Izaiya 33
33
Yehova ohowonga zela magomelo wa amwidanaye
1Udilu wa weyo namanonga, weyo wahanongiwileve. Udilu wa weyo maliba aguliha afwawo weyo wahagulihiwileve. Weyo wamala nonga, unoza unongiwe. Wamala aguliha afwawo, aliwa anoza kaugulihe.
2So Yehova muniwendele tangaranga. Hiyo nnaudedihani nyo. Mukale muwono wehu wa kopolo mabebehi matene. Munivulumutche tempu inaona hiyo goyi.
3Mwakumiha nizu nenyu nnga ndari, atu a unde anotawa. Mwavenya, atu a malogo matene anobalaleya. 4Na makalelo nnga vini mingu na miserebo datakunaga maminda, jokana jatene ja amwidani jinomala tukuliwa.
5Yehova utukuleleya mwasiwa liye unakala zulu. Liye unozaliha muwari mwa Siyawu matongelo a ibaribari na upama. 6Unoza auvaheni murendele ogarateya muwari mwa tempu yenyu. Unouvahani eto vulusiwa undimuwa na zelru didjindji no onelramo undimuwa. Muova Yehova unafwanyeya wagali rayela wenyu.
7Kaing'anani, anyakondo ewa ororomeleya anakuwa monla murampani. Eto andimuwa kasayela pangana murendele na amwidani anaza katomolaga kuto. 8Ndila dilukulu dili zii. Kalivo unaviramo. Kohomala viringaniha yopangana kapanganne atu. Sidadi nnolramwisiwa eto atuwa kinabalriwa nnga yengo. 9Ilambo inanla eto ili yokukumuwene. Guguru ya Libano imala nyala eto inafwanyeyana manyazo. Ilambo ya Saromi peno isanduwa kala isalesale. Mitengo nnakala ilambo ya Bazani na mitengo nnakala mwango Karimelo nnavareya matakuru ewa.
10Yehova unawonga ira: <<Veva eni miyo nnovenya. Veva eni nnafuna diirena yengo. Veva eni nnafuna diteteliwe. 11Nyo jinaumbuwela nyo ba makata eto munabala malatchi. Yovuma yenyu ili nnga munlo unafuna za umalihani. 12Atu a unde anoza katumeyiwe kakale ndora, kakale nnga minga digwadiwe ira ditumeyiwe na munlo. 13Nyo munakala olapela wene, muvwe jinera miyo. Nyo muli vakwikwive, muiziwe kopolo daga.>>
14Atu otega a Siyawu kohokana ova wohokala wa masika. Atu ohobalra ja Mulugu anangurumela. Anawonga ira: <<Bani muwari mwa hiyo unawanda vilela na munlo ononga ula? Bani muwari mwa hiyo unawanda vilela na munlo ohomala ula?>> 15Unawanda irana eno gu ule unairana japama, ule unawonga mwa ibaribari, ule unakonda ganyalri muwari monyenga. Gwenne unatata ndanda naye afunaga vahiwa kunya, wenno unafunga mabaru aye ira ahavwe mazu opanganela jompa mutu, wenno unapimbina ira ahaone jotakala. 16Mutu wenno unakala nimburo noing'aneliwa na Mulugu. Nimburo notawela naye nnokala nimburo nolimba nomangiwa na mabwe. Yodja unerege tambilra eto kaza asauwela mahindje.
17Tempu yenno munerege muing'ana mwene agali muwari moriya waye. Aliwa eto anoza kaone ilambo yapama yoira deduu ante fiya olapela. 18Mmirimani mwenyu munerege tulela jejo jarendjeyana nyo wanle. Munoza muwonge ira: <<Kali uvi ale kanipagalrihetcha misoko? Kali uvi ale kanisokihetcha josoka jiwa? Kali uvi ale kaing'aneletcha nyumba dihu dolapa da agwarda?>> 19Kamuza mwaaona akoka atu orutcha anno kawonga iwongelo imohiwene, yahaiziwile nyo, yorutcha, yahawandile nyo onelramo.
Atu ohala a Jeruzalemu anoza kakale pama
20Kaing'anani Siyawu, sidadi Mulugu yanirumile liye ira nidowe nadjege pwando dehu. Meso enyu anoza kaone Jeruzalemu, sidadi ya murendele, musasa ohotekenyeya. Peregu da musasole kadiza diduliwa eto mingohi diwa kadiza dipaziwa.#33:20 Musasa unawongiwa va kahi musasa otimbeliwa na jimiri nnga ramada mbwenye gu musasa okungiwa. Voira Peregu da musasole kadiza diduliwa eto mingohi diwa kadiza dipaziwa, musasa wenno kaza agwa. 21Wewo Yehova unoza anionihe undimuwa waye. Nnoza nikale nimburo uli mihindje ding'onong'ono na dilukulu. Mwadeya da kondo nari ding'onong'ono dotchapa nari dilukulu kadiza diviramo. 22Tchoira Yehova gu namatonga wehu eto Yehova gunanivaha malamulo ehu eto Yehova gu mwene wehu. Liye gunafuna nivulumutcha.
23Agali malambwala mingohi da amwadeya enyu dihimala tapuwa, agali kamunawanda limbiha muzati otomeyana nguwo ya mwadeya, agali kamunawanda limbiha nguwo muwari mwa nipevo, vasogolro munoza mugawe jorayela na jengo joindjiva jinafuna wakiwa amwidani. Na aliba topinyene anodowa kawake jiwa. 24Kalivo nne mutu mmohi unafuna wonga ira: <<Dili murenda.>> Atu atene anakalavo anokurumuweliwa jodawa jiwa.
Currently Selected:
Izaiya 33: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Izaiya 33
33
Yehova ohowonga zela magomelo wa amwidanaye
1Udilu wa weyo namanonga, weyo wahanongiwileve. Udilu wa weyo maliba aguliha afwawo weyo wahagulihiwileve. Weyo wamala nonga, unoza unongiwe. Wamala aguliha afwawo, aliwa anoza kaugulihe.
2So Yehova muniwendele tangaranga. Hiyo nnaudedihani nyo. Mukale muwono wehu wa kopolo mabebehi matene. Munivulumutche tempu inaona hiyo goyi.
3Mwakumiha nizu nenyu nnga ndari, atu a unde anotawa. Mwavenya, atu a malogo matene anobalaleya. 4Na makalelo nnga vini mingu na miserebo datakunaga maminda, jokana jatene ja amwidani jinomala tukuliwa.
5Yehova utukuleleya mwasiwa liye unakala zulu. Liye unozaliha muwari mwa Siyawu matongelo a ibaribari na upama. 6Unoza auvaheni murendele ogarateya muwari mwa tempu yenyu. Unouvahani eto vulusiwa undimuwa na zelru didjindji no onelramo undimuwa. Muova Yehova unafwanyeya wagali rayela wenyu.
7Kaing'anani, anyakondo ewa ororomeleya anakuwa monla murampani. Eto andimuwa kasayela pangana murendele na amwidani anaza katomolaga kuto. 8Ndila dilukulu dili zii. Kalivo unaviramo. Kohomala viringaniha yopangana kapanganne atu. Sidadi nnolramwisiwa eto atuwa kinabalriwa nnga yengo. 9Ilambo inanla eto ili yokukumuwene. Guguru ya Libano imala nyala eto inafwanyeyana manyazo. Ilambo ya Saromi peno isanduwa kala isalesale. Mitengo nnakala ilambo ya Bazani na mitengo nnakala mwango Karimelo nnavareya matakuru ewa.
10Yehova unawonga ira: <<Veva eni miyo nnovenya. Veva eni nnafuna diirena yengo. Veva eni nnafuna diteteliwe. 11Nyo jinaumbuwela nyo ba makata eto munabala malatchi. Yovuma yenyu ili nnga munlo unafuna za umalihani. 12Atu a unde anoza katumeyiwe kakale ndora, kakale nnga minga digwadiwe ira ditumeyiwe na munlo. 13Nyo munakala olapela wene, muvwe jinera miyo. Nyo muli vakwikwive, muiziwe kopolo daga.>>
14Atu otega a Siyawu kohokana ova wohokala wa masika. Atu ohobalra ja Mulugu anangurumela. Anawonga ira: <<Bani muwari mwa hiyo unawanda vilela na munlo ononga ula? Bani muwari mwa hiyo unawanda vilela na munlo ohomala ula?>> 15Unawanda irana eno gu ule unairana japama, ule unawonga mwa ibaribari, ule unakonda ganyalri muwari monyenga. Gwenne unatata ndanda naye afunaga vahiwa kunya, wenno unafunga mabaru aye ira ahavwe mazu opanganela jompa mutu, wenno unapimbina ira ahaone jotakala. 16Mutu wenno unakala nimburo noing'aneliwa na Mulugu. Nimburo notawela naye nnokala nimburo nolimba nomangiwa na mabwe. Yodja unerege tambilra eto kaza asauwela mahindje.
17Tempu yenno munerege muing'ana mwene agali muwari moriya waye. Aliwa eto anoza kaone ilambo yapama yoira deduu ante fiya olapela. 18Mmirimani mwenyu munerege tulela jejo jarendjeyana nyo wanle. Munoza muwonge ira: <<Kali uvi ale kanipagalrihetcha misoko? Kali uvi ale kanisokihetcha josoka jiwa? Kali uvi ale kaing'aneletcha nyumba dihu dolapa da agwarda?>> 19Kamuza mwaaona akoka atu orutcha anno kawonga iwongelo imohiwene, yahaiziwile nyo, yorutcha, yahawandile nyo onelramo.
Atu ohala a Jeruzalemu anoza kakale pama
20Kaing'anani Siyawu, sidadi Mulugu yanirumile liye ira nidowe nadjege pwando dehu. Meso enyu anoza kaone Jeruzalemu, sidadi ya murendele, musasa ohotekenyeya. Peregu da musasole kadiza diduliwa eto mingohi diwa kadiza dipaziwa.#33:20 Musasa unawongiwa va kahi musasa otimbeliwa na jimiri nnga ramada mbwenye gu musasa okungiwa. Voira Peregu da musasole kadiza diduliwa eto mingohi diwa kadiza dipaziwa, musasa wenno kaza agwa. 21Wewo Yehova unoza anionihe undimuwa waye. Nnoza nikale nimburo uli mihindje ding'onong'ono na dilukulu. Mwadeya da kondo nari ding'onong'ono dotchapa nari dilukulu kadiza diviramo. 22Tchoira Yehova gu namatonga wehu eto Yehova gunanivaha malamulo ehu eto Yehova gu mwene wehu. Liye gunafuna nivulumutcha.
23Agali malambwala mingohi da amwadeya enyu dihimala tapuwa, agali kamunawanda limbiha muzati otomeyana nguwo ya mwadeya, agali kamunawanda limbiha nguwo muwari mwa nipevo, vasogolro munoza mugawe jorayela na jengo joindjiva jinafuna wakiwa amwidani. Na aliba topinyene anodowa kawake jiwa. 24Kalivo nne mutu mmohi unafuna wonga ira: <<Dili murenda.>> Atu atene anakalavo anokurumuweliwa jodawa jiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral