Jozuwe 10
10
AIzarayeli kohavunela aJibeyawu
1Mwene wa Jeruzalemu eriwa Adoni-Zedeki ohovwa ira mulombwana Jozuwe uhumala gondjiha sidadi ya Ayi eto uhatolotcha atene roma mweniwa vamohi na atu atene na makalelo nnga jaairilena liye akuda Jeriko vamohi na mweniwa. Eto mwenole ohovwa ira akuda Jibeyawu kohosakanya yopangana yowandana na aIzarayeli eto anakala vamohi. 2Agavwile enne, mwene wa Jeruzalemu ule ohokana ova ulukulu mwasiwa Jibeyawu yali sidadi indimuwa nnga sidadi datongiwa na amwene eto yali sidadi indimuwa kwaranya sidadi ya Ayi eto alombwana atene a sidadile kali atu owanda wana kondo.
3Mwa enne Adoni-Zedeki mwene wa Jeruzalemu ule ohorumiha mpanganyo odowa wa Ohamu, mwene wa Eboroni, Piramu, mwene wa Jarimute, Jafiya, mwene wa Lakiji, na Debiri, mwene wa Egiloni. 4Kwi: <<Muze mudikamihede ira nidowe naagondjihe akuda Jibeyawu mwasiwa aliwa kohosakanya yopangana yowandana na Jozuwe vamohi na Ana Izarayeli.>> 5Amwene atanu anno a aAmore roma mwene wa Jeruzalemu, mwene wa Eboroni, mwene wa Jarimute, mwene wa Lakiji na mwene wa Egiloni, kagavwile mpanganyo ule, kohogumanela vamohi na anyakondo ewa atene, aliwa dowa irindja sidadi ya Jibeyawu, aliwa roma wana.
6Evale akuda Jibeyawu ale koharuma atu ira kadowe misasani wali mulombwana Jozuwe ilambo ya Jiligali ira kamuwandele ira: <<Muze mobaranya munivulumutche eto munikamihede hiyo anamalabinyu. Kamunihiye hiyo okave, mwasiwa amwene atene a Amore anakala mmwangoni kohogumanela ira kaze kawane na hiyo.>> 7Evale Jozuwe na alombwana atene a kopolo owanda wana kondo na alombwana atene owana kohokuma Jiligali, aliwa dowa wewo ira kaakamihede. 8Yehova ohomuwandela mulombwana Jozuwe eraga: <<Kwaove amwidani ale mwasiwa miyo dihimala uvaheda aliwa mmandani mwawo. Kalivo mmohi wa aliwa unafuna ugondjihani.>>
9Evale Jozuwe vamohi na atwaye kagakumile Jiligali, kohomalaga mahiyu anne kawendaga. Mwa enne, kohatwanyuwelaga aAmore ale mobaranya moarendjetcha, roma wana na aliwa. 10Mwa ora yenne kawana atu, Yehova ohosakanya ira amwidaniwa ale kakale balala balala. Mwa enne aIzarayeli kohagondjiha amwidani ale ilambo ya Jibeyawu, aliwa roma atamangiha na ndila fiyeda nkuma wa Bete-Horoni, aliwa apaga fiyeda Azeka ante Makeda.
11Evale amwene ale kaatawaga Ana Izarayeli, katitelaga nipedi na Bete-Horoni, Yehova ohoruma mabwe malukulu a maralaza kumela zulu, amorihedaga amwidani a Ana Izarayeli, aliwa roma kwela vanipedini vale fiyeda Azeka. Muzongwe wa mabwe a maralaza ohapa atu adjindji kwaranya atu anne Ana Izarayeli kaapile atu na masupadiwa.
Imela wa nzuwa vamohi na mwedi
12Siku Yehova aavelenle liye aAmore ale mmandani mwa Ana Izarayeli, mulombwana Jozuwe ohowonga wa Yehova vamentoni va Ana Izarayeli atene ira: <<Nnafuna nzuwa nikale noimela nene vari va Jibeyawu eto mwedi akale oimelene ndabo na Ayijaloni.>> 13Mwa enne nzuwa nohoimela eto mwedi ohoimela fiyeda mulogo wa aIzarayeli aweliheda amwidaniwa kunyakunya. Mazu anna kalrembiwe muLivuruni mwa Jazari.#10:13 muLivuruni mwa Jazari. Livuru na Jazari ali livuru mwafwanyeya nyumbo da kondo. So malambwala livuru neno kannafwanyeya. Nzuwa nohokala noimela nene vari na vari eto kuma evo vaimenle nzuwa nne ira nivire nohodibeliwa kalaga nnga siku nompumbula. 14Mwa ora yenno nali nahanakalewo siku nnga neno eto fiyeda peno kaniliwo siku nnga neno, siku Yehova avwelenle liye nizu na mutu. Jejo jaireyile mwasiwa Yehova gwawana na amwidani ale vamalroni va aIzarayeli. 15Nomala eno, mulombwana Jozuwe vamohi na aIzarayeli atene kohowelela misasani uwa Jiligali.
Piwa wa amwene atanu a aMore
16Eto fwanyeya ira amwene atanu ale kohotawa, aliwa dowa vitala nifukweni nafwanyeya sidadi ya Makeda. 17Mwa enne Jozuwe ohowandeliwa ira: <<Amwene atanu ale kohofwanyiwa kagavitanle nifukwe na Makeda.>> 18Evale Jozuwe ohawandela atu, liye ira: <<Mupingiritche mabwe malukulu, mudowe mwafungena nifukweni wewule unafwanyeya amwene ale, mwamala mwaahelevo atu ira kaaing'anelege. 19Nyo mbwenye kamuhale evo, mudowe mwaapege amwidani anno kahalenle mundulri. Kamwaahiye ira kawelele musidadi mwewa mwasiwa Yehova Mulugu wenyu uhuvahedani aliwa mmandani mwenyu.>>
20Evale mulombwana Jozuwe vamohi na Ana Izarayeli kohapaga amwidaniwa pwi. So avulumuwile ali a vang'ono katawenle sidadi dolimba dowerewerihiwa na muru. 21Nomala eno, Ana Izarayeli atene kohowelawo atene apamene kadowaga vamisasani viwa Makeda wewo wafwanyeya mulombwana Jozuwe. Mwa enne kalivo nne mutu mmohi alimba murima ira awonge ubure zela aIzarayeli.
22Noira eno, Jozuwe ohowonga, liye ira: <<Mukumihewo mabwe mufungilena nyo nifukweni ule, mwaakumihe amwene atanu ale, mwaazena wa miyo.>> 23Mwa enne kohoirana nnga mwawongele liye, aliwa akumiha amwene atanu ale: Mwene wa Jeruzalemu, mwene wa Eboroni, mwene wa Jarimute, mwene wa Lakiji na mwene wa Egiloni. 24Kagaazilena amwene ale wa mulombwana Jozuwe, liye ohaitana alombwana atene aIzarayeli, liye wonga na asogolrelri atene a anyakondo anno kadowile na liye kondoni, eraga: <<Kazani uno, mutukule manyalo enyu munyingale mmakohini mwa amwene ala.>> Evale aliwa kohozaga, aliwa nyingala mmakohini mwa amwene ale.#10:24 Asogolrelri a aIzarayeli kanyingalaga mmakohini mwa amwene ale kali ira kaape mbwenye ali ionihedo ira aIzarayeli komala agondjiha amwidaniwa. 25Evale Jozuwe ohawongana asogolrelri a anykondo, eraga: <<Nyo kamuove eto nne kamurendjeye. Inafwanela mukale olimba kopolo eto mukale olimba mirima mwasiwa amwidaninyu atene munaawanegena nyo, Yehova unerege asakanya na makalelo mamohive anna!>> 26Nomala eno, Jozuwe ohapaga na supada amwene atanu ale, liye dowa amangelela mmitengoni mitanu, kada mutu mutengo waye waye, liye ahiya evale omangeleliwene ante tchiguwoni. 27Nzuwa niviraga, Jozuwe oharuma atu, aliwa akumihavo, dowa atatilela nifukweni wewo wavitanle atu. Nomala enne, kohelaga mabwe malukulu vovolowela va nifukwe nne. Mabwale anafwanyeya vovolowela evo fiyeda siku na peno.
Jozuwe ohagondjiha atu kakala pandi ya suli ya Kana
28Siku nimohive neno, Jozuwe na atwaye kohogondjiha sidadi ya Makeda, aliwa apa atu atene na masupadiwa vamohi na mweniwene. Jozuwe kamuhiyile nne mutu mmohi ira akalewo, atene ohomala atolotcha. Eto Jozuwe ohomuirana mwene wa sidadi ya Makeda makalelo mamohive nnga amuirena liye mwene wa sidadi ya Jeriko.
29Nomala eno, Jozuwe na aIzarayeli atene anna liye kohokuma Makeda, aliwa dowa wana na atu a sidadi ya Libina. 30Yehova ohavaheda atu a sidadile vamohi na mweniwene mmandani mwa aIzarayeli. Evale aliwa kohapa atu atene a sidadile na masupadiwa. Jozuwe kamuhiyile nne mutu mmohi ira akalewo. Eto kohomuirela mwene wa sidadi ya Libina ule makalelo mamohive nnga jamuirele atu mwene wa sidadi ya Jeriko.
31Noira enne, Jozuwe vamohi na aIzarayeli atene kohokuma Libina ule, aliwa dowa irindja sidadi ya Lakiji, aliwa roma wana. 32Yehova ohovaheda sidadi ya Lakiji mmandani mwa aIzarayeli. Mwa enne siku nanembinli kohogondjihaga sidadile, aliwa apa atu atene a sidadile na masupadiwa na makalelo mamohive nnga jaairilena atu akuda Libina.
33Evale mwene wa ilambo ya Jezeri wenno aitaniwa Horawo, agavwile jatene jaireyile, ohovenya ira aakamihede atu a sidadi ya Lakiji. Mbwenye mulombwana Jozuwe na atwaye kohomugondjiha mwene wa Jezeri ule vamohi na anyakondwaye atene, aliwa mala apa. Jozuwe kamuhiyile nne mutu mmohi ira akalewo.
34Evale Jozuwe na aIzarayeli atene anna liye kohokumaga Lakiji, aliwa dowa irindja sidadi ya Egiloni, aliwa roma wana. 35Siku nimohive nenne kohogondjiha sidadile, aliwa apa atu atene a sidadile na masupadiwa. Kohatolotcha atene siku nenne, na makalelo mamohive nnga jaairilena atu akuda Lakiji.
36Noira eno, mulombwana Jozuwe na anyakondo a aIzarayeli anna liye kohokumaga Egiloni, aliwa gwela dowa sidadi ya Eboroni, aliwa roma wana. 37Evale kohogondjihaga sidadile vamohi na mweniwa vamohi na tatamo da vakwikwi, aliwa apa atu atene na masupadiwa. Jozuwe kamuhiyile nne mutu mmohi ira akalewo na makalelo mamohive nnga jaairilena atu akuda Egiloni. Kohotolotcha sidadi ya Eboroni ile vamohi na atu atene kafwanyeyamo.
38Jagamanle ireya eno, Jozuwe na aIzarayeli atene anna liye kohowelaga, aliwa dowa sidadi ya Debiri, aliwa dowa roma wana. 39Noira enne, kohogondjihaga sidadile na mweniwa vamohi na tatamo datene da vakwikwi, aliwa apa atene na masupadiwa. Kohatolotcha atene eto Jozuwe kamuhiyile nne mutu mmohi ira akalewo. Aliwa kohoirana sidadi ya Debiri ile vamohi na mwene wewa na makalelo mamohive nnga jairilena atu sidadi ya Eboroni na mweniwa vamohi na sidadi ya Libina na mweniwa.
40Mwa eno, Jozuwe ohomala apamo atu a ilambo yatene yenne, romela ilambo ya mwango didjindji ya Negebe, ilambo ya mikuma ding'onong'ono na pandi dafwanyeya mmambalo mwa mwango, vamohi na amwene atene katonga mwemule. Jozuwe kamuhiyile nne mutu mmohi ira akalewo. Liye ohatolotchaga atu atene okalawo nnga mwemo mwamurumele Yehova Mulugu wa Izarayeli.#10:40 ohatolotchaga atu atene okalawo nnga mwemo mwamurumele Yehova: AIzarayeli kaapa atu atene romela ahiyana nari ahima molingana na mazu Mulugu awongile liye. Tchoira Mulugu aarumile ira kampe mutu uli watene unavuma. Nione Detoronomiyo 20:15-20. Ahakanlege nnga aIzarayeli kahapa atu atene, kahakayena tangaranga na mutu mmohi, yenno yafuna kala yotega vamentoni va Mulugu. Nione 1 Samuweli 15:3,9,15-33. 41Mwa enne mulombwana Jozuwe ohomala apamo atu atene romela ilambo ya Kadeji-Barneya fiyeda Gaza na ilambo yatene ya Gozeni fiyeda Jibeyawu. 42Yehova Mulugu wa Izarayeli gwaakamiheda aIzarayeli muwari mwa kondo kawana atu. Na mwasa wenno, mulombwana Jozuwe ohowanda agondjiha amwene atene anno na vilambo diwa dene ulrendo umohive. 43Nomala eno, Jozuwe na aIzarayeli atene anna liye kohowelela vamisasani viwa Jiligali.
Currently Selected:
Jozuwe 10: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 10
10
AIzarayeli kohavunela aJibeyawu
1Mwene wa Jeruzalemu eriwa Adoni-Zedeki ohovwa ira mulombwana Jozuwe uhumala gondjiha sidadi ya Ayi eto uhatolotcha atene roma mweniwa vamohi na atu atene na makalelo nnga jaairilena liye akuda Jeriko vamohi na mweniwa. Eto mwenole ohovwa ira akuda Jibeyawu kohosakanya yopangana yowandana na aIzarayeli eto anakala vamohi. 2Agavwile enne, mwene wa Jeruzalemu ule ohokana ova ulukulu mwasiwa Jibeyawu yali sidadi indimuwa nnga sidadi datongiwa na amwene eto yali sidadi indimuwa kwaranya sidadi ya Ayi eto alombwana atene a sidadile kali atu owanda wana kondo.
3Mwa enne Adoni-Zedeki mwene wa Jeruzalemu ule ohorumiha mpanganyo odowa wa Ohamu, mwene wa Eboroni, Piramu, mwene wa Jarimute, Jafiya, mwene wa Lakiji, na Debiri, mwene wa Egiloni. 4Kwi: <<Muze mudikamihede ira nidowe naagondjihe akuda Jibeyawu mwasiwa aliwa kohosakanya yopangana yowandana na Jozuwe vamohi na Ana Izarayeli.>> 5Amwene atanu anno a aAmore roma mwene wa Jeruzalemu, mwene wa Eboroni, mwene wa Jarimute, mwene wa Lakiji na mwene wa Egiloni, kagavwile mpanganyo ule, kohogumanela vamohi na anyakondo ewa atene, aliwa dowa irindja sidadi ya Jibeyawu, aliwa roma wana.
6Evale akuda Jibeyawu ale koharuma atu ira kadowe misasani wali mulombwana Jozuwe ilambo ya Jiligali ira kamuwandele ira: <<Muze mobaranya munivulumutche eto munikamihede hiyo anamalabinyu. Kamunihiye hiyo okave, mwasiwa amwene atene a Amore anakala mmwangoni kohogumanela ira kaze kawane na hiyo.>> 7Evale Jozuwe na alombwana atene a kopolo owanda wana kondo na alombwana atene owana kohokuma Jiligali, aliwa dowa wewo ira kaakamihede. 8Yehova ohomuwandela mulombwana Jozuwe eraga: <<Kwaove amwidani ale mwasiwa miyo dihimala uvaheda aliwa mmandani mwawo. Kalivo mmohi wa aliwa unafuna ugondjihani.>>
9Evale Jozuwe vamohi na atwaye kagakumile Jiligali, kohomalaga mahiyu anne kawendaga. Mwa enne, kohatwanyuwelaga aAmore ale mobaranya moarendjetcha, roma wana na aliwa. 10Mwa ora yenne kawana atu, Yehova ohosakanya ira amwidaniwa ale kakale balala balala. Mwa enne aIzarayeli kohagondjiha amwidani ale ilambo ya Jibeyawu, aliwa roma atamangiha na ndila fiyeda nkuma wa Bete-Horoni, aliwa apaga fiyeda Azeka ante Makeda.
11Evale amwene ale kaatawaga Ana Izarayeli, katitelaga nipedi na Bete-Horoni, Yehova ohoruma mabwe malukulu a maralaza kumela zulu, amorihedaga amwidani a Ana Izarayeli, aliwa roma kwela vanipedini vale fiyeda Azeka. Muzongwe wa mabwe a maralaza ohapa atu adjindji kwaranya atu anne Ana Izarayeli kaapile atu na masupadiwa.
Imela wa nzuwa vamohi na mwedi
12Siku Yehova aavelenle liye aAmore ale mmandani mwa Ana Izarayeli, mulombwana Jozuwe ohowonga wa Yehova vamentoni va Ana Izarayeli atene ira: <<Nnafuna nzuwa nikale noimela nene vari va Jibeyawu eto mwedi akale oimelene ndabo na Ayijaloni.>> 13Mwa enne nzuwa nohoimela eto mwedi ohoimela fiyeda mulogo wa aIzarayeli aweliheda amwidaniwa kunyakunya. Mazu anna kalrembiwe muLivuruni mwa Jazari.#10:13 muLivuruni mwa Jazari. Livuru na Jazari ali livuru mwafwanyeya nyumbo da kondo. So malambwala livuru neno kannafwanyeya. Nzuwa nohokala noimela nene vari na vari eto kuma evo vaimenle nzuwa nne ira nivire nohodibeliwa kalaga nnga siku nompumbula. 14Mwa ora yenno nali nahanakalewo siku nnga neno eto fiyeda peno kaniliwo siku nnga neno, siku Yehova avwelenle liye nizu na mutu. Jejo jaireyile mwasiwa Yehova gwawana na amwidani ale vamalroni va aIzarayeli. 15Nomala eno, mulombwana Jozuwe vamohi na aIzarayeli atene kohowelela misasani uwa Jiligali.
Piwa wa amwene atanu a aMore
16Eto fwanyeya ira amwene atanu ale kohotawa, aliwa dowa vitala nifukweni nafwanyeya sidadi ya Makeda. 17Mwa enne Jozuwe ohowandeliwa ira: <<Amwene atanu ale kohofwanyiwa kagavitanle nifukwe na Makeda.>> 18Evale Jozuwe ohawandela atu, liye ira: <<Mupingiritche mabwe malukulu, mudowe mwafungena nifukweni wewule unafwanyeya amwene ale, mwamala mwaahelevo atu ira kaaing'anelege. 19Nyo mbwenye kamuhale evo, mudowe mwaapege amwidani anno kahalenle mundulri. Kamwaahiye ira kawelele musidadi mwewa mwasiwa Yehova Mulugu wenyu uhuvahedani aliwa mmandani mwenyu.>>
20Evale mulombwana Jozuwe vamohi na Ana Izarayeli kohapaga amwidaniwa pwi. So avulumuwile ali a vang'ono katawenle sidadi dolimba dowerewerihiwa na muru. 21Nomala eno, Ana Izarayeli atene kohowelawo atene apamene kadowaga vamisasani viwa Makeda wewo wafwanyeya mulombwana Jozuwe. Mwa enne kalivo nne mutu mmohi alimba murima ira awonge ubure zela aIzarayeli.
22Noira eno, Jozuwe ohowonga, liye ira: <<Mukumihewo mabwe mufungilena nyo nifukweni ule, mwaakumihe amwene atanu ale, mwaazena wa miyo.>> 23Mwa enne kohoirana nnga mwawongele liye, aliwa akumiha amwene atanu ale: Mwene wa Jeruzalemu, mwene wa Eboroni, mwene wa Jarimute, mwene wa Lakiji na mwene wa Egiloni. 24Kagaazilena amwene ale wa mulombwana Jozuwe, liye ohaitana alombwana atene aIzarayeli, liye wonga na asogolrelri atene a anyakondo anno kadowile na liye kondoni, eraga: <<Kazani uno, mutukule manyalo enyu munyingale mmakohini mwa amwene ala.>> Evale aliwa kohozaga, aliwa nyingala mmakohini mwa amwene ale.#10:24 Asogolrelri a aIzarayeli kanyingalaga mmakohini mwa amwene ale kali ira kaape mbwenye ali ionihedo ira aIzarayeli komala agondjiha amwidaniwa. 25Evale Jozuwe ohawongana asogolrelri a anykondo, eraga: <<Nyo kamuove eto nne kamurendjeye. Inafwanela mukale olimba kopolo eto mukale olimba mirima mwasiwa amwidaninyu atene munaawanegena nyo, Yehova unerege asakanya na makalelo mamohive anna!>> 26Nomala eno, Jozuwe ohapaga na supada amwene atanu ale, liye dowa amangelela mmitengoni mitanu, kada mutu mutengo waye waye, liye ahiya evale omangeleliwene ante tchiguwoni. 27Nzuwa niviraga, Jozuwe oharuma atu, aliwa akumihavo, dowa atatilela nifukweni wewo wavitanle atu. Nomala enne, kohelaga mabwe malukulu vovolowela va nifukwe nne. Mabwale anafwanyeya vovolowela evo fiyeda siku na peno.
Jozuwe ohagondjiha atu kakala pandi ya suli ya Kana
28Siku nimohive neno, Jozuwe na atwaye kohogondjiha sidadi ya Makeda, aliwa apa atu atene na masupadiwa vamohi na mweniwene. Jozuwe kamuhiyile nne mutu mmohi ira akalewo, atene ohomala atolotcha. Eto Jozuwe ohomuirana mwene wa sidadi ya Makeda makalelo mamohive nnga amuirena liye mwene wa sidadi ya Jeriko.
29Nomala eno, Jozuwe na aIzarayeli atene anna liye kohokuma Makeda, aliwa dowa wana na atu a sidadi ya Libina. 30Yehova ohavaheda atu a sidadile vamohi na mweniwene mmandani mwa aIzarayeli. Evale aliwa kohapa atu atene a sidadile na masupadiwa. Jozuwe kamuhiyile nne mutu mmohi ira akalewo. Eto kohomuirela mwene wa sidadi ya Libina ule makalelo mamohive nnga jamuirele atu mwene wa sidadi ya Jeriko.
31Noira enne, Jozuwe vamohi na aIzarayeli atene kohokuma Libina ule, aliwa dowa irindja sidadi ya Lakiji, aliwa roma wana. 32Yehova ohovaheda sidadi ya Lakiji mmandani mwa aIzarayeli. Mwa enne siku nanembinli kohogondjihaga sidadile, aliwa apa atu atene a sidadile na masupadiwa na makalelo mamohive nnga jaairilena atu akuda Libina.
33Evale mwene wa ilambo ya Jezeri wenno aitaniwa Horawo, agavwile jatene jaireyile, ohovenya ira aakamihede atu a sidadi ya Lakiji. Mbwenye mulombwana Jozuwe na atwaye kohomugondjiha mwene wa Jezeri ule vamohi na anyakondwaye atene, aliwa mala apa. Jozuwe kamuhiyile nne mutu mmohi ira akalewo.
34Evale Jozuwe na aIzarayeli atene anna liye kohokumaga Lakiji, aliwa dowa irindja sidadi ya Egiloni, aliwa roma wana. 35Siku nimohive nenne kohogondjiha sidadile, aliwa apa atu atene a sidadile na masupadiwa. Kohatolotcha atene siku nenne, na makalelo mamohive nnga jaairilena atu akuda Lakiji.
36Noira eno, mulombwana Jozuwe na anyakondo a aIzarayeli anna liye kohokumaga Egiloni, aliwa gwela dowa sidadi ya Eboroni, aliwa roma wana. 37Evale kohogondjihaga sidadile vamohi na mweniwa vamohi na tatamo da vakwikwi, aliwa apa atu atene na masupadiwa. Jozuwe kamuhiyile nne mutu mmohi ira akalewo na makalelo mamohive nnga jaairilena atu akuda Egiloni. Kohotolotcha sidadi ya Eboroni ile vamohi na atu atene kafwanyeyamo.
38Jagamanle ireya eno, Jozuwe na aIzarayeli atene anna liye kohowelaga, aliwa dowa sidadi ya Debiri, aliwa dowa roma wana. 39Noira enne, kohogondjihaga sidadile na mweniwa vamohi na tatamo datene da vakwikwi, aliwa apa atene na masupadiwa. Kohatolotcha atene eto Jozuwe kamuhiyile nne mutu mmohi ira akalewo. Aliwa kohoirana sidadi ya Debiri ile vamohi na mwene wewa na makalelo mamohive nnga jairilena atu sidadi ya Eboroni na mweniwa vamohi na sidadi ya Libina na mweniwa.
40Mwa eno, Jozuwe ohomala apamo atu a ilambo yatene yenne, romela ilambo ya mwango didjindji ya Negebe, ilambo ya mikuma ding'onong'ono na pandi dafwanyeya mmambalo mwa mwango, vamohi na amwene atene katonga mwemule. Jozuwe kamuhiyile nne mutu mmohi ira akalewo. Liye ohatolotchaga atu atene okalawo nnga mwemo mwamurumele Yehova Mulugu wa Izarayeli.#10:40 ohatolotchaga atu atene okalawo nnga mwemo mwamurumele Yehova: AIzarayeli kaapa atu atene romela ahiyana nari ahima molingana na mazu Mulugu awongile liye. Tchoira Mulugu aarumile ira kampe mutu uli watene unavuma. Nione Detoronomiyo 20:15-20. Ahakanlege nnga aIzarayeli kahapa atu atene, kahakayena tangaranga na mutu mmohi, yenno yafuna kala yotega vamentoni va Mulugu. Nione 1 Samuweli 15:3,9,15-33. 41Mwa enne mulombwana Jozuwe ohomala apamo atu atene romela ilambo ya Kadeji-Barneya fiyeda Gaza na ilambo yatene ya Gozeni fiyeda Jibeyawu. 42Yehova Mulugu wa Izarayeli gwaakamiheda aIzarayeli muwari mwa kondo kawana atu. Na mwasa wenno, mulombwana Jozuwe ohowanda agondjiha amwene atene anno na vilambo diwa dene ulrendo umohive. 43Nomala eno, Jozuwe na aIzarayeli atene anna liye kohowelela vamisasani viwa Jiligali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral