MFANANO 2
2
Wueri wo wulaanyi
1Manoko, kokoya oidikya madedo hako,
Na iwika kisa mawawaso hako;
2Kodeha kudu kopfo iicho wuṟango
Koweṟeheṟa mrima fopfo kosumbo imanya;
3Kiidima kolaha wulaanyi,
Na iirya ṟu lyapfo nosumbo imanya
4Koshiha cha fesa
Na ishiha cha kisa kii kiṟike
5Nlyondi ochimanya iindya Mndumii
Na imanya Ruwa
6Kipfa Mndumii nekeinenga wandu wuṟango;
Dumbunyi lyake kuwode wulaanyi na imanya shose,
7Nekewika kisa kya wuṟango walya wahoṟotsu mrimenyi
Nyi ngawo ya walya wahendelyi kui mrima;
8Kundu naringe njohendo tsa mwanduye,
Naweringa njia tsa waele wake.
9Nlyondi ochimanya wukilohi na mwanduye,
Na wucha na orio njia njicha yose.
10Kipfa wuṟango wochiida na ngoonyi yapfo,
na wulaanyi wochichihiṟa mrima fopfo;
11Osaaṟe lopfo lochikuringa;
Na imanya lyechikushikia.
12Kundu ukiṟo na njia tsa mawicho,
Na wandu wededa halawaṟi;
13Wandu wadeye njia njihoṟotsu,
Wakukumba meemenyi,
14Waiwachihiṟe nyi mawicho;
Wakakesa kiidi kya odetso lo wawicho;
15Waledetso njienyi yawo,
Watimbiri njayonyi tsawo
16Ukuṟise na wameluki
Ee da, wameluki wekelembalemba na madedo hawo;
17Adeye mbuya ya uwanake woke,
Na ihadima mkundana fo Ruwa oke.
18Kipfa mba yake iambuya opfunyi,
Na njayo tsake tsihenda ko wapfu.
19Woose wechimhendia kochiwuya manya umupfo,
Manya ishikia njia tsa moo.
20Kundu uidime ihenda njienyi ya wandu wecha,
Na iwada njayo tsa wenyi wulohi.
21Kipfa wahoṟotsu wechikaa orukenyi
Na walya wakuilishye wechikaapfo mlungana
22Indi wewuta wuwicho wechiletsano na oruka
Wenyi mtambo wose wechisamiṟo
Currently Selected:
MFANANO 2: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.