WAROMA 1
1
1Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.
2Nyiyo aweiteṟie na mweeke fo waikimbi walya wake ipfo Maṟehyonyi Maele. 3Ya mana chu oke apaṟikie osharinyi lo Dawidi kui nyama. 4Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu. 5Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose. 6Mpfondo nanyo muipfo mui wasambuṟe wa Yesu Kristo.
7Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.
Mwano ko Ruwa
8Kya kuwoka ngaana Ruwa oko njikuwawie na Yesu Kristo kimaduma kyanu mose kyamba wuidiki wonu wukeri ihambo wuyana kose. 9Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi. 10Orio mandi njiterewa njikeri iwesa Ruwa kulako njechiwonyo mwaanya foshika konu. 11Kyamba njiwodo macha hewonana nanyo njimwendie kemuwanza kii-kiwike nyi Mumuyo. 12Nalyo nyilyo liwe nyi iwanzana iidikia lyanu linjiwanze na iidikia lyako lyimbanze nyo.
13 Indi njikundi mumanye, wanawawama, ke njiwelangie kafoi icha na ipfo konu cha ipfo mkambonyi iya ingi, kya indi ngaimo shika inu. 14Inyi na njii mosile o Wagriki na o wa mdedie mhenu, o waṟango na o walai waṟango. 15Nyi wudo njilangie ionguo Ndumi ya Sia ya okiio na konu ipfo Roma.
Pfinya ya Ndumi ya Sia
16 Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki. 17 Kyamba kotambahaluyo nayo wuhoṟotsu wuwukye ko Ruwa wokuwada kundo kuwode wuidiki wochiduo mndu wuidikinyi, chando kikiṟehie, ke Mndu mhoṟotsu nyi echikaa awode moo fuṟukie wuidikinyi.
Deko lya mndu
18Kyamba tuuke ya Ruwa yahenda imanyisho ichee ruwehu yechiolokya orio wukika wo wandu na wutahachi wowo iwo wekeshingya wukilohi wulya njia kui tewe lya wutahachi. 19Kipfa isho sha Ruwa shewa imanya na shiwataṟambukye kyamba Ruwa nyi alewatambaṟuya. 20Kyamba isho shake shilawa yambuya sho shekewono wokia awikie wuyana shishiwike nyio wehanahana kyasho; nasho nyi shiile, pfinya yake ilunganyi ikaa na mkaike foke fui fo Ruwa amonyi kikaenenga walawonyo mwaanya fokapa nene. 21 Kitewe nyi kipfa ili waweichi Ruwa, indi walawemwindya cha Ruwa manya imwaana, kya indi wakahenda ihanahana na wuṟango wo wongo, na mdo fowo fukatushia fukawa meema. 22Ipfo kundo wakutanye walaanyi mpfondo watondoke. 23 Wusuṟi wu wo Ruwa alechisia wo wakawuilacha na mfano fofanana na mndu o wandu ekesia na fo malehe na fo mando na fo shindo shekekupupurwo.
24Nkyo kitewe Ruwa alewalekia wahende dao nyi lango tsawo tsewaduo ngafunyi washike yendye mbihu yawo wusutsu kowo wawenyi. 25Wo walekuilachya wukilohi wo Ruwa na wongo, wakawikya kitsane wuindi na ikiterewa wakada mtsanyi mokiwika ai moidapfumo mlungana. Amenyi.
26Nkyo kimaduma Ruwa alewalekia wahende iwado nyi wulanga wuendie wusutsu; na waka wawo wakailacha mbutie fulya fuwaṟi na sa fulawaṟi. 27Na womi na wudo wakaweda ikaa na waka wawo chando kiwaṟi wechiaka-aka na ilangana wo wenyi na wenyi, womi wakawewuta na womi mbutie fulai na sonu, wakakuwonya wueri wusumhanyi wo wunyamaṟi wowo kowo wawenyi.
28Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta. 29Wakaichuo wutahachi wo orio mbaṟi na wunyenyi na wuwahi na isohuo mondu na yoka mtambo na maupahapaha na maweweda. 30Nyi wekeduo wandu aaṟu, wesuo Ruwa, wai waami, wechumia useṟeṟi wai wa mtengelele, wandu wasumi, wepiṟa wafee. 31Kindo kilai nawo nyi osaṟe, nyi wuhendeli, kindo kilai nawo nyi sonu, kindo kilai nawo nyi iichio mndu wukiwa. 32Ma ili waichi kilya Ruwa awikye-ho ke wewuta wadi ate wawoho. Nawo naa wekewuta wado chi wo wawenyi tupupfo kyaindi wekeichika na walya wekewuta wado.
Mwanduye fo Ruwa
Currently Selected:
WAROMA 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
