MARIKO 6
6
1Yesu kakureho kahenda kulya mṟinyi kundu awukye, arianyi na wa kiloshyonyi kyake. 2Mfiri fo sabato fomshika kawoka ilosha ipfo sinagogenyi. Na walya wafoi waleadanya wakaṟihyo wechihamba, “Mndu chu kundu awutye ishi nyiku? Na wuṟango wu awode nyi woku? Na mawuto hado ha finya hawuto ku mawoko hake? 3Ichu chi ulya motsana shidi, ai mana o Maria na manomae o Yakobo na o Yose na o Yuda na o Simon? Na washiki wake chi wakeri iya kodu?” Wakawa kiṟuma ṟuma kipfa kyake.
4 Yesu kawawia, “Kuwode kundu mwikimbi amenekyemenekyepfo, chila na kulya mṟinyi koke na ko washari wake na kulya kanyi koke.”
5Nao ma alaidime iwutia-pfo ṟiho shile wandu waluo maata alewahekya mawoko kawachiṟa. 6Kaṟihio mnu kyawo, ili wai wado wandu walaidikye.
Yesu aduma wa kiloshionyi ikumi na wawi
(Mat 10:5-15; Luk 9:1-6)
Nao Yesu kawa motengetatengeta kulya mṟinyi ya kufui kechilosha. 7Kalaha walya wa kiloshinyi ikumi na wawi kawoka iwaduma wawi wawi. Kawaenenga pfinya yefuna waṟufu wa ngafu. 8Kawawasa, “Muladuo kindo njienyi shila ndichi tupu. Ma mkate ma kichoṟe ma mapesa ipfo shikuchunyi shanu. 9Ṟaenyi shadu. Manya mlaṟae nguwo tsiwi tsa wanda.” 10Kawawia-se, “Kokoya moambio na mba ko mndu, mkukaye-ho mtane mokure-pfo. 11 Mkakoya kundu walechimwambia ma imwadanya, wukyenyi-ho na ikutakuta kiluli kii shia madende hanu, kiwe kiṟingishyo kowo.”
12Wakakuhendya wakaongoya wandu wadumbuye. 13 Wakafuna waṟufu wawicho wafoi wakashia wandu wai mtengeṟi mafuda wakawachiṟa.
Opfu lo Yohane Mpatisi
(Mat 14:1-12; Luk 9:7-9)
14 Kyasia mangi Herode kaicho isho shose kiṟumi kya Yesu kiledung'ana orio handu. Wandu maata wawekehamba, “Yohane Mpatisi ameṟuka awuka ko wapfu, nkyo kitewe pfinya tsa ṟiho tsiṟunda kiidi kyake.” 15Wengi wakahamba, “Mndu-chu nyio Elia.” Wengi wakahamba, “Nyi umuho o waikimbi walya.”
16Herode ameicho mbonyitsi kahamba, “Ichu nyi Yohane! Njilemdumbuo mdo, nyio ichu aṟuka.”
17 Nyi ili Herode awedumie iwada Yohane na imshingya kipfungyonyi kipfa kya Herodia, mka o manomae o Filipo, nao amwalikie. 18Kipfa Yohane alewia Herode, “Kikusumuhanye ukae na mka o manomayopfo.”
19Kyasia Herodia kawadia Yohane kiṟumbo kakunda imbaha, nalaidime. 20Nyi kipfa Herode nyaweowoe Yohane kammanya, ke nyi mndu o wusumhanyi na mndu mwele, kamringa. Herode kakunda iadanya Yohane; kawa morohio mnu mrimenyi kiheri amemwadanyia.
21Nahong'u kukacha mfiri fokumbuo ifeo lya Herode, Herode kasungusia mfuho kalaha wanjama wake, na wasoṟo wa shidenyi na wanene walya wa Galilaya mfiri fokumbwo ifeo lyake. 22Mana o Herodia o waka kaida-ho kashinyia-ho kachihiṟa Herode na walya waiho welya shelya. Mangi kawia mana ulya o waka, “Kenterewa kindo kyose okundi na njechikuinenga.” 23Kamlia nyamu kambia, “Kindo amenjiterewa na njekuinenga, ma kokoya kishikie ma kifunjo kya wumangi woko.”
24Mana ulya o waka kahenda ipfo nja kawia mae, “Nyikiki njechimterewa?” Nao kambia, “Na mdo fo Yohane Mpatisi.” 25Mana ulya o waka kakambiṟa iwuya na ko mangi kamterewa kehamba, “Njikundi mdo fo Yohane icho Mpatisi njiwikyo oo ipaluhu wulalu kudi.”
26Mangi kawado mnu nyi fowa, alakikunde imlehya kipfa kya nyamu iya na wandu walya waiho welya shelya. 27Mangi kakambiṟa iduma wasikari wake umu-ho kawawasa, kuendo mdo fo Yohane. Msikari kahenda kadumbuo mdo fo Yohane ipfo kipfungyonyi 28kaende mdo foke na ipalu kainengya mana ulya o waka na mana ulya o waka kainengya mae. 29Wa kiloshyonyi kya Yohane wameicho mbonyitso, wakacha wakaira mnying'a foke wakafuṟika ṟungunyi.
Yesu ainenga wandu shiku shitanu kelya
(Mat 14:13-21; Luk 9:10-17; Yoh 6:1-14)
30Nahong'u wasu walya wakawuya wakakusanza ko Yesu wakambia mbonyi tsa shilya walewuta shose na ilosha. 31Wandu wafoi wawekecha na ko Yesu na iwuya tane Yesu na wa kiloshianyi kyake wawuṟa ma mweke folya kelya. Yesu kawia wa kiloshionyi kyake, “Nndenyi luhende handu ha kyaanya lusie ho moo kituntu.” 32Wakakuhendya wawenyi kundu ko kisekyenyi wario nyi ngalawa, wakashika kundu ku kuleshe na wandu.
33Wandu wafoi wakawawona wechihenda, wakawamanya wakawaituma na madende wa mṟi yose wakawasongoya ishika kulya kundu Yesu na wakiloshionyi waihenda. 34 Nawo wameshika, Yesu, kawona kituṟu kya wandu king'anyi kawaichio wukiwa, cha kipfa wakeri cha machondi halawode mlisi, kawoka iwalosha shifoi. 35Mfiri fomeela, naho-ng'u wa kiloshyonyi kyake wakamchea wakambia “Iya nyi nuka na wulalu mfiri fomeela. 36Kewasame, kundu wakuhendye ipfo mndenyi na ipfo mamṟinyi ha mṟasenyi, wakuhuṟye-pfo kindo kyekulia.” 37Nao Yesu kahalwo kawawia, “Wainengenyi nyo shelya.” Nawo wakambia, “Ngesa luhende ihuṟa mkate ya dinari mahana hawi, luwainenge kyekulia?” 38Yesu kawawesa, “Mkate inga muwode? Hendenyi yambuya.” Wamemanya, wakahamba, “Nyi itanu na makunga hawi.”
39Yesu kawawasa wakiloshionyi wadamiṟe wandu wose kui madembo ipfo maṟenyi hadoe-pfo. 40Wakadamia wanda kui makamba, kui ihana ku ihana na makumi hatanu makumi hatanu. 41Nahong'u Yesu kaira mkate iya itanu na makunga halya hawi kaambuya huye ruwehu kaidapfuma Ruwa kafunja mkate yo shifunjo kainengya wa kiloshyonyi kyake, kundu wawadaye, na wudo makunga halya hawi kawahawya wose. 42Wandu wose wakalya wakaihuda. 43Wakadodwo mtsuhaṟo fo shipeṟengu sha mkate na makunga wakaichuṟa shikunja ikumi na shiwi shiichwo pacha. 44Na walya walelya mkate iya, waweshikye wasoṟo shiku shitanu.
Yesu achumia huya mṟinga
(Mat 14:22-33; Yoh 6:16-21)
45Yesu kakambiṟa iitikya walya wa kiloshyonyi kyake, waide na ngalawenyi, wamsongoye yambadya kya kulya Betisaida mataya ya nduwa, natane asama wandu walya wa mamwingi. 46Amsamana nawo, kahenda ipfo ifumvuhu iterewa. 47Komshika iila, ngalawa ikeri ipfo makidi hawi ha nduwa, nao ai handu hahadutsu amonyi. 48Kyasia kekiwona wa kiloshionyi kyake wahataṟo wekuruo ngalawa iya, kipfa otanu luwasumhyanye oshangunyi. Kufui na aheṟa Yesu kawahendya kechichumia huya mṟinga. Kakunda ikwidya mbele yawo. 49Indi walembona, kechumia huya mṟinga, wakakusaṟa nyi kiṟishe wakafihiṟa. 50Kipfa walya wawembonyi wose waleangalala.
Wadi Yesu kadeda nawo kawawia, “Kewuyonyi nyi moo, nyio inyi Mlaowuo!” 51Kadoya ipfo ngalawenyi kundu wawei, otanu lukahuma; wakauma mnu mkahai dang'a ipfo kidi kyawo. 52Nyi ili mbonyi tsilya tsa mkate iya tsilawemewatambalukie na mrima yawo iwei nlemeri.
Yesu achiṟa waluo kulya Genesareti
(Mat 14:34-36)
53Wamambadya kya kulya mbai ya nduwa, wakashika kulya orukenyi lo Genesareti wakapfungya-ho ngalawa iya. 54Kyasia wambuka ipfo ngalawenyi oweṟe wandu, wakammanya Yesu. 55Cha ili wakatengeta orukenyi lulya lose wakawoka yende walya wakeri iwawyo wario na shitaṟa na orio handu Yesu ai, kipfa waleicho ke nyi akyeri-ho. 56Orio handu Yesu amehenda mṟinyi ing'anyi ang'u ntutu, ang'u mndenyi wandu wakaende naho wandu waluo wakamterewa wapaye ma mambo tsa nguo yake. Na walya wose waletsipaya walechia.
Shido sha waku wawo
(Mat 15:1-9)
Currently Selected:
MARIKO 6: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
