Ezodu 31

Amesilri osakanya Musasa wa Yehova

1Yehova ohowonga na mulombwana Mozeji eraga: 2<<Miyo dihimusakulra mulombwana mmohi wenno unaitaniwa Bezaleli mwana Wuri, muzula wa Huri, wa nlogo na Juda. 3Eto dihimuzaliha Munemba waga ira akayena dodolriso no onelramo na zelru vamohi na toto dolaba mabasa ali matene, 4ira adezenyarigi jinafuna mangiwa, muwari molabana oru, parata vamohi na mukuwa. 5Eto liye unerege gwada mabwe ofuneyetchetcha ira kafungihediwe va yengoni no sema jimiri eto liye gunalabege mabasa matene a umesilri. 6Eto dihimusakulra mulombwana Aoliyabe mwana Ayizamaki, wa nlogo na Dani ira alabege vamohi na liye. Eto dahavaha iwandelo alombwana atene okana dodolriso na wanle ira kasakanye jatene jiurumile miyo, jinafwanyeya jagali ji: 7Musasa Ogumanamo, Kaxa ya Umboni, Tampa Yosembeselrana inafuna kala vazulu va Kaxa ya Umboni, fwaramento datene da musasa, 8meza vamohi na fwaramento diwa datene, yogoromeyavo panti ya oru ohogumanihiwa na yengo imohiwa vamohi na fwaramento diwa datene, ibuwa yotumeyavo jonukela, 9ibuwa ya mikuto dotumeya vamohi na fwaramento diwa datene, basiya nnafuna atu vihuwagamo vamohi na ntiwa niwa, 10jowara josakanyiwa na uyesa, jagali jowara jotchenihiwa ja nguwo jejo jinafuna waraga namakuta Arawu vamohi na ahimaye a alombwana kalabaga mabasa a unamakuta, 11na makura otchenihana jengo, na jengo jonukela para Nimburo Notchena. Jatene jeji aliwa anosakanya na makalelo nnga duwandenle miyo.>>

Sabado otchena vamohi na mabwe menli a Umboni

12Yehova ohomuwandelave mulombwana Mozeji eraga: 13<<Waawandele Ana Izarayeli ira na ibaribari mukoyege masabado aga, tchoira yenno inafwanyeya yagali sinale zela miyo vamohi na nyo, roma nyo na ahiminyu atene anabaliwelegemo musogolro para muiziwege ira miyo dagali Yehova gunautchenihani. 14Mwa eno, mukoyege sabado mwasiwa ti siku notchena para nyo. Mutu wenne unatakaliha sabado, apiwe.#31:14 Mutu wenne unatakaliha sabado, apiwe.Takaliha unawongiwa, ku wonga viringaniha malamulo Mulugu aavahile liye aIzarayeli zela siku na sabado nnga piya na munlo owu laba yengo ili yatene. Nione eto Ezodu 35:3, Numero 15:32-36. Mutu wenno unahinde mabasa ali matene siku neno, agwadiwemo muwari mwa mulogo waye. 15Mulabege mabasinyu muwari mwa malambo matanu na nimohi, mbwenye siku nanetanu na mbinli ti sabado, siku novuma eto ti siku notchena para miyo dagali Yehova. Mutu uli watene unahinde mabasa ali matene siku na sabado, apiwe. 16Nona Ana Izarayeli anerege koya siku na sabado, kaharihegemo zela siku neno nnga yopangana yohomala, roma aliwa vamohi na ahimiwa atene anabaliwelegemo musogolro. 17Mukoya sabado inakala sinale yohomala vari va miyo na Ana Izarayeli. Tchoira miyo Yehova disakanyile ilambo ya zulu na ilambo ya vati muwari mwa malambo matanu na nimohi. Mbwenye siku nanetanu na mbinli, dohovuma.>> 18Evale Yehova agamanle wonga na mulombwana Mozeji mwango Sinayi ule, ohonvaheda mabwe menli a Umboni, kagali mabwe osemiwa nnga matabwa, vevo Mulugu mwinnya valrembile liye na ibuno yaye.

Currently Selected:

Ezodu 31: iLolo

Highlight

Copy

Compare