tu thinpit vansang awng lo i; zaizongza ah sang i, zaizongza umlam ai zaizongza tuar ben i.
8Ithnak tu bo nia nai lo i. Ikhalselai prophet thurel thiamhnak tepawl tu bo tuh i; lin lo pon ai pongthilhnak khai bo tuh i. Thiamhnak le linghnak khai bo tuh i. 9Zaimantifangin thiamhnak lehsawng kin ngahhnak le prophet thurel thiamhnak kin cohnakte heh a hrekniu lek i. 10Ikhalselai a semkhimmi a hleng fangin a semkhim lote tu pai tuh sek i.
11I naupang laiah i pongdan, thil i hmudan le i thuruatdan heh naupang ngai i. Ikhalselai tun tu upa hang manin naupangdan heh hlun i hiam nawn lo i. 12Tunai thil kin hmudan heh hlalang songah fiang lo ai a hla kin hmuhnak bang i; ikhalselai ciafangin hmaicang rori in hmu tuh ising. Tunai thil kin linghnak heh a khim lo i; ikhalselai ciafangin tu a khimliang in ling tuh ising. Pathian ai i linghnak a khimliang bangin kin linghnak khai khim leh tuh ve liang i.
13Tun ahcen a kho ngio thil pathum um ai sanghnak, umlamhnak le ithnak i; hemite lakah a lianber tu ithnak i.
Currently Selected:
1 KORIN 13: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
