Ezodu 3
3
Mulugu ohomuitana Mozeji muwari mwa nikupu nohinda munlo
1Tempu yenno, Mozeji adjiha jifuwo ja moyaye Jetero,#3:1 Jetero nari Reuweli. Mutu mmohive, anna mazina menli. namakuta wa ilambo ya Midiyani. Siku nimohi, agatukunle jifuwo jile, ohowendana fiyeda mavirelo wa nzuwa wa isalesale, ante liye fiya Orebi wewo uli mwango wa Mulugu.#3:1 Orebi ali nzina na mwango afwanyeya ilambo ya Sinayi. Mwango ule aitaniwa na nzina na mwango wa Mulugumwasiwa kagakumile, ali wewo Mulugu agumanne liye na Mozeji na aIzarayeli aawandelaga malamulo na makalelo omanga Musasa wa Yehova. 2Mwa enne Mungelro wa Yehova ohomutwanyuwela Mozeji muwari mwa nlumi na munlo vanikupuni. Mozeji ule againg'anne, ohoona nikupu nihindaga munlo, mbwenye nikupu niwa kanajaga. 3Evale Mozeji ohoumbuwelaga eraga: <<Matikiniho nni anaireya eva? Nikupu hindaga munlo eto nikupu niwa kannaja. Nnafuna dikwivelevo ira daonetchetche pama.>>
4Yehova Mulugu agaonne ira Mozeji unakwivela vanikupuni vale, ohomuitanaga vari va nikupu,#3:2-4 Mazu a vs 2 anawonga ira: mungelro wa Yehova ohomutwanyuwela Mozeji. Eto va vs 4 nnavwa ira: Yehova Mulugu… ohomuitanaga vari va nikupu. Inakala nnga mungelro wa Yehova na liyene gu Mulugu. Amohiwa anaumbuwela ira Mozeji amuona mungelro azaga, mbwenye muwari mwa mungelro, azile kaali mungelro opandutchiwa na Mulugu, mbwenye alive Mwana Mulugu. Tchoira Juwawu 1:18 unawonga ira kalivo uromile muona Mulugu Baba. Mbwenye uwandile aoniha atu ibaribari zela Mulugu Baba gu Mwana Mulugu wenno uvahiwe nzina na Yesu agali mwilamboni ya vati. Yesu mwinnya ohowonga ira: <<Abarahamu ahanakalewo, miyo dili.>> (Juwawu 8:58) Ku wonga Yesu ahanabaliwe, ohokana mabasa ahinda liye. Zela makalelo amohive mungelro wa Yehova oneyaga nnga Yehova, nione eto Jenesesi 16:7-16, 22:15-16, 32:28-29; Jozuwe 5:14-15; Anamasogolrelra 13:15-23. liye ira: <<Mozeji, Mozeji!>> Liye rumela eraga: <<Miyo vano.>> 5Evale Mulugu ohomuwongana eraga: <<Kufiyewo uno. Wungula xineli dawo, mwasiwa nimburo nili we ni, totchena.>> 6Ohowongagave eraga: <<Miyo dili Mulugu wa makolo awo, Mulugu wa Abarahamu, Mulugu wa Izaki, eto Mulugu wa Jako.>> Mozeji agavwile eno, ohotawiha kovaye, aovaga ira unamuone Mulugu.
7Evale Yehova ohowongagave eraga: <<Mwa ibaribari, dihiona goyi inna atwaga aIzarayeli mwilamboni mwa Ijipitu. Dihivwa nla wewa na mwasa olabihiwa na aIjipitu. Dihiiziwa ira aliwa annana zuzumihiwa. 8Nona, miyo dihitita ira daavunele atwaga anafwanyeya mmandani mwa aIjipitu, daakumihemo mwilamboni mule, daadowena ilambo yapama na ilukulu wewo uli mukaka na nuwi pwi pwi, ilambo yenno unafwanyeya akuda Kana, aEti, aAmore, aFerizi, aEvi na aJebuzi.#3:8 ilambo yapama inawongiwa tchi ilambo ya Kana. Fwanyeya eto ira muwari mwa ilambo ya Kana kohokalawo atu a malogo madjindji nnga akuda Kana, aEti, aAmore, aFerizi, aEvi na aJebuzi. 9Tchoira nla wa Ana Izarayeli uhufiya wa miyo. Na miyene dihiona tabutchiwa wewa zela aIjipitu jinaairela atu. 10Eni miyo nnouruma weyo ira udowe wa Farawu, waakumihemo atwaga Ana Izarayeli muIjipitu muli atu.>>
11Evale Mozeji ohomuwakula Mulugu eraga: <<Miyo dili ani ira didowe wa Farawu, daakumihemo Ana Izarayeli muIjipitu?>> 12Mulugu ohomuwakula liye ira: <<Miyo nnokala na weyo. Eto ionihedo inafuna miyo uvaha yooniha ira miyo guurumile, tchi ila: Waakumihamo atwaga muIjipitu, munoza muditamalele miyo Mulugu vamwangoni vili hiyo va.>>
13Evale Mozeji ohomuwakulaga Mulugu eraga: <<Davira, dafiya Ijipitu, daafwanya Ana Izarayeli, dera: <Mulugu wa makolo enyu gudirumile wa nyo>, nnga aIzarayeli kadifuka, kera: <Uurumile, nzina naye bani?>, nnga miyo dire bani?>> 14Mulugu ohomuwakulaga Mozeji liye ira: <<MIYO DILI, WENNO DILI. Wadowa, waawandele Ana Izarayeli were: <Udirumile wa nyo gu MIYO DILI.> >>
15Mulugu ohowongave na Mozeji liye ira: <<Wadowa, waawandele Ana Izarayeli, were: <Yehova wenno unafwanyeya agali Mulugu wa makolo enyu, Mulugu wa Abarahamu, Mulugu wa Izaki na Mulugu wa Jako gudirumile za wa nyo.> Tchoira nzina neno ti nzina naga nohomala. Eto ti nzina nnafuna miyo umbuweliwagana na atu anabaliwelegemo musogolro. 16We tchiye. Wafiya waagumanihe andimuwa andimuwa a Izarayeli. Waawandele were: <Yehova, Mulugu wa makolo enyu, Mulugu wa Abarahamu, Mulugu wa Izaki na Mulugu wa Jako guditwanyuwele, liye kwi waawandele ira: <<Miyo dihimala upandani eto dihimala ona jatene jinaireliwa nyo muIjipitu. 17Nona, dihilumbela ira duukumihenimo muIjipitu mwemo munatabutchiwa nyo, dudowenani ilambo yenno unafwanyeya akuda Kana, aEti, aAmore, aFerizi, aEvi na aJebuzi, wewo uli mukaka na nuwi pwi pwi.>> > >>
18Mulugu ohowongagave eraga: <<Wadowa Ijipitu, andimuwa a aIzarayeli anovwa yowonga yawo. Era eno weyo na andimuwa andimuwa a aIzarayeli, muvenye mudowe wa mwene Farawu, mwawonge muire: <Yehova, Mulugu wa hiyo aEberewu gunitwanyuwenle. Nona nnavepa ira munihiye nidowe nawende ulrendo wa malambo mararu ira nifiye muisalesaleni, namukutele mikuto Yehova Mulugu wehu.> >> 19<<Mbwenye dihiiziwa ira wadowa, wawonga eno, Farawu kanarumela ira aIzarayeli kavenyemo mwilamboni mwaye. Ira liye arumele, miyo nnomutonga na ndanda naga na kopolo. 20Na mwasa ohofuna uhiyani, nnoza ditapule muwono naga, daazuzumihe aIjipitu muwari mwa matikiniho aga matene anafuna miyo irana vari vewa. Muwari motongiwa na kopolo, pa evo vanafuna Farawu auhiyeni ira mudowege.
21<<Miyo nnafuna disakanye ira aIjipitu kaufweweleni murima nyo aIzarayeli ira karumele inafuna nyo vepa. Nyo mwakumagamo mwilamboni mwa Ijipitu mule, kamunadowa eno, mwahatukunleve yengo, nari. 22Tchoira kada muhiyana unerege dowa anfwanyege muhiyana nfwaye muIjipitu wenno umuwandamenlena liye nari mulendo uli vande vaye ira anvepege fwaramento dosakanyiwa na parata nari dosakanyiwa na oru vamohi na jowara jejo jinafunege nyo awariha ahiminyu a ahiyana nari a alombwana. Ayo ba makalelo munafuna nyo awaka aIjipitu jorayela jiwa.>>
Currently Selected:
Ezodu 3: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 3
3
Mulugu ohomuitana Mozeji muwari mwa nikupu nohinda munlo
1Tempu yenno, Mozeji adjiha jifuwo ja moyaye Jetero,#3:1 Jetero nari Reuweli. Mutu mmohive, anna mazina menli. namakuta wa ilambo ya Midiyani. Siku nimohi, agatukunle jifuwo jile, ohowendana fiyeda mavirelo wa nzuwa wa isalesale, ante liye fiya Orebi wewo uli mwango wa Mulugu.#3:1 Orebi ali nzina na mwango afwanyeya ilambo ya Sinayi. Mwango ule aitaniwa na nzina na mwango wa Mulugumwasiwa kagakumile, ali wewo Mulugu agumanne liye na Mozeji na aIzarayeli aawandelaga malamulo na makalelo omanga Musasa wa Yehova. 2Mwa enne Mungelro wa Yehova ohomutwanyuwela Mozeji muwari mwa nlumi na munlo vanikupuni. Mozeji ule againg'anne, ohoona nikupu nihindaga munlo, mbwenye nikupu niwa kanajaga. 3Evale Mozeji ohoumbuwelaga eraga: <<Matikiniho nni anaireya eva? Nikupu hindaga munlo eto nikupu niwa kannaja. Nnafuna dikwivelevo ira daonetchetche pama.>>
4Yehova Mulugu agaonne ira Mozeji unakwivela vanikupuni vale, ohomuitanaga vari va nikupu,#3:2-4 Mazu a vs 2 anawonga ira: mungelro wa Yehova ohomutwanyuwela Mozeji. Eto va vs 4 nnavwa ira: Yehova Mulugu… ohomuitanaga vari va nikupu. Inakala nnga mungelro wa Yehova na liyene gu Mulugu. Amohiwa anaumbuwela ira Mozeji amuona mungelro azaga, mbwenye muwari mwa mungelro, azile kaali mungelro opandutchiwa na Mulugu, mbwenye alive Mwana Mulugu. Tchoira Juwawu 1:18 unawonga ira kalivo uromile muona Mulugu Baba. Mbwenye uwandile aoniha atu ibaribari zela Mulugu Baba gu Mwana Mulugu wenno uvahiwe nzina na Yesu agali mwilamboni ya vati. Yesu mwinnya ohowonga ira: <<Abarahamu ahanakalewo, miyo dili.>> (Juwawu 8:58) Ku wonga Yesu ahanabaliwe, ohokana mabasa ahinda liye. Zela makalelo amohive mungelro wa Yehova oneyaga nnga Yehova, nione eto Jenesesi 16:7-16, 22:15-16, 32:28-29; Jozuwe 5:14-15; Anamasogolrelra 13:15-23. liye ira: <<Mozeji, Mozeji!>> Liye rumela eraga: <<Miyo vano.>> 5Evale Mulugu ohomuwongana eraga: <<Kufiyewo uno. Wungula xineli dawo, mwasiwa nimburo nili we ni, totchena.>> 6Ohowongagave eraga: <<Miyo dili Mulugu wa makolo awo, Mulugu wa Abarahamu, Mulugu wa Izaki, eto Mulugu wa Jako.>> Mozeji agavwile eno, ohotawiha kovaye, aovaga ira unamuone Mulugu.
7Evale Yehova ohowongagave eraga: <<Mwa ibaribari, dihiona goyi inna atwaga aIzarayeli mwilamboni mwa Ijipitu. Dihivwa nla wewa na mwasa olabihiwa na aIjipitu. Dihiiziwa ira aliwa annana zuzumihiwa. 8Nona, miyo dihitita ira daavunele atwaga anafwanyeya mmandani mwa aIjipitu, daakumihemo mwilamboni mule, daadowena ilambo yapama na ilukulu wewo uli mukaka na nuwi pwi pwi, ilambo yenno unafwanyeya akuda Kana, aEti, aAmore, aFerizi, aEvi na aJebuzi.#3:8 ilambo yapama inawongiwa tchi ilambo ya Kana. Fwanyeya eto ira muwari mwa ilambo ya Kana kohokalawo atu a malogo madjindji nnga akuda Kana, aEti, aAmore, aFerizi, aEvi na aJebuzi. 9Tchoira nla wa Ana Izarayeli uhufiya wa miyo. Na miyene dihiona tabutchiwa wewa zela aIjipitu jinaairela atu. 10Eni miyo nnouruma weyo ira udowe wa Farawu, waakumihemo atwaga Ana Izarayeli muIjipitu muli atu.>>
11Evale Mozeji ohomuwakula Mulugu eraga: <<Miyo dili ani ira didowe wa Farawu, daakumihemo Ana Izarayeli muIjipitu?>> 12Mulugu ohomuwakula liye ira: <<Miyo nnokala na weyo. Eto ionihedo inafuna miyo uvaha yooniha ira miyo guurumile, tchi ila: Waakumihamo atwaga muIjipitu, munoza muditamalele miyo Mulugu vamwangoni vili hiyo va.>>
13Evale Mozeji ohomuwakulaga Mulugu eraga: <<Davira, dafiya Ijipitu, daafwanya Ana Izarayeli, dera: <Mulugu wa makolo enyu gudirumile wa nyo>, nnga aIzarayeli kadifuka, kera: <Uurumile, nzina naye bani?>, nnga miyo dire bani?>> 14Mulugu ohomuwakulaga Mozeji liye ira: <<MIYO DILI, WENNO DILI. Wadowa, waawandele Ana Izarayeli were: <Udirumile wa nyo gu MIYO DILI.> >>
15Mulugu ohowongave na Mozeji liye ira: <<Wadowa, waawandele Ana Izarayeli, were: <Yehova wenno unafwanyeya agali Mulugu wa makolo enyu, Mulugu wa Abarahamu, Mulugu wa Izaki na Mulugu wa Jako gudirumile za wa nyo.> Tchoira nzina neno ti nzina naga nohomala. Eto ti nzina nnafuna miyo umbuweliwagana na atu anabaliwelegemo musogolro. 16We tchiye. Wafiya waagumanihe andimuwa andimuwa a Izarayeli. Waawandele were: <Yehova, Mulugu wa makolo enyu, Mulugu wa Abarahamu, Mulugu wa Izaki na Mulugu wa Jako guditwanyuwele, liye kwi waawandele ira: <<Miyo dihimala upandani eto dihimala ona jatene jinaireliwa nyo muIjipitu. 17Nona, dihilumbela ira duukumihenimo muIjipitu mwemo munatabutchiwa nyo, dudowenani ilambo yenno unafwanyeya akuda Kana, aEti, aAmore, aFerizi, aEvi na aJebuzi, wewo uli mukaka na nuwi pwi pwi.>> > >>
18Mulugu ohowongagave eraga: <<Wadowa Ijipitu, andimuwa a aIzarayeli anovwa yowonga yawo. Era eno weyo na andimuwa andimuwa a aIzarayeli, muvenye mudowe wa mwene Farawu, mwawonge muire: <Yehova, Mulugu wa hiyo aEberewu gunitwanyuwenle. Nona nnavepa ira munihiye nidowe nawende ulrendo wa malambo mararu ira nifiye muisalesaleni, namukutele mikuto Yehova Mulugu wehu.> >> 19<<Mbwenye dihiiziwa ira wadowa, wawonga eno, Farawu kanarumela ira aIzarayeli kavenyemo mwilamboni mwaye. Ira liye arumele, miyo nnomutonga na ndanda naga na kopolo. 20Na mwasa ohofuna uhiyani, nnoza ditapule muwono naga, daazuzumihe aIjipitu muwari mwa matikiniho aga matene anafuna miyo irana vari vewa. Muwari motongiwa na kopolo, pa evo vanafuna Farawu auhiyeni ira mudowege.
21<<Miyo nnafuna disakanye ira aIjipitu kaufweweleni murima nyo aIzarayeli ira karumele inafuna nyo vepa. Nyo mwakumagamo mwilamboni mwa Ijipitu mule, kamunadowa eno, mwahatukunleve yengo, nari. 22Tchoira kada muhiyana unerege dowa anfwanyege muhiyana nfwaye muIjipitu wenno umuwandamenlena liye nari mulendo uli vande vaye ira anvepege fwaramento dosakanyiwa na parata nari dosakanyiwa na oru vamohi na jowara jejo jinafunege nyo awariha ahiminyu a ahiyana nari a alombwana. Ayo ba makalelo munafuna nyo awaka aIjipitu jorayela jiwa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral