Jozuwe 11
11
Amwene kakala pandi ya norti kohogumanela ira kawane na aIzarayeli
1Jabimi mwene wa ilambo ya Azori agavwile jatene jaireyile, ohorumihaga milanyo para Jobabe mwene wa Madoni, na mwene wa Simironi, na mwene wa Akisafe, 2na amwene kakala ilambo ya mwango didjindji pandi ya norti, na ale kafwanyeya Araba pandi ya suli ya Kinereti, na amwene kakala ilambo ya mikuma ding'onong'ono, na amwene kakala tcherela ya bara wandamelana sidadi ya Dori, pandi ya mavirelo wa nzuwa, 3na akuda Kana anno kakala pandi dambinli dene da muhindje Jordawu, na aAmore, aEti, aFerizi, aJebuzi anno kakala pandi ya mwango; na aEvi, anno kakala wandamelana mwango Herimoni, ilambo ya Mizipa. Atene anne kohowandeliwa ira kagumanele ira kadowe kawane na aIzarayeli. 4Atene anne kagavwile milanyo dile, kohovenyihanaga na anyakondo ewa ohokala a masika, oindjiva nnga miseva da mutcherelani mwa bara. Eto kohokana kavalo didjindji na aaterelado ohokala a masika a kondoni. 5Amwene atene anne kohagumaniha anyakondo ewa atene, aliwa dowa manga misasa diwa wandamelana muhindje wa Meromi ira kawane na aIzarayeli.
Jozuwe ohagondjiha atu kakala pandi ya norti wa ilambo ya Kana
6Evale amwene atene anne kagagumanenle, Yehova ohowonga na mulombwana Jozuwe eraga: <<Kwaove aliwa, tchoira miyo metchelo ora yokala ha yenna nnoavaheda atene okwene mmandani mwa Ana Izarayeli. Weyo unogwada misepa da mendo da kavalo dewa eto unotumeya aaterelado ewa a kondoni.>>#11:6 unogwada misepa da mendo da kavalo dewa: Kavalo yogwadiwa misepa kinakwa mbwenye kinawanda tamanga kondoni akoka. So inawanda laba mabasa a vande bahi.
7Noira enne, Jozuwe ohovenyihana vamohi na anyakondo aye atene, aliwa dowa akumelela amwidaniwa moarurumutcha muhindje wa Meromi ule, roma wana na aliwa. 8Mwa ora yenne Yehova ohavahedaga amwidani mmandani mwa aIzarayeli, aliwa roma apa, amohiwa aliwa atamangihaga fiyeda sidadi ilukulu ya Sidoni eto amohiwa fiyeda sidadi ya Mizerefote-Mayimi, amohiwa aliwa aharagave makumelo wa nzuwa fiyeda ndabo na Mizipa. Kohapaga atenene, tchamuhiyilege nne mutu mmohi. 9Jozuwe ohoirana nnga mwemo mwamuwandenle Yehova, liye gwada misepa da mendo da kavalo dewa eto ohotumeya aaterelado ewa a kondoni.
10Jagaireyile eno, Jozuwe ohowelawo, liye dowa gondjiha sidadi ya Azori eto ohompa mwene wa sidadile na supada. Fwanyeya wanle Azori yali sidadi yaatonga amwene atene kawana na aIzarayeli ale. 11Nomala eno, kohapaga na masupadiwa atu atene kafwanyeya musidadi mule, aliwa mala atolotcha atene. Tchaamuhiyilege nne mutu mmohi ira akalewo. Eto Jozuwe ohotumeya sidadi ya Azori ile na munlo.
