MATAYO 24
24
1Na Yesu kawuka ipfo hekalunyi kahendahenda mbele. Walya wa kiloshyonyi wakacha na handu ai wakundi imloṟa mamba halya ha hekalu. 2Nao kahaluo kawawia, “Nyi mulawonyi iho hose? Nyi kya lohi ngambia, ‘Iya handu hakeri nyi koekaa kuleedeoho ma iho likuhekye huye ya iho lingi lide lilawunduo-hopfo.’”
Mawukiwa
(Mar 13:3-13; Luk 21:7-19)
3Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?” 4Na Yesu kahaluo kawawia, “Kekuṟisenyi mulawone mndu kechimlemba. 5Cha kipfa nyi kochikaa kuche sa wafoi wache kui rina lyako wahambe, ‘Inyi nyio Kristo. Wadetse wandu sa wafoi.’ 6Kyaindi nyi mochiicho shida na mbonyi tsihambo tsa shida. Ambuyenyi ma mulakangaṟike. Cha kipfa ma kikaki na kihende kido. Kyaindi kikamshika oo komkoya iya masiyonyipfo. 7Nyi kipfa oruka lu lochiamkya oruka lungi. Na wumangi wuweamkya wumangi wungi. Kuwewada-ho na njaa na shiding'ashi shiweida-pfo kui handu kui handu. 8Na shindo shi shose shikamewoneka nyi mawokyonyi ha mawukiwa halya. 9 Nalyo wahende imdambika wamiitse shiwirenyi na imbaha wawembaha. Nanyo mukoe musuikyo ko wandu wa masanga hose kipfa kya rina lyako. 10Nalyo kukaepfo wandu sa wafoi wesukyo na iṟingyana na isuana. 11Na waikimbi wehamba sha wongo wawekurepfo wafoi waduo wandu wafoi ipfo kidekyonyi. 12Na ili wunyamaṟi wochipfumbuka wudo nkyo kechiinenga ikunda lya wandu wafoi lisie yololya. 13 Kyaindi ichu mokarishya-ho kaweda nashike ili masiyonyi nyio echikiṟo. 14Na ndumi ii ya sia ya wumangi iweongoyo idung'ane kunu orukenyi kose kiwe nyi kiṟingishyo kya wandu wa masangenyi. Nalyo kushike iya masiyonyi.”
Masionyi
(Mar 13:14-23; Luk 21:20-24)
15 “Kyasia-ng'u kiwi kilya kya orumatso kii kihambe nyi mwikimbi ulya Danyieli ili mandi mochiwona-ng'u kiche ihoṟoka kundu kui kwele ichu mosoma namanye. 16Nalyo walya wai kunu Yudaya wahende dichya kulya mafumvu-hu. 17 Na ichu echikoyo akeri ipfo mmbe-hu ma nalasokepfo nahende yonduo nzohoṟa tsa ipfo mba. 18Na ichu echikoyo nyi ai alya demenyi ma nalawuye na numa nahende yonduo nguo yake ya huye. 19Kya indi ochia nyi lo walya wekoyo wai wanene wapfe mana na walya weonza mafiri-ho. 20Kyaindi terewenyi Ruwa ilindi mochidicha kilawe nyi ili kiheri kya mbeo ma ili mfiri fo Sabato. 21 Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo. 22Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”
23“Nalyo mukakoya ma mndu ambia, ‘Kristo aichu kunu! Ang'u a ulya alya! Nanyo ma mlamwidikye.’ 24Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa. 25Ambuyenyi nyi ngawoka imtutuma. 26 Kyasiang'u mkamkoya wembia, ‘A ulya kulya nuka! Nanyo ma mulawuke kanyi muhende-pfo. Acho ipfo shiṟihenyi sha mba sha kiidi, nanyo ma mlaidikye.’ 27Nyi kipfa chando mbawa yewaṟuka kulya ora lo ruwehu lo ngamenyi lukawaṟuka waṟu fukakoya kulya ora lo kiukanyi, na ili kochishika iya macheyenyi ha Mana o mndu nyi wudo kechewa. 28 Handu hai mnying'a na mamtonyi napfondo hekekuwumbia.”
Macheenyi ha Mana o Mndu
(Mar 13:24-27; Luk 21:25-28)
29 “Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya. 30 Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi. 31Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”
Mfanano fo mkuyu
(Mar 13:28-31; Luk 21:29-33)
32“Kyaindi mkuyu-fu mukuloshe nafo mfanano kindo kifananyi nafo. Mkamkoya oṟuwe lofo luwiriwiri nanyo mukakuwutya-ho imanya ke nyi ipaṟika-ng'u kui. 33Nanyo na wudo, mukamewona mbonyi tso tsiwe tsido tsose nanyo mumanye ke amshika kufui na oo mongo. 34Nyi kya lohi ngambia, mbaṟi ii ya wandu ikeri-ho yechisiapfo na kutane mbonyi tso tsawutika tsido tsose. 35Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”
Kuipfo aichi mkonufo-pfo
(Mar 13:32-37; Luk 17:26-30,34-36)
36“Kyaindi kya mfiri na saa iya kuipfo mndu aichi mbonyi tsayopfo ma wasu wa kulya ruwehu, manya o Mana shile na Wande amonyi. 37 Indi chando kiwekeri mandi halya ha Noe na ili kochishika iya macheyenyi ha Mana o mndu na wudo kechiwa. 38Nyi kipfa chando wawekeripfo mafiri halya mbele ya mfu fulya fo mṟinga wechilya shelya na inyo, na ikualikia na ikualikio, washika mfiri lilyandi Noe keida na kulya isandukunyi linene. 39 Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido. 40Nalyo wawi wakoye nyi wai alya demehu ichu umu nairo-ho na ichu ungi nadeo. 41Waka wawi wakoe nyi waisa mso na iseo, ichu umu nairoho na ichu ungi nadeo. 42Kelaenyi-ng'u dembo, kipfa mulaichi mkonu fulya Mndumii echicha. 43 Kindo mochikumbuo nyi le, mndu menyi kanyi nokoe nyi aweichi ke kamba lyeringa kio ke nyi lya indi mwiwi echicha nalyo nyi awechilaa dembo ma awechilekya mba yake isumopfo. 44Kyasia kyamba nyi wudo kii nawo kewekaenyi-ho mukusungusye. Nyi kipfa Mana o mndu echicha na saa ilindi mlechikumbuo.”
Mṟundi mhendeli na alai mhendeli
(Luk 12:41-48)
45“A nyi wu akeri-ho ai isinga lihendeli akeri na mṟango chu Mndumii ambikye mnene mokalya kulya kanyi koke nainengye na masinga wodoe shelya ili kiheri kishikye? 46Sia na ya isinga lilya lyechikoya Mndumii olyo ache kambona kewuta ado. 47Nyi kya lohi ngambia nyi echimbika mnene mokalya shichoṟe shake shose. 48Kyaindi isinga lilya liwicho kokoya nyi lyechideda mrimenyi kolyo likahamba, ‘Mndumii nyi akeleo.’ 49Naho likawelya na ikapa masinga wodoe, likalya na shelya na inyo ashanganyi na iwo wananzi. 50Na Mndumii o isinga lilya nyi echicha na mfiri ilindi alakumbuo na saa ilindi alaichi. 51Na ipaṟa nawempaṟa makiidi hawi na ohawi loke nawemnenga namsanze na wandu wo wai makulembetseṟe. Napfo nyi kochikaa-pfo ifihiṟa na imadya ngamru.”
Mfanano fo wanawawaka ikumi
Currently Selected:
MATAYO 24: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MATAYO 24
24
1Na Yesu kawuka ipfo hekalunyi kahendahenda mbele. Walya wa kiloshyonyi wakacha na handu ai wakundi imloṟa mamba halya ha hekalu. 2Nao kahaluo kawawia, “Nyi mulawonyi iho hose? Nyi kya lohi ngambia, ‘Iya handu hakeri nyi koekaa kuleedeoho ma iho likuhekye huye ya iho lingi lide lilawunduo-hopfo.’”
Mawukiwa
(Mar 13:3-13; Luk 21:7-19)
3Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?” 4Na Yesu kahaluo kawawia, “Kekuṟisenyi mulawone mndu kechimlemba. 5Cha kipfa nyi kochikaa kuche sa wafoi wache kui rina lyako wahambe, ‘Inyi nyio Kristo. Wadetse wandu sa wafoi.’ 6Kyaindi nyi mochiicho shida na mbonyi tsihambo tsa shida. Ambuyenyi ma mulakangaṟike. Cha kipfa ma kikaki na kihende kido. Kyaindi kikamshika oo komkoya iya masiyonyipfo. 7Nyi kipfa oruka lu lochiamkya oruka lungi. Na wumangi wuweamkya wumangi wungi. Kuwewada-ho na njaa na shiding'ashi shiweida-pfo kui handu kui handu. 8Na shindo shi shose shikamewoneka nyi mawokyonyi ha mawukiwa halya. 9 Nalyo wahende imdambika wamiitse shiwirenyi na imbaha wawembaha. Nanyo mukoe musuikyo ko wandu wa masanga hose kipfa kya rina lyako. 10Nalyo kukaepfo wandu sa wafoi wesukyo na iṟingyana na isuana. 11Na waikimbi wehamba sha wongo wawekurepfo wafoi waduo wandu wafoi ipfo kidekyonyi. 12Na ili wunyamaṟi wochipfumbuka wudo nkyo kechiinenga ikunda lya wandu wafoi lisie yololya. 13 Kyaindi ichu mokarishya-ho kaweda nashike ili masiyonyi nyio echikiṟo. 14Na ndumi ii ya sia ya wumangi iweongoyo idung'ane kunu orukenyi kose kiwe nyi kiṟingishyo kya wandu wa masangenyi. Nalyo kushike iya masiyonyi.”
Masionyi
(Mar 13:14-23; Luk 21:20-24)
15 “Kyasia-ng'u kiwi kilya kya orumatso kii kihambe nyi mwikimbi ulya Danyieli ili mandi mochiwona-ng'u kiche ihoṟoka kundu kui kwele ichu mosoma namanye. 16Nalyo walya wai kunu Yudaya wahende dichya kulya mafumvu-hu. 17 Na ichu echikoyo akeri ipfo mmbe-hu ma nalasokepfo nahende yonduo nzohoṟa tsa ipfo mba. 18Na ichu echikoyo nyi ai alya demenyi ma nalawuye na numa nahende yonduo nguo yake ya huye. 19Kya indi ochia nyi lo walya wekoyo wai wanene wapfe mana na walya weonza mafiri-ho. 20Kyaindi terewenyi Ruwa ilindi mochidicha kilawe nyi ili kiheri kya mbeo ma ili mfiri fo Sabato. 21 Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo. 22Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”
23“Nalyo mukakoya ma mndu ambia, ‘Kristo aichu kunu! Ang'u a ulya alya! Nanyo ma mlamwidikye.’ 24Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa. 25Ambuyenyi nyi ngawoka imtutuma. 26 Kyasiang'u mkamkoya wembia, ‘A ulya kulya nuka! Nanyo ma mulawuke kanyi muhende-pfo. Acho ipfo shiṟihenyi sha mba sha kiidi, nanyo ma mlaidikye.’ 27Nyi kipfa chando mbawa yewaṟuka kulya ora lo ruwehu lo ngamenyi lukawaṟuka waṟu fukakoya kulya ora lo kiukanyi, na ili kochishika iya macheyenyi ha Mana o mndu nyi wudo kechewa. 28 Handu hai mnying'a na mamtonyi napfondo hekekuwumbia.”
Macheenyi ha Mana o Mndu
(Mar 13:24-27; Luk 21:25-28)
29 “Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya. 30 Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi. 31Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”
Mfanano fo mkuyu
(Mar 13:28-31; Luk 21:29-33)
32“Kyaindi mkuyu-fu mukuloshe nafo mfanano kindo kifananyi nafo. Mkamkoya oṟuwe lofo luwiriwiri nanyo mukakuwutya-ho imanya ke nyi ipaṟika-ng'u kui. 33Nanyo na wudo, mukamewona mbonyi tso tsiwe tsido tsose nanyo mumanye ke amshika kufui na oo mongo. 34Nyi kya lohi ngambia, mbaṟi ii ya wandu ikeri-ho yechisiapfo na kutane mbonyi tso tsawutika tsido tsose. 35Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”
Kuipfo aichi mkonufo-pfo
(Mar 13:32-37; Luk 17:26-30,34-36)
36“Kyaindi kya mfiri na saa iya kuipfo mndu aichi mbonyi tsayopfo ma wasu wa kulya ruwehu, manya o Mana shile na Wande amonyi. 37 Indi chando kiwekeri mandi halya ha Noe na ili kochishika iya macheyenyi ha Mana o mndu na wudo kechiwa. 38Nyi kipfa chando wawekeripfo mafiri halya mbele ya mfu fulya fo mṟinga wechilya shelya na inyo, na ikualikia na ikualikio, washika mfiri lilyandi Noe keida na kulya isandukunyi linene. 39 Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido. 40Nalyo wawi wakoye nyi wai alya demehu ichu umu nairo-ho na ichu ungi nadeo. 41Waka wawi wakoe nyi waisa mso na iseo, ichu umu nairoho na ichu ungi nadeo. 42Kelaenyi-ng'u dembo, kipfa mulaichi mkonu fulya Mndumii echicha. 43 Kindo mochikumbuo nyi le, mndu menyi kanyi nokoe nyi aweichi ke kamba lyeringa kio ke nyi lya indi mwiwi echicha nalyo nyi awechilaa dembo ma awechilekya mba yake isumopfo. 44Kyasia kyamba nyi wudo kii nawo kewekaenyi-ho mukusungusye. Nyi kipfa Mana o mndu echicha na saa ilindi mlechikumbuo.”
Mṟundi mhendeli na alai mhendeli
(Luk 12:41-48)
45“A nyi wu akeri-ho ai isinga lihendeli akeri na mṟango chu Mndumii ambikye mnene mokalya kulya kanyi koke nainengye na masinga wodoe shelya ili kiheri kishikye? 46Sia na ya isinga lilya lyechikoya Mndumii olyo ache kambona kewuta ado. 47Nyi kya lohi ngambia nyi echimbika mnene mokalya shichoṟe shake shose. 48Kyaindi isinga lilya liwicho kokoya nyi lyechideda mrimenyi kolyo likahamba, ‘Mndumii nyi akeleo.’ 49Naho likawelya na ikapa masinga wodoe, likalya na shelya na inyo ashanganyi na iwo wananzi. 50Na Mndumii o isinga lilya nyi echicha na mfiri ilindi alakumbuo na saa ilindi alaichi. 51Na ipaṟa nawempaṟa makiidi hawi na ohawi loke nawemnenga namsanze na wandu wo wai makulembetseṟe. Napfo nyi kochikaa-pfo ifihiṟa na imadya ngamru.”
Mfanano fo wanawawaka ikumi
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.