Ezodu 4
4
Mulugu ohonvaha Mozeji kopolo doirana jionihedo
1Evale Mozeji ohowakula ira: <<So mbwenye dafiya wewule, aIzarayeli kiza kadiroromela eto kiza kavwa yowonga yaga. So aliwa kadivwa, anodiwakula ira: <Yehova kautwanyuwele.> >> 2Yehova ohonfukaga Mozeji ira: <<Inna we mmandani mwawo tchi nni?>> Mozeji ohowakula, liye ira: <<Dinna miyo ila ikumbuzo.>> 3Yehova kwi: <<Katatilela vati vo.>> Agatatilele vati, ikumbuzo ile yohosanduwaga kala nyowa. Evale Mozeji ohoroma tawa nyowele. 4Evale Yehova ohomuruma Mozeji ira: <<Katapula muwono wawo uhinde mwilani wo.>> Agahindile mwilani ule, nyowele yohosanduwaga kala ikumbuzo akoka. 5Noira eno, Yehova ohowonga eraga: <<Iyo tchi ionihedo yoroma ira aIzarayeli karumele ira uutwanyuwele gu miyo Yehova, Mulugu wa makolo ewa, Mulugu wa Abarahamu, Mulugu wa Izaki, Mulugu wa Jako.>>
6Yehova ohowonga akoka ira: <<Uvolotchihe ndanda nawo mukamizani, uhinde vamirimani vawo vo.>> Mozeji agavolotchihile, agahindile vamirimani vaye, agakumihilevo, ndanda nne nohokana maranya,#4:6 Va kawongaga maranya kinaiziweya pama akala na ibaribari ali urenda wa maranya anaiziweya malambwala. So ndanda na Mozeji nereve kana urenda wa tembe, fiyeda ndanda naye sanduwa kala notchena mbu. Nione eto mazu anafwanyeya Detoronomiyo 24:8. kala notchena nnga ntondje. 7Noira eno, Mulugu ohoira: <<Kawelihedavo ndanda nawo vamirimani vawo.>> Mozeji agawelihedilevo, vofuna kumiha, akumihile ndanda nne nagali nnga mwakalele maningo aye matene. 8Evale Mulugu ohowonga, liye ira: <<Wafiya wewo, aIzarayeli kahafune jouroromela eto kahafune rumela ionihedo yenno yoroma, kaona yanembinli anororomela. 9Mbwenye wafiya, waona kahawandaga roromela kagaonne jionihedo mbinli jo, eto kahavwe yowonga yawo, urunge mahindje a muhindje Nilu, utatilele vati voumma. Mahindje anafuna we tatilela vati ale, anosanduwa, kakale sangiri vati voumma vale.>>
10Noira eno, Mozeji ohomuwakula Yehova eraga: <<Ii, Nabwiya! Miyo kannawanda wonga pama roma wanle pakana penova varomile nyo wonga na miyo namalaba wenyu. Dilive mutu oguguma, kannawanda wonga pama.>> 11Mbwenye Yehova ohomuwakulaga Mozeji eraga: <<Kodi usakanyile milomo da mutu bani? Bani umusakanyile mutu ohowonga, mutu ohovwa, mutu oona, nari ohoona? Kahi miyo Yehova? 12Nona kavenya udowe, tchoira miyo nnoukamiheda wonga, eto nnerege ufundjiha inafunege we wonga.>>
13Mbwenye Mozeji ohowakulaga, liye ira: <<Ii, bwiyeni! Musakulreni mutu mmohiwene unanfuna nyo ira asogolrelre mabasayo, hiya miyo.>> 14Evale Yehova ohotakaleliwa na makalelo ohokala a masika zela Mozeji, liye ira: <<Kodi Arawu wa nlogo na Levi ule, kahi mbalawo? Miyo dihiiziwa ira liye unowanda wonga pama. Liye eni unaza ira agumane na weyo. Liye auona unoziveliwa valukulu. 15Eto weyo unerege kumiha mazu umuwandelege Arawu ira awongege vamalroni vawo. Miyo nnosogolrelra mulomo wawo na mulomo waye eto nnoufundjihani ambinlene yengo munafunege nyo ira. 16Liye unerege dowana jowonga jawo vamentoni va aIzarayeli. Liye unerege wonga mazu awo eto weyo unokala nnga ha miyo Mulugu vamentoni vaye. 17Wadowaga, udowena eto ikumbuzo inafwanyeya mmandani mwawo iyo. Mwa ikumbuzo iyo unerege irana jionihedo.>>
Mozeji ohowelela Ijipitu akoka
18Noira eno, Mozeji ohowelelaga wa moyaye Jetero. Agafiyile wa moyaye ule, ohonvepa eraga: <<Miyo dera diwelele mundulri, daaone abalaga muIjipitu akala na vano kaliwo angumive.>> Moyaye Jetero ohomurumeliha eraga: <<Kadowa mwa murendele.>> 19Mozeji ahanagundeye ilambo ya Midiyani ira adowege Ijipitu, Yehova ohowonga na Mozeji akoka eraga: <<Atu atene anne kafuna upa, kohomala kwawo. Nona tchiye uwelele Ijipitu.>> 20Evale Mozeji ovenya, liye mutukula muhiyanaye na ahimaye anno kafwanyeya kagali anapongwe, agweliha vaburuni, aliwa dowaga ilambo ya Ijipitu. Kagundeyaga, Mozeji ohotukula mmandani mwaye ikumbuzo yenne yamurumile Mulugu ira atukule.
