HOSEA 14
14
Ndaho ya Hosea ko Waisraeli
1Wandu wa Samaria nyi wechikapo ko ideko lyawo,
kyamba nyi walelekana na Mndumii-Ruwa owo,
nyi wechiwoho ko oshu,
shiwana shawo nyi shechipoṟipotso,
na waka wawo wakapikie nyi wechirandulio.
Iwuya na ko Mndumii na mchumie mhya
2“Lanye Waisraeli,
wuyenyi na ko Mndumii-Ruwa, Ruwa onu;
3Mterewenyi mhoṟie,
mudumbuye mochihamba,
‘Uluhoṟie madeko hadu hose,
keambia shiinengo shadu,
naso nyi lochikuadapfuma ko mrima.’
4Kyamba Ashuru yeidima ilukiṟapfo,
lochiidima ikusiriase frasi tsa shida se pfo.
Ambuya manya lochilahase
shindo sho lushisungusie
luwenyi ke nyi Ruwase pfo.
Ipfo kopfo hoi Mndumii ngoeda tsekesaṟio.”
Mndumii-Ruwa awika kyasa kya ohendo luhya ko Israeli
5Mndumii-Ruwa nyi ahamba,
“Inyi njechisanja madeko hawo,
njihende iwakundase ko ikunda lyako,
kyamba njechiwasuo se pfo.
6Nyi njihenda iwa cha ṟauṟa ko Waisraeli,
nawo nyi wechihenda ioṟa cha yungiyungi,
wawedosa mri cha meresi fo Lebanoni.
7Maṟunda hawo hechioṟa na ilandaa,
wucha wowo nyi wochiwa cha wo mizeituni,
mpfaamo fowo nyi fochiwa cha fo shiwaṟo sha Lebanoni.
8Ambuya nyi wakeri iwuya wakae wanda ya wuringi woko,
nyi wechioṟa cha dema licha lya msabibu.
Wewada kiṟumi cha mvinyo fo Lebanoni.
9Lanye wandu wa Efraimu,
Nyi kyaiki mukuwadase na sanamu?
Inyi nyi njechiadanyia shiterewo shanu,
inyi njikeri momuembeṟa,
inyi nyi njemuwikia mṟinga cha mberoshi.
Kunu koko nyipfo kundu mochiwona ndunda tsanu.
10Ichu ose awode wuṟango namanye mbonyi tsi,
mndu ai momanya namanye, kyamba nyi tsa Mndumii-Ruwa,
nyi tsitsihoṟotsu wandu wa wasumuhanyi nyi wechitsiosha,
kyaindi wanyamaṟi wechikapa ho mtulia.”
Currently Selected:
HOSEA 14: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
