MATAYO 25
25
1 “Nalyo wumangi wo ruwehu nyi wufananyi na wana wa waka ikumi walewuka kanyi wahende yambya mndu menyi wali warie na taa tsawo. 2Na iwo watanu-ho nyi matondo, na watanu-ho nyi waṟango. 3Nyi kipfa lilyandi walya wai matondo waleduo taa tsawo, walahende warie mafuda. 4Na walya waṟango wakaduo mafuda ipfo shihienyi shawo wawerie na ipho taenyi tsawo. 5Kyasia wamkoya menyi wali akeleo wakahombya wakalaa mado handu hamu wose. 6Ili kio makiidi hawi kukaamka oṟenje ke menyi walyi a ulya alya kekurenyi mhende imaambya. 7Nalyo wana walya wa waka wakakure madonyi handu hamu wose wakasungusya taa tsawo. 8Walya wai matondo wakawia walya waṟango, ‘Mafuda-ho muwode, keluinengenyi-ho-wo, taa tsadu nyi iruma tsii.’ 9Walya waṟango wakahamba, ‘Ote nyi lowona halalushikye so na nyo. Kicha-kicha-ho nyi ihenda ko wekumba shindo mukuhuṟye-pfo hanu.’ 10Wahendye kihuṟyonyi menyi wali kacha na walya wakusungusie wakahenda warianyi nao wakaing'anya kulya walinyi. Mongo fukapfungo. 11 Ili numa numa wana wa waka walya wengi wakawecha naho wakahamba, ‘Hoi Mndumii, hoi Mndumii, kelufunguye-wo mongo.’ 12Nao kahaluo kawawia, ‘Njimwichi nyopfo.’ 13Kyasia-ng'u kelaenyi-ng'u dembo kipfa ili mulaichi mfiri fo ma saayo.”
Mfanano fo masinga haṟaṟu
(Luk 19:11-27)
14 “Nyi kipfa kyawa cha kya mndu alehenda kyaṟo. Kawoka ilaha masinga halya hake kahainenga shilya awode washikalie. 15Ichu kamnengia talanta tsitanu na icho ungi tsiwi na icho ungi imu. Orio mndu ose kamnengia chando kisumuhanyi na pfinya yake. Naho kahenda kyaṟo. 16Ulya aambia talanta tsitanu adi kakambiṟa ihenda owinyi. Kakapakapa natso mbucha. Kawona-ho tsingi tsitanu tsa mbucha. 17Na ulya o tsilya tsiwi kawewona-ho tsingi tsiwi tsa mbucha. 18Kyasia ulya aduo iya imu kahenda. Kasumasuma ipfo wanda. Kaṟika fesa iya ya mndumii oke. 19Kyasia mndumii o masinga halya kakaapfo kiheri kileshe katana acha. Kahamba wamwitalie shindo shilya.” 20Ulya adae talanta tsilya tsitanu kacha naho kaende talanta tsingi tsitanu. Kahamba, “Mndumii, nyi talanta tsitanu unnengye. A itsi talanta tsingi tsitanu njilewona tsa mbucha.” 21Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.” 22Na ulya o talanta tsilya tsiwi kawecha napfo kahamba, “Hoi mndumii, nyi talanta tsiwi ulenjinenga, a itsi-se tsingi tsiwi-se njilewona tsa mbucha.” 23Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.” 24Kyasia na ulya aambie talanta iya imu kawecha napfo kahamba, “Mndumii, njiwekuichi nyi ui mndu muumu nokesambuo handu kulawaye-ho, kosana handu kulakumbie-ho mbeu. 25Na inyi ngaowuo ngahenda iṟika talanta iya yapfo fo wanda. A iki kindo kyapfo okiwadang'u wulalu.” 26Na mndumii oke kamhaluo kambia, “Iyo ui isinga liwicho kowewa na mdoko ili uweichi njekesambuo handu njilawaye-ho ngawesana na handu njilakumbie ho mbeu. 27Aka shika-ng'u-wo chi kiwekusumuhanyi-wo ihenda kumba rupia tsako ko weilacha rupia. Na inyi ili njecha kokoya nyi njiwechiende-pfo iki kyako kii kiengerye-ho na kyako kya woakuya. 28Kemsokenyi-ng'u talantayo. Muinengie ichu awode talanta ikumi. 29 Nyi kipfa orio mndu ose ichu awode nyi echiinengo na yengeṟyo kawengeṟyo-engeṟyo. Kyaindi ichu alawode na ikyo awode kawesoko. 30 Na isinga li lya maai likumbenyi ipfo meemenyi fushingye ipfo nja. Napfo kukae-pfo ifihiṟa na imadya ngamru.”
Mwaanduye fo ifurumia
31 “Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke. 32Na ifo sumuhana na oshangu loke kuche sanyo-ho wandu wa masanga hose. Nao nawaletsane chando mlisi ekeletsana machondi na oṟo. 33Na machondi halya nahawike ora loke lo kulyo na oṟo tsilya natsiwike ipfo ora loke lo kumoso. 34Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko. 35Nyi kipfa njiwewodo nyi njaa mukannenga shelya. Mbei mangari mukanjirutsa mṟinga. Mbei mhenu mukanjionduo na konu. 36Mbekeri kitaṟe mukanṟika nguwo. Mbeluo mukacha njisahia. Mbei mbike ipfo mba ko wapfungo mkanjichyea.’ 37Nalyo wandu walya wa wusumuhanyi wechimhaluo wahambe, ‘Hoi Mndumii, nyi indi lulekuwona kuwodo nyi njaa lukakuinenga kando keihuda? Ang'u kui mangari lukakurutsa mṟinga? 38A nyi indi lulekuwona kui mhenu lukakuonduo na kodu? Ang'u kui kitaṟe lkakuṟika nguwo? 39A nyi indi lulekuwona kuluo ang'u kumbike ipfo mba ya ko wapfungo lukakucheya?’ 40Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”
41“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake. 42Na kipfa njiwewodo nyi njaa ma mlannenge shelya. Mbei mangari ma mlanrutse mṟinga. 43Mbei mhenu ma mlanjionduo na kanyi konu. Na kitaṟe ma mlanjiṟike nguwo. Njiweluo mbei mbike na ipfo mba ko wapfungo ma mlache nsahya.’ 44Nalyo na wudo wechihaluo wahambe, ‘A Mndumii, nyi indi lulekuwona kuwodo nyi njaa ang'u kui mhenu ang'u kui kitaṟe ang'u kuluo ang'u kumkumbe ipfo mba ko wapfungo naso lukada lulakufuṟukanya?’ 45Nalyo echiwahaluo nahambe, ‘Nyi kya lohi ngambia, orio kindo kyose chando muleda mulawutya iwo watutu ya wose ma ichu umu-ho nyio inyi muleda mulanjiwutya.’ 46 Nawo wahende malisyonyi ha wukiwa wokaa mlungana na walya wa wusumuhanyi wawehenda ipfo kiidi kya moo fo mlungana.”
Chila yewaaha Yesu
(Mar 14:1-2; Luk 22:1-2; Yoh 11:45-53)
Currently Selected:
MATAYO 25: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MATAYO 25
25
1 “Nalyo wumangi wo ruwehu nyi wufananyi na wana wa waka ikumi walewuka kanyi wahende yambya mndu menyi wali warie na taa tsawo. 2Na iwo watanu-ho nyi matondo, na watanu-ho nyi waṟango. 3Nyi kipfa lilyandi walya wai matondo waleduo taa tsawo, walahende warie mafuda. 4Na walya waṟango wakaduo mafuda ipfo shihienyi shawo wawerie na ipho taenyi tsawo. 5Kyasia wamkoya menyi wali akeleo wakahombya wakalaa mado handu hamu wose. 6Ili kio makiidi hawi kukaamka oṟenje ke menyi walyi a ulya alya kekurenyi mhende imaambya. 7Nalyo wana walya wa waka wakakure madonyi handu hamu wose wakasungusya taa tsawo. 8Walya wai matondo wakawia walya waṟango, ‘Mafuda-ho muwode, keluinengenyi-ho-wo, taa tsadu nyi iruma tsii.’ 9Walya waṟango wakahamba, ‘Ote nyi lowona halalushikye so na nyo. Kicha-kicha-ho nyi ihenda ko wekumba shindo mukuhuṟye-pfo hanu.’ 10Wahendye kihuṟyonyi menyi wali kacha na walya wakusungusie wakahenda warianyi nao wakaing'anya kulya walinyi. Mongo fukapfungo. 11 Ili numa numa wana wa waka walya wengi wakawecha naho wakahamba, ‘Hoi Mndumii, hoi Mndumii, kelufunguye-wo mongo.’ 12Nao kahaluo kawawia, ‘Njimwichi nyopfo.’ 13Kyasia-ng'u kelaenyi-ng'u dembo kipfa ili mulaichi mfiri fo ma saayo.”
Mfanano fo masinga haṟaṟu
(Luk 19:11-27)
14 “Nyi kipfa kyawa cha kya mndu alehenda kyaṟo. Kawoka ilaha masinga halya hake kahainenga shilya awode washikalie. 15Ichu kamnengia talanta tsitanu na icho ungi tsiwi na icho ungi imu. Orio mndu ose kamnengia chando kisumuhanyi na pfinya yake. Naho kahenda kyaṟo. 16Ulya aambia talanta tsitanu adi kakambiṟa ihenda owinyi. Kakapakapa natso mbucha. Kawona-ho tsingi tsitanu tsa mbucha. 17Na ulya o tsilya tsiwi kawewona-ho tsingi tsiwi tsa mbucha. 18Kyasia ulya aduo iya imu kahenda. Kasumasuma ipfo wanda. Kaṟika fesa iya ya mndumii oke. 19Kyasia mndumii o masinga halya kakaapfo kiheri kileshe katana acha. Kahamba wamwitalie shindo shilya.” 20Ulya adae talanta tsilya tsitanu kacha naho kaende talanta tsingi tsitanu. Kahamba, “Mndumii, nyi talanta tsitanu unnengye. A itsi talanta tsingi tsitanu njilewona tsa mbucha.” 21Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.” 22Na ulya o talanta tsilya tsiwi kawecha napfo kahamba, “Hoi mndumii, nyi talanta tsiwi ulenjinenga, a itsi-se tsingi tsiwi-se njilewona tsa mbucha.” 23Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.” 24Kyasia na ulya aambie talanta iya imu kawecha napfo kahamba, “Mndumii, njiwekuichi nyi ui mndu muumu nokesambuo handu kulawaye-ho, kosana handu kulakumbie-ho mbeu. 25Na inyi ngaowuo ngahenda iṟika talanta iya yapfo fo wanda. A iki kindo kyapfo okiwadang'u wulalu.” 26Na mndumii oke kamhaluo kambia, “Iyo ui isinga liwicho kowewa na mdoko ili uweichi njekesambuo handu njilawaye-ho ngawesana na handu njilakumbie ho mbeu. 27Aka shika-ng'u-wo chi kiwekusumuhanyi-wo ihenda kumba rupia tsako ko weilacha rupia. Na inyi ili njecha kokoya nyi njiwechiende-pfo iki kyako kii kiengerye-ho na kyako kya woakuya. 28Kemsokenyi-ng'u talantayo. Muinengie ichu awode talanta ikumi. 29 Nyi kipfa orio mndu ose ichu awode nyi echiinengo na yengeṟyo kawengeṟyo-engeṟyo. Kyaindi ichu alawode na ikyo awode kawesoko. 30 Na isinga li lya maai likumbenyi ipfo meemenyi fushingye ipfo nja. Napfo kukae-pfo ifihiṟa na imadya ngamru.”
Mwaanduye fo ifurumia
31 “Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke. 32Na ifo sumuhana na oshangu loke kuche sanyo-ho wandu wa masanga hose. Nao nawaletsane chando mlisi ekeletsana machondi na oṟo. 33Na machondi halya nahawike ora loke lo kulyo na oṟo tsilya natsiwike ipfo ora loke lo kumoso. 34Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko. 35Nyi kipfa njiwewodo nyi njaa mukannenga shelya. Mbei mangari mukanjirutsa mṟinga. Mbei mhenu mukanjionduo na konu. 36Mbekeri kitaṟe mukanṟika nguwo. Mbeluo mukacha njisahia. Mbei mbike ipfo mba ko wapfungo mkanjichyea.’ 37Nalyo wandu walya wa wusumuhanyi wechimhaluo wahambe, ‘Hoi Mndumii, nyi indi lulekuwona kuwodo nyi njaa lukakuinenga kando keihuda? Ang'u kui mangari lukakurutsa mṟinga? 38A nyi indi lulekuwona kui mhenu lukakuonduo na kodu? Ang'u kui kitaṟe lkakuṟika nguwo? 39A nyi indi lulekuwona kuluo ang'u kumbike ipfo mba ya ko wapfungo lukakucheya?’ 40Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”
41“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake. 42Na kipfa njiwewodo nyi njaa ma mlannenge shelya. Mbei mangari ma mlanrutse mṟinga. 43Mbei mhenu ma mlanjionduo na kanyi konu. Na kitaṟe ma mlanjiṟike nguwo. Njiweluo mbei mbike na ipfo mba ko wapfungo ma mlache nsahya.’ 44Nalyo na wudo wechihaluo wahambe, ‘A Mndumii, nyi indi lulekuwona kuwodo nyi njaa ang'u kui mhenu ang'u kui kitaṟe ang'u kuluo ang'u kumkumbe ipfo mba ko wapfungo naso lukada lulakufuṟukanya?’ 45Nalyo echiwahaluo nahambe, ‘Nyi kya lohi ngambia, orio kindo kyose chando muleda mulawutya iwo watutu ya wose ma ichu umu-ho nyio inyi muleda mulanjiwutya.’ 46 Nawo wahende malisyonyi ha wukiwa wokaa mlungana na walya wa wusumuhanyi wawehenda ipfo kiidi kya moo fo mlungana.”
Chila yewaaha Yesu
(Mar 14:1-2; Luk 22:1-2; Yoh 11:45-53)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.