12Mulombwana Jozuwe ohogondjihaga sidadi datene datonga amwene ale eto ohapa amwene atene na supada, aatolotchaga atu atene nnga mwemo mwawongele Mozeji muzari wa Yehova.#11:12 atolotchaga atu atene nnga mwemo mwawongele Mozeji muzari wa Yehova: Fwanyeya ira Jozuwe ohokwakwaneliheda mazu Yehova aarumile aIzarayeli ira kairegena zela apamo anamurala atene kafwanyeya ilambo ya Kana. (Detoronomiyo 7:1-4,24, 20:15-18) 13Eto muwari mwa sidadi datene dedo damangiwe mamburo ogwela, aIzarayeli tchatumeyile. So mbwenye Jozuwe atumeyile sidadi ya Azori bahi.#11:13 sidadi datene dedo damangiwe mamburo ogwela… tchatumeyile: Jozuwe katumeyile sidadi dile ira sogolro aIzarayeli katame kakalege wewule. Tchoira sidadi dile dali vazulu va mwango eto dali sidadi dohowanda gondjihiwa burebure. 14Evale Ana Izarayeli kohotukulaga jengo jatene jaawakile atu amwidaniwa roma jengo jofuneya jafwanyeya muwari mwa sidadi dagondjihile atu dile vamohi na jifuwo jiwa, jatene kala jewa. Mbwenye annyiwa kohomala apa atene na masupadiwa fiyeda aliwa atolotcha atene. Tchaamuhiyilege nne mutu mmohi ira akalewo. 15Fwanyeya ira wanle viwa vo, Yehova ohomuwandela mulombwana Mozeji jatene ejile, nomala Mozeji liye muwandela mulombwana Jozuwe, mwa enne Jozuwe ohoirana nnga mwemo mwawandeliwe liye. Muwari mwa jatene jejo Yehova amurumile liye namalaba waye Mozeji, kilivo nne yengo imohi yalupile Jozuwe.
16Ku wonga Jozuwe agondjihile ilambo yatene roma ilambo ya mwango didjindji, Negebe watene, ilambo yatene ya Gozeni, na ilambo ya mikuma ding'onong'ono, Araba na ilambo ya mwango didjindji ya aIzarayeli vamohi na mamburo otandeleya kawandamenle mwango dile, 17roma mwango Halaki, wandamelana Seyire dowave ante sidadi ya Bali-Gadi yenno inafwanyeya ndabo na Libano pedi wa mwango Herimoni. Eto Jozuwe ohagondjiha amwene atene a vilambo datene dedile, liye apa.
18Fwanyeya ira mulombwana Jozuwe wanawana wanna liye na amwene atene anna wohomala tempu ilukulu. 19Muwari mwa sidadi datene dawanilena liye, kilivo sidadi imohiwa yafunne sakanya yopangana yowandana na Ana Izarayeli. So mbwenye asakanyile yopangana yowandana ali aEvi kakala Jibeyawu bahi. Mbwenye zela ale kahasakanyile nipangano na Jozuwe, mulombwana Jozuwe ohomala agondjiha atene muwari mwa kondo. 20Tchoira Yehova gwaaummihile mirima diwa ira atu atene kavenyege ira kawanege na aIzarayeli ira kahawendeliwe tangaranga, mbwenye kamale tolotchiwa no gudjuliwa nnga Yehova mwamurumele liye Mozeji.#11:20 Yehova gwaaummihile mirima diwa: Fwanyeya ira Yehova kafunne ira aliwa katwaruwe mbwenye afunne ira atene katolowe. Tchoira tempu yenno Mulugu aire atonga zela jotega jiwa. (Detoronomiyo 9:4-5) Nona Mulugu aaummihile atu murima ira kamale tolotchiwa no gudjuliwa: Ku wonga twaruwa wa mutu uli mmandani mwa Mulugu hiya mmandani mwa mutu. Muselu olingana na mazwala unafwanyeya 1 Samuweli 2:25.
21Mwa tempu yenno mulombwana Jozuwe ohodowa atolotcha atu alukulu anno kaitaniwa aAnaki#11:21 aAnaki: Akuda Anaki ba atu alukulu anno kaova aIzarayeli anno kakonda volowa ilambo ya Kana, aliwa wongaga ira: <<Atu nafwanyile hiyo wewule aliwa kaniing'ana ananiona nnga nili miserebo.>> Nione Numero 13:33. kafwanyeya ilambo ya mwango didjindji vamohi na sidadi da Eboroni, Debiri, Anabe, na ilambo yatene ya mmwangoni mwa Juda na Izarayeli. Atene anna Jozuwe ohomala atolotcha vamohi na sidadi dakala atu. 22Mwa tempu yenno kalivo nne nkuda Anaki mmohi ahanle mwilamboni mwa Ana Izarayeli. So mbwenye akuda Anaki amohiwa kahanle muwari mwa sidadi da Gaza, Gate na Ajidode.
23Mwa enne Jozuwe ohotukula ilambo yatene yenne mokwakwanela na jatene Yehova amuwandenle liye Mozeji. Jozuwe ohagawela Ana Izarayeli kada nlogo ilambo yewa. Mwa enne kondo mwilamboni mule yohomalaga.
Currently Selected:
Jozuwe 11: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 11
11
Amwene kakala pandi ya norti kohogumanela ira kawane na aIzarayeli
1Jabimi mwene wa ilambo ya Azori agavwile jatene jaireyile, ohorumihaga milanyo para Jobabe mwene wa Madoni, na mwene wa Simironi, na mwene wa Akisafe, 2na amwene kakala ilambo ya mwango didjindji pandi ya norti, na ale kafwanyeya Araba pandi ya suli ya Kinereti, na amwene kakala ilambo ya mikuma ding'onong'ono, na amwene kakala tcherela ya bara wandamelana sidadi ya Dori, pandi ya mavirelo wa nzuwa, 3na akuda Kana anno kakala pandi dambinli dene da muhindje Jordawu, na aAmore, aEti, aFerizi, aJebuzi anno kakala pandi ya mwango; na aEvi, anno kakala wandamelana mwango Herimoni, ilambo ya Mizipa. Atene anne kohowandeliwa ira kagumanele ira kadowe kawane na aIzarayeli. 4Atene anne kagavwile milanyo dile, kohovenyihanaga na anyakondo ewa ohokala a masika, oindjiva nnga miseva da mutcherelani mwa bara. Eto kohokana kavalo didjindji na aaterelado ohokala a masika a kondoni. 5Amwene atene anne kohagumaniha anyakondo ewa atene, aliwa dowa manga misasa diwa wandamelana muhindje wa Meromi ira kawane na aIzarayeli.
Jozuwe ohagondjiha atu kakala pandi ya norti wa ilambo ya Kana
6Evale amwene atene anne kagagumanenle, Yehova ohowonga na mulombwana Jozuwe eraga: <<Kwaove aliwa, tchoira miyo metchelo ora yokala ha yenna nnoavaheda atene okwene mmandani mwa Ana Izarayeli. Weyo unogwada misepa da mendo da kavalo dewa eto unotumeya aaterelado ewa a kondoni.>>#11:6 unogwada misepa da mendo da kavalo dewa: Kavalo yogwadiwa misepa kinakwa mbwenye kinawanda tamanga kondoni akoka. So inawanda laba mabasa a vande bahi.
7Noira enne, Jozuwe ohovenyihana vamohi na anyakondo aye atene, aliwa dowa akumelela amwidaniwa moarurumutcha muhindje wa Meromi ule, roma wana na aliwa. 8Mwa ora yenne Yehova ohavahedaga amwidani mmandani mwa aIzarayeli, aliwa roma apa, amohiwa aliwa atamangihaga fiyeda sidadi ilukulu ya Sidoni eto amohiwa fiyeda sidadi ya Mizerefote-Mayimi, amohiwa aliwa aharagave makumelo wa nzuwa fiyeda ndabo na Mizipa. Kohapaga atenene, tchamuhiyilege nne mutu mmohi. 9Jozuwe ohoirana nnga mwemo mwamuwandenle Yehova, liye gwada misepa da mendo da kavalo dewa eto ohotumeya aaterelado ewa a kondoni.
10Jagaireyile eno, Jozuwe ohowelawo, liye dowa gondjiha sidadi ya Azori eto ohompa mwene wa sidadile na supada. Fwanyeya wanle Azori yali sidadi yaatonga amwene atene kawana na aIzarayeli ale. 11Nomala eno, kohapaga na masupadiwa atu atene kafwanyeya musidadi mule, aliwa mala atolotcha atene. Tchaamuhiyilege nne mutu mmohi ira akalewo. Eto Jozuwe ohotumeya sidadi ya Azori ile na munlo.
12Mulombwana Jozuwe ohogondjihaga sidadi datene datonga amwene ale eto ohapa amwene atene na supada, aatolotchaga atu atene nnga mwemo mwawongele Mozeji muzari wa Yehova.#11:12 atolotchaga atu atene nnga mwemo mwawongele Mozeji muzari wa Yehova: Fwanyeya ira Jozuwe ohokwakwaneliheda mazu Yehova aarumile aIzarayeli ira kairegena zela apamo anamurala atene kafwanyeya ilambo ya Kana. (Detoronomiyo 7:1-4,24, 20:15-18) 13Eto muwari mwa sidadi datene dedo damangiwe mamburo ogwela, aIzarayeli tchatumeyile. So mbwenye Jozuwe atumeyile sidadi ya Azori bahi.#11:13 sidadi datene dedo damangiwe mamburo ogwela… tchatumeyile: Jozuwe katumeyile sidadi dile ira sogolro aIzarayeli katame kakalege wewule. Tchoira sidadi dile dali vazulu va mwango eto dali sidadi dohowanda gondjihiwa burebure. 14Evale Ana Izarayeli kohotukulaga jengo jatene jaawakile atu amwidaniwa roma jengo jofuneya jafwanyeya muwari mwa sidadi dagondjihile atu dile vamohi na jifuwo jiwa, jatene kala jewa. Mbwenye annyiwa kohomala apa atene na masupadiwa fiyeda aliwa atolotcha atene. Tchaamuhiyilege nne mutu mmohi ira akalewo. 15Fwanyeya ira wanle viwa vo, Yehova ohomuwandela mulombwana Mozeji jatene ejile, nomala Mozeji liye muwandela mulombwana Jozuwe, mwa enne Jozuwe ohoirana nnga mwemo mwawandeliwe liye. Muwari mwa jatene jejo Yehova amurumile liye namalaba waye Mozeji, kilivo nne yengo imohi yalupile Jozuwe.
16Ku wonga Jozuwe agondjihile ilambo yatene roma ilambo ya mwango didjindji, Negebe watene, ilambo yatene ya Gozeni, na ilambo ya mikuma ding'onong'ono, Araba na ilambo ya mwango didjindji ya aIzarayeli vamohi na mamburo otandeleya kawandamenle mwango dile, 17roma mwango Halaki, wandamelana Seyire dowave ante sidadi ya Bali-Gadi yenno inafwanyeya ndabo na Libano pedi wa mwango Herimoni. Eto Jozuwe ohagondjiha amwene atene a vilambo datene dedile, liye apa.
18Fwanyeya ira mulombwana Jozuwe wanawana wanna liye na amwene atene anna wohomala tempu ilukulu. 19Muwari mwa sidadi datene dawanilena liye, kilivo sidadi imohiwa yafunne sakanya yopangana yowandana na Ana Izarayeli. So mbwenye asakanyile yopangana yowandana ali aEvi kakala Jibeyawu bahi. Mbwenye zela ale kahasakanyile nipangano na Jozuwe, mulombwana Jozuwe ohomala agondjiha atene muwari mwa kondo. 20Tchoira Yehova gwaaummihile mirima diwa ira atu atene kavenyege ira kawanege na aIzarayeli ira kahawendeliwe tangaranga, mbwenye kamale tolotchiwa no gudjuliwa nnga Yehova mwamurumele liye Mozeji.#11:20 Yehova gwaaummihile mirima diwa: Fwanyeya ira Yehova kafunne ira aliwa katwaruwe mbwenye afunne ira atene katolowe. Tchoira tempu yenno Mulugu aire atonga zela jotega jiwa. (Detoronomiyo 9:4-5) Nona Mulugu aaummihile atu murima ira kamale tolotchiwa no gudjuliwa: Ku wonga twaruwa wa mutu uli mmandani mwa Mulugu hiya mmandani mwa mutu. Muselu olingana na mazwala unafwanyeya 1 Samuweli 2:25.
21Mwa tempu yenno mulombwana Jozuwe ohodowa atolotcha atu alukulu anno kaitaniwa aAnaki#11:21 aAnaki: Akuda Anaki ba atu alukulu anno kaova aIzarayeli anno kakonda volowa ilambo ya Kana, aliwa wongaga ira: <<Atu nafwanyile hiyo wewule aliwa kaniing'ana ananiona nnga nili miserebo.>> Nione Numero 13:33. kafwanyeya ilambo ya mwango didjindji vamohi na sidadi da Eboroni, Debiri, Anabe, na ilambo yatene ya mmwangoni mwa Juda na Izarayeli. Atene anna Jozuwe ohomala atolotcha vamohi na sidadi dakala atu. 22Mwa tempu yenno kalivo nne nkuda Anaki mmohi ahanle mwilamboni mwa Ana Izarayeli. So mbwenye akuda Anaki amohiwa kahanle muwari mwa sidadi da Gaza, Gate na Ajidode.
23Mwa enne Jozuwe ohotukula ilambo yatene yenne mokwakwanela na jatene Yehova amuwandenle liye Mozeji. Jozuwe ohagawela Ana Izarayeli kada nlogo ilambo yewa. Mwa enne kondo mwilamboni mule yohomalaga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral