Jozuwe 17
17
Ilambo yagaweliwe metadi ya nlogo na Manasesi
1Ila tchi ilambo yavahiwe atu a nlogo na Manasesi mwana murandji wa mulombwana Joze nnga mwemo mwagwenle ngari yewa. Murandji baliwa wa Manasesi aitaniwa Makiri eto ali Jileyadi babaye. Ziza na Makiri nohovahiwa ilambo ya Jileyadi na ilambo ya Bazani mwasiwa kali atu owanda wana kondo. 2Eto maziza amohiwa a ahima a Manasesi kohovahiwa vilambo diwa nnga mwemo mwaindjivele maziza ewa. Maziziwa kahara muwari mwa ahima ala: Abiyezeri, Eleki, Asiriyeli, Sikemu, Eferi na Semida. Anna kali ahima a alombwana a Manasesi, mwana Joze nnga mwemo mwaindjivele maziza ewa.
3Zelofeyadi ali mwana Eferi, Eferi ali mwana Jileyadi eto Jileyadi ule babaye ali Makiri, Makiri babaye ali Manasesi. Fwanyeya ira mulombwana Zelofeyadi kambanle mwanapongwe, so aabanle ahiyana ve. Mazina a ahiyana anno aabanle liye ba ala: Makala, Nowa, Ogila, Milika na Tiriza. 4Siku nimohi ahima atanu a mulombwana Zelofeyadi ala kohovenyaga, aliwa dowa nfwanya namakuta Eliyazari na Jozuwe mwana Numi na andimuwa amohiwa, aliwa ira: <<Yehova ohomuwandela mulombwana Mozeji ira abalihu kavahiwaga ilambo, na hiyene nivahiwe.>>#Numero 27:6,7, 36:2 Mwa enne tempu imohive yavahiwe abaliwa vilambo dewa, mulombwana Jozuwe ohavaha ahiyanale vilambo dewa nnga mwemo mwawongele Yehova.
5Ahima amohiwa a Manasesi kohovahiwa vilambo da Jileyadi vamohi na Bazani dedo dafwanyeya makumelo wa nzuwa wa muhindje Jordawu. Vilambo dedo dagalive, nlogo na Manasesi nohovahiwa pandi dimohi diwa kumi mavirelo wa nzuwa wa muhindje Jordawu. 6Jejo jaireyele mwasiwa ahiyana vamohi na alombwana a muibalini mwa Manasesi kohovahiwa vilambo. Mbwenye ahima amohiwa a muibalini mwa Manasesi kavahiwe vilambo da Jileyadi.
7Ilambo ya nlogo na Manasesi iromile madilre na ilambo ya nlogo na Azeri, fiyeda sidadi ya Mikimetate pandi ya makumelo wa nzuwa wa ilambo ya Sikemu. Kuma evale madilriwa kohara pandi ya suli dowagave ante wewo wakala atu a ilambo ya Eni-Tapuwa. 8Ilambo ya Tapuwa yafwanyeya yagali ya nlogo na Manasesi. Mbwenye sidadiwa ya Tapuwa, yali ya nlogo na Efarayimi. Ku wonga sidadi ya Tapuwa yafwanyeya mmadilreni. 9Romela Eni-Tapuwa madilriwa kohodowave suli fiyeda mwana muhindje wa Kana. Muwari mwa sidadi datene nnafwanyeya norti wa mwana muhindje ule, masiki dilive muwari mwa ilambo ya Manasesi, sidadi dimohi diwa ta nlogo na Efarayimi. Ku wonga ira madilre a ilambo ya nlogo na Manasesi kohodowave pandi ya norti wa mwana muhindje ante dowa gomela bara Mediteraniyo. 10Vilambo dafwanyeya suli dali da nlogo na Efarayimi. Mbwenye vilambo dafwanyeya norti dali da nlogo na Manasesi. Mwa enne vilambo da nlogo na Manasesi dohofiya bara eto dohogaweya madilre na vilambo da nlogo na Azeri, pandi ya norti eto dowagave ante madilre na vilambo da nlogo na Isakari pandi ya makumelo wa nzuwa.
11Eto fwanyeya ira nlogo na Manasesi nohovahiwa ira kadowe kagondjihe ilambo yafwanyeya vari va ilambo ya nlogo na Isakari na nlogo na Azeri. Akuda Manasesi kohovahiwa ira kadowe kagondjihe sidadi da Bete-Seya, Ibeleyawu, Dori yenno inafwanyeya mutcherela mwa bara, Eni-Dori, Tanaki, na Mejido. Kada sidadi yohokana tatamo diwa. 12Mbwenye nlogo na Manasesi kagavahiweve, tchawandile atamangiha atu kafwanyeya sidadi dedo na mwasa oira akuda Kana kohokalelave ntindi garati mwilamboni mule. 13Masiki Ana Izarayeli kopolo dewa dagaindjivileve, aliwa tchaatamangihilemo akuda Kana atene mwilamboni mule. So muwari mohatamangihamo, kaalabiha mabasa okanyihediwa.
Atu a muibalini mwa Joze kohovepa ilambo imohiwa
14Evale atu a muibalini mwa Joze kohodowaga wonga na Jozuwe, aliwa ira: <<Nnga mwasiwa gwa nni nyo nivahaga pandi imohi ya ilambo bahi agali hiyo kanili a masika eto mwasiwa roma wanle Yehova uhumala nireliha?>> 15Evale mulombwana Jozuwe ohawakulaga eraga: <<Akala nyo kamuli ang'ono eto mwaona ira ilambo ya mwango didjindji ya Efarayimi ihisimbwa uyevelani, mudowe guguru imohiwa ya ilambo ya aFerizi na Refayina, mwakakatemo mitengo ira mukalemo.>> 16Evale ahima a Joze ale kohomuwakulaga Jozuwe keraga: <<Ilambo ya mwango didjindji yenno inakala hiyo, kinakwakwana pama ira hiyo nikalemo. Eto hiyo kannawanda atamangiha akuda Kana anakala ilambo yotandeleya na atu anakala sidadi ya Bete-Seya na tatamo da ndabo na Jezereli mwasiwa aliwa kohokana aaterelado a momba a kondoni.>>#17:16 kohokana aaterelado a momba a kondoni. Akuda Joze kaovela vasayi mwasiwa Mulugu alumbenle ira adowe sogolro wa aIzarayeli ira aakamihedege kondoni muwa. Nione Detoronomiyo 20:1-9.
17Evale mulombwana Jozuwe ohowonga na atu a muibalini mwa Joze ku wonga nlogo na Efarayimi na nlogo na Manasesi ira: <<Nyo kamuli a masika nnga mwemo munawongela nyo. Eto muli atu a kopolo. Kamunakana pandi imohi ya ilambo bahi. 18Tchoira nyo mwadowa mwawana na aliwa, na ibaribari ilambo ya mwango didjindji inafwanyeya atu ile, inakala yenyu. Masiki ikaleve guguru, nyo munokakatamo ira mukalemo eto ilambo yenno inoza ikale yenyu kumela varomele atu fiyeda vagomenle atu. Masiki akuda Kana kakayena aaterelado a momba a kondoni eto masiki aliwa kakaleve atu a kopolo, nyo munoatamangihamo mwilamboni mwewa.>>
Currently Selected:
Jozuwe 17: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 17
17
Ilambo yagaweliwe metadi ya nlogo na Manasesi
1Ila tchi ilambo yavahiwe atu a nlogo na Manasesi mwana murandji wa mulombwana Joze nnga mwemo mwagwenle ngari yewa. Murandji baliwa wa Manasesi aitaniwa Makiri eto ali Jileyadi babaye. Ziza na Makiri nohovahiwa ilambo ya Jileyadi na ilambo ya Bazani mwasiwa kali atu owanda wana kondo. 2Eto maziza amohiwa a ahima a Manasesi kohovahiwa vilambo diwa nnga mwemo mwaindjivele maziza ewa. Maziziwa kahara muwari mwa ahima ala: Abiyezeri, Eleki, Asiriyeli, Sikemu, Eferi na Semida. Anna kali ahima a alombwana a Manasesi, mwana Joze nnga mwemo mwaindjivele maziza ewa.
3Zelofeyadi ali mwana Eferi, Eferi ali mwana Jileyadi eto Jileyadi ule babaye ali Makiri, Makiri babaye ali Manasesi. Fwanyeya ira mulombwana Zelofeyadi kambanle mwanapongwe, so aabanle ahiyana ve. Mazina a ahiyana anno aabanle liye ba ala: Makala, Nowa, Ogila, Milika na Tiriza. 4Siku nimohi ahima atanu a mulombwana Zelofeyadi ala kohovenyaga, aliwa dowa nfwanya namakuta Eliyazari na Jozuwe mwana Numi na andimuwa amohiwa, aliwa ira: <<Yehova ohomuwandela mulombwana Mozeji ira abalihu kavahiwaga ilambo, na hiyene nivahiwe.>>#Numero 27:6,7, 36:2 Mwa enne tempu imohive yavahiwe abaliwa vilambo dewa, mulombwana Jozuwe ohavaha ahiyanale vilambo dewa nnga mwemo mwawongele Yehova.
5Ahima amohiwa a Manasesi kohovahiwa vilambo da Jileyadi vamohi na Bazani dedo dafwanyeya makumelo wa nzuwa wa muhindje Jordawu. Vilambo dedo dagalive, nlogo na Manasesi nohovahiwa pandi dimohi diwa kumi mavirelo wa nzuwa wa muhindje Jordawu. 6Jejo jaireyele mwasiwa ahiyana vamohi na alombwana a muibalini mwa Manasesi kohovahiwa vilambo. Mbwenye ahima amohiwa a muibalini mwa Manasesi kavahiwe vilambo da Jileyadi.
7Ilambo ya nlogo na Manasesi iromile madilre na ilambo ya nlogo na Azeri, fiyeda sidadi ya Mikimetate pandi ya makumelo wa nzuwa wa ilambo ya Sikemu. Kuma evale madilriwa kohara pandi ya suli dowagave ante wewo wakala atu a ilambo ya Eni-Tapuwa. 8Ilambo ya Tapuwa yafwanyeya yagali ya nlogo na Manasesi. Mbwenye sidadiwa ya Tapuwa, yali ya nlogo na Efarayimi. Ku wonga sidadi ya Tapuwa yafwanyeya mmadilreni. 9Romela Eni-Tapuwa madilriwa kohodowave suli fiyeda mwana muhindje wa Kana. Muwari mwa sidadi datene nnafwanyeya norti wa mwana muhindje ule, masiki dilive muwari mwa ilambo ya Manasesi, sidadi dimohi diwa ta nlogo na Efarayimi. Ku wonga ira madilre a ilambo ya nlogo na Manasesi kohodowave pandi ya norti wa mwana muhindje ante dowa gomela bara Mediteraniyo. 10Vilambo dafwanyeya suli dali da nlogo na Efarayimi. Mbwenye vilambo dafwanyeya norti dali da nlogo na Manasesi. Mwa enne vilambo da nlogo na Manasesi dohofiya bara eto dohogaweya madilre na vilambo da nlogo na Azeri, pandi ya norti eto dowagave ante madilre na vilambo da nlogo na Isakari pandi ya makumelo wa nzuwa.
11Eto fwanyeya ira nlogo na Manasesi nohovahiwa ira kadowe kagondjihe ilambo yafwanyeya vari va ilambo ya nlogo na Isakari na nlogo na Azeri. Akuda Manasesi kohovahiwa ira kadowe kagondjihe sidadi da Bete-Seya, Ibeleyawu, Dori yenno inafwanyeya mutcherela mwa bara, Eni-Dori, Tanaki, na Mejido. Kada sidadi yohokana tatamo diwa. 12Mbwenye nlogo na Manasesi kagavahiweve, tchawandile atamangiha atu kafwanyeya sidadi dedo na mwasa oira akuda Kana kohokalelave ntindi garati mwilamboni mule. 13Masiki Ana Izarayeli kopolo dewa dagaindjivileve, aliwa tchaatamangihilemo akuda Kana atene mwilamboni mule. So muwari mohatamangihamo, kaalabiha mabasa okanyihediwa.
Atu a muibalini mwa Joze kohovepa ilambo imohiwa
14Evale atu a muibalini mwa Joze kohodowaga wonga na Jozuwe, aliwa ira: <<Nnga mwasiwa gwa nni nyo nivahaga pandi imohi ya ilambo bahi agali hiyo kanili a masika eto mwasiwa roma wanle Yehova uhumala nireliha?>> 15Evale mulombwana Jozuwe ohawakulaga eraga: <<Akala nyo kamuli ang'ono eto mwaona ira ilambo ya mwango didjindji ya Efarayimi ihisimbwa uyevelani, mudowe guguru imohiwa ya ilambo ya aFerizi na Refayina, mwakakatemo mitengo ira mukalemo.>> 16Evale ahima a Joze ale kohomuwakulaga Jozuwe keraga: <<Ilambo ya mwango didjindji yenno inakala hiyo, kinakwakwana pama ira hiyo nikalemo. Eto hiyo kannawanda atamangiha akuda Kana anakala ilambo yotandeleya na atu anakala sidadi ya Bete-Seya na tatamo da ndabo na Jezereli mwasiwa aliwa kohokana aaterelado a momba a kondoni.>>#17:16 kohokana aaterelado a momba a kondoni. Akuda Joze kaovela vasayi mwasiwa Mulugu alumbenle ira adowe sogolro wa aIzarayeli ira aakamihedege kondoni muwa. Nione Detoronomiyo 20:1-9.
17Evale mulombwana Jozuwe ohowonga na atu a muibalini mwa Joze ku wonga nlogo na Efarayimi na nlogo na Manasesi ira: <<Nyo kamuli a masika nnga mwemo munawongela nyo. Eto muli atu a kopolo. Kamunakana pandi imohi ya ilambo bahi. 18Tchoira nyo mwadowa mwawana na aliwa, na ibaribari ilambo ya mwango didjindji inafwanyeya atu ile, inakala yenyu. Masiki ikaleve guguru, nyo munokakatamo ira mukalemo eto ilambo yenno inoza ikale yenyu kumela varomele atu fiyeda vagomenle atu. Masiki akuda Kana kakayena aaterelado a momba a kondoni eto masiki aliwa kakaleve atu a kopolo, nyo munoatamangihamo mwilamboni mwewa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral