HABAKUKI 1
1
1Otambahaluo mwikimbi Habakuki aleluwona.
Mwikimbi nakeri inunuwa
2“Hoi Mndumii njifihiṟe itane indii iyo ulakunde iicho? Njikufihiṟia kipfa kya wukika, ulakunde ikiṟa? 3Nkili unjiloṟa wuwicho, na injiolongia wuminyi? Kifa inyamaṟa na wukika shii oshangunyi loko; kuwode shiloyo na marekiano. 4Kipfa kya ikyo wuwawaso wuwode pfinya pfo; manya mwanduye fuwonopfo; kipfa wandu wawicho waiṟinjawia walya wecha, ko ikyo mwanduye fukawono fuifulemetse.”
Ruwa ahaluo
5 “Ambuyenyi nyo mui kiidi kya wandu ambuyenyi, mṟihiyo mnu; kipfa inyi njechiwuta ṟiho mulechiliidika ma mukaongoyo. 6 Kipfa ambuyenyi njechiamtsa Wakalidayo wandu wa isanga walya walang'a wekehenda owinyi mnu; wekeida kiidi kya wandu kundu waitoṟie handu halai kowo. 7Iwo nyi wandu waoweshiie mnu, iowesha lyawo na mwanduye yawo, na wunene wowo wuwukiye kiidi kyawo wawenyi 8Frasi tsawo tsinjiangu kota rumu, nyi tsilang'a kota shisii sha kiukanyi, wenyi frasi wekekudosa ke frasi tsawo tsiichi irunduka cha mbeṟo yeshiha kelya. 9Wose wecha kundu wawute mkika; shaamu shawo shiembeṟutse cha otanu lo ora lo ngamenyi, nawo wekesanyia wapfungo wa shida cha msanga. 10Ee wanduwo weketaluo wamangi, na wanene kowo nyi kindo kepiṟo; wekemina omombo; kipfa wekeluhaluo kiluli na iduo oruka lo lukawa lowo. 11Indi ambuya nechideka cha otanu ichu ahaluye pfinya tsake nyi ruwa oke.”
Habakuki nanunuwase
12“Hoi Mndumii, Ruwa oko mwele iyo chi o mlungana? Ulekepfa. Iyo nyi Ruwa oko na mringi oko; Ee, nyi iyo ulesambuṟa Wakaldayo kowainenga pfinya kundu walukape; 13Iyo uwode meso mecha ulechiambuya wuwicho, iyo ulechiambuya wupiṟi nkili ukeri iambuya wewuta mtambo na ikutsia sau, ili mndu mbicho awonyia menyi wusumhanyi kota o; 14na itana wandu cha makunga ha ipalyipalyinyi, cha shindo sheafuo shilawode mchili? 15O nekewawutapfo na sumi yedeha makunga na mdeho fo ndusu njioke maṟawushi na iwasanyia mkunjenyi foke, kikainenga kachihiyo na ikesa. 16Ko ikyo kawuta kyaano kainenga mdeho fo ndusu na opfaamo lo rasionyi kapfaamiṟa mkunja kipfa kya shindo shake shafo na kelya kikaichuo. 17Ngesa nechiwuta walya wai mdehonyi fo ndusu njioke maṟawushi nade alawaaha wandu wa mkambo kitsitsi?”
Currently Selected:
HABAKUKI 1: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