21Yehova ohomuwandela Mozeji, liye kwi: <<Wafiya Ijipitu, udowe wamuonihe Farawu jotikiniha jatene duvahile miyo ira uiregena. Mbwenye miyo nnovandiha murima wa Farawu ira aharumele ira aIzarayeli kadowege.#Ezodu 7:3, 9:12, 10:1,20,27, 11:9-10, 14:4,8,17; Roma 9:16-18 22Yaireya eno, wamuwandele Farawu wire: <Yehova unawonga ira: <<Miyo dihinkana mwanaga oroma unafwanyeya agali aIzarayeli. 23Nnouwandela ira umuhiye mwanaga adowege, aditamalele. Mbwenye weyo wamukondiha mwanaga dowa, bahi eto, nnompa mwanawo murandji baliwa.>> > >>
24Fwanyeya ira mulombwana Mozeji vamohi na muhiyanaye kagali muulrendoni mwewa kadowaga Ijipitu, aliwa kagaimenle nimburo nimohi eni ira kagone, Yehova ohozaga ira ampe mulombwana Mozeji.#4:24 Yehova ohozaga… ira ampe mulombwana Mozeji. Afwase Mulugu afuna ampe Mozeji na mwasa oira liye kafunile muinela mwanaye nnga mwemo mwawongele Mulugu. Tchoira aIzarayeli kohotongiwa na Mulugu ira mwana wa mwanapongwe abaliwa, akana malambo matanu na mararu aineliwe. (Jenesesi 17:12-14) 25Evale muhiyanaye Zipora ohovenyaga liye tukula nibwe noirwa, liye muinelana mwanaye tembe nnakala sogolro wa yano ya ilombwana, liye tukula yenne yamugwadilege liye mwanaye ule amuinelaga, liye sakwinyana manyalo a Mozeji, liye ira: <<Weyo uli mamunaga wa sangiri!>> 26Muhiyanole awongele mazu anne na mwasa omuinela mwanaye ule.#4:25-26 liye sakwinyana manyalo a Mozeji: Muwari mwa iEberewu, kavinaiziweya pama akala anawongiwa ba manyalo a Mozeji owu manyalo a mwanaye. Eto Zipora mazu awonga liye oira: <<Weyo uli mamunaga wa sangiri!>> kinaiziweya pama tapulela uwa. Mbwenye Zipora ohoiziwa yawonga liye. Mwa enne Yehova ohomuhiya Mozeji kampile.
27Yehova ohowonga na Arawu eraga: <<Kavenya udowe isalesaleni ira wagumane na Mozeji.>> Evale Arawu ogundeya, liye nfwanya Mozeji Mwangoni wa Mulugu.#4:27 Mwangoni wa Mulugu unawongiwa gu mwango Sinayi wenno eto unaitaniwa mwango Orebi. (3:1, 18:5, 24:13) Evale Arawu ohomulondjela Mozeji, anvahaga beju. 28Mozeji ohomuwandela mazu matene amulanyedile Yehova ira awongege. Ohomuwandelamo eto jionihedo ejo jamurumile Yehova ira airegena. 29Evale Mozeji na Arawu kovenya, aliwa dowa Ijipitu. Kagafiyile, kohagumanihaga andimuwa atene a Ana Izarayeli.
30Kagamanle gumana, Arawu ohawandela mazu matene Yehova amulanyedile liye Mozeji. Nomala eno, Arawu ohooniha jionihedo vamentoni va aIzarayeli. 31Nomala eno, Ana Izarayeli kohororomelaga mazu a Arawu. Aliwa kohomutamalela Yehova, kaoramihedaga kove diwa vati mwasiwa kohovwa ira: <<Yehova uhuupandani eto umala ona goyi dinna nyo.>>
Currently Selected:
Ezodu 4: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 4
4
Mulugu ohonvaha Mozeji kopolo doirana jionihedo
1Evale Mozeji ohowakula ira: <<So mbwenye dafiya wewule, aIzarayeli kiza kadiroromela eto kiza kavwa yowonga yaga. So aliwa kadivwa, anodiwakula ira: <Yehova kautwanyuwele.> >> 2Yehova ohonfukaga Mozeji ira: <<Inna we mmandani mwawo tchi nni?>> Mozeji ohowakula, liye ira: <<Dinna miyo ila ikumbuzo.>> 3Yehova kwi: <<Katatilela vati vo.>> Agatatilele vati, ikumbuzo ile yohosanduwaga kala nyowa. Evale Mozeji ohoroma tawa nyowele. 4Evale Yehova ohomuruma Mozeji ira: <<Katapula muwono wawo uhinde mwilani wo.>> Agahindile mwilani ule, nyowele yohosanduwaga kala ikumbuzo akoka. 5Noira eno, Yehova ohowonga eraga: <<Iyo tchi ionihedo yoroma ira aIzarayeli karumele ira uutwanyuwele gu miyo Yehova, Mulugu wa makolo ewa, Mulugu wa Abarahamu, Mulugu wa Izaki, Mulugu wa Jako.>>
6Yehova ohowonga akoka ira: <<Uvolotchihe ndanda nawo mukamizani, uhinde vamirimani vawo vo.>> Mozeji agavolotchihile, agahindile vamirimani vaye, agakumihilevo, ndanda nne nohokana maranya,#4:6 Va kawongaga maranya kinaiziweya pama akala na ibaribari ali urenda wa maranya anaiziweya malambwala. So ndanda na Mozeji nereve kana urenda wa tembe, fiyeda ndanda naye sanduwa kala notchena mbu. Nione eto mazu anafwanyeya Detoronomiyo 24:8. kala notchena nnga ntondje. 7Noira eno, Mulugu ohoira: <<Kawelihedavo ndanda nawo vamirimani vawo.>> Mozeji agawelihedilevo, vofuna kumiha, akumihile ndanda nne nagali nnga mwakalele maningo aye matene. 8Evale Mulugu ohowonga, liye ira: <<Wafiya wewo, aIzarayeli kahafune jouroromela eto kahafune rumela ionihedo yenno yoroma, kaona yanembinli anororomela. 9Mbwenye wafiya, waona kahawandaga roromela kagaonne jionihedo mbinli jo, eto kahavwe yowonga yawo, urunge mahindje a muhindje Nilu, utatilele vati voumma. Mahindje anafuna we tatilela vati ale, anosanduwa, kakale sangiri vati voumma vale.>>
10Noira eno, Mozeji ohomuwakula Yehova eraga: <<Ii, Nabwiya! Miyo kannawanda wonga pama roma wanle pakana penova varomile nyo wonga na miyo namalaba wenyu. Dilive mutu oguguma, kannawanda wonga pama.>> 11Mbwenye Yehova ohomuwakulaga Mozeji eraga: <<Kodi usakanyile milomo da mutu bani? Bani umusakanyile mutu ohowonga, mutu ohovwa, mutu oona, nari ohoona? Kahi miyo Yehova? 12Nona kavenya udowe, tchoira miyo nnoukamiheda wonga, eto nnerege ufundjiha inafunege we wonga.>>
13Mbwenye Mozeji ohowakulaga, liye ira: <<Ii, bwiyeni! Musakulreni mutu mmohiwene unanfuna nyo ira asogolrelre mabasayo, hiya miyo.>> 14Evale Yehova ohotakaleliwa na makalelo ohokala a masika zela Mozeji, liye ira: <<Kodi Arawu wa nlogo na Levi ule, kahi mbalawo? Miyo dihiiziwa ira liye unowanda wonga pama. Liye eni unaza ira agumane na weyo. Liye auona unoziveliwa valukulu. 15Eto weyo unerege kumiha mazu umuwandelege Arawu ira awongege vamalroni vawo. Miyo nnosogolrelra mulomo wawo na mulomo waye eto nnoufundjihani ambinlene yengo munafunege nyo ira. 16Liye unerege dowana jowonga jawo vamentoni va aIzarayeli. Liye unerege wonga mazu awo eto weyo unokala nnga ha miyo Mulugu vamentoni vaye. 17Wadowaga, udowena eto ikumbuzo inafwanyeya mmandani mwawo iyo. Mwa ikumbuzo iyo unerege irana jionihedo.>>
Mozeji ohowelela Ijipitu akoka
18Noira eno, Mozeji ohowelelaga wa moyaye Jetero. Agafiyile wa moyaye ule, ohonvepa eraga: <<Miyo dera diwelele mundulri, daaone abalaga muIjipitu akala na vano kaliwo angumive.>> Moyaye Jetero ohomurumeliha eraga: <<Kadowa mwa murendele.>> 19Mozeji ahanagundeye ilambo ya Midiyani ira adowege Ijipitu, Yehova ohowonga na Mozeji akoka eraga: <<Atu atene anne kafuna upa, kohomala kwawo. Nona tchiye uwelele Ijipitu.>> 20Evale Mozeji ovenya, liye mutukula muhiyanaye na ahimaye anno kafwanyeya kagali anapongwe, agweliha vaburuni, aliwa dowaga ilambo ya Ijipitu. Kagundeyaga, Mozeji ohotukula mmandani mwaye ikumbuzo yenne yamurumile Mulugu ira atukule.
21Yehova ohomuwandela Mozeji, liye kwi: <<Wafiya Ijipitu, udowe wamuonihe Farawu jotikiniha jatene duvahile miyo ira uiregena. Mbwenye miyo nnovandiha murima wa Farawu ira aharumele ira aIzarayeli kadowege.#Ezodu 7:3, 9:12, 10:1,20,27, 11:9-10, 14:4,8,17; Roma 9:16-18 22Yaireya eno, wamuwandele Farawu wire: <Yehova unawonga ira: <<Miyo dihinkana mwanaga oroma unafwanyeya agali aIzarayeli. 23Nnouwandela ira umuhiye mwanaga adowege, aditamalele. Mbwenye weyo wamukondiha mwanaga dowa, bahi eto, nnompa mwanawo murandji baliwa.>> > >>
24Fwanyeya ira mulombwana Mozeji vamohi na muhiyanaye kagali muulrendoni mwewa kadowaga Ijipitu, aliwa kagaimenle nimburo nimohi eni ira kagone, Yehova ohozaga ira ampe mulombwana Mozeji.#4:24 Yehova ohozaga… ira ampe mulombwana Mozeji. Afwase Mulugu afuna ampe Mozeji na mwasa oira liye kafunile muinela mwanaye nnga mwemo mwawongele Mulugu. Tchoira aIzarayeli kohotongiwa na Mulugu ira mwana wa mwanapongwe abaliwa, akana malambo matanu na mararu aineliwe. (Jenesesi 17:12-14) 25Evale muhiyanaye Zipora ohovenyaga liye tukula nibwe noirwa, liye muinelana mwanaye tembe nnakala sogolro wa yano ya ilombwana, liye tukula yenne yamugwadilege liye mwanaye ule amuinelaga, liye sakwinyana manyalo a Mozeji, liye ira: <<Weyo uli mamunaga wa sangiri!>> 26Muhiyanole awongele mazu anne na mwasa omuinela mwanaye ule.#4:25-26 liye sakwinyana manyalo a Mozeji: Muwari mwa iEberewu, kavinaiziweya pama akala anawongiwa ba manyalo a Mozeji owu manyalo a mwanaye. Eto Zipora mazu awonga liye oira: <<Weyo uli mamunaga wa sangiri!>> kinaiziweya pama tapulela uwa. Mbwenye Zipora ohoiziwa yawonga liye. Mwa enne Yehova ohomuhiya Mozeji kampile.
27Yehova ohowonga na Arawu eraga: <<Kavenya udowe isalesaleni ira wagumane na Mozeji.>> Evale Arawu ogundeya, liye nfwanya Mozeji Mwangoni wa Mulugu.#4:27 Mwangoni wa Mulugu unawongiwa gu mwango Sinayi wenno eto unaitaniwa mwango Orebi. (3:1, 18:5, 24:13) Evale Arawu ohomulondjela Mozeji, anvahaga beju. 28Mozeji ohomuwandela mazu matene amulanyedile Yehova ira awongege. Ohomuwandelamo eto jionihedo ejo jamurumile Yehova ira airegena. 29Evale Mozeji na Arawu kovenya, aliwa dowa Ijipitu. Kagafiyile, kohagumanihaga andimuwa atene a Ana Izarayeli.
30Kagamanle gumana, Arawu ohawandela mazu matene Yehova amulanyedile liye Mozeji. Nomala eno, Arawu ohooniha jionihedo vamentoni va aIzarayeli. 31Nomala eno, Ana Izarayeli kohororomelaga mazu a Arawu. Aliwa kohomutamalela Yehova, kaoramihedaga kove diwa vati mwasiwa kohovwa ira: <<Yehova uhuupandani eto umala ona goyi dinna nyo.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral