NAHUMU 1

1 Otambahaluo lo Niniwe. Kitapu kya mawonesyo ha Nahumu, Mwelkoshi.

Nyashi ya Ruwa huya Niniwe

2Mndumii-Ruwa nyi ai moṟisaṟisa, nyi eketaa kiṟache; Mndumii nyi menyi kiṟache, nyi aichuo nyashi; nyi eketaa kiṟache ko wakituwa wake, nyi ekewika kisa kya nyashi yake ko wakituwa wake. 3Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake. 4Nekededya ipalyipalyi likahaduka, na ihadutsa meda yose; Bashanyi ikaloloma, na Karimeli; kiwaṟo kya Lebanonyi kikanaa. 5Mafumvu hekededema oshangunyi loke na shitoṟomoso shikasalaa; oruka lokeiro oshangunyi loke, ee, hamu na woose waipfo. 6Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu. 7Mndumii nai mcha, nyi oṟiho kiheri kya kiwi; naichi walya wemdichia. 8Kyaindi nechitoromisha wakituwa wake na mfu fung'anyi na iwafunyia meemenyi. 9Nkiki muikusaṟa kya Mndumii? Nechitoṟomisha piu; matuuro hechiidima icha lya kawipfo. 10Kipfa kokoya wawa cha msha iwadanyi, na irutsa cha ili wainyo wechikombetso cha makaanjo maumu. 11Kokure umu kiidi kyapfo kakusaṟa mawicho ha Mndumii, kadeda chila ilawaṟi. 12Mndumii nahamba, Manya chandu wafoi na iwada pfinya tsa mbihu wechiarisika, o nechiida na ihenda. Chando njilekulisa wukiwa ochiwulya se-pfo. 13Wulalu njechifunja ngada yake, na itusuo shipfunga shapfo. 14Mndumii nawutye iwawaso kyapfo, manya kulawono mndu oose awode rina lyapfo; ipfo mmbenyi ya maruwa ha wongo njechikumba kuleshe sanamu tseṟeha, na sanamu tsesalaṟa; njechiteseheṟa kipfu kyapfo; kipfa nyi ui mmbicho. 15 Ambuya madende ha moende mbonyi njicha tsa sia hakeri icha shitoṟomosohu, na ihamba ofoṟo. Wada mkonu yapfo nnene, iyo Yuda, inutsya kyasa kyapfo, kipfa ulya mokulisa wukiwa echichase-pfo alememariso ikumbo haleshe.

Currently Selected:

NAHUMU 1: KIM2

Highlight

Compare

Copy