Izaiya 32
32
Za wa mwene otonga mwa ibaribari
1Kaing'anani, ukala mwene unafuna za tonga mwapama eto asogolrelri aye anoza katonge na matongelo a ibaribari. 2Asogolrelri atene anno anoza kakale nnga votawela nipevo, nnga nimburo notawela naza nipevo nlukulu eto anoza kakale nnga mihindje dowenda muwari mwa ilambo youmma eto nnga muriti wa nibwe nlukulu muisalesaleni. 3Evale meso a atu oona kiza kafungeya. Eto mabaru a atu ovwa anokala oreyene. 4Atu okana mirima dotomowa anoza kaiziwe irana jengo moumbuwela pama. Eto nlumi na atu oguguma nnoza niwonge mwapama. 5Atu eto kiza kaatitimiha azimora. Eto kinamwesa mutu otakala nnga wapama. 6Tchoira zimora unowonga ja uzimora eto unaumbuwela irana jotakalave. Eto unoirana jomutakaleliwiha Yehova. Eto unawonga jengo jompeta Yehova. Muwari moirana eno, zimora kanaavaha aliba ndala jodja eto kanaavaha aliba ntona mahindje. 7Eto mutu ohokana mabasa joira jaye ti joira jotakala. Liye unaumbuwela jokoromana ira amunongena nfwaye usimenle, amunukedaga maliba simela ahategileve yengo. 8Mbwenye mutu wapama unaumbuwela palano daye dapama. Unoimela muwari moirana palano daye dapama dile.
Xangihiwa wa ahiyana a Jeruzalemu
9Kavenyani nyo ahiyana opolrolra, muvwe mazu aga. Nyo ahiyana ovitetela muvwe inafuna miyo wonga. 10Vavira yaka na malambo a vang'ono, munoza murendjeye nyo ahiyana a matapa. Mwasiwa miratchi da uva kannavaha yengo. Eto jovaha jatene ja mmindani kajinakalamo wene. 11Ngurumelani nyo ahiyana opolrolra. Rendjeyani nyo atu ovitukulela. Wungulani jowara jenyu eto muware masakwi mmwinini mwinyu. 12Muvigugude vamirimani venyu mwasiwa minda da teya yapama dihimala nongeya vamohi na miratchi dovaha. 13Tchoira teya ya ilambo ya atwaga nnamelamo ti minga na makaruwe. Eto mukayena kumbanya zela nyumba mwakala atu ohagalala na sidadi yoteyela. 14Tchoira nyumba ya umwene imala hiyiwa eto sidadi mwali atu pwi kamuli mutu. Mikuma diwa na nyumba diwa dolapa da gwarda nnokala pawo dovolowa anavinyama kala no kala. Aburu a mukokolani anoza kahagalalegemo eto jifuwo ja vande nnerege dja mwemule.
15Jinoireya eno ante siku Mulugu unafuna liye muruma Munemba waye okumela zulu. Pa evo ilambo ya kokola inafuna atu sanduwa ira ikale teya yapama. Minda datene nnoza divahe jovaha jokala ha mitengo da muguguruni. 16Evale matongelo a ibaribari anoza kafwanyeye mukokolani. Upama eto unoza ufwanyeyege muwari mwa minda dovaha pama. 17Evale atu kairagana upama, mwilamboni munokala murendele. Eto muwari mwa upama, ilambo inakala yomiyalene eto yowendelana kala no kala. 18Atwaga anokala mmavande muwa mwa murendele. Anokala muwari mwa ilambo yovuma mopwaseya jiwa. 19Guguru inoza inongiwe na maralaza eto sidadi yatene inoza igwihiwe ira ikale vati. 20Orelihiwa ba atu anno anazala minda diwa wandamelana mihindje eto anaahiya aburu na ng'ombe diwa wendaga mofuna muwa didjaga mwatene mwene.
Currently Selected:
Izaiya 32: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Izaiya 32
32
Za wa mwene otonga mwa ibaribari
1Kaing'anani, ukala mwene unafuna za tonga mwapama eto asogolrelri aye anoza katonge na matongelo a ibaribari. 2Asogolrelri atene anno anoza kakale nnga votawela nipevo, nnga nimburo notawela naza nipevo nlukulu eto anoza kakale nnga mihindje dowenda muwari mwa ilambo youmma eto nnga muriti wa nibwe nlukulu muisalesaleni. 3Evale meso a atu oona kiza kafungeya. Eto mabaru a atu ovwa anokala oreyene. 4Atu okana mirima dotomowa anoza kaiziwe irana jengo moumbuwela pama. Eto nlumi na atu oguguma nnoza niwonge mwapama. 5Atu eto kiza kaatitimiha azimora. Eto kinamwesa mutu otakala nnga wapama. 6Tchoira zimora unowonga ja uzimora eto unaumbuwela irana jotakalave. Eto unoirana jomutakaleliwiha Yehova. Eto unawonga jengo jompeta Yehova. Muwari moirana eno, zimora kanaavaha aliba ndala jodja eto kanaavaha aliba ntona mahindje. 7Eto mutu ohokana mabasa joira jaye ti joira jotakala. Liye unaumbuwela jokoromana ira amunongena nfwaye usimenle, amunukedaga maliba simela ahategileve yengo. 8Mbwenye mutu wapama unaumbuwela palano daye dapama. Unoimela muwari moirana palano daye dapama dile.
Xangihiwa wa ahiyana a Jeruzalemu
9Kavenyani nyo ahiyana opolrolra, muvwe mazu aga. Nyo ahiyana ovitetela muvwe inafuna miyo wonga. 10Vavira yaka na malambo a vang'ono, munoza murendjeye nyo ahiyana a matapa. Mwasiwa miratchi da uva kannavaha yengo. Eto jovaha jatene ja mmindani kajinakalamo wene. 11Ngurumelani nyo ahiyana opolrolra. Rendjeyani nyo atu ovitukulela. Wungulani jowara jenyu eto muware masakwi mmwinini mwinyu. 12Muvigugude vamirimani venyu mwasiwa minda da teya yapama dihimala nongeya vamohi na miratchi dovaha. 13Tchoira teya ya ilambo ya atwaga nnamelamo ti minga na makaruwe. Eto mukayena kumbanya zela nyumba mwakala atu ohagalala na sidadi yoteyela. 14Tchoira nyumba ya umwene imala hiyiwa eto sidadi mwali atu pwi kamuli mutu. Mikuma diwa na nyumba diwa dolapa da gwarda nnokala pawo dovolowa anavinyama kala no kala. Aburu a mukokolani anoza kahagalalegemo eto jifuwo ja vande nnerege dja mwemule.
15Jinoireya eno ante siku Mulugu unafuna liye muruma Munemba waye okumela zulu. Pa evo ilambo ya kokola inafuna atu sanduwa ira ikale teya yapama. Minda datene nnoza divahe jovaha jokala ha mitengo da muguguruni. 16Evale matongelo a ibaribari anoza kafwanyeye mukokolani. Upama eto unoza ufwanyeyege muwari mwa minda dovaha pama. 17Evale atu kairagana upama, mwilamboni munokala murendele. Eto muwari mwa upama, ilambo inakala yomiyalene eto yowendelana kala no kala. 18Atwaga anokala mmavande muwa mwa murendele. Anokala muwari mwa ilambo yovuma mopwaseya jiwa. 19Guguru inoza inongiwe na maralaza eto sidadi yatene inoza igwihiwe ira ikale vati. 20Orelihiwa ba atu anno anazala minda diwa wandamelana mihindje eto anaahiya aburu na ng'ombe diwa wendaga mofuna muwa didjaga mwatene mwene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral