Izaiya 12
12
Mazu omutamalela Yehova
1Siku neno kada mutu muwari mwa nyo unoza awongege ira: <<Nnoutamalelani so Yehova, tchoira mwagaditakaleliwile, takaleliwa wenyu wohofiyeda mala. Eto muhuwanda dilimbiha. 2Kaing'anani Mulugu gu Nvulusi waga. Nnerege muroromela liye eto kilivo inaova miyo, mwasiwa Nabwiya Yehova ti kopolo nnadilimbiha miyo. Gu liyene unafuna miyo muimbela. Gu liyene unadivulusa.>>
3Munerege dowa mohagalala ira mwarungege mahindje okumela visime dovulusa.#12:3 mahindje okumela visime dovulusa: Ku wonga atu anokana hagalala zela vulusiwa wewa nnga maliba ntona ahagalalaga zela mahindje odidila unang'wa liye. 4Siku neno munoza muwongege ira: <<Mmutamalele Yehova, mmuitane na nzina naye, mulaleye joira jaye muwari mwa malogo matene, muvweyihe ira nzina naye toteteliwa. 5Mmuimbele Yehova nyumbo domutamalela mwasiwa liye oirana jengo jilukulu. Joira jaye jiiziweye mwilamboni mwatene ya vati. 6Imbani mokuwa nyo akuda Siyawu mwasiwa Mulugu Otchena wa Izarayeli unairana ja kopolo muwari mwa nyo.>>
Currently Selected:
Izaiya 12: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
