Jozuwe 18
18
Makalelo ogaweliwa vilambo malogo kahanle
1Evale Ana Izarayeli atene kohogumanelaga sidadi ya Silo, aliwa kunga wewule Musasa Ogumanamo.#18:1 Musasa Ogumanamo ku wonga Musasa wa Yehova. Ali nimburo nadowa atu ira atu kagumane na Mulugu muwari molobela no velela mikuto diwa. Nione Ezodu 27:21, 39:32, 40:2. Aliwa kotonga ilambo yatene, 2mbwenye muwari mwa Ana Izarayeli mule mohokala malogo matanu na menli anno kali kahanatambilre vilambo diwa.
3Mwa tempu yenne Jozuwe ohowonga na Ana Izarayeli eraga: <<Kodi nyo munafuna mudedihege ante alini ira mudowe mwatukule ilambo yenno Yehova Mulugu wa makolo enyu uuvahileni liye? 4Inafwanela mwaasakulrege alombwana araru va kada nlogo. Mwagaasakunlre, miyo nnafuna daarume ira kadowe kawendawendege ilambo yatene yenna, kalrembelrege makalelo a vilambo datene dili dahanagawiwe. Eto kalrembelrege na makalelo nnga anaigawa ira kada nlogo nikayena ilambo yewa. Kamala lremba, kaze wa miyo. 5Nnafuna alombwanale kagawe ilambo ihanle na pandi tanu na mbinli para malogo matanu na menli kali kahanavahiwe ilambo yewa. Mbwenye nlogo na Juda nnakalave ilambo yewa pandi ya suli eto atu a muibalini mwa Joze anakalave ilambo yewa pandi ya norti. 6Aliba lremba ale kazaga wa miyo, anozana jolremba kalrembile atu muwari mogawa ilambo na pandi tanu na mbinli. Kagazilena, miyo nnosakanya jogu ya ngari vamentoni va Yehova Mulugu wehu ira muwari mwa nyo muhanle, kada nlogo nikayena ilambo yewa inaganyalri atu. 7Mbwenye muwari mogawa vilambo, nlogo na Levi kinatambilra ilambo vamohi na nyo mwasiwa pandi yewa ili ira kakalege anamakuta a Yehova. Eto nlogo na Gadi, nlogo na Rubeni vamohi na metadi ya nlogo na Manasesi anno anafwanyeya makumelo wa nzuwa wa Jordawu, aliwa kinavahiwa vilambo dimohi diwa, mwasiwa aliwa vilambo diwa kavahiwile wanle na Mozeji, namalaba wa Yehova.>>#18:7 nlogo na Levi kinatambilra ilambo: Fwanyeya ira aIzarayeli kohokana malogo 13 okumela anapongwe 12 Jako aabanle liye. Tchoira mwanaye mmohi Joze okana ahimaye ambinli Jako aaonne liye nnga ahimaye, anno kafwanyeya kagali Efarayimi na Manasesi. (Jenesesi 48:5-6) Malambo a mundulrimu malogo matanu kohovahiwa vilambo mwafuna atu kalamo. Eto nlogo na Levi kanadediha vahiwa ilambo tchoira ha ilambo yewa, aliwa kohokana mabasa a unamakuta eto kovahiwa ira kadjege mikuto da Yehova. Halaga malogo matanu na menli ira kavahiwe.
8Alombwana aawonga mulombwana Jozuwe ale, kohovenyihanaga ira kawende ulrendo wolremba makalelo a ilambo. Mbwenye aliwa kahanamaruwe, mulombwana Jozuwe ohawandelaga eraga: <<Mudowe mwawendawendege ilambo yatene yenna, mulrembege makalelo a vilambo datene. Mwera eno, muze wa miyo. Evale miyo nnosakanya jogu ya ngari ilambo ya Silo uno, vamentoni va Yehova ira nyo mugaweliwe ilambo yenyu.>> 9Mwa eno, alombwanale kohovenyihanaga, aliwa dowa. Kohoroma wendawenda ilambo yatene, aliwa lrembaga mulivuruni mwewa sidadi na sidadi, nomala aliwa igawa ilambo ile pandi tanu na mbinli. Kagamanle laba mabasa matene, kohowelelaga vamusasani vafwanyeya mulombwana Jozuwe sidadi ya Silo. 10Kagafiyile sidadi ya Silo, Jozuwe ohasakanyelaga jogu ya ngari vamentoni va Yehova. Mwa enne ohagawelaga Ana Izarayeli vilambo diwa, kada nlogo nnga mwemo mwaganyalrele atu.
Ilambo yagaweliwe atu a nlogo na Benjami
11Kagasakanyile jogu ya ngari ile, ngari yoroma yaagwenle atu a nlogo na Benjami nnga mwemo mwaindjivele maziza ewa, ngari yewa yagwenle ilambo yafwanyeya vari va ilambo ya nlogo na Juda na ilambo ya akuda Joze. 12Pandi ya norti madilriwa karomile muhindje Jordawu, aliwa gwelagave dowaga pandi ya norti ya sidadi ya Jeriko. Gwelagave ilambo ya mmwangoni dowagave mavirelo wa nzuwa fiyeda isalesale ya Bete-Aveni. 13Madilriwa kohodowave ante suli wa sidadi ya Luji, yenno yeriwa sidadi ya Beteli, ante nkuma wa Luji. Kuma evo, madilriwa kotita ante Ataroti-Adari, mwango wenno unakala suli wa Bete-Horoni mpedi muwa. 14Wewo madilriwa kohodowa ikukuru imohiwa, aliwa dowa mavirelo wa nzuwa, pandi ya suli wa mwango wandamelana Bete-Horoni, nomala aliwa rungunuwa dowagave ante sidadi ya Kiriyati-Bali, yenno yeriwa sidadi ya Kiriyati-Jeyarimi. Sidadi yenno inafwanyeya muwari mwa nlogo na Juda. Ala kali madilre a pandi ya mavirelo wa nzuwa.
15Pandi ya suli madilriwa karomile mmambalo mwa sidadi ya Kiriyati-Jeyarimi dowagave mavirelo wa nzuwa fiyeda wewo uli visime ja Nefitowa. 16Noira eno, madilriwa kohotitagave fiyeda magomo wa mwango usakanyile madilre na ndabo na Mwana Hinomi pandi ya norti wa ndabo na Refayina. Madilre anno koharave ante pandi ya suli wa ndabo na Hinomi eto kodowave pandi ya suli wa nkuma wa aJebuzi, katitaga fiyeda isime ya Rojeli. 17Kuma isime ya Rojeli, titikuwa dowaga pandi ya norti haragave ante dowa fiya isime ya Semeji, dowagave Galiloti, sidadi inafwanyeya pandi imohiwa ya nkuma wa Adumimi. Noira eno, aliwa tita dowaga ante vinafwanyeya Nibwe na Bowani, mwana Rubeni. 18Kuma evale madilriwa kohovirave dowaga pandi ya norti ya Bete-Araba, aliwa titagave dowaga Araba. 19Evale koharave kadowagave musogolro pandi ya norti wa sidadi ya Bete-Hogila, ante haragave pandi ya norti wa Ntiya na Mwinnyu, wewo unakutulela muhindje Jordawu. Ala kali madilre a pandi ya suli. 20Muhindje Jordawu ali madilre a makumelo wa nzuwa. Ala kali madilre a ilambo yenno yavahiwe atu a nlogo na Benjami nnga mwemo mwaindjivele maziza ewa.
21Sidadi davahiwe atu a nlogo na Benjami nnga mwemo mwaindjivele maziza ewa dali di: Jeriko, Bete-Hogila, Emeki-Kesiji, 22Bete-Araba, Zemarayimi, Beteli, 23Ava, Parani, Ofara, 24Kefari-Amonayi, Ofini na Jeba. Gumaniha sidadi datene dali kumi na mbinli vamohi na tatamo diwa dene.
25Nlogo na Benjami kohokana sidadi dimohi diwa di: Jibeyawu, Rama, Beroti, 26Mizipa, Kefira, Moza, 27Rekemi, Irepeli, Tarala, 28Zela, Elefi, Jebuzi (yenno inafwanyeya yagali sidadi ya Jeruzalemu), Jibeya na Kiriyati-Jeyarimi. Gumaniha sidadi datene dali kumi na nnayi vamohi na tatamo diwa dene. Di dali sidadi na tatamo diwa dedo davahiwe atu a nlogo na Benjami nnga mwemo mwaindjivele maziza ewa.
Currently Selected:
Jozuwe 18: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 18
18
Makalelo ogaweliwa vilambo malogo kahanle
1Evale Ana Izarayeli atene kohogumanelaga sidadi ya Silo, aliwa kunga wewule Musasa Ogumanamo.#18:1 Musasa Ogumanamo ku wonga Musasa wa Yehova. Ali nimburo nadowa atu ira atu kagumane na Mulugu muwari molobela no velela mikuto diwa. Nione Ezodu 27:21, 39:32, 40:2. Aliwa kotonga ilambo yatene, 2mbwenye muwari mwa Ana Izarayeli mule mohokala malogo matanu na menli anno kali kahanatambilre vilambo diwa.
3Mwa tempu yenne Jozuwe ohowonga na Ana Izarayeli eraga: <<Kodi nyo munafuna mudedihege ante alini ira mudowe mwatukule ilambo yenno Yehova Mulugu wa makolo enyu uuvahileni liye? 4Inafwanela mwaasakulrege alombwana araru va kada nlogo. Mwagaasakunlre, miyo nnafuna daarume ira kadowe kawendawendege ilambo yatene yenna, kalrembelrege makalelo a vilambo datene dili dahanagawiwe. Eto kalrembelrege na makalelo nnga anaigawa ira kada nlogo nikayena ilambo yewa. Kamala lremba, kaze wa miyo. 5Nnafuna alombwanale kagawe ilambo ihanle na pandi tanu na mbinli para malogo matanu na menli kali kahanavahiwe ilambo yewa. Mbwenye nlogo na Juda nnakalave ilambo yewa pandi ya suli eto atu a muibalini mwa Joze anakalave ilambo yewa pandi ya norti. 6Aliba lremba ale kazaga wa miyo, anozana jolremba kalrembile atu muwari mogawa ilambo na pandi tanu na mbinli. Kagazilena, miyo nnosakanya jogu ya ngari vamentoni va Yehova Mulugu wehu ira muwari mwa nyo muhanle, kada nlogo nikayena ilambo yewa inaganyalri atu. 7Mbwenye muwari mogawa vilambo, nlogo na Levi kinatambilra ilambo vamohi na nyo mwasiwa pandi yewa ili ira kakalege anamakuta a Yehova. Eto nlogo na Gadi, nlogo na Rubeni vamohi na metadi ya nlogo na Manasesi anno anafwanyeya makumelo wa nzuwa wa Jordawu, aliwa kinavahiwa vilambo dimohi diwa, mwasiwa aliwa vilambo diwa kavahiwile wanle na Mozeji, namalaba wa Yehova.>>#18:7 nlogo na Levi kinatambilra ilambo: Fwanyeya ira aIzarayeli kohokana malogo 13 okumela anapongwe 12 Jako aabanle liye. Tchoira mwanaye mmohi Joze okana ahimaye ambinli Jako aaonne liye nnga ahimaye, anno kafwanyeya kagali Efarayimi na Manasesi. (Jenesesi 48:5-6) Malambo a mundulrimu malogo matanu kohovahiwa vilambo mwafuna atu kalamo. Eto nlogo na Levi kanadediha vahiwa ilambo tchoira ha ilambo yewa, aliwa kohokana mabasa a unamakuta eto kovahiwa ira kadjege mikuto da Yehova. Halaga malogo matanu na menli ira kavahiwe.
8Alombwana aawonga mulombwana Jozuwe ale, kohovenyihanaga ira kawende ulrendo wolremba makalelo a ilambo. Mbwenye aliwa kahanamaruwe, mulombwana Jozuwe ohawandelaga eraga: <<Mudowe mwawendawendege ilambo yatene yenna, mulrembege makalelo a vilambo datene. Mwera eno, muze wa miyo. Evale miyo nnosakanya jogu ya ngari ilambo ya Silo uno, vamentoni va Yehova ira nyo mugaweliwe ilambo yenyu.>> 9Mwa eno, alombwanale kohovenyihanaga, aliwa dowa. Kohoroma wendawenda ilambo yatene, aliwa lrembaga mulivuruni mwewa sidadi na sidadi, nomala aliwa igawa ilambo ile pandi tanu na mbinli. Kagamanle laba mabasa matene, kohowelelaga vamusasani vafwanyeya mulombwana Jozuwe sidadi ya Silo. 10Kagafiyile sidadi ya Silo, Jozuwe ohasakanyelaga jogu ya ngari vamentoni va Yehova. Mwa enne ohagawelaga Ana Izarayeli vilambo diwa, kada nlogo nnga mwemo mwaganyalrele atu.
Ilambo yagaweliwe atu a nlogo na Benjami
11Kagasakanyile jogu ya ngari ile, ngari yoroma yaagwenle atu a nlogo na Benjami nnga mwemo mwaindjivele maziza ewa, ngari yewa yagwenle ilambo yafwanyeya vari va ilambo ya nlogo na Juda na ilambo ya akuda Joze. 12Pandi ya norti madilriwa karomile muhindje Jordawu, aliwa gwelagave dowaga pandi ya norti ya sidadi ya Jeriko. Gwelagave ilambo ya mmwangoni dowagave mavirelo wa nzuwa fiyeda isalesale ya Bete-Aveni. 13Madilriwa kohodowave ante suli wa sidadi ya Luji, yenno yeriwa sidadi ya Beteli, ante nkuma wa Luji. Kuma evo, madilriwa kotita ante Ataroti-Adari, mwango wenno unakala suli wa Bete-Horoni mpedi muwa. 14Wewo madilriwa kohodowa ikukuru imohiwa, aliwa dowa mavirelo wa nzuwa, pandi ya suli wa mwango wandamelana Bete-Horoni, nomala aliwa rungunuwa dowagave ante sidadi ya Kiriyati-Bali, yenno yeriwa sidadi ya Kiriyati-Jeyarimi. Sidadi yenno inafwanyeya muwari mwa nlogo na Juda. Ala kali madilre a pandi ya mavirelo wa nzuwa.
15Pandi ya suli madilriwa karomile mmambalo mwa sidadi ya Kiriyati-Jeyarimi dowagave mavirelo wa nzuwa fiyeda wewo uli visime ja Nefitowa. 16Noira eno, madilriwa kohotitagave fiyeda magomo wa mwango usakanyile madilre na ndabo na Mwana Hinomi pandi ya norti wa ndabo na Refayina. Madilre anno koharave ante pandi ya suli wa ndabo na Hinomi eto kodowave pandi ya suli wa nkuma wa aJebuzi, katitaga fiyeda isime ya Rojeli. 17Kuma isime ya Rojeli, titikuwa dowaga pandi ya norti haragave ante dowa fiya isime ya Semeji, dowagave Galiloti, sidadi inafwanyeya pandi imohiwa ya nkuma wa Adumimi. Noira eno, aliwa tita dowaga ante vinafwanyeya Nibwe na Bowani, mwana Rubeni. 18Kuma evale madilriwa kohovirave dowaga pandi ya norti ya Bete-Araba, aliwa titagave dowaga Araba. 19Evale koharave kadowagave musogolro pandi ya norti wa sidadi ya Bete-Hogila, ante haragave pandi ya norti wa Ntiya na Mwinnyu, wewo unakutulela muhindje Jordawu. Ala kali madilre a pandi ya suli. 20Muhindje Jordawu ali madilre a makumelo wa nzuwa. Ala kali madilre a ilambo yenno yavahiwe atu a nlogo na Benjami nnga mwemo mwaindjivele maziza ewa.
21Sidadi davahiwe atu a nlogo na Benjami nnga mwemo mwaindjivele maziza ewa dali di: Jeriko, Bete-Hogila, Emeki-Kesiji, 22Bete-Araba, Zemarayimi, Beteli, 23Ava, Parani, Ofara, 24Kefari-Amonayi, Ofini na Jeba. Gumaniha sidadi datene dali kumi na mbinli vamohi na tatamo diwa dene.
25Nlogo na Benjami kohokana sidadi dimohi diwa di: Jibeyawu, Rama, Beroti, 26Mizipa, Kefira, Moza, 27Rekemi, Irepeli, Tarala, 28Zela, Elefi, Jebuzi (yenno inafwanyeya yagali sidadi ya Jeruzalemu), Jibeya na Kiriyati-Jeyarimi. Gumaniha sidadi datene dali kumi na nnayi vamohi na tatamo diwa dene. Di dali sidadi na tatamo diwa dedo davahiwe atu a nlogo na Benjami nnga mwemo mwaindjivele maziza ewa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